باسات p7 تفحت سيفيك ( العربيتين ستوك ) :)

[inspiron]

احييك علي الهاشتاجات الرائعة والمعمولة برواقة

Sent from my GT-S5282 using Forum Runner

ههههههههه تسلم يا باشا

حتلاقي حل ان شاء الله

معلش قلة الردود بتعمل اكتر من كده

صباحك قشطة بالياباني

قلة ردود ايه يا ريس بس بلاش الوهم ده :) الردود موجودة ولكن بلا جدوي يا راجل يا طيب ده انتوا علمتوا علي الفيراري قبل كده بالسيفيك هنيجي احنا فيكم ايه بس يا هندسة هههههههههه

صباحك عسل ألماني :)

[inspiron]

انا متاكد جدا ان 1600فى الالمانى ضعيف ولا بيفتح بعد 100 ولا غيرة وتوب سبيد 195 بالعافيه

https://www.youtube.com/watch?v=fWlwvP2vfaw

https://www.youtube.com/watch?v=-y3U1sE5ut0

https://www.youtube.com/watch?v=7E9sYHftp3g

https://www.youtube.com/watch?v=f5f4_CP_9fM

[Mohamedjetta]

اهلا بالاعضاء انا لسه مشترك جديد
بالنسبه ان اي الماني 1600cc بطه بلدي!!!
احنا عندنا جيتا ٢٠١١ شكل القديم وبتسحب جامد اوي وجرايه و بنوصل 190 قشطه اوي وبعد الاوقات اكتر شويه واعلي سرعه وصلنلها كانت 195

[sanhory]

مبدئيا ده جاي يهرج .. هو بيعتل في ايه

https://www.youtube.com/watch?v=fWlwvP2vfaw

11 ثانية !!! ياقوة الله ايه الجبروت ده , احنا بتكلم في ياباني و كوري كمان اقل من 10 ثواني و حضرتك تقولي 11 ثانية

https://www.youtube.com/watch?v=-y3U1sE5ut0

12 ثانية !!! طب ايه بقى ... ينفع كده !!!

https://www.youtube.com/watch?v=7E9sYHftp3g

11 تاني ؟؟؟ و بعدين حنام منك كده
https://www.youtube.com/watch?v=f5f4_CP_9fM

خبي ياباشا الفيديوهات دي , انت بتساعدني اننا نثبت ان الالماني 1600 ضعيف ولا ايه

[sanhory]

اهلا بالاعضاء انا لسه مشترك جديد
بالنسبه ان اي الماني 1600cc بطه بلدي!!!
احنا عندنا جيتا ٢٠١١ شكل القديم وبتسحب جامد اوي وجرايه و بنوصل 190 قشطه اوي وبعد الاوقات اكتر شويه واعلي سرعه وصلنلها كانت 195

اهلا بيك ياباشا
و منور المنتدى

الجيتا حلوه مفيش كلام و بنجيب سرعات طبعا , احنا بس بنقارن بين التجميع في الياباني و الالماني

و بما انك جديد معانا اوعى تفتكر اننا بنتخانق , احنا بنغلس على بعض مش اكتر

[Mohamedjetta]

اهلا بيك ياباشا
و منور المنتدى

الجيتا حلوه مفيش كلام و بنجيب سرعات طبعا , احنا بس بنقارن بين التجميع في الياباني و الالماني

و بما انك جديد معانا اوعى تفتكر اننا بنتخانق , احنا بنغلس على بعض مش اكتر

متشكر ع الترحيب يا باشا الجيتا مظلومه اوي ف حكايه الفتيس و السحب وكده احنا كان عندنا لانسر واعوذ بالله من العوامان وقله الثبات وسحبها مش اوي واي خبطه تلاقي الفوانيس طلعت لبره

[sanhory]

متشكر ع الترحيب يا باشا الجيتا مظلومه اوي ف حكايه الفتيس و السحب وكده احنا كان عندنا لانسر واعوذ بالله من العوامان وقله الثبات وسحبها مش اوي واي خبطه تلاقي الفوانيس طلعت لبره

مفيش شك طبعا في ثبات اصغر عربية الماني

و برضه اللانسر انت اكيد قصدق عالبومة مش مقياس الياباني مع احترامي لملاكها لانها برضه متواضعة في الثبات زي مابتقول

[Mohamedjetta]

مفيش شك طبعا في ثبات اصغر عربية الماني

و برضه اللانسر انت اكيد قصدق عالبومة مش مقياس الياباني مع احترامي لملاكها لانها برضه متواضعة في الثبات زي مابتقول

اكيد اقصد البومه هي عربيه ميزتها مش بتوجع الراس ابداً و دي ميزه حلوه فيها اوي قعدت معانا اربع سنين وتغير حاجات استهلاكيه فقط...... عيب الجيتا خبطات الجير فقط

[hany63]

صباح الفل يا رجالة..الهوندا انضف واشرس سيارة انجبتها المجرة الكونية..الماني مين بس يا جدعان.ده عالم فشلة واللي علمهم صناعة السيارات ملوش ملة..المانيا اصلا حرام..ان فاتنا الياباني مش هيرجع تاني..هات سيفيك وخليك حريك :c_laugh[1]::c_laugh[1]:

هوندا#سيفيك#اليابان#ام الالمان#الوحش#قاهر البنز#sir الصغير#sir الكبير#هاي ريفينج#دخنة بيضة#

طب معلش انا مضطر ارد و احب اقول ان الخلاف في الراءي لايفسد للود قضيه
السيفيك اللي مش عاجباك برقبة ١٠٠ عربيه الماني عامله زي الراجل العجوز اللي بيمشي بالعافيه و برقبه الف عربيه الماني من اللي ركبوا لها تربو عشان ينافسوا الياباني و معرفوش يخترعوا فتيس ليها
تقبل تحياتي

[sala7]

ايه يا شباب نازلين فيا سلخ كدا ليه ههههههههه؟؟؟
مع احترامي للجميع الياباني في يد الجميع صح و لا ههههههههه
لكن الالماني محتاج تتعب شويه علشان تشتريه و تركبه
و بعدي ببساطه passat حطت في الاخر ع الهوندا يعني الناس عماله تهري في ايه بس ؟؟؟؟؟؟؟!!!!!
اما عن الصديق اللي بيقول كلامي ٩٠٪ غلط تعالالي بالسيفيك بتاعه حضرتك و انا اعلم عليك اولاني و تاني و تالت و رابع بالعربيه اللي في توقيعي .

محدش من محبي السيفيك خاصه و الياباني عامه يزعل مني انا برخم بس

[hany63]

ايه يا شباب نازلين فيا سلخ كدا ليه ههههههههه؟؟؟
مع احترامي للجميع الياباني في يد الجميع صح و لا ههههههههه
لكن الالماني محتاج تتعب شويه علشان تشتريه و تركبه
و بعدي ببساطه passat حطت في الاخر ع الهوندا يعني الناس عماله تهري في ايه بس ؟؟؟؟؟؟؟!!!!!
اما عن الصديق اللي بيقول كلامي ٩٠٪ غلط تعالالي بالسيفيك بتاعه حضرتك و انا اعلم عليك اولاني و تاني و تالت و رابع بالعربيه اللي في توقيعي .

محدش من محبي السيفيك خاصه و الياباني عامه يزعل مني انا برخم بس

اخوك ركب الماني من اللي بتقول انك محتاج تتعب و تشتريه و كانت اسوء عربيه شفتها في حياتي و عرفتني قيمة الياباني الصراحه
بيني و بينك الالماني الاصلي ما يخرجش عن بي ام او مرسيدس انما غير كده يبقى الماني درجه تانيه
و ما عاش اللي يزعل منك ياباشا

[JapRuleZ]

احب بردو اوضح نقطه للناس اللى بتقول اليبانى سحب من غير ثبات .... فى نقطه كبيره غايبه عن معظم الناس ... انا لما كان معايا يارس كنت شاريها ب 85 الف جنيه زيرو - العربيه دى الناس بتقول مفيش ثبات بعد ال 120 احب اقولهم تخيل .... تخيل معاك عربيه 1300 cc و ما شاء الله بتجيب 0-100 فى حوالى 10.5 ثوانى و بتوصل 200 زى اى عربيه 1600 و ايه بقى عاليه على الارض و كاوتش 14 و رفيع و هاى بروفايل و عفشه ناعمه غير مجهزة رياضيا بأى شكل كان .... و ده لا يعيب العربيه اطلاقا الموضوع بس انها عربيه للاستخدام داخل المدينه العربيه بالمناسبه لما كنت بسققط نقله عل الرابع كانت بتطلع من كل الفرنساوى ال 1600 ماعدا ال 206 cc و كل الالمانى ال 1600 ما عدا ال 116 و كل الكورى لحد ال 1500 طبعا باسات جولف اكتافيا كل ده لحد 160 170 مش جايب مع اليارس و تشوف علامات الذهول على وشهم ساعات مش مصدقين ...... و طبعا مع التربو خلاص مبقاش ينفع ....بس بجد لو كانت اتظبطت صح كانت ممكن تبقى اسطوره.....

[inspiron]

@hany63

استناد لكلام حضرتك..الباسات اللي مش عجباك دي فانوسها بتمن جوز فوانيس السيفيك :) وخاماتها وعفشتها ووسعها وكمالياتها وقوتها صاج وموتور....وعواااامل أمانها..يخلوا السيفيك تكش علي جنب كده ومتفتحش بقها...الحقيقة اللي مستغرب منه ان حضرتك عارف الكلام ده بحكم انك ركبتها !!! واللي كرهك فيها بس الفتيس اللي سيادتك مستعملتوش صح :) بناء علي توصية الشركة..بفضل الله والله هو الحافظ العربية معايا 15000 كم زي الفل لأني بستعمله صح..ولو لا قدر الله حصل فيه اي حاجة هنقل التجربة بالكامل هنا..ليا تعقيب بسيط..حضرتك عرفت قيمة الياباني.صح.والالماني فيما عدا مرسيدس وبي ام يبقي درجة تانية..بصرف النظر عن الرأي الغريب ده :)

لما اركب عربية سعرها 165 الف جنيه وهي متسواش في نظري 70 الف جنيه واعمل بيها حادثة علي سرعة 60-80 ووش العربية بالكامل يضيع والايرباج ميفتحش !! ولما تصلحها تلقيها مبعجرة زي ما هي لضعف صاجها ! والمصيبة ان ماركتها من المفترض انها كينج اليابان..ده قيمة الياباني ؟؟

ولما تكون وحش الوحوش سيفيك .. 16 كرتونة سيراميك يتشالوا فيها يخلوها تزحف علي الأرض..ونفس الحمولة تتشال في الباسات متهزش منها شعرة..قيمة ياباني بردو ؟؟

القصة مش قصة ياباني ولا كوري ولا الماني ولا بنجلاديشي

القصة في ان كل واحد راكب عربية هي في نظره افحت عربية صمموها علماء الميكانيكا والحركيات بصرف النظر عن نقاط الضعف وبدون اي منطقية وموضوعية..زي ما يتقال كده علي 1600 الماني بطة بلدي عشان بتجيب من 0-100 في 11 ثانية .. ويتقال علي الياباني السيفيك خصوصا انها قاهرة المركبات عشان بتجيبهم في 10-10.5 ثانية...طيب أقول ايه والنبي.

في النهاية علي ارض الواقع صلب الموضوع..الباسات نفخت السيفيك :) وهتفضل تنفخ السيفيك..تقولي اصلها متربنة اصلها متربسة هقولك مليش فيه نفختها :) تقولي اصل سيفيك دي موتورها na nb nc nz هقولك بردو مليش فيه اتنفخت من الباسات.

حاجة اخيرة بقا عشان انا عارف شلة الانس اللي هتيجي توجب في الردود :)

انا لا فارق معايا سيفيك من باسات .. الحمد لله لو قولنا جري الغباوة.هشد الغطا علي الباسات دي تريح يومين وندخل بالسلاح الكاسح..

تحياتي للجميع

[sanhory]

@hany63

استناد لكلام حضرتك..الباسات اللي مش عجباك دي فانوسها بتمن جوز فوانيس السيفيك :) وخاماتها وعفشتها ووسعها وكمالياتها وقوتها صاج وموتور....وعواااامل أمانها..يخلوا السيفيك تكش علي جنب كده ومتفتحش بقها...الحقيقة اللي مستغرب منه ان حضرتك عارف الكلام ده بحكم انك ركبتها !!! واللي كرهك فيها بس الفتيس اللي سيادتك مستعملتوش صح :) بناء علي توصية الشركة..بفضل الله والله هو الحافظ العربية معايا 15000 كم زي الفل لأني بستعمله صح..ولو لا قدر الله حصل فيه اي حاجة هنقل التجربة بالكامل هنا..ليا تعقيب بسيط..حضرتك عرفت قيمة الياباني.صح.والالماني فيما عدا مرسيدس وبي ام يبقي درجة تانية..بصرف النظر عن الرأي الغريب ده :)

لما اركب عربية سعرها 165 الف جنيه وهي متسواش في نظري 70 الف جنيه واعمل بيها حادثة علي سرعة 60-80 ووش العربية بالكامل يضيع والايرباج ميفتحش !! ولما تصلحها تلقيها مبعجرة زي ما هي لضعف صاجها ! والمصيبة ان ماركتها من المفترض انها كينج اليابان..ده قيمة الياباني ؟؟

ولما تكون وحش الوحوش سيفيك .. 16 كرتونة سيراميك يتشالوا فيها يخلوها تزحف علي الأرض..ونفس الحمولة تتشال في الباسات متهزش منها شعرة..قيمة ياباني بردو ؟؟

القصة مش قصة ياباني ولا كوري ولا الماني ولا بنجلاديشي

القصة في ان كل واحد راكب عربية هي في نظره افحت عربية صمموها علماء الميكانيكا والحركيات بصرف النظر عن نقاط الضعف وبدون اي منطقية وموضوعية..زي ما يتقال كده علي 1600 الماني بطة بلدي عشان بتجيب من 0-100 في 11 ثانية .. ويتقال علي الياباني السيفيك خصوصا انها قاهرة المركبات عشان بتجيبهم في 10-10.5 ثانية...طيب أقول ايه والنبي.

في النهاية علي ارض الواقع صلب الموضوع..الباسات نفخت السيفيك :) وهتفضل تنفخ السيفيك..تقولي اصلها متربنة اصلها متربسة هقولك مليش فيه نفختها :) تقولي اصل سيفيك دي موتورها na nb nc nz هقولك بردو مليش فيه اتنفخت من الباسات.

حاجة اخيرة بقا عشان انا عارف شلة الانس اللي هتيجي توجب في الردود :)

انا لا فارق معايا سيفيك من باسات .. الحمد لله لو قولنا جري الغباوة.هشد الغطا علي الباسات دي تريح يومين وندخل بالسلاح الكاسح..

تحياتي للجميع

جالك اول انيس

اهدى بس كده يا باشا صحتك مش كده احنا حنموت نفسنا عشان شوية صاج

والنبي سيفيك ايه اللي تتقارن ب باسات دي , طب دا حتى عيبه في حق الباسات لما تتقارن بالسيفيك

هو اخبار الباسات ايه لو اتحطت جمب صديقاتها في نفس الفئة هوندا اكورد ولا نيسان مكسيما ولا مازدا 6 ولا سوبارو ليجاسي يالهوي ياجدعاااااااان كلبة واقفة جنب وحوش

[amgomaa]

لا انا حاسس ان الهزار ابتدى يقلب بجد صلوا على رسول الله ده الموضوع كله مليان من اوله لاخره احلى واجدع ناس

Sent from my GT-S5282 using Forum Runner