افضل ميكانيكى للبيتلز من واقع التجربه افيدونا

[aelmostafa76]

السلام عليكم
دا مكانه على جوجل

شكرا جزيلا ربنا يكرمك

http://maps.google.com/maps?f=q&hl=e...00824&t=h&z=17

أنا متشكر جدا ربنا يباركلك

[aelmostafa76]

مواعيد العمل

يا ريت بأه تكملوا جميلكم و تقولولي مواعيد العمل في الورشة دي من الساعة كام لغاية الساعة كام و يوم الأجازة بتاعهم ايه ؟؟؟
و شكرا

[أحمد سالم]

النهارده دخل معانا عضو جديد لنادى البيتلز
هو من اعز اصدقائى لسه مشترى عربيه 1302
انا هشوفه النهارده باليل وان شاء الله اخليه يعمل يوزر فى المنتدى
ويدخل معانا نادى اصدقاء البيتلز
هو الاخ محمود زينهم
انتظروه قريبا

[ahit]

السلام عليكم

الحاج محمد على شغال طوال الأسبوع من 12 ظهراً حتى 11 مساءاً عدا الأحد أجازة

و مرحباً بكل عضو جديد للبيتلز

:k4:

[maraaawan]

يا جماعه رقم موبايل الحاج محمد على مغلق باستمرار وتلفون ورشتةجرس وماحدش بيرد افيدونى لو معاكم رقم جديد لة بيرد

[ahit]

السلام عليكم

دا رقم إبنه عمرو : 0166552904

و لو ماقدرتش توصله كلمنى
أحمد حسن : 0100058284

شكراً

[أحمد سالم]

عايز اقول حاجه بسيطه بس ياريت الاخ احمد حسن مايزعلش منى
ياجماعه ياريت اى حد اتعامل مع الناس اللى احنا قلنا عليهم يقولنا رئيه علشان الكل يستفاد احنا فى الاخر يهمنا اننا نلاقى افضل خدمة وفى نفس الوقت نحارب استغلال الصنايعيه
طبعا عن تجربة انا عديت على السروجى اللى هو تقريبا اسمة الاسطى مصطفى السروجى
سئلته على فرش ارضية العربيه والله مش فاكر ساعتها قال كام بالظبط لاكن لقيته مبالغ جدا فى السعر وطبعا قلت له شكرا ومشيت وروحت نازل على المناصرة جايب جلد صناعى لونه اسود وجايب علبة كله كبيره وجبت قطر ومقص ورحت شايل الموكيت اللى كان راكب عندى وقاصص على مقاساته بالظبط الجلد الجديد وروحت جايب لاك حرارى وداهن ارضية العربيه من الداخل ولما نشف رحت داهن الارضية بالكله ورحت لازق الجلد الموضوع اخد معايا مجرد ساعات وماكلفنيش خالص وجبت حاجه على زوقى
طبعا انا مش بتكلم على الراجل فى جودة شغله انا بس بتكلم على حاجه مهمة ان فى حاجات بتتعمل فى العربيه مالهاش سعر محدد بيبقى على مزاج الصنايعى واحانا بنحاول جاهدين اننا نقول للصنايعيه اننا عارفين كل حاجه تقريبا تساوى كام
ونحارب الاستغلال
ده توضيح مش اكتر
اما الحاج محمد على الله يبارك له عمرى ماحسيت عنده انه بيستغلنى واهم حاجه انه بيشتغل بضمير

[أحمد سالم]

طبعا الحاج سعيد الكهربائى برده اتعاملت معاه هو راجل محترف ماشاء الله عليه
لاكنى سئلته على سعر الدينامو بتاع البيتلز
قالى انه استيراد بيعدى 700/800 جنيه
سئلت عليه مره تانيه فى فيصل لقيته ب 350 جنيه
ده برده للتوضيح مش اكثر

[ahit]

السلام عليكم

طبعاً مفيش زعل من تبادل الآراء و عشان كدا الموضوع دا مفتوح
بالنسبة للناس اللى أنا تعاملت معها كانت ناس أمينة و ممتازة فى الصنعة
و أنا ماليش مصلحة من إن الناس تروحلهم أو لأ
أنا جربتهم فى شغل خاص بعربيتى و ممكن يكون نفس الشغل فى عربية تانية بس حالتها محاجة توضيب أكتر و تكون المصنعية أغلى
و كمان إحنا لازم نفاصل و كمان مانبخس بالناس أشيائهم

و كمان فى غيرهم كتير بس أنا ماجربتهمش و كل صنايعى بيقيم شغله حسب ماهوا شايف

بالنسبة للحاج سعيد الكهربائى
أنا أول مره أتعامل معاه وفرلى ثمن مفتاح الإشارات و النور العالى و الواطى و صلحه و طلب 40 جنية و إديته 30 جنية و كان و الحمد لله مرضى مع إنى سألت كهربائية كتير عن تصليح المفتاح دا و قالولى ماينفعش و لازم تجيب واحد تانى
و كمان عمل شوية شغل تانى زى تركيب فانوس Stop خلفى بوصلاته و سله و غيرلى لمض محروقة و رجلاش للنور العالى و الواطى و لمبة المارشدير و خد 10 جنية
من وجهه نظرى الشغل دا كله مايقلش عن 80 أو 100 جنية و هو خد منى 40 جنية إجمالى بالإضافة إلى صبره و نظافته و زوقه

و الحاجات دى مهمه جداً فى أى صنايعى و المصنعية نسبية من عمل إلى آخر

و بالنسبة للدينامو هو فعلاً فيه نوعين كبير لا يحتاج كتاوت بجانب البطارية و دا سعره غالى جداً و بيختلف من الإستيراد للجديد
و فيه نوع صغير سبياً عن الأول لازم يركبله كتاوت و دا سعره قليل يعنى نصف سعر الأول تقريباً بس له مشاكل.

و بالمناسبة كنت طلبت منه مارش عاده للبيتلز أصل المارش اللى عندىكبير بتاع أوتوماتيك و مالوش قطع غيار و هو قالى نفك القديم و نشوفه الأول يمكن نعالج الحكة اللى فيه و لو مانفعش نجيبلوا واحد استيراد من 150 إلى 200 جنية حسب حالته و دا فعلاً تمنه فى اسوق لأنى كنت سألت عاليه قبل كدا

و بلنسبة للأسطى مصطفى السروجى
بردو أنا أول مرة أتعامل معاه بس بعد ماكنت روحت لكذا سروجى أسأل عن أسعار و حاجات محتاج أعملها و بعد ماروحت لمصطفى السروجى عاملى شوية شغلسألت عليه بره قالولى 50 جنية و عملتو عند الحاج مصطفى بعشرين جنية بعد ما طلب 30 جنية
و دا و الله اللى حصل
و كمان فيه حاجه مهمة خلتنى أثق فيه هو و إبنه أحمد
كنت عاوز أركب الكاوتشة اللى بتشد الكنبة الخلفية لفتحها و طابتها منه و جهزلى واحده و عند التركيب قالى دى راكبة و طلعهالى ببلاش واحد غيره كان قالى أنا ركبتها و خد حقها , مع إنى سألت على الكاوتشة الأصلية بره لقيتها بـ 30 جنية بعد الفصال و الله

على العموم الموضوع دا مفتوح للنقاش و تبادل الآراء و الخبرات و أن قلت تجربتى يمكن حد يستفيد منها م مفيش أى شخص مغصوب على التعامل مع الناس دى أو عدم التعامل معهم
كذلك الحال بالنسبة للحاج محمد على فه ميكانيكيه غيره أرخص شوية صغيرة بس مش بنفس الجودة و لا النظافة و متهايقلى ناس كتير مجربة المضوع دا
و ممكن الواحد يسأل الأول عن الأسعار و طريقة العمل و بعدين يقارن و يحدد هو هايشتغل عند مين سواء ميكانيكى أو سروجى أو كهربائى

و الله المستعان و ربنا يوفقنا إلى ما يحبه و يرضاه
و هذا العمل كله لوجه الله تعالى ولا نريد منكم جزاءاً ولا شكورا

[أحمد سالم]

الاخ الفاضل الاستاذ احمد حسن
انا وانت نسعى للصالح العام ولن نقول ان فلان كويس من غير مايكون كويس فعلا
وكويس ان بقى فى اهتمام بالموضوع وعدد المشاهدات ده والمناقشه السابقة بيننا دى شيء مفيد لينا كلنا
وطبعا انت ياباشا استاذنا

[koka99006]

ااااااااااااااااااااااااااااااااااااااااااااااهـ
فعلا جيتو على الوجع
انا من معذبي الاسكندرية
مقروص من كل الصنايعة بتوع البيلتز ( لدرجة كنت فعلا بفكر في التخلص منها )

افيدوني لو تعروفوا حد في الاسكندرية
وعلى فكرة انا لو عجزت حروح للحاج / محمد ( طالما من سبقونا شكروا فيه )
وشكرا شكرا شكرا
ارجعتم لي الحياة من تاني

[koka99006]

بس يا ريت يكون فعلا
أمين ورخيييييييييييييييييييص

[أحمد سالم]

السلام عليكم
الاخ koka99006
انا عملت الموضوع ده مخصوص علشان نقضى على استغلال الميكانيكيه بالاخص بتوع البيتلز لانى كل واحد جديد بيدخل عالم البيتلز بيعانى من غلاء ميكانيكية البيتلز و المشكلة الكبيره ان اغلبهم مش بيكون فاهم كويس فى العربيه انا طبعا اقصد الميكانيكيه فبيشتغلو فيها اونت وحظك المهم ياخد منك فلوس وخلاص وكمان انا ماوصلتش للحاج محمد على غير بع سنه تقريبا من ما اشتريت العلربيه ومريت على كذا ميكانيكى قبله
لاكن الحمد لله ربنا وفقنا ليه
مادام انت من الاسكندريه هنحاول نساعدك اولا عمرو ابن الحاج محمد على بيدخل للمنتدى كل يوم تقريبا بليل ممكن تطرح عليه مشكلتك
ولو الموضوع كبير شويه ممكن تتصل بالتليفون وتأكد معاد على عم محمد قبل متيجى
وممكن كمان تاخد ايميلى
وايميل الاخ احمد حسن
وتتواصل معانا واحنا ان شاء الله هنساعدك على قد مانقدر
ahmedsalem124@yahoo.com
0102070464

[ihab]

انا بافكر اروح اضبط العربية عنده قبل العيد الكبير و غالبا يوم الجمعة او الوقفة و تبقى فرصة حلوة لو اتفقنا و اتقابلنا عنده هناك
انا معاى بيتلز 1968 سماوى

[amrvw]

hالسلام عليكم الاخ كوكا والاخ ايهاب
اانا عمرو محمد على الميكانيكى بتاع الفوليكس انا تحت امر الجميع والاخ كوكا انا لسه جديد فى النت وهحاول ابقا عند حسن ظنكم ومنتظركم فى الوقفه ومستعد الى جميع خدماتكم انا ووالدى الحج محمد على \ وانا هعمل خصومات مخصوص على شان اعضاء النايل موتورز ولكم معامله خاصه وهذا رقم التليفون 0166552904 العنوان 4 شارع السلام جسر السويس خلف حديقه العرب \الموعيد من الساعه 10 الى 11 مسائا