افضل ميكانيكى للبيتلز من واقع التجربه افيدونا

[El.Hossieny]

و الله يا جماعة انتوا ناس زى العسل

ده من ذوقك يا ايهاب باشا .... ان شاء الله بقي عايزين نشوف هنتقابل امتي كلنا ؟؟؟؟ انا نفسي اشوفكم كلكم

[أحمد سالم]

السلام عليكم ورحمة الله
اخواننا الاعزاء المهتمين بالبيتلز
انا لما فكرت اعمل الموضوع ده سميت الموضوع ( افضل ميكانيكى للبيتلز من واقع التجربه افيدونا ) وطلبت ان كل واحد اتعامل مع ميكانيكى كويس يفيدنا وده كان الغرض من فتح الموضوع لاكن المشكله ان محدش خالص رشح اى ميكانيكى تانى غير الحاج محمد على انا قلت انه كويس من وجهة نظرى لانه افضل من تعاملت معهم فى الضمير لاكن ليس من المعقول انه مافيش حد غيرى قابل ميكانيكى كويس برده قولولنا على ارائكم فى الميكانيكيه اللى بيشتغلو فى البيتلز ودلونا عليهم علشان تعم الفائده على الكل وياريت كمان تقولولنا على الكهربائيه والسمكريه الكويسين وكل واحد يقولنا عن تجاربه
طبعا الافضل المتخصصين فى البيتلز بس
كمان انا سمعت ان البودى الخاص بالبيتلز والمواتير وكل قطع الغيار موجوده فى بورسعيد جديده واستيراد ياريت نسعى للحصول على تليفون احد التجار اللى فى بورسعيد علشان نكلمهم ونعرف الاسعار منهم ونشجعهم لعرض قطع الغيار فى المنتدى كمان ياريت اى حد اشترى قطعة غيار من بره استوردها يعنى على حسابه يقولنا الطريقه
على فكره انا سمعت ان البودى بتاع البيتلز كل الموديلات فى منه جديد فى بورسعيد وسمعت كمان ان فى مواتير بكرتونتها هناك
ارجو الاهتمام منكم

[ahit]

ازيكم ياشباب والله وحشتوني جامد بس والله العظيم غصب عني الفتره اللي فاتت كنت مشغول جدا في الشغل وتوضيب العربيه والحمدلله خصت بس باقي علي شوية فنش بسيط النواكل تظبيط عند محمد علي وهنزلكم الصور علي طول وعلي شوفو هتتقبلو امتي وفين علشان بجد كلكم شباب محترم واخلاق

محمد بركات

السلام عليكم و رحمة الله و بركاته

و الله واحشنا يا محمد باشا , وربنا يعينك فى شغلك و على الصنايعية اللى بتتعامل معاهم.
و مستنيين الصور و الشرح الوافى عن كل اللى عملتو فى عربيتك.
و ربنا يباركلك فيها و تخلص على خير بإذن الله.

[ahit]

السلام عليكم ورحمة الله
اخواننا الاعزاء المهتمين بالبيتلز
انا لما فكرت اعمل الموضوع ده سميت الموضوع ( افضل ميكانيكى للبيتلز من واقع التجربه افيدونا ) وطلبت ان كل واحد اتعامل مع ميكانيكى كويس يفيدنا وده كان الغرض من فتح الموضوع لاكن المشكله ان محدش خالص رشح اى ميكانيكى تانى غير الحاج محمد على انا قلت انه كويس من وجهة نظرى لانه افضل من تعاملت معهم فى الضمير لاكن ليس من المعقول انه مافيش حد غيرى قابل ميكانيكى كويس برده قولولنا على ارائكم فى الميكانيكيه اللى بيشتغلو فى البيتلز ودلونا عليهم علشان تعم الفائده على الكل وياريت كمان تقولولنا على الكهربائيه والسمكريه الكويسين وكل واحد يقولنا عن تجاربه
طبعا الافضل المتخصصين فى البيتلز بس
كمان انا سمعت ان البودى الخاص بالبيتلز والمواتير وكل قطع الغيار موجوده فى بورسعيد جديده واستيراد ياريت نسعى للحصول على تليفون احد التجار اللى فى بورسعيد علشان نكلمهم ونعرف الاسعار منهم ونشجعهم لعرض قطع الغيار فى المنتدى كمان ياريت اى حد اشترى قطعة غيار من بره استوردها يعنى على حسابه يقولنا الطريقه
على فكره انا سمعت ان البودى بتاع البيتلز كل الموديلات فى منه جديد فى بورسعيد وسمعت كمان ان فى مواتير بكرتونتها هناك
ارجو الاهتمام منكم

كلامك سليم يا باشا و الله
و هوا دا اللى إحنا بنعملو دلوقتى أنا و إنت و أحمد الحسينى و هاشم حالياً بإذن الله , يعنى بنحاول نجمع معلومات عن غالبية الصنايعية اللى شغالين فى البيتل بحيث إنها توسع دائرة الإختيار بالنسبة للأعضاء و راحتهم مع الصنايعى و قربه منهم .
و لكن محتاجين مقترحات و أراء أعضاءنا الكرام , بمعنى إن كل واحد يقول رأيو بصراحة فى أى صنايعى عمل شغل عندو و بدون حرج و بأمانة علشان تعم الفائدة لينا جميعاً بإذن الله , و كل عضو يشاركنا ممكن يقول على صنايعى يعرفو أو سمع عنو حتى لو ما جربوش بس يشرحلنا سمع عنه إزاى و توضيح عن اللى سمعوا و كمان لازم نحدد نقاط الضعف و القوة اللى شفناها من الصنايعى , يعنى مثلاً فيه ميكانيكى ممتاز فى ظبط التاكيهات أو الكربراتير و لكن مش كويس فى العفشة و هكذا .
و بهذا الشكل هانكون عملنا قاعدة بيانات لصنايعية البيتل بتوضح تفوق و تميز صنايعى معين فى جزئية معينة فى البيتل سواء كانت ميكانيكا أو سمكرة و دوكو أو سروجى أو كهربا و خلافه و فشله أو عدم تمكنه فى أشياء أخرى .
و كل دا يكون طبعاً لوجه الله أولاً و لخدمة أعضاء البيتل بصفة خاصة و المنتدى بتاعنا بصفة عامة.

و شكراً

[ihab]

انا اتعاملت مع واحد اسمه عم على فى الحرفيين و ده كان من ايام الوالد ( الله يرحمه ) كان بيتعامل معاه و كان شغال فى توكييل الفولكس بس هى المشكلة انه كبير فى السن و مش بيشتغل بايده و النظر كمان بقى ضعيف بس ابنه هناك و معاهم صنايعى اسعارهم ممكن تكون غالية سنة بس كويسين و زى ما قلت لكم اللى هناك دلوقت عم على نفسه ( قاعد بس ) و ابنه احمد و هو شاطر بس بطئ شوية
و اتعاملت مع واحد فى شارع الشرفا اسمه عصام ( و ده ميزته انه جنب البيت ) بس مؤخرا حسيت ان مستواهم انخفض شوية مش عارف ليه جه لى الاحساس ده و ده اللى خلانى رجعت لعم على تانى برغم المشوار
بالنسبة للكهربائية فى واحد اسمه الحاج محمد على فى الحرفيين و ده برضه كان شغال فى التوكيل و برضه اسعاره غالية مش رخيصة بس شغله نظيف
و كان فى كهربائى برضه اسمه ممدوح و ده قريب من شارع مصر و السودان بس هو ما بيفتحش الا بعد الظهر بس و بقالى مده ماروحتلهوش
- بالنسبة للسمع بقى اسمع ان فى واحد اسمه مديح و ده شاطر جدا بس اسعاره غالية و ده انا ما جربتوش و لا اتعاملت معاه و ده فى شارع جسر السويس

[ابوهاشم]

السلام عليكم ورحمة الله وبركاته
انا عرفت من واحد صاحبى معاه بيتلز ان مكان الميكانيكى اللى راحله اخر مره هو عمل عنده نص عمرة تقريبا وغير اسطوانة دبرياش
وبصراحه هو بيشكرلى فيه جدا جدا لدرجة انى اخدته معايا عند الحلج محمد على علشان يظبطلى الفرامل وهو طلب منه برضه حاجات يعملها فى عربيته واحنا ماشيين قاللى ان الحاج محمد على راجل امين وكويس ومش جشع بس مش متمكن فى حاجات كتير فى البيتلزورشحلى الميكانيكى بتاعه بس انا لسه طبعا ماجربتوش لكن قولت اعرفكم
هو اسمه عزب برضه فى جسر السويس خلف حديقة بدر بتلف مع الحديقه وتفضل ماشى شويه لحد متلاقى مزلقان بعد المزلقان هتلاقى مدرسه على الشمال تلف معاها ابقى المدرسه على يمينك وعزب على شمالك وهو مشهور جدا هناك بس مشكلته انه دايما زحمه وعنده شغل كتير وده دليل على انه متمكن وجمبه فى كهربائى بيتلز وفى كمان واحد بتاع شكمانات صاحبى كان غير الشكمان بالكامل بالديول وكلفه حوالى 190 جنيه وكمان فى واحد بتاع قطع غيار استيراد للبيتلز هناك هو مشهور بس انا مش متذكر اسمه حاليا

[أحمد سالم]

السلام عليكم
ايوه كده هو ده الكلام
هو ده المطلوب اشكر الاستاذ احمد حسن
والاستاذ هاشم
والاستاذ ايهاب
وياريت الكل يشارك معانا وياريت كل واحد عمل اى تصليح فى اى جزء فى العربيه يقولنا دفع كام علشان نعرف فين الناس المستغلين وفين الكويسين وياريت لو فى عناوين بالتفصيل او ارقام تليفونات للصنايعيه يبقى تمام
وربنا يوفق الجميع

[ابوهاشم]

انا النهارده اتاكدت من صديقى هو كان غير بستم فى الموتور لان البستم انكسر وطبعا هو غيره عند عزب اللى خلف حديقة بدروطبعا اشترى طقم جوانات كامله للموتور ب55 جنيه وكمان اشترى اسطوانة دبرياش كورى ب80جنيه جديده وماكينة استوب للفرامل ب11جنيهوطلمبة زيت ب135جنيه والحاجات اشتراها من عند واحد جمب عزب بيبيع قطع غيار جديده اسمه محمود عويس وكمان فى واحد تانى جمبه بيبيع جديد اسمه اميل وفى واحد جمبهم برضه بيبيع اى قطع غيار للبيتلز استيراد او استعمال اسمه اسامه علام وهناك فى كهربائى بيتلز اسمه اشرف وفى سروجى للبيتلز مش متذكر اسمه وبتوع اشكمان ابو سريع وعبوده
بس من السؤال والاستفسار عرفت ان عزب ده متمكن جداافى البيتلز وشاطر جدا فى العمرات بس مشكلته انه زحمه لكن عنده صنايعيه كتير شغالين تحت ايده ويارب اكون افدتكم باللى عرفته

[أحمد سالم]

ان شاء الله قريبا ممكن الحاج محمد على يفتح ورشه جديده فى السيده
ده طبعا لو حصل هيوفر علينا المشوار بتاع جسر السويس
على فكره انا قابلت ناس عند الحاج محمد على بيتعاملو معاه من 20 سنه

[hossam2222]

انا بجد مبسوط من الفكره دى وربنا يبارك فيكو وياريت اى حد عنده فكره جديد يقوله

[ihab]

ازيكم ياشباب والله وحشتوني جامد بس والله العظيم غصب عني الفتره اللي فاتت كنت مشغول جدا في الشغل وتوضيب العربيه والحمدلله خصت بس باقي علي شوية فنش بسيط النواكل تظبيط عند محمد علي وهنزلكم الصور علي طول وعلي شوفو هتتقبلو امتي وفين علشان بجد كلكم شباب محترم واخلاق

محمد بركات

يا ريت يا محمد تقولنا عملت ايه و عند مين و كلفت كام
لانى كنت بسال على رفارف استيراد و قالوا لى الطقم يعمل 1200 جنيه و الباب النظيف يعمل 300 جنيه كامل

[أحمد سالم]

السلام عليكم
استاذ ايهاب اولا الف مبروك على شد العربيه
ربنا يباركلك فيها يارب
ارجو من حضرتك تكتب كل اللى صرفته كل كبيره وصغيره بالتفصيل الممل علشان تقلنا على كل المصاريف ويبقى مرجع ليان ان شاء الله

[أحمد سالم]

طبعا انا عملت الشغل اللى فى عربيتى قبل تسليمها للى اشتراها ودى صورها الاخيرة وهى بتتعمل وبعد ماخلصت
انا بتعامل مع سمكرى متخصص بيتلز بس دلوقتى بيشتغل فى كل العربيات حكالى انه قعد 7 سنين يشتغل بيتلز بس
راجل محترم جدا واسعاره هاديه وبيقدر يسمكر العربيه اللى ماينفعش تتسمكر ربنا يباركله


وده تليفونه اسمه الاسطى احمد0109513682
وده عم شكرى 0122681248

[ihab]

السلام عليكم
استاذ ايهاب اولا الف مبروك على شد العربيه
ربنا يباركلك فيها يارب
ارجو من حضرتك تكتب كل اللى صرفته كل كبيره وصغيره بالتفصيل الممل علشان تقلنا على كل المصاريف ويبقى مرجع ليان ان شاء الله

استاذ احمد انا لسه ما شديتش العربية ( سمكرة و دوكو ) انا كنت بأسأل بس على الاسعار قبل ما افكر اشدها لانى عندى شوية بارومة فى الرفارف

[ahit]

استاذ احمد انا لسه ما شديتش العربية ( سمكرة و دوكو ) انا كنت بأسأل بس على الاسعار قبل ما افكر اشدها لانى عندى شوية بارومة فى الرفارف

عمرو زكريا السمكرى اللى بعد محمد على الميكانيكى ممكن يعالجلك البارومة كويس
ممكن تروحلو و تشوف هايقدر يعمل إيه و التكلفة كام؟