افضل ميكانيكى للبيتلز من واقع التجربه افيدونا

[أحمد سالم]

الف شكر للاستاذ hossam2222

[أحمد سالم]

ياريت لو حد يعرف ميكانيكى متخصص بيتلز فى المعادى او قريب منها
يقولنا عنوانه وتليفونه بس يكون مجرب شغله وعارف انه أمين

[ابوهاشم]

حتى الان وبصراحه لايوجد حاجه اسمها افضل ميكانيكى
والظاهر كده اننا مش هنلاقيه بس كل اللى نقدر نعمله انا نتعامل مع كل واحد كويس فى حاجه معينه
والمفروض اننا كلنا نجتمع على كل ميكانيكى اتعاملنا معاه شاطر فى ايه وفاشل فى ايه
بالنسبه لمحمد على ومن خلال تجربتى معاه هو شاطر فى عمل سرفيس للعربيه
تنظيف كاربراتير وتغيير بوجيهات وابلاتين وكوندنسر
لكن ظبط عفشه لالالالالالالالالالالالالالالا
فرامل لالالالالالالالالالالالالالالالالالالا
فتيس لالالالالالالالالالالالالالالالالا
موتور الله اعلم
بالنسبه لجمال عبده فرج اللى فى الفسطاط
هو اصلا مش ميكانيكى ويظهر انه كان فى الاصل عجلاتى
والمصيبه واللى شوفته عنده انه بيفتى كتير جدا وممكن يفكلك عربيتك حته حته علشان
يظبطلك حاجه هايفه
وممكن تلاقى الكاربراتير اللى فى عربيتك مش هو بتاعك وبايظ طبعا
ومش بعيد تلاقى موتور تانى كمان
ومانصحش اى حد انه يعدى من الشارع اللى هو فيه والا ذنبه على جنبه
عزب اللى فى جسر السويس
عمره ماشاء الله من خلال تجربة احد اصدقائى وانا شوفت عربيته بنفسى بعد العمره
لكن بصراحه انا لسه ماتعاملتش معاه فى اى حاجه علشان احكم عليه

[El.Hossieny]

بالنسبه لمحمد على ومن خلال تجربتى معاه هو شاطر فى عمل سرفيس للعربيه
تنظيف كاربراتير وتغيير بوجيهات وابلاتين وكوندنسر

فرامل لالالالالالالالالالالالالالالالالالالا

يا تري يا هاشم باشا انت جربت محمد علي في شغل في الفرامل ؟؟

[ابوهاشم]

ايوه ياباشا وللاسف بدون جدوى

[أحمد سالم]

انا جربت محمد على فى الفرامل وكان شغله ميه ميه
قبل ماابيع العربيه
لانه هو كان كل مره بيشيك على الفرامل مع السرفيس
وبأمنه انا استمريت معاه اكثر من سنه
ومن ساعة ماعرفته مارحتش لحد غيره
مع العلم ان اللى اشترى منى العربيه
طلع والده كان عنده بيتلز زمان
وكان بيتعامل مع محمد على
ولما جم يكشفو على العربيه عند ميكانيكى
وبرغم انهم عارفين ان محمد على انا بتعامل معاه
وعامله الموضوع ده فى المنتدى
والد اللى اشترى العربيه قالى الحاج محمد على صاحبنا من زمان وانا مش هكشف عليها الا عنده
وفعلا رحنا له وهو اللى كشف لهم عليها
وعلى فكرة اللى اشترى منى العربيه لغاية دلوقتى بيتعامل مع الحاج محمد على
والله على مااقول شهيد

[أحمد سالم]

والله يااستاذ هاشم لو انا قدرت اخلى الناس اللى انا عرفتهم على محمد على يكتبو عن تجاربهم معاه وعن شغله وامانته
هتلاقى عدد فعلا كبير
وفعلا ماحدش قال عليه ولا مره اى حاجه
هو بس للامانه مره عمل شغل فى العفشه فى عربية استاذنا احمد حسن لاكن الاستاذ احمد حسن الوحيد اللى اعترض على شغل محمد على فى العفشه
اما باقى الناس كلهم شكرو فيه
انا دلوقتى زى ماكل الاخوة عارفين بعت العربيه البيتلز
وماليش اى مصلحة بامانه
لاكن انا بقول ان محمد على هو افضل الميكانيكيه اللى انا اتعاملت معاهم
لانى اول مااشتريت العربيه الصراحه دوخت وكنت كرهتها فعلا من اول كام شهر لاكن فعلا ماحبيتهاش غير لما روحت لمحمد على
كلمه اخيره
صعب جدا كل الناس تتفق على حاجه واحده
ودى حاجه طبيعيه فى معاملات الناس
لازم هنلاقى فى اختلاف
بس المهم اللى يقيم يقدر يحكم بنسبة اللى اختلفو ونسبة اللى اتفقو
لو نسبة الاتفاق كبيره يبقى الشخص او موضوع الاتفاق جيد
وانا اعتقد ان فى نسبة كويسه اتفقت ان الحاج محمد على شغله تمام
طبعا انا لا اختلف مع الاستاذ هاشم
فهو فعلا من افضل الاصدقاء اللى اتعرفت عليهم عن طريق المنتدى
ونحن خارج هذا النقاش اخوه واصدقاء ولا يوجد بيننا اى خلاف
انا بس حبيت اوضح على ضوء تجربتى
المهم ان الكل يستفاد
وان شاء الله بالتوفيق للجميع

[ابوهاشم]

سالم باشا
ازي حضرتك وحشنى جدا والله
طبعا الاختلاف فى الرأى لايفسد للود قضيه
وانا قولت كلامى ده برضه بحكم تجربه مش من فراغ
انا عملت عند محمد على سرفيس للعربيه وبصراحه كان تمام وزى الفل
لكن كان عندى مشكله فى الفرامل والعربيه كانت بتحدف منى يمين لما ادوس فرامل
وروحتله وبصراحه فى اليوم ده خلانى غيرت حاجات كتير وصرفت فلوس كتير فعلا
ومشيت من عنده ولقيت العربيه فرامل زى ماهى ونفس العيب والمشكله
طبعا بعدها رجعتله تانى تقريبا مرتين لنفس العيب ومافيش فايده
وكمان روحتله مره علشان تظبيط العفشه وكان عندى شغل ظبط زوايا واتزان وقولت اظبط العفشه عنده الاول وفاكر فى اليوم ده انه قاللى انا ظبطلك العفشه ووزنتلك العربيه خلاص مافيش داعى
تروح لبتاع ظبط الزوايا خلاص وطبعا بعد مامشيت لقيت العربيه بتصفر من العجل ويمكن انا حكيت الموقف ده من قبل
وماتحلتش المشكله غير لما روحت لبتاع ظبط الزوايا وهو اللى ظبطها
انا بس حبيت اذكر المواقف دى علشان اوضح انى ماحكمتش عليه من هباء ولكن عن تجربه
انا معاك انه راجل محترم جدا وفاهم كتير فى البيتلز بس بصراحه
زى ماقولت من الاول لسه مافيش ميكانيكى متقن كل حاجه فى البيتلز

[ابوهاشم]

السلام عليكم ورحمة الله وبركاته
اخوانى وحبايبى ملاك البيتلز
تاكيد لكلامى على عدم اعتراضى على محمد على انه ميكانيكى كويس ومحترم
انا لسه جاى من عنده حالا
عملت عنده طقم سرفيس كامل لثقتى التامه انه ممتاز احسن واحد يعمل سرفيس للعربيه
وبصراحه صوت الموتور مش بيكون كويس غير لما اروحله يظبط الكهربا بتاعته
مع تحفظى الشديد بانه برضه مش متمكن فى كل حاجه فى البيتلز
يعنى النهارده بعد عمل السرفيس قولتله شيك على الفرامل وغيرت بليه كانت بايظه
فى العجله الاماميه
وانا مروح قولت اعدى على البنزينه علشان اشحم العفشه بالمره
وبمجرد دخولى لقيت العجله الخلفيه بتدخن وريحة شياط ونزلت جرى لقيته سخنه مولعه
هو طبعا اكيد ضغط على رجلسة الفرامل زياده عن اللزوم
بالمناسبه تكاليف الصيانه النهارده
4 بوجيهات بوش
ابلاتين وكوندنسر
دول سعرهم على بعض 55 جنيه مش فاكركل حاجه لوحدها بكام
40 جنيه مصنعية السرفيس
البليه بالتركيب 50جنيه
10 جنيه تشحيم فى بنزينة موبيل
يعنى كله 155 جنيهولسه هشوف بكره موضوع العجله اللى بتسخن دى

[timonet2020]

هاشم باشا
انا مبسوط جدا انى اتعرفت عليك امبارح عند محمد على ...
انا رحتله امبارح يا جماعة و انا عامل حادثة جامدة شوية
كانت نتيجتها انى هغير الفتيس بالكامل بالسكاكين و الاكس و كلو ....
هما ودونى عند حد بتاع قطع غيار جمبهم هناك و قاللى انو مش موجود بس هيجيبو بوم التلات اللى جاى و هيعمل 800 جنيه ..!
لسه ما اعرفش محمد على هياخد مصنعية ايه ؟ بس اول ما اخلص اكيد هقولوكو على كل التفاصيل و رايى فى التعامل معاه
اما عمرو زكى السمكرى بقى .. !! فبصراحة انا ما ارتحتش لكلامه و حسيت انه عايز يعمل شغل و السلام و كان عايزنى اغير الرفرفين رغم ان واحد منهم سهل جدا استعداله و لما قلتله كدا .. قاللى اه فعلا ده ممكن نحاول فيه ..!!؟ فمن مجمل كلامه انا ما ارتحتش و هبقى اقولكو عملت ايه
---------------------------------------------------
اخوكم تامر عفيفى

[El.Hossieny]

هاشم باشا
انا مبسوط جدا انى اتعرفت عليك امبارح عند محمد على ...
انا رحتله امبارح يا جماعة و انا عامل حادثة جامدة شوية
كانت نتيجتها انى هغير الفتيس بالكامل بالسكاكين و الاكس و كلو ....
هما ودونى عند حد بتاع قطع غيار جمبهم هناك و قاللى انو مش موجود بس هيجيبو بوم التلات اللى جاى و هيعمل 800 جنيه ..!
لسه ما اعرفش محمد على هياخد مصنعية ايه ؟ بس اول ما اخلص اكيد هقولوكو على كل التفاصيل و رايى فى التعامل معاه
اما عمرو زكى السمكرى بقى .. !! فبصراحة انا ما ارتحتش لكلامه و حسيت انه عايز يعمل شغل و السلام و كان عايزنى اغير الرفرفين رغم ان واحد منهم سهل جدا استعداله و لما قلتله كدا .. قاللى اه فعلا ده ممكن نحاول فيه ..!!؟ فمن مجمل كلامه انا ما ارتحتش و هبقى اقولكو عملت ايه
---------------------------------------------------
اخوكم تامر عفيفى

تامر باشا ... اهلا بيك معانا في قسم عشاق البيتل .. و حمد الله علي السلامة من الحادثة ... و بالنسبة لموضوع الفتيس . حاول تسأل عند كذا حد بتاع قطع غيار بيتل عشان ممكن تجيبة بسعر احسن .. و لو ملقتش سعر احسن . حاول تفاصل ممكن برضو تنزل فيه شوية .. و الحاج محمد علي انا عارف انو هيركبهولك كويس ان شاء الله .. بس لازم تكون واقف معاه و تابع اول ب اول ..و تجرب الفتيس بجميع نقلاته و المارشدير كمان عشان تتاكد ان فلوسك مرحتش .. و ان شاء الله ربنا يكرمك ... و متنساش تحكيلنا و تتابع معانا اول ب اول اللي بتعملو في العربية

[ihab]

بالنسبة للفتيس الاستيراد كان الحاج يحيى كمال ( تاجر قطع غيار استيراد ) بيقول ان سعره 700 و ده بالاكسات و الطنابير و ماستر الفرامل و تيل الفرامل

[ahmed2y]

السلام عاليكم

حمد الله على السلامة يا استاذtimonet2020 وبالنسبة لموضوع الفتيس واى قطع غيار تشتريها استيراد او مستعملة ابقى خد بالك ان الحجات دى بتتاخد على التجربة يعنى تركب وتجرب ولو تمام يبقى اوكى مكنش ولا قدلر الله فى حاجة ترجعها وبيبقى متفق على كدة وابقى اسال برضو على الحاجة بتاعتك عن اكتر من واحد عندك اسامة علام وواحد تانى اسمة ماهر واميل ودول فى شارع السد فى جسر السويس ربنا معاك وابقى كمنا عملت اية

[timonet2020]

حسينى باشا و ahmed2y.باشا.. متشكر جدا عالنصايح خصوصا انى اول مرة اعمل حاجة زى كده و مقلق شوية
اسامة علام وواحد تانى اسمة ماهر واميل ودول فى شارع السد فى جسر السويس
ياريت لو فيه عناوين او تليفونات

ايهاب باشا ... يا ريت لو تدينى نمرة و عنوان الحاج يحى كمال

------------------------------------------
اخوكم تامر عفيفى

[ihab]

يحيى كمال قريب من اسامة علام و موبايله 0105616801
و اللينك ده فى عناوين و تليفونات ناس تانيين

http://www.nilemotors.net/Nile/showthread.php?t=59013