عشاق و ملاك البيتلز بالمنتدى

[ahmed azab]

[QUOTE=hashem1999;552526]

طيب بما ان في مشجعين للبيتلز اقدم لكم شوية صور للعربية اللي لسه بايعها من شهرين تقريبا اخوكم لاعيب بيتلز من زمان
العربية كانت موديل 68 1200 سي سي
كنت حاطط فيها
سي دي - تارة اسبور - اربي ام بشيفت لايت - جنوط اسبورATS الماني - زينون عالي وواطي - كراسي ريكارو - سنتر بقا وانذار ومفتاح بريموت
الله اكبر عليها
بعتها بكام دى يانجم

بعتها بالضبط ب 15600 جندي
بس هيا كانت مكلفاني اكتر من كده بكتيررررررر جدا والله

[ahit]

[QUOTE=ahmed azab;552634]

بعتها بالضبط ب 15600 جندي
بس هيا كانت مكلفاني اكتر من كده بكتيررررررر جدا والله

السلام عليكم و رحمة الله و بركاته

طب ليه بعتها بالخسارة كدا مادمت مظبطها على مزاجك و مكلفها كتير؟ و لا شوفت حاجة أفضل؟

[adelmagdy]

صباح الفل يا شباب البيتلز تسمحوا اقدم نفسي ان عادل مجدي واحكيلكو تجربتي مع العربية عندي عربية بيتلز بقالها سنة ونصف في خلال السنة ونصف ما بعملش حاجة غير اني اظبطها واركنها
طبعا في خلال السنة ونصف قعدت اجرب في ميكانيكية علشان اشوف احسن واحد ابقي اصلح عنده وفي الاخر لما لقيتكو في المنتدي بتتكلمو علي الحاج محمد علي قولت لازم اجربه ورحت وعملت طقم السرفيس وعمرو قام بالواجب وقابلت هناك استاذ احمد الحسيني زميلنا هنا وكانت فرصة سعيدة ليا جدا المهم ندخل في اللي عملته في العربية العربية موديل 70 الموتور 1300 سي سي
1-اول ماشتريت العربية كانت لونها احمر بهتان الصراحة لونها ما عجبنيش قعدت افكر هرشها لون عجبني لون الاخضر بتاع النيو بيتلز المهم رحت اتفق علي اني ارشها عند بتاع دوكو اسمه عمرو بيتلز في حديقة بدر
2-غيرت الشنطة اللي ورا علشان كانت من غير هوايات وجبت فوانيس دنماركي اصلي فيميه علشان تليق مع اللون
3-طبعا العربية كانت ناقصة شوية حاجات جبتها من عند الحاج اسامة علام اللي عند حديقة بدر(قربة المياه-زراير التابلوه-النواكل اللي حوالين البيبان-الشراعات-الازاز اللي جنبين....وحاجات كتير مش فاكرها)
4-بعد ما العربية اترشت جبت جنوط اسبور 5 خرم بتاعت الماني مقاسها 16 يعني فحطر اني حخرط طنابير او اركب فلنشات بعد بحث طويل علي النت في مواقع الفولكس لقيت ان احسن حاجة هي الخرط وحبقي اجيبلكو المقالة دي بعدين
5-جبت لها كاوتش سرعات استعمال خفيف علشان الفلوس كانت مخستعة حبتين المهم ركبت الجنوط والعربية بقا شكلها جمييل (المقاس 205|50|16 ) المقاس حلو ورا بس قدام مدايقني شوية علشان العربية بقت كسرت الدركسيوم قليلة شوية
6-رحت بقا للكهربائي علشان يشوفلي لضفيرة لقي الضفيرة مش حلو خدته ورحنة جبنا ضفيرة من الحاج اسامة والكهربائي ظبطها
7-بعد اما خلصت الكهربائي كان فرق الجنط من الرفرف كبير في الطول قولت اهبط العربية علشان يبقي شكلها احسن رحت لميكانيكي في حديقة بدر وطالي العربية من قدام ومن ورا العربية بقي شكلها متناسق
8-ميكانيكا بقي العربية اول ماجبتها كان معمولها نص عمرة بس لما استلمتها كانت بتاكل بنزين اعدت غيرت تلات كاربيراتيرات استيراد لغاية لما جبت واحد كويس في الطالبية والميكانيكي ظبطو وبقا تمام,لما رفعنا العربية علشان نشوف العفشة الميكانيكي قاللي البارات كويسة بس البيض محتاج يتغير رحت غيرته ببيض ماركة ناكاتا بارازيللي وده احسن بيض موجود
9-نييجي بقي للكماليات رحت ركبت سنتر للعربية,وبعد شوية قلت اركب زجاج كهرباء رحت اشتريت اوكر جولف 4 بالتويترات وركبت مكن الزجاج ووفقته مع الاوكر, وبعدين اشتريت سماعات كينوود 300 وات وركبتهم علشان كنت عايز اركب فرش فاستخسرت ارمي فرش علي سلك سماعات مصري فاشتريت السماعات ورميت السلك الاصلي وبعدين فرشت ارضية مستوردة لونها اسود وجبت الهوايات اللي بتقي تحت الباب والكاوتش اللي تحت الباب, بعدين قلت اما اكمل اختراعات رحت خليت بدل ما التانك بيتفتح من جوة يدوي خليت التنك يفتح كهرباء....الخ
*ملحوظات
*العربية بقت ناشفة من ساعة ما وطيتها بس بقت stable بدرجة مرعبة,اللي عايز يوطي ياخد بالو ان العربية حتبقي ناشفة
*العربية إن شاء الله نويت ابيعها علشان جبت عربية جديدة وإن شاء الله هاعرضها في قسم البيع والشراء في المنتدي
*كل حاجة اتغيرت في العربية للاصلي (بوش وهيلا)
*ليا سؤال للاستاذ احمد عزب (ليه حضرتك بعت بالسعر القليل ده مع كل الحاجات اللي ركبتها في العربية )
اسيبكم مع صور العربية

[ahit]

السلام عليكم و رحمة الله و بركاته

مرحباً و أهلاً و سهلاً بالأستاذ/ عادل مجدى
عربيتك ما شاء الله معمول فيها شغل نظيف جداً و شكلها روعة فى اللون البستاج دا بتاع النيو بيتلز .
*بس فى رأى الخاص أعتقد محتاجة شوية تعديلات بسيطة زى تغيير الإكصدام أو تعديله خاصة الخلفى و كمان محتاجة يتحطلها علامة فولكس على الفتحة الموجودة فى الجنط و كمان الفوانيس الأمامية تتلمع و تتنظف كويس مع وش الفوانيس النيكل و كمان الطارة تتغير بطارة فولكس الكابوريا و بعدها هاتكون العربية تحفة حقيقى.

*و كلنا سعداء بالمشاركة الجميلة دى بس يا ريت توصفلنا مكان الحاج/ أسامة علام عشان نعرف نروحلو و يبقى خدمة كبيرة لو تقولنا أسعار الحاجات اللى جبتها من عندو.

*كمان مين الكهربائى اللى تعاملت معاه و يا ترى شغله شكله إيه و مصنعيته بردو؟

*هل عمرو بيتلز هو عمرو زكى السمكرى القريب من الحاج/ محمد على ولا إنت تقصد حد غيره؟

و شكراً جزيلاً مقدماً و ربنا يحسينلك بيعها

[adelmagdy]

شكرا علي مشاركتك يا باشا بالنسبة للاكصدام هو كان في حالته الطبيعة والعربية من كتر ماهي مركونة الي ييجي يركن ورايا لازم ياخد الكصدام معاه مش عارف ليه طبعا انا كنت حاطط مشروع من ضمن مشاريعي شراء اكصدامين والاتفاق مع بتاع الدوكو واشتري الكاوتش بتاع الاكصدام بس للاسف مالقيتش اكصدامات خالص عند الحاج اسامة فئجلت المشروع ,ام بخصوص الالفوانيس اللي قدام دي كان ليها مشروع لوحده كان هيتنفذ في الاخر وهو اني اشتري عدستين (بروجيكتورات مش رنجات) ورش البودي الداخلي للفانوس اسود مط زي العربيات السبور فعشان كده حتلاقي الفوانيس اللي قدام عايزين تنضيف اما بالنسبة لعلامة الفولكس علي الجنوط فانا الكوبايات اللي بتيجي مع الجنوط عندي لكن للاسف ماركبوش والسبب ان الاكس اللي ورا واللي قدام طوال فالكوباية مابتركبش,بالنسبة للدركسيون وده وجهة نظري الشخصية انه جميل كده علشان لما جيت اظبط العربية كنت عايز اخليها كلاسيك وفي نفس الوقت متظبطة كان قدامي دريكسيونات كتير استيراد بس مالقيتش الاسبور الاصلي بتاعها التلاتة دراع فقلت اسيب الدركسيون العربية ده كان في دماغي ليها مشاريع كتيير اوي بس كفاية صرف لحد كده بالنسبة لعمرو بيتلز فده مش عمرو زكي ده ف حديقة بدر عدي المزلقان تخش يمين حتلاقي واحد بتاع كاوتش هوا جمبه والحاج اسامه هتعدي المزلقان برضه بس تخش شمال تمشي في الشارع حتلاقي واحد بتاع مفاتيح هو قدامه

[ahit]

شكرا علي مشاركتك يا باشا بالنسبة للاكصدام هو كان في حالته الطبيعة والعربية من كتر ماهي مركونة الي ييجي يركن ورايا لازم ياخد الكصدام معاه مش عارف ليه طبعا انا كنت حاطط مشروع من ضمن مشاريعي شراء اكصدامين والاتفاق مع بتاع الدوكو واشتري الكاوتش بتاع الاكصدام بس للاسف مالقيتش اكصدامات خالص عند الحاج اسامة فئجلت المشروع ,ام بخصوص الالفوانيس اللي قدام دي كان ليها مشروع لوحده كان هيتنفذ في الاخر وهو اني اشتري عدستين (بروجيكتورات مش رنجات) ورش البودي الداخلي للفانوس اسود مط زي العربيات السبور فعشان كده حتلاقي الفوانيس اللي قدام عايزين تنضيف اما بالنسبة لعلامة الفولكس علي الجنوط فانا الكوبايات اللي بتيجي مع الجنوط عندي لكن للاسف ماركبوش والسبب ان الاكس اللي ورا واللي قدام طوال فالكوباية مابتركبش,بالنسبة للدركسيون وده وجهة نظري الشخصية انه جميل كده علشان لما جيت اظبط العربية كنت عايز اخليها كلاسيك وفي نفس الوقت متظبطة كان قدامي دريكسيونات كتير استيراد بس مالقيتش الاسبور الاصلي بتاعها التلاتة دراع فقلت اسيب الدركسيون العربية ده كان في دماغي ليها مشاريع كتيير اوي بس كفاية صرف لحد كده بالنسبة لعمرو بيتلز فده مش عمرو زكي ده ف حديقة بدر عدي المزلقان تخش يمين حتلاقي واحد بتاع كاوتش هوا جمبه والحاج اسامه هتعدي المزلقان برضه بس تخش شمال تمشي في الشارع حتلاقي واحد بتاع مفاتيح هو قدامه

شكراً على سرعة الرد
بس لو ممكن ليه بردو شوية أسئلة :
1- هل بتتعامل مع كهربائى كويس ؟ و عنوانه ايه ؟
2- أنواع مكونات طقم الكهرباء اللى استخدمته و فرق معاك فى السحب ( أبلتين - كوندينسر - بوجيهات ) ؟
3- نوع الزيت اللى استريحتلو و خلى صوت الماتور هادى و ناعم ؟
4- مين السروجى الكويس اللى تعاملت معاه و أسعاره إيه ؟
5- و ايه هو سعر البيع المبدئى لعربيتك؟
و شكراً

[ahmed azab]

عليكم السلام يا استاذahit
العربية بعتها بالسعر ده وكان اعلي سعر وصلتله وده كان لعد اسباب
اولها البيتلز عموما دلوقتي المعروض فيه كتير جدا واسعاره وقعت مش عارف ليه تقريبا الناس زهقت منها ثانيا العربية كانت موديل قديم خلوا بالكوا من الموضوع ده لانه مهم جدا الي قبل السبعين سعر قليل
وانا كنت زهقت منها لان التهبيط زي ما قال استاذ عادل بينشف العربية جدا فكانت في الاخر عبارة عن طوبة مع العلم اني كنت بمشي بيها والله 140 من غير ولا كلمة وقفلت العداد كذا مرة واصبحت العفشة محتاجة تغيير كامل ده بعد سنة ونص من الاستعمال العادي مع اني كنت مغيرها بجديد اول ماشترتها مساعدين وبيض والخ وطبعا حالة الدهان ابتديت تقل وطبعا اللي بيشتري مبيقدرش المصاريف اللي انت صارفه ولا المجهود اللي اتعمل علشان تبقي بالشكل ده
وانا كنت زهقت من كتر الصرف عليها والتوضيب والمجهود
والاهم بعد ما اتجوزت وربني رزقني بطفل بقيت محتاج عربية اكبر واربع ببان وشنطة لانها في المرحلة دي مهمة جدا انما في الاول وانا لوحدي كانت العملية زي الفل والله كنت عاملها من عالنت بالضبط جوه وبره وطبعا شوية تظبيط من عندي بقي لكن للاسف التظبيط الزيادة اكتشفت انه مش عملي في مصر بالمرة
بالنسبة للصيانة هي اقل عربية ممكن تكون بتروح للميكانيكي طبعا مستعملة كنت بصلح عند واحد اسمه مجدي هو فاتح مع عمرو دوكو هتلاقي عادل باشا عارفه لأن المنطقة دي كل اللي فيها حبايبي جدا من اول اسامة علام وعلي والحاج محمود وايميل لحد عمرو لأن ابويا ساكن في اول الشارع ده فطبعا دي منطقتي تحت سيطرتي فكنت راشق ليل نهار عند عمرو دوكو ومجدي واحنا العائلة كلها بيتلزبس انا اعلنت تمردي مع احتفاظي بكثير الاحترام للعربيات دي لاني اشتغلت في كل حته فيها بأيدي وجربتها في كل المواقف واثبتت كفائة وقوة طبعا
بالنسبة للزيوت اتقل زيت طبعا التعاون وكنت بحط مع كل غيار اي من محسنات الاداء زي زيوت الشنبر لانها بتزود لزوجة الزيت وبخليه يعيش اكتر طبعا
طقم الكهربا تقريبا كله زي بعضه نفس الاداء
يارب مكنش طولت عليكوا
واسف علي تاخر الرد

[ahit]

عليكم السلام يا استاذahit
العربية بعتها بالسعر ده وكان اعلي سعر وصلتله وده كان لعد اسباب
اولها البيتلز عموما دلوقتي المعروض فيه كتير جدا واسعاره وقعت مش عارف ليه تقريبا الناس زهقت منها ثانيا العربية كانت موديل قديم خلوا بالكوا من الموضوع ده لانه مهم جدا الي قبل السبعين سعر قليل
وانا كنت زهقت منها لان التهبيط زي ما قال استاذ عادل بينشف العربية جدا فكانت في الاخر عبارة عن طوبة مع العلم اني كنت بمشي بيها والله 140 من غير ولا كلمة وقفلت العداد كذا مرة واصبحت العفشة محتاجة تغيير كامل ده بعد سنة ونص من الاستعمال العادي مع اني كنت مغيرها بجديد اول ماشترتها مساعدين وبيض والخ وطبعا حالة الدهان ابتديت تقل وطبعا اللي بيشتري مبيقدرش المصاريف اللي انت صارفه ولا المجهود اللي اتعمل علشان تبقي بالشكل ده
وانا كنت زهقت من كتر الصرف عليها والتوضيب والمجهود
والاهم بعد ما اتجوزت وربني رزقني بطفل بقيت محتاج عربية اكبر واربع ببان وشنطة لانها في المرحلة دي مهمة جدا انما في الاول وانا لوحدي كانت العملية زي الفل والله كنت عاملها من عالنت بالضبط جوه وبره وطبعا شوية تظبيط من عندي بقي لكن للاسف التظبيط الزيادة اكتشفت انه مش عملي في مصر بالمرة
بالنسبة للصيانة هي اقل عربية ممكن تكون بتروح للميكانيكي طبعا مستعملة كنت بصلح عند واحد اسمه مجدي هو فاتح مع عمرو دوكو هتلاقي عادل باشا عارفه لأن المنطقة دي كل اللي فيها حبايبي جدا من اول اسامة علام وعلي والحاج محمود وايميل لحد عمرو لأن ابويا ساكن في اول الشارع ده فطبعا دي منطقتي تحت سيطرتي فكنت راشق ليل نهار عند عمرو دوكو ومجدي واحنا العائلة كلها بيتلزبس انا اعلنت تمردي مع احتفاظي بكثير الاحترام للعربيات دي لاني اشتغلت في كل حته فيها بأيدي وجربتها في كل المواقف واثبتت كفائة وقوة طبعا
بالنسبة للزيوت اتقل زيت طبعا التعاون وكنت بحط مع كل غيار اي من محسنات الاداء زي زيوت الشنبر لانها بتزود لزوجة الزيت وبخليه يعيش اكتر طبعا
طقم الكهربا تقريبا كله زي بعضه نفس الاداء
يارب مكنش طولت عليكوا
واسف علي تاخر الرد

السلام عليكم و رحمة الله و بركاته

لا أسف و لا حاجة يا أستاذ/ أحمد
كلنا إخوات فى المنتدى
و شكراً على الرد و المشاركة معانا
و إن شاء الله نستفيد من المعلومات دى و نبقى نجرب الناس اللى زكرتهم حضرتك و الأستاذ/ عادل ... أقصد الصنايعية اللى إتعاملتم معاهم

و فعلاً أنا سعيد إن إنضملنا أعضاء خبرة فى البيتلز

شكراً

[adelmagdy]

يص يا سيدي بالنسبة للكهربائية اول ما نويت اغير الضفيرة طبعا الكهربائية ما بيصدقوا يروح قايلك هاعملك ضفيرة طلقة واسلاك مكرونة الخ الخ الخ اللي يقول 700 والي يقولك 800 تقوله ليه يقولك متر السلك بقي بكذا طبعا فكك من الحوارات ده خالص لسببين اول سبب اينعم الاسلاك هتبقي شغاله معاك طلقة في الاول بس في الاخر حتنشف وهتبقي اوحش من الاصلية تاني سبب ان اكيد المهندس اللي عمل ضفيرة العربية بيفهم احسن من مييت كهربائي علشان المصنع بتاع العربية مثلا بيبقي حاطط سلك معين بتبقي مقاومته معينة المهم بعد استشارات كتيرة من ناس قديمة في البيتلز انك تاخد كهربائي وينقي ضفيرة ويظبطهالك رحت لواحد اسمه اشرف بس الصراحة كان غالي قاللي اركبلك الضفيرة ب250 جنيه ويستحسن انك تعمل ضفيرة طبعا نفضتله المهم قعدت ادور لقيت واحد مش فاكر الصراحة اسمه ايه تقريبا اسمه اشرف قدام ابو سريع بتاع اللحام استاذ عزب اكيد عارفه المهم الراجل قاللي حاخد 150 جنيه قلتله افكر رحت للحاج اسامة علام وسئلتوا عليه قاللي انت روحت للصح واتكل علي الله المهم ركبت وبقت زي الفل بس بعد ما العربية خلصت مشوار الحرفيين بقي بعييد عليا فالمهم دورت لقيت واحد في عبود اسمه سمير شغال في مرسيدس وفولكس بس الصراحة لقيت ابنه مثقف اوي قلت تمام هينفعني ده علشان افكاري المجنونة ركبت عنده لمبه الهاند بريك اللي في الصورة بتاعت العداد وطبعا علشان اعمل اللمبة لازم اعمل قاعدة للهاند بريك واعمل من عندها سلك ده بالنسبة للكهربائي بالنسبة للسروجي فعملته عند الراجل اللي جنب الحاج اسامه لزم مش فاكر الصراحة اسمه ايه ومعلش يا استاذ احمد عزب هستشيرك لو معاك عربية بالمواصفات دي او لو كانت عربيتك موديل سبعينات كنت هتفكر تبيعها بكام لان انا واقع في المشكلة دي في ظل الظروف السوق اللي احنا فيها بس في نفس الوقت مش مستعجل في بعها وحتي لو ما جبتش سعر كويس مش هابيع , لو تعرف يا استاذ عزب كان في عند عمرو دوكو واحد صاحبه اسمه كريم كان معاه عربية بيتلز سوداء وكانت متهبطة كان شكلها جامد اوي والصراحة كريم ده كان رجولة اوي يوم ما حبيت اوطي وداني عند ميكانيكي اسمه عم مسعد ووطينا العربية المهم ان كريم ده ساعت ما باع العربية باعها ب28000 وده في وجهة نظري سبقة مش حتحصل تاني لاكن في ظروف السوق طبعا انت عارف انا في دماغي انها تجيب 24000 هل تجيب السعر ده ولا لأ
بالنسبة للميكانيكية والكهربائية اللي تعاملت معاهم
*الميكانيكية:1- مديح (جسر السويس بعد التعاون عملت عنده طقم السرفيس بس حرااق قوي)
2-عماد( شبرا في شارع العطار ركبت عنده بيض الدركسيون وغيرت الكاربيراتير عنده)
3- عبد السميع (جسر السويس قبل موبيل علي اليمين العربية ما كنش فيها حاجة بس قولت اجربه يظبط العربية ومعجبنيش)
4-عم مسعد (حديقة بدر عند شريط القطر هبطت عنده العربية)
5- ابو سريع (هو متخصص لحام شكمانات بيتلز بس روحتله علشان افك مسمار الدنجل علشان كان عمره ما اتفك من العربية قبل كده
6- محمد علي الامور ابن الحاج علي الامور( الواد الصراحة كويس غيرت عنده ماستر الفرامل بس مشكلته انه في الحرفيين وانا الصراحة كرهت الحرفيين)
7-واخيرا الحاج محمد علي
*الكهربائية :مش كتير
1-الراجل اللي عملي الضفيرة اللي قدام ابو سريع
2-محمد سمير في عبود وشكلي حجرب الكهربائي اللي جمب الحاج محمد علي يشيك علي الكهرباء

[El.Hossieny]

الي اخوتي في الله و في المنتدي الكبير نايل موتورز

حبيت بس افيدكم ب حاجة بسيطة كدة .. انا جايبلكم ملف في الاكواد الخاصة بالبويات او الدوكو بتاع النيو بيتلز ..عشان لو حد فينا حب يغير لون عربيته الي لون اشد و احسن

الملف في الالوان موديلات من 1998 الي 2006
و ربنا يقدر و نقدر نخلي الموضوع ده فعلا موسوعة شاملة للبيــــــــتلز

http://newbeetle.org/forums/attachment.php?attachmentid=21742&d=1158114642

[ahit]

يص يا سيدي بالنسبة للكهربائية اول ما نويت اغير الضفيرة طبعا الكهربائية ما بيصدقوا يروح قايلك هاعملك ضفيرة طلقة واسلاك مكرونة الخ الخ الخ اللي يقول 700 والي يقولك 800 تقوله ليه يقولك متر السلك بقي بكذا طبعا فكك من الحوارات ده خالص لسببين اول سبب اينعم الاسلاك هتبقي شغاله معاك طلقة في الاول بس في الاخر حتنشف وهتبقي اوحش من الاصلية تاني سبب ان اكيد المهندس اللي عمل ضفيرة العربية بيفهم احسن من مييت كهربائي علشان المصنع بتاع العربية مثلا بيبقي حاطط سلك معين بتبقي مقاومته معينة المهم بعد استشارات كتيرة من ناس قديمة في البيتلز انك تاخد كهربائي وينقي ضفيرة ويظبطهالك رحت لواحد اسمه اشرف بس الصراحة كان غالي قاللي اركبلك الضفيرة ب250 جنيه ويستحسن انك تعمل ضفيرة طبعا نفضتله المهم قعدت ادور لقيت واحد مش فاكر الصراحة اسمه ايه تقريبا اسمه اشرف قدام ابو سريع بتاع اللحام استاذ عزب اكيد عارفه المهم الراجل قاللي حاخد 150 جنيه قلتله افكر رحت للحاج اسامة علام وسئلتوا عليه قاللي انت روحت للصح واتكل علي الله المهم ركبت وبقت زي الفل بس بعد ما العربية خلصت مشوار الحرفيين بقي بعييد عليا فالمهم دورت لقيت واحد في عبود اسمه سمير شغال في مرسيدس وفولكس بس الصراحة لقيت ابنه مثقف اوي قلت تمام هينفعني ده علشان افكاري المجنونة ركبت عنده لمبه الهاند بريك اللي في الصورة بتاعت العداد وطبعا علشان اعمل اللمبة لازم اعمل قاعدة للهاند بريك واعمل من عندها سلك ده بالنسبة للكهربائي بالنسبة للسروجي فعملته عند الراجل اللي جنب الحاج اسامه لزم مش فاكر الصراحة اسمه ايه ومعلش يا استاذ احمد عزب هستشيرك لو معاك عربية بالمواصفات دي او لو كانت عربيتك موديل سبعينات كنت هتفكر تبيعها بكام لان انا واقع في المشكلة دي في ظل الظروف السوق اللي احنا فيها بس في نفس الوقت مش مستعجل في بعها وحتي لو ما جبتش سعر كويس مش هابيع , لو تعرف يا استاذ عزب كان في عند عمرو دوكو واحد صاحبه اسمه كريم كان معاه عربية بيتلز سوداء وكانت متهبطة كان شكلها جامد اوي والصراحة كريم ده كان رجولة اوي يوم ما حبيت اوطي وداني عند ميكانيكي اسمه عم مسعد ووطينا العربية المهم ان كريم ده ساعت ما باع العربية باعها ب28000 وده في وجهة نظري سبقة مش حتحصل تاني لاكن في ظروف السوق طبعا انت عارف انا في دماغي انها تجيب 24000 هل تجيب السعر ده ولا لأ
بالنسبة للميكانيكية والكهربائية اللي تعاملت معاهم
*الميكانيكية:1- مديح (جسر السويس بعد التعاون عملت عنده طقم السرفيس بس حرااق قوي)
2-عماد( شبرا في شارع العطار ركبت عنده بيض الدركسيون وغيرت الكاربيراتير عنده)
3- عبد السميع (جسر السويس قبل موبيل علي اليمين العربية ما كنش فيها حاجة بس قولت اجربه يظبط العربية ومعجبنيش)
4-عم مسعد (حديقة بدر عند شريط القطر هبطت عنده العربية)
5- ابو سريع (هو متخصص لحام شكمانات بيتلز بس روحتله علشان افك مسمار الدنجل علشان كان عمره ما اتفك من العربية قبل كده
6- محمد علي الامور ابن الحاج علي الامور( الواد الصراحة كويس غيرت عنده ماستر الفرامل بس مشكلته انه في الحرفيين وانا الصراحة كرهت الحرفيين)
7-واخيرا الحاج محمد علي
*الكهربائية :مش كتير
1-الراجل اللي عملي الضفيرة اللي قدام ابو سريع
2-محمد سمير في عبود وشكلي حجرب الكهربائي اللي جمب الحاج محمد علي يشيك علي الكهرباء

السلام عليكم و رحمة الله و بركاته

شكراً على الرد و المشاركة
و هو دا فعلاً اللى عاوزينو كلنا من محبى البيتلز , إن كلنا نشترك و نقول تجربتنا و آراءنا و مقترحاتنا عشان كل مالكى و محبى السيارة البيتلز يستفيدو من بعضهم و يتبادلو الخبرات.

شكراً مرة ثانية لحضرتك و للأستاذ/ أحمد سالم و للأستاذ/ أحمد الحسينى (tashash) و للأستاذ/ هاشم و للأستاذ / أحمد عزب و لكل من شارك بالمواضيع الخاصة بالبيتلز

جزاكم الله خيراً جميعاً و منتظرين المزيد
شكراً

[ahit]

الي اخوتي في الله و في المنتدي الكبير نايل موتورز

حبيت بس افيدكم ب حاجة بسيطة كدة .. انا جايبلكم ملف في الاكواد الخاصة بالبويات او الدوكو بتاع النيو بيتلز ..عشان لو حد فينا حب يغير لون عربيته الي لون اشد و احسن

الملف في الالوان موديلات من 1998 الي 2006
و ربنا يقدر و نقدر نخلي الموضوع ده فعلا موسوعة شاملة للبيــــــــتلز

http://newbeetle.org/forums/attachme...2&d=1158114642

السلام عليكم و رحمة الله و بركاته
فعلاً ألوان راوعة و تخبل صراحة و الواحد لو فكر يغير لون عربيتة مش عارف هايختار ايه بس انا فى رأيى الخاص :
الإسود : فخامة
الأحمر : دلع و شياكة
الأصفر : جاذبية
البستاج الأخضر : عاصرية و هدوء
اللبنى : شفافية و عراقة

و دا من واقع إحساسى بالألوان , و بيختلف طبعاً من شخص إلى آخر

[ابوهاشم]

السلام عليكم ورحمة الله وبركاته
احب اشكر الاستاذ احمد حسن على مجهوده فى المنتدى وعلى ردوده الرقيقه وربنا يوفقه ويوفقنا جميعا لخدمة المنتدى واصدقأنا عشاق البيتلز
وعلى فكره انا والحمد لله ربنا وفقنى النهارده واشتريت عربيه بيتلز تانيه غير اللى بعتها والحمد لله هى فيها كتير من المواصفات اللى كنت ببحث عنها وان شاء الله هصورهالكم بس بعد ما اظبط فيها شوية حاجات واروشها ومتتصوروش قد ايه انا سعيد جدا انى اشتريت بيتلز تانى لان العربيه دى فيها مميزات كتير لايعرفها الا اللى جربها رغم قدم موديلاتها وده شئ نادر جدا على مستوى جميع سيارات العالم العربيه اللى بعتها كانت موديل 1952 وبسم الله ماشاء الله كانت متينه جدا جدا واللى
اشترتها النهارده موديل 65 وربنا يوفق الجميع

[adelmagdy]

طب يا باشا ممكن تقولنا اشتريتها علي كام وفي رحلة بحثك ايه اخر الاسعار السبعينات عاملة كام

[El.Hossieny]

السلام عليكم ورحمة الله وبركاته
احب اشكر الاستاذ احمد حسن على مجهوده فى المنتدى وعلى ردوده الرقيقه وربنا يوفقه ويوفقنا جميعا لخدمة المنتدى واصدقأنا عشاق البيتلز
وعلى فكره انا والحمد لله ربنا وفقنى النهارده واشتريت عربيه بيتلز تانيه غير اللى بعتها والحمد لله هى فيها كتير من المواصفات اللى كنت ببحث عنها وان شاء الله هصورهالكم بس بعد ما اظبط فيها شوية حاجات واروشها ومتتصوروش قد ايه انا سعيد جدا انى اشتريت بيتلز تانى لان العربيه دى فيها مميزات كتير لايعرفها الا اللى جربها رغم قدم موديلاتها وده شئ نادر جدا على مستوى جميع سيارات العالم العربيه اللى بعتها كانت موديل 1952 وبسم الله ماشاء الله كانت متينه جدا جدا واللى
اشترتها النهارده موديل 65 وربنا يوفق الجميع

الف مبروك يا هاشم باشا .. و ربنايباركلك فيها ان شاء الله

بس عايزين حضرتك تقولنا بقي علي حالتها الداخليه و الخارجية و خلصت فيها بكام و ايه نوع الشغل اللي محتاجاه