قدر الله وما شاء فعل -عملت حادثة باللينيا-

[gouda]

طيب ماتقولنا عين مين عشان
لما نلاقيه اونلاين ننفد بجلدنا

[yoko]

حمد لله على السلامه يا استاذ يوكو
و المهم انك سليم انا حصلت معايا نفس ظروف الحادثه بتاعتك بس الفرق ان كان فيه ميه بجاز في الطرق فعربيتي عومت و انا على التمانين و لفت بيها قبل ما البس في الرصيف من ناحيتي و ترود و البس في الرصيف تاني قبل ما عربيتي تقف في عكس الاتجاه
بس تصدق بقى عربيتي المقص محصلهوش حاجه خااااااالص
بس المساعد و الشمعدان اتكسروا و الجنط اتنى حاجه بسيطه
و رديته بعشره جنيه و عملتله ترصيص بخمسه جنيه
دا غير الاكصطدامات و الفوانيس و ان روحت المستشفى
فاحمد ربنا و طلع حاجه لله
بالنسبه للجنط يتعدل عادي و لو عاوز تغيره روح الوكاله او الحرفيين و جيب واحد استيراد مش حيتخير عن بتاعك



حاجه اخيره بالنسبه لكاوتش الاستبن
في كتالوج الاوكتافيا كاتبين ان كاوتش الاستبن مخصص لاستخدام الطوارئ و الوصول لاقرب مركز خدمه و ليس للمشي عليه
فشوف الكاتالوج بتاعك ممكن يبقى فيه نفس التحذير لان ساعتها لازم تمشي من غير الاستبن

الحمد لله وفي التوكيل قالولي إمشي بيه عادي تاني حاجة مينفعش أبقى ماشي ب٣ جنوط شكل وال٤ شكل تاني وكمان نقشة الكاوتش دي مش موجوده في مصر فأنا هحاول أصلح الجنط وأجيب الكاوتش من التوكيل (مش معقول هغير ٣ كاوتشات بريدجستون سرعات جداد)
والحمد لله على كل شئ
والمقص إتكسر لإني دخلت في الرصيف رشق بزاوية ٤٥ مش حكيت في الرصيف

طيب ماتقولنا عين مين عشان
لما نلاقيه اونلاين ننفد بجلدنا

٣ شباب من حلوان (قبل الحادثة بساعة أعدو يلفو على العربية ويتفرجوا عليها ويتوشوشو وأنا من ساعت ما شفتهم قلبي إنقبض مش عارف ليه-مع إن في ناس كتير إتفرجت على العربية قبل كده عادي-)

[MohabSaeed]

لا حول ولا قوة اله بالله

معلش قدر الله و ماشاء فعل و الحمد لله ان انتا سليم و الخسائر ما فتحتش فى اكتر من كده .

حاول تستعدل الجنط و ان شاء الله حيرجع زى الاول .

[yoko]

لا حول ولا قوة اله بالله

معلش قدر الله و ماشاء فعل و الحمد لله ان انتا سليم و الخسائر ما فتحتش فى اكتر من كده .

حاول تستعدل الجنط و ان شاء الله حيرجع زى الاول .

الحمد لله وإن شاء الله أول ما ستلم العربية هأمن وهستعدل الجنط وهطلب من النوكيل فردة كاوتش لو ملقيتش نفس النوع عند بريدجستون

[Eng_Mostafa_89]

فى مركز كبير فى الزقازيق اسمة شيبوب بتاع استعدال جنوط وزوايا واتزان وترصيص كنت بشوفة شغال فى جنوط الومنيوم متدغدغة وبيظبتها وكمان كنت بشوف عندة عربيات جمارك كتير لومينا وعيون جيبين جنوطهم يستعدلوها عندة
وعلى فكرة الجنوط الاسبور بتترص رصاصة بتتلزق من جوة مش بتركب على الشفة زى الجنوط العادية

[Moe86]

فعلا لو استعدال الجنط ينفع يبقى كويس جدا , لأنى سألتهم قبل كدة على جنوط 16 للبونتو بتاعتى , الواحد سعرة معدى 1600.

سؤال للأعضاء: الجنوط اللى عندى حاليا 15 اندونيسى فيهم واحد اتدمر تماما فى حادثة , ممكن ألقى واحد عند الناس اللى بيستعدلوا الجنوط ؟ لأنى عايز أبيع الطقم على بعضه و مش عارف

[yoko]

فى مركز كبير فى الزقازيق اسمة شيبوب بتاع استعدال جنوط وزوايا واتزان وترصيص كنت بشوفة شغال فى جنوط الومنيوم متدغدغة وبيظبتها وكمان كنت بشوف عندة عربيات جمارك كتير لومينا وعيون جيبين جنوطهم يستعدلوها عندة
وعلى فكرة الجنوط الاسبور بتترص رصاصة بتتلزق من جوة مش بتركب على الشفة زى الجنوط العادية

الله يخليك وانا هحاول أظبط الدنيا(الزقازيق بعيدة قوييييييييييي)

فعلا لو استعدال الجنط ينفع يبقى كويس جدا , لأنى سألتهم قبل كدة على جنوط 16 للبونتو بتاعتى , الواحد سعرة معدى 1600.

سؤال للأعضاء: الجنوط اللى عندى حاليا 15 اندونيسى فيهم واحد اتدمر تماما فى حادثة , ممكن ألقى واحد عند الناس اللى بيستعدلوا الجنوط ؟ لأنى عايز أبيع الطقم على بعضه و مش عارف

إبعتلي صورة الجنط ولو لقيته هبلغك

[Eng_Mostafa_89]

الله يخليك وانا هحاول أظبط الدنيا(الزقازيق بعيدة قوييييييييييي)

انا كنت فاكر برضة انها بعيد بالنسبة ليا
بس لما رحت هناك لقيت مفاجئة تكسيات من اسماعيلية راحة تظبط زواية فقط هناك وخد من دة كتييييييييير ناس من القاهرة وجيزة وطنطا وبورسعيد تقريبا ناس من محافظات كتير بتروحلة

[yoko]

انا كنت فاكر برضة انها بعيد بالنسبة ليا
بس لما رحت هناك لقيت مفاجئة تكسيات من اسماعيلية راحة تظبط زواية فقط هناك وخد من دة كتييييييييير ناس من القاهرة وجيزة وطنطا وبورسعيد تقريبا ناس من محافظات كتير بتروحلة

أصل أنا مبصدق مخرجش من البيت يوم الأجازة هدب مشوار للزقازيق الفكرة مش في طول المشوار ما أنا كل يوم في حلوان بس الفكرة إني نفسي أقعد في البيت يوم

[sarawe511]

فى مركز كبير فى الزقازيق اسمة شيبوب بتاع استعدال جنوط وزوايا واتزان وترصيص كنت بشوفة شغال فى جنوط الومنيوم متدغدغة وبيظبتها وكمان كنت بشوف عندة عربيات جمارك كتير لومينا وعيون جيبين جنوطهم يستعدلوها عندة
وعلى فكرة الجنوط الاسبور بتترص رصاصة بتتلزق من جوة مش بتركب على الشفة زى الجنوط العادية

واللة ي جماعة ابويا راح عند شيبوب و قال لي الراجل دة بيطلسا ف الشغل وبيكروت عشان الزحمة ايلي عندة (المفروض انه بيظهر ف شاشة جهاز الترصيص اصفار معني كدة ان الترصيص صح و دقيق لكن عند شيبوب بية كان بيقرا ارقام ف معني كدة ان الترصيص مش دقيق اوي) ف واحد عندة هناك اسمة تامر ظبطة ف التبس هيتوصي اوي ف الترصيص و اسف ع الاطالة و اللة الموفق

[aymoz]

أنا بروح لشيبوب ده برضه شغله نضييف و واللهِ يستاهل المشوار واسعاره غريبة جدا يعني أنا كنت بظبط زاوية و ارصص ال 4 عجلات و استعدل ال 4 جنوط و ادفع 50 جنيه

[damasry]

انا كنت فاكر برضة انها بعيد بالنسبة ليا
بس لما رحت هناك لقيت مفاجئة تكسيات من اسماعيلية راحة تظبط زواية فقط هناك وخد من دة كتييييييييير ناس من القاهرة وجيزة وطنطا وبورسعيد تقريبا ناس من محافظات كتير بتروحلة

يا باشا ماهو عشان الزقازيق قريبة من الاسماعيلية وبعدين ما هى تاكسيات الاسماعيلية بتيجى هنا عشان الحاجة، لما مش بيلاقوا الحاجة اللى عايزنها بييجوا هنا، لكن احنا خلاص خلصنا كل الناس اللى هنا ومش لاقيين عشان نروح الزقازيق نظبط زوايا ولا استعدل شاسيه!!!! ما اتعقدتش انى اعمل كده غير لما اكون مضطر لده.

[yoko]

عندك حق يا محمد وأنا نازل للتوكيل دلوقتي أشوف وصلوا لإيه

[damasry]

فى انتظارك تطمنا يا باشا وصلت لإيه.

[د.محمود صلاح]

قدر الله وماشاء فعل , نرجو الحيطه والحذر وقراءة دعاء الركوب