جروب لفيات 127

[heshamzaky]

العفو يا باشا وبمناسبة أبتداء الصيف سأقول لك عن عدة نصائح ولكن بصورة كوميدية ولكنها مفيدة اولا احتفظ دائما بجركن ماء فى السيارة اذا كنت ناوى تسافر بالعربية خلى دايما معاك أبلتين و كوندنسر وسير دينامو بالاضافة الى شنبر عجلة وزيادة فى الاحتياط حبل ينفع يتعمل قطرة ولكن صدقنى لو لا قدر الله والعربية عطلت ستجد 1000 واحد يساعدك اما فى الميكانيكا أو يشد العربية بسهولة اذا لزم الامر ال 127 عربية أصيلة جدا بس ساعات بتعمل حركات نقص ولكن يمكن التعامل معها ودايما خلى بالك من علبة الدريكسيون لان صدر العربية من الداخل فى حوض الموتور مش قوى أوى ولو القلتين الى راكب فيهم المساعدين الامامين قلبوا لجوة شوية لو حتمل زرجينة المقاس بينهم 87 سنتيميتر من المسمار الى المسمار أقصد مسمار المساعد الامامى فى حوض الموتور و نقريبا 84 سنتيميتر من الداخل والله أعلم

[alaamousa]

عاشق ال 127 الجميلة الاصيلة

السلام عليكم ورحمة الله وبركاته...........
الي كل اعضاء المنتدى الكرام بصراحة متابعتي للمنتدى ده والناس المشتركة فيه ابهرتني للخدمات التي تقدم بدون اي مقابل
انا معايا 127 سوبر فيروا بفضل الله تعالى من فترة مش طويلة بس الحمد لله ربنا كرمني بميكانيكي محترم جدااا
وصنايعي .. والمفجأة انه عنده قطع غيار الفيات كلها الاستيراد المارين الايطالي وكمان اسعارها حلوة جدا وبيوقع حاجات حلوة جداااااااااااا
والمحل بتاعه مشهور جدااا لان الميكانيكيا بتجيب من عنده قطع الغيار ....
اذا اي حد من حضراتكوا محتاج يسأل على اي حاجة يتفضل وانا ان شاء الله اسأله وارد عليكوا لان لسة جديد زي ما قولتلكوا.....
ونفسي في نصايحكوا ليا في العربية اكيييد ان شاء الله هستفاد منكوا كتيير باذن الله......
والسلام عليكم ورحمة الله وبركاته....

[mody100]

طيب يا رجالة عايزين كل واحد يقول جاب كام بعربية يعنى اعلى سرعة وصلها كانت كام ؟؟ و انا حابدا بنفسى انا جبت بيها 140 مستريح و كانت ممكن تجيب ال 150 بس كان حايبقى كتير عليها

[semsem7777]

انا وصلت 120 وخفت اكمل قلت نرجع سلام احسن لان الفرامل مش كويسه عشان كده عاوز اركب سيرفو عشان امشي براحتي

[Maged_Samy]

طيب يا رجالة عايزين كل واحد يقول جاب كام بعربية يعنى اعلى سرعة وصلها كانت كام ؟؟ و انا حابدا بنفسى انا جبت بيها 140 مستريح و كانت ممكن تجيب ال 150 بس كان حايبقى كتير عليها

احب انوه ان معظم عدادات السرعة فى ال 127 مش مظبوطة عشان كده لازم تكون مسافر فى طريق فيه يفط مسافات وتشغل استوب ووتش وتشوف قطعت مسافة 10 كم فى اد ايه على سرعة كام يعنى لو انت ماشى على 100 كم س هيكون الوقت 6 دقائق ولو 120 كم س هيكون الوقت 5 دقائق بس ثبت السرعة طول مسافة العشره كيلو . انا كان عندى السرعة الحقيقية 120 بتبان 140 يعنى كانت مقدمه 20 كم س . وانا اخرتها 20 كم س .
انا عريبيتى فى احسن احوالها مع ضبط الكهرباء فى طريق مستوى ولا توجد رياح مضادة لاتجاه السير بتجيب 120 كم س وفى المنازل ممكن توصل 140 كم س .

[Mostafa.Mahran]

140 وكنت ماشى جنب واحد صاحبى معاه فيرنا علشان اتاكد من العداد

[owen_7alim]

انا بصراحة جديد في السواقة ومش بطلع علي الطريق السريع غير قليل اوي وعمري ماسافرت بيها بس مرة جبت 100 كيلو بس رجعت في كلامي لاني بقالي 3 شهور متعلم بس

[owen_7alim]

ياشباب ايه التعديلات اللي ممكن اعدلها في 127 ؟

[Maged_Samy]

ياشباب ايه التعديلات اللي ممكن اعدلها في 127 ؟

1- تغيير الدربوكس بأخر به سرعة امامية خامسة .
2- تركيب سرفو للفرامل .
3-تركيب علبه شكمان اضافية (فلتر تبريد ) قبل العلبه الموجودة لتهدئه الصوت .
4- عمل فتحة فى الشنطة الخلفية لسهوله الوصول لعوامة البنزين من غير فك التانك .
5- تركيب كارتيرات فبر حول الاربع عجلات لمنع البارومة .
6-تغيير الكاوتش الاصلى 135-80-13 بأخر 155-70-13 على نفس الجنط .
7- تركيب ريدراتير 3 ماسوره بدلاً من الاصلى 2 ماسورة .
8- تركيب كابلات بوجيهات حرارية بدلاً من النحاسية عشان الراديو ميخروش وجسم العربيه ميكهربش .
9-تغيير مكان الكلاكس من مقدمه السيارة الى داخل حوض الموتور عشان بيتأثر بالاتربه والمياه ويبوظ بسرعة ( بتاع الفابريكة مبيجرلوش حاجة ).
10-توصيل نور الاستوب الخلفى مع اللمبه بتاعت الشبورة الخلفية .
11- تركيب مرايا جانيه يمين وشمال (ممكن بتاعت اللادا ) .
12- تركيب انذار وسنتر لوك وزجاج كهرباء بوحدة رفع و جنوط اسبور .
13- تجديد عواكس الكشافات الامامية او تغييرها مع تركيب لمبات اعلى (مع مراعاة كهربه السيارة تستحمل اد ايه ) .
14-الغاء الهواية الامامية او سدها لمنع الصوت والاتربة داخل صالون السيارة .
15-تركيب مفاتيح زرار للمبه الصالون على الابواب الخلفية .
16- تغيير الزجاج الامامى السيكوريت بأخر تربلكس عشان السيكوريت لما بيتكسر بيتحول لحبات صغيرة ممكن تعور كل ركاب السيارة على عكس التربلكس بيمسك نفسه فى مكانه مهما كانت قوه الصدمة .
17- عمل مخادع للرأس ان لم تكن موجودة .
18-تغيير طبله الابواب لنوع اسمه ميتا لان بتاع الفابريكة بيتفتح بأى حاجة ولو بنسة شعر .
19- مش فاكر ممكن اقول ايه تانى بس فى حاجات اد كده عشر مرات لما افتكر هقولكم .

[د.محمود صلاح]

أنا قرأت الموضوع كله وشكراً للمعلومات

[owen_7alim]

1- تغيير الدربوكس بأخر به سرعة امامية خامسة .
2- تركيب سرفو للفرامل .
3-تركيب علبه شكمان اضافية (فلتر تبريد ) قبل العلبه الموجودة لتهدئه الصوت .
4- عمل فتحة فى الشنطة الخلفية لسهوله الوصول لعوامة البنزين من غير فك التانك .
5- تركيب كارتيرات فبر حول الاربع عجلات لمنع البارومة .
6-تغيير الكاوتش الاصلى 135-80-13 بأخر 155-70-13 على نفس الجنط .
7- تركيب ريدراتير 3 ماسوره بدلاً من الاصلى 2 ماسورة .
8- تركيب كابلات بوجيهات حرارية بدلاً من النحاسية عشان الراديو ميخروش وجسم العربيه ميكهربش .
9-تغيير مكان الكلاكس من مقدمه السيارة الى داخل حوض الموتور عشان بيتأثر بالاتربه والمياه ويبوظ بسرعة ( بتاع الفابريكة مبيجرلوش حاجة ).
10-توصيل نور الاستوب الخلفى مع اللمبه بتاعت الشبورة الخلفية .
11- تركيب مرايا جانيه يمين وشمال (ممكن بتاعت اللادا ) .
12- تركيب انذار وسنتر لوك وزجاج كهرباء بوحدة رفع و جنوط اسبور .
13- تجديد عواكس الكشافات الامامية او تغييرها مع تركيب لمبات اعلى (مع مراعاة كهربه السيارة تستحمل اد ايه ) .
14-الغاء الهواية الامامية او سدها لمنع الصوت والاتربة داخل صالون السيارة .
15-تركيب مفاتيح زرار للمبه الصالون على الابواب الخلفية .
16- تغيير الزجاج الامامى السيكوريت بأخر تربلكس عشان السيكوريت لما بيتكسر بيتحول لحبات صغيرة ممكن تعور كل ركاب السيارة على عكس التربلكس بيمسك نفسه فى مكانه مهما كانت قوه الصدمة .
17- عمل مخادع للرأس ان لم تكن موجودة .
18-تغيير طبله الابواب لنوع اسمه ميتا لان بتاع الفابريكة بيتفتح بأى حاجة ولو بنسة شعر .
19- مش فاكر ممكن اقول ايه تانى بس فى حاجات اد كده عشر مرات لما افتكر هقولكم .

شكرا جزيلا ليك الف شكر ليك علي المعلومات القيمة اللي هانفزها فعلا في عربيتي شوية بشوية

[semsem7777]

بالنسبة لجزئية عداد السرعه واخطاؤه اظن لو عند الغيار الثاني اخره 40 - 50 يبقى العداد سليم وانا عندي الثالث حتى 80 ويبدأ صوت الموتور يعلا والرابع فعلا بيكمل ل 120
ومتهيالي اهم حاجه تتركب السيرفو
بس سؤال ليه بعض العربيات ال 127 تختلف في سعة اللموتور مثلا عندي 950 وصاحبي 990 وزميلنا سوبر فيورا و 900 بس

[mody100]

احب انوه ان معظم عدادات السرعة فى ال 127 مش مظبوطة عشان كده لازم تكون مسافر فى طريق فيه يفط مسافات وتشغل استوب ووتش وتشوف قطعت مسافة 10 كم فى اد ايه على سرعة كام يعنى لو انت ماشى على 100 كم س هيكون الوقت 6 دقائق ولو 120 كم س هيكون الوقت 5 دقائق بس ثبت السرعة طول مسافة العشره كيلو . انا كان عندى السرعة الحقيقية 120 بتبان 140 يعنى كانت مقدمه 20 كم س . وانا اخرتها 20 كم س .
انا عريبيتى فى احسن احوالها مع ضبط الكهرباء فى طريق مستوى ولا توجد رياح مضادة لاتجاه السير بتجيب 120 كم س وفى المنازل ممكن توصل 140 كم س .

لا يا باشا لانى كنت بشوف السرعة على الجى بى اس لان فعلا عداد السرعة مقدم عندى و طبعا الجى بى اس احسن من اى عداد

[owen_7alim]

بس انا عايز اعرف حاجة ياشباب هوا طبيعي ان العربية ناشفة شوية في المطبات ولان انا العربية بتاعتي لوحدها اللي كده اصل انا بحس بالمطبات جامدة شوية عليها

[semsem7777]

طبعا اكيد بسبب ضعف العفشة
والفرامل ناشفة وضعيفة