جروب لفيات 127

[sadeek]

بصراحه انتم ناس جميله جدا مبروك على الجروب ويارب ميبقاش زى الرابطه ويستمر اما بعد :- عندى مشكله وارجو المساعدة كنت بحس ان العربيه بتسخن على الاول بسرعه فقريت على المنتدى انه ممكن يكون ضبط تكيهات فرحت ضبطها لقيت العربيه بتسخن على الطوالى والمروحه بتشتغل على طول قلت الردياتير روحت سلكته ولقيت الفرغه بايظه وغيرتها وحطيت مياه خضراء وبضه المروحه تعمل على طول على الطوالى انجدونى ارجوكم

[alaamousa]

الى الاخ صادق

بصراحه انتم ناس جميله جدا مبروك على الجروب ويارب ميبقاش زى الرابطه ويستمر اما بعد :- عندى مشكله وارجو المساعدة كنت بحس ان العربيه بتسخن على الاول بسرعه فقريت على المنتدى انه ممكن يكون ضبط تكيهات فرحت ضبطها لقيت العربيه بتسخن على الطوالى والمروحه بتشتغل على طول قلت الردياتير روحت سلكته ولقيت الفرغه بايظه وغيرتها وحطيت مياه خضراء وبضه المروحه تعمل على طول على الطوالى انجدونى ارجوكم

السلام عليكم اخ صادق نورت المنتدى والجروب يا جميل
بالنسبة لموضوع المروحة ده هتلاقيه من حساس الريداتير هتلاقيه مصدي صنفره كويس
وجري وان شاء الله الموضوع هيتحل معاك
ولبقى رد عليا باذن الله

[sadeek]

شكرا على الرد هو بيشتغل ولكن بتكون شغاله طول ما العربيه مشيه بسرعه والمفروض السرعه تخليها تبرد بسرعه يعنى المروحه تفصل اسرع

[semsem7777]

هل انت غيرت الثرموستات قريب
او عملت شغل في الكهرباء ؟
المروحة المفروض بتعمل من اول 85 حتى ترجع الحرارة قريب من ال 60 مرة اخرى ثم تفصل

[mido_fiat_128]

انا يشرفنى انى انضم ليكم انا احمد عزمى و معايا 127 توب موديل 80
ودى صورتها

[ahm128]

1- تغيير الدربوكس بأخر به سرعة امامية خامسة .
2- تركيب سرفو للفرامل .
3-تركيب علبه شكمان اضافية (فلتر تبريد ) قبل العلبه الموجودة لتهدئه الصوت .
4- عمل فتحة فى الشنطة الخلفية لسهوله الوصول لعوامة البنزين من غير فك التانك .
5- تركيب كارتيرات فبر حول الاربع عجلات لمنع البارومة .
6-تغيير الكاوتش الاصلى 135-80-13 بأخر 155-70-13 على نفس الجنط .
7- تركيب ريدراتير 3 ماسوره بدلاً من الاصلى 2 ماسورة .
8- تركيب كابلات بوجيهات حرارية بدلاً من النحاسية عشان الراديو ميخروش وجسم العربيه ميكهربش .
9-تغيير مكان الكلاكس من مقدمه السيارة الى داخل حوض الموتور عشان بيتأثر بالاتربه والمياه ويبوظ بسرعة ( بتاع الفابريكة مبيجرلوش حاجة ).
10-توصيل نور الاستوب الخلفى مع اللمبه بتاعت الشبورة الخلفية .
11- تركيب مرايا جانيه يمين وشمال (ممكن بتاعت اللادا ) .
12- تركيب انذار وسنتر لوك وزجاج كهرباء بوحدة رفع و جنوط اسبور .
13- تجديد عواكس الكشافات الامامية او تغييرها مع تركيب لمبات اعلى (مع مراعاة كهربه السيارة تستحمل اد ايه ) .
14-الغاء الهواية الامامية او سدها لمنع الصوت والاتربة داخل صالون السيارة .
15-تركيب مفاتيح زرار للمبه الصالون على الابواب الخلفية .
16- تغيير الزجاج الامامى السيكوريت بأخر تربلكس عشان السيكوريت لما بيتكسر بيتحول لحبات صغيرة ممكن تعور كل ركاب السيارة على عكس التربلكس بيمسك نفسه فى مكانه مهما كانت قوه الصدمة .
17- عمل مخادع للرأس ان لم تكن موجودة .
18-تغيير طبله الابواب لنوع اسمه ميتا لان بتاع الفابريكة بيتفتح بأى حاجة ولو بنسة شعر .
19- مش فاكر ممكن اقول ايه تانى بس فى حاجات اد كده عشر مرات لما افتكر هقولكم .

كونت عايز اسئل على تركيب السيرفو ياترى محتاج ايه وتكلفته تقريبا اد ايه وهل فيه امان للاستخدام وممكن تركب فين مع العلم انى من مدينة نصر

[heshamzaky]

السيرفو ب 140 جنية وفية ب 190 جنية والبلف ب 5 جنية الخراطيم مش غالية بس مش عارف ال 127 فيها القاعدة ال بيركب عليها ولا لا انا معايا سوبر فيور

[Mostafa.Mahran]

انا نفسى اعرف حاجة

الناس بتقول الشاسيه ضعيف و العربية بتفتح والركب بتتشرخ

الكلام ده لو بيحصل بيكون من المشى العادى بالعربية ولا من الخبطات و الحوادث

[semsem7777]

اعتقد فعلا اصدهم على المشي العادي بس متهيالي في المناطق المليانه مطبات

[mody100]

يارجالة انا كنت عايز اعرف منكم حاجة هى 127 التوب الالمانى بيتكتب فى الرخصة سيات لن كمان لقيت لما رفعت الموتور النهارده لاقيت مكتوب على الموتور تاريخ صنع العربية و مكتوب سيات بردو ده اية بقى مع العلم انى متاكد انها المانى بس مش المفروض يكتبوا 127 حتى فى الرخصة غير كده عشان انا حاسقط موتور تانى لو على كلامهم انها سيات كده مش حاينفع اسقط اى حاجة لفيات لازم يكون المانى على ما اظن يعنى لو حبيت اسقط كده ما فيش ادامى غير انى اسقط مثلا موتور سيات 1300 و او اى حاجة المانى مش عارف بقى انا احترت ساعدونى !!

[mody100]

معلش يا جماعة طلع مكتوب فى الرخصة سيات 127

[powersha]

يارجالة انا كنت عايز اعرف منكم حاجة هى 127 التوب الالمانى بيتكتب فى الرخصة سيات لن كمان لقيت لما رفعت الموتور النهارده لاقيت مكتوب على الموتور تاريخ صنع العربية و مكتوب سيات بردو ده اية بقى مع العلم انى متاكد انها المانى بس مش المفروض يكتبوا 127 حتى فى الرخصة غير كده عشان انا حاسقط موتور تانى لو على كلامهم انها سيات كده مش حاينفع اسقط اى حاجة لفيات لازم يكون المانى على ما اظن يعنى لو حبيت اسقط كده ما فيش ادامى غير انى اسقط مثلا موتور سيات 1300 و او اى حاجة المانى مش عارف بقى انا احترت ساعدونى !!

سقطلها نفس المتور الى كان فيها بتاع التوب
ولا انت عايز تسقط متور اعلى

[mody100]

سقطلها نفس المتور الى كان فيها بتاع التوب
ولا انت عايز تسقط متور اعلى

لا يا باشا انا عايز حاجة اعلى

[owen_7alim]

بس تصدقوا انا حاسس من فترة مش قصيرة ان ناس كتيرة بتتجه لل127 بطريقة غريبة

[powersha]

لا يا باشا انا عايز حاجة اعلى

ممكن تسقطلها متور لانشيا 1300
شفت قبل كدهه عربيه على النت 127 توب ومسقطلها لانشيا 1300