انا مش عارف كل لما اجي اقرر اجيب عربيه تقفلوني منها

[onz]

الحمد لله يا أسامى بس زعلان انك قفشت على العربية التحفة دى :(
انا الحاجة الوحيدة اللى مدايقانى الازاز الورا مش كهربا و مينفعش يركب

علي فكره العربية اصلا مش بتاعة عائلات كل شوية ازاز وراء يفتح يقفل
انا لغلية دلوقتي مفتاحتش الازاز اللي وراء خالص ( علشان احافظ علي فرش العربية من التراب و الدخان اللي في الشوارع و كمان ان 90% من المشي فاتح التكيف )

[osamy]

اه بتركب بس معنديش خلفيه بكام:h_angry[1]:

تمام
حد عنده خلفيه؟

[osamy]

الحمد لله يا أسامى بس زعلان انك قفشت على العربية التحفة دى :(
انا الحاجة الوحيدة اللى مدايقانى الازاز الورا مش كهربا و مينفعش يركب

انهي واحده الايفو ولا البرافو

[moh.aboelkheir]

تمام
حد عنده خلفيه؟

http://www.nilemotors.net/Nile/124556-a.html

الموضوع دة فية المفيد

[mohamedmmm2]

ممكن تبص على ال ford fiesta الجديدة , فيها معظم الحاجات اللى فى ال punto evo بس مثلا مفيهاش cruise control بس موتور اشد و ازاز كهربا ورا مش قدام بس مفيهاش usb بس فيها aux , يعنى بص عليها يمكن تعجبك

ميين اللى قاللك ان موتور الفيستا اجمد من الايفو؟؟؟
سيبك من الارقام ودى كام حصان والكلام دة فيه عوامل تانيه بتاثر على السرعه زى الايروديناميك والعفشه والفتيس(بالذات الفتيس دة بيفرق كتير) ونوع طقم الدبرياج (حتى فيه طقم دبرياج سبورت بتبقى الجريدة بتاعته مختلفه)
الحاجات دى مش بتبان غير فى الوقع العملى.. سيبك من الارقام مابتاكلش عيش

[Mdesouky]

انهي واحده الايفو ولا البرافو

ال evo

[osamy]

ال evo

ماقفشتش عليها انا حاببها اوي
بس المشكله اني متجوز فعاوز حاجه اكبر شويه
دا غبر اني مابعرفش اقعد فيها مستريح علشان انا طويل

[osamy]

http://www.nilemotors.net/Nile/124556-a.html
الموضوع دة فية المفيد

شكراااااااااااااااااا

[mazennet2010]

عمرك في حياتك ماهتلاقي عربية كل الناس تجمع إنها حلوة أبدًا. إنت لو عملت موضوع عن الC180 هيطلع فيها عيوب هيقولولك عايزة بنزين 95 وال super charger بيعمل زنه مع الكاسيت ( وهيقولوا عن تجربة ) طب تقول اعلي شوية واجيب 550 هيقولك يا باشا ديه ضيقة بالنسبة للرولز رويس ومش موفرة في زيت العربية. طب تقول هابعد عن كل ده واجيب فراري هيقولولك مش كله بينزل بتكيف ولازم تجيب السبورت سوبر action و كمان ديه electric والPorche احلي عشان الماني و mechanical.
شوف عربية عجباك ادرسها كويس واسمع أراء الناس فيها برده وشوف هل عيوبها بالحجم المذكور ولا ممكن تتعايش معها. ومادامت عجباك العربية اصلا هتلاقي عيوبها علي قلبك زي العسل.
أنا هديك مثال أنا مثلا في المشاركة ديه (http://www.nilemotors.net/Nile/17786...post3873010896) كاتب معظم العيوب اللي أنا شايفها في عربيتي. ورغم كده أنا شخصيا شايف إنها بالنسبالي احلي عربية في الدنيا. ولو رجع بيا الزمان برده حجبها ولو اتوفرلي تاني تمنها هجيبها لاخويا. مش عشان هي فعلا احلي عربية فالدنيا بالعكس في عربيات تانية احلي منها في حاجات ويمكن ارخص بس أنا حبيت ديه واستريحت لديه وعجباني مميزات ديه عن العربيات التانية.
اتكل علي ربنا وهات العربية اللي إنت مرتحلها. العربية ديه بتكون حاجة شخصية حاجة كده زي شريكة الحياه. لو مستريحلها وواخدها عن حب هتفضل حياتكم مع بعض شهر عسل .

على فكره الكلام ده صح جدا
انت ممكن تاخد اراء ........بس بعد كده لازم تجرب وتشوف بنفسك
واكيد زى مقلك جون عمروا ما فى عربيه هيجتمع عليها كل الناس
ده كمان لو اخد استطلاع عن البورش ممكن يطلع حد يقولك مش بتطير ليههههههههه
انا من رايى تعمل استخاره وتنزل تشوف وبعدين تتوكل على الله

[EgyptianTune]

راجع الموضوعات ديه وسيبك من الفتايين اللى إحنا مش معاهم



http://www.nilemotors.net/Nile/92114-a.html (يا جماعة انا جبت البرافو الأوتوماتيك للمهتمين فقط)


http://www.nilemotors.net/Nile/126157-120.html (كيفية إستخدام فتيس البرافو 120 حصان دوال لوجيك)


http://www.nilemotors.net/Nile/12025...0hp-t-jet.html (حصريا: تقرير شامل عن Fiat Bravo 1.4L, 150HP, T-Jet)


وأى إستفسار بخصوصها أنا تحت أمرك

[ahmedmohamed7]

علي فكره العربية اصلا مش بتاعة عائلات كل شوية ازاز وراء يفتح يقفل
انا لغلية دلوقتي مفتاحتش الازاز اللي وراء خالص ( علشان احافظ علي فرش العربية من التراب و الدخان اللي في الشوارع و كمان ان 90% من المشي فاتح التكيف )

مساء الخيررررررررر :)

ليه يا باشا مش عربية عائلات؟ ايه علاقة الازاز المنافله بالموضوع؟لو حضرتك اقنعتنى يبقى كده مش هشترى الايفو:( علشان لو جبتها ان شاء الله هتبقى العربيه الوحيده فى المنزل و احنا 5 افراد 90% من الوقت و التنقلات هيكون فى العربيه 3 من 5 و5 % 2 و 5% 5 :)
انا عارف ان العربيه مش واسعه قوى مقارنتا بجين 2 و صنى و الالينترا و اوبترا بس الوسع ممكن يهون فى سبيل عربيه محترمه و شيك زى الايفو :( ولا ايه راى حضرتك ؟
حاجه كمان حضرتك بتقول مش بتاعت عائلات علشان ضعيفه مثلا ولا ايه وجهة نظرك :)
شكرا :)

[onz]

مساء الخيررررررررر :)

ليه يا باشا مش عربية عائلات؟ ايه علاقة الازاز المنافله بالموضوع؟لو حضرتك اقنعتنى يبقى كده مش هشترى الايفو:( علشان لو جبتها ان شاء الله هتبقى العربيه الوحيده فى المنزل و احنا 5 افراد 90% من الوقت و التنقلات هيكون فى العربيه 3 من 5 و5 % 2 و 5% 5 :)
انا عارف ان العربيه مش واسعه قوى مقارنتا بجين 2 و صنى و الالينترا و اوبترا بس الوسع ممكن يهون فى سبيل عربيه محترمه و شيك زى الايفو :( ولا ايه راى حضرتك ؟
حاجه كمان حضرتك بتقول مش بتاعت عائلات علشان ضعيفه مثلا ولا ايه وجهة نظرك :)
شكرا :)

انا مش قصدي كده خالص
ولا مش علشان ضعيفة و لا حاجة و بالعكس دا انا من ساعة ما اشترتها مخرجتش بيها لوحدي ( كل شوية العائلة تخرج معايا ) احنا 5 افراد برده
و مستمتعين بالعربية اووي ( لدرجة اي مشوار صغير ناخد العربية )
بس في الدراسة مثلا هاكون لوحدي بالعربية ( العائلة مرتين بالشهر مثلا )
حكاية الازاز المنافلة ده مش ماثر معايا بتاتا ( علشان هاتعوضعك في حاجات مميزة كتير عن العربيات التانية اللي انت ذكرتها )
الايفو عربية محترمة اوي وشيك طبعا
اقولك حاجة هاضحكك , في المنطقة بتاعتي في واحد معايا Audi Q7 2010 ( و ما اجراك ما هي الاودي Q7 )
شاف العربية و عمال يبرق ( عنيه كانت هاتطلع عليها ) و يشوف اه العربية ده ( برغم انه راكب عربية ب مليون و ربع )

[MNabeih]

ما شاء الله لا قوة الا بالله موديلات fiat الجديدة كلها مميزة و جميلة و مختلفة. ربنا يحميهلنا و يبارك لنا فيها....قولوا امين!!!!

[noctis]

أنا رأيي مدام الشباب هنا قفلوك من كل العربيات هات موتسيكل ومتقولش لحد هنا انك جبته

[ahmedmohamed7]

ما شاء الله لا قوة الا بالله موديلات fiat الجديدة كلها مميزة و جميلة و مختلفة. ربنا يحميهلنا و يبارك لنا فيها....قولوا امين!!!!

امين :)