تغير طنابير للينيا

[yoko]

توكيل ebc حماده غيزي في بورسعيد
والمشكلة مش في الديسك المشكله في التيل يعني لو تيل ebc فيه إستبتوس الديسك مش هيحصله حاجة

[damasry]

توكيل ebc حماده غيزي في بورسعيد
والمشكلة مش في الديسك المشكله في التيل يعني لو تيل ebc فيه إستبتوس الديسك مش هيحصله حاجة

ايوه يا احمد بس مين اللى قال ان الebc فيه اسبستوس؟؟؟؟؟

كل مصنعى التيول فى العالم دلوقتى فرضا عليهم انهم ميستخدموش الاسبستوس

[elysmeen]

على فكرة احب انووه انهم خارطولى طنابير بعد 51900 كم
وعلى فكرة الموضوع دة مبالغ فية لانى كان معايا اوبترا قعدت معايا سنتين وبيعها عاملة 120 الف كم ومخرطلهاش طنابير
بالاضافة الى تغيير تيل امامى بـ700 جنية تقريبا
لازم نلاقى حل للموضوع دة
1- الطنابير
2- تيل الفرامل
لان اسعارهم مبالغ فيها ودى قطع استهلاكية ولو اي حد من السادة الاعضاء يعرف طريقة يجيب بيها من برة انا معاة
ولو حد يعرف يجيب لينا تليفون الوكيل الى فى بورسعيد يبقى عمل واجب

[Formulator]

وأنا خرطت بس الغلط كان من عندي البواب كان بعد ما يمسح العربيه كان بيغسل الجنط إنه يرمي عليه المياة الوسخة فده الي ريج الطنابير عندي وأنا خرطتها على ال10 الاف ومن ساعتها محصلش أي مشاكل تاني (بس خليت البواب يبطل يغسل الجنوط) وعامل دلوقتي 27 الف

+1
البواب بيغسل العجل كده بالضبط...!!!
انا غيرت تيل على 30k كم بس ماخرطتش طنابير

دلوقتى يا Yoko التيل بعد 6k بقى بيصفراحيانا وانا متأكد انه من مياه الغسيل دى
أعمل اييييييييييييييييييييييييييييه ؟؟؟؟؟؟!!!!!!!!!!!! أخرط ؟؟؟؟

[yoko]

+1
البواب بيغسل العجل كده بالضبط...!!!
انا غيرت تيل على 30k كم بس ماخرطتش طنابير

دلوقتى يا yoko التيل بعد 6k بقى بيصفراحيانا وانا متأكد انه من مياه الغسيل دى
أعمل اييييييييييييييييييييييييييييه ؟؟؟؟؟؟!!!!!!!!!!!! أخرط ؟؟؟؟

لأ التصفير غالبا تراب إغسل الديسكات بميه جامده (إرزع الخرطوم فيها) بس تكون العربيه بارده مش سخنة والطنابير تتخرط لو فيه رجة مع الفرامل الخفيفة على سرعات عاليه

[Formulator]

و انا متابع عشان اشوف التوكيل هيتصرف ازاي مع العيوب دي ..لأن واضح كدا ان فيات فيها مشكلة في الطنابير

حضرتك دى مش مشكلة..؟؟؟!!
موتور بالعزم ده وعربية بالوزن ده محتاجة brake system على مستوى الأداء
كده احسن ولا تجرى وما تعرفش تقف ...!!! آه الفيرنا بالتحديد و الكورى عموما

استهلاك التيل و الطنبورة mainly dependent on driving style & roads
يعنى مثلا استهلاك مكونات الفرامل بيزيد لو مشيك اساسى urban use

لأ التصفير غالبا تراب إغسل الديسكات بميه جامده (إرزع الخرطوم فيها) بس تكون العربيه بارده مش سخنة والطنابير تتخرط لو فيه رجة مع الفرامل الخفيفة على سرعات عاليه

+1
فعلا يوكو لما اغسلها بضغط مياه او حتى اضربها هواء الصوت بيروح لفترة..!

[yoko]

ايوه يا احمد بس مين اللى قال ان الebc فيه اسبستوس؟؟؟؟؟

كل مصنعى التيول فى العالم دلوقتى فرضا عليهم انهم ميستخدموش الاسبستوس

أخر مرة سألت كان إطبق على مصنعي السيارات في أوروبى بس لو الوضع بقى على كله يبقى كل الشركات هتغير ديسكات بالكتير على 60 أو 80 الف

[MNabeih]

احسن حاجة نجمع نفسنا و نتفق و نجيب التيل دة من برة,
و كل اللي عاوز يقول و الدفع مقدما
بس مين لية سكة و يتولي الحكاية دى؟؟؟؟؟؟

[Ghamrawy]

انا معاكو على فكرة فى موضوع التيل ده
و كان لينا زميل من رينو اعتقد احمد عبد المقصود كان جايب للميجان 2 طنابير زى بتاعت الفيات اللى عملاها EBC ب 1850 جنيه يعنى ثمن معقول لراحة البال
انا شايف ان green stuff معقول و سعره كويس بس هل هو فيه توصيلة علشان لما يخلص لمبة الفرامل تنور ؟؟
عموما شوفوا الموضوع ده و نجيب مبدئيا التيل مع بعض سواء ال green او ال red

[tareket]

اهو رد التوكيل

Dear Mr. Tarek,
In relation to your complaint; kindly be advised that the normal wear interval for front brake discs in Egypt is ranging between 40,000-50,000 km. Thus your car is in quite good situation. And that you can increase that period by adopting more environmentally-friendly driving attitude.

Eng. Sherief Salah El Din

Fiat-Omatra Technical Support Manager
Tel.+202 26630734-5-6.
Fax.+202 26630738.
Cellular: 0128333255

[tareket]

احسن حاجة نجمع نفسنا و نتفق و نجيب التيل دة من برة,
و كل اللي عاوز يقول و الدفع مقدما
بس مين لية سكة و يتولي الحكاية دى؟؟؟؟؟؟

بما انى برا مصر هدور و اشوف ممكن يتبعت لمصر

هاشوف موزع هنا بس انا مش راجع مصر قبل ابريل

[yoko]

ده رد المهندس شريف صلاح مدير الصيانة في مصر مش رد فيات إيطاليا!!!

[MNabeih]

بما انى برا مصر هدور و اشوف ممكن يتبعت لمصر

هاشوف موزع هنا بس انا مش راجع مصر قبل ابريل

تمام تولي الحكاية دى و قولنا علي التطورات,

و ابريل مش بعيد!!!

[KHALED AYMAN]

حضرتك دى مش مشكلة..؟؟؟!!
موتور بالعزم ده وعربية بالوزن ده محتاجة brake system على مستوى الأداء
كده احسن ولا تجرى وما تعرفش تقف ...!!! آه الفيرنا بالتحديد و الكورى عموما

استهلاك التيل و الطنبورة mainly dependent on driving style & roads
يعنى مثلا استهلاك مكونات الفرامل بيزيد لو مشيك اساسى urban use



+1
فعلا يوكو لما اغسلها بضغط مياه او حتى اضربها هواء الصوت بيروح لفترة..!

بس استهلاك التيل و الطنابير بالسرعه دى اكيد مش حاجه كويسه ..وعيب فى العربيه ...والكلام مش على قوته او ضعفه ..الكلام على انه بيبوظ بسرعه .. والتوكيل عامل مش واخد باله ..او واخد باله و مش فاهم حاجه ...

[Formulator]

بس استهلاك التيل و الطنابير بالسرعه دى اكيد مش حاجه كويسه ..وعيب فى العربيه ...والكلام مش على قوته او ضعفه ..الكلام على انه بيبوظ بسرعه .. والتوكيل عامل مش واخد باله ..او واخد باله و مش فاهم حاجه ...

واحد صاحبى معاه جولف 6 TSI مغير ديسكات على 40k بس..!!! ده غير التيل طبعا
بس الصراحة هو رجله تقيله على الفرامل بزيادة... وجراى اوى...

حضرتك البرافو العادية 90 حصان و الجراند و الأيفو معدلات استهلاكها للفرامل اقل بكتييير...!!!!!!
هو انت مخدتش بالك ان الكلام على العربيات التربو؟؟؟؟!!! اللى عزمها 206 نيوتن... يعنى طلقة.!!
ياريت ياجماعة محدش يزيط فى الزحمة....