تغير طنابير للينيا

[yoko]

للتوضيح

انا بعمل حوالى 150 ك فى اليوم بروح سمارت من الشروق من الدائرى
وكان معايا فكترا 2000 سى سى و لم احتاج طنابير بنفس طريقة السواقة
90 - 100 كم للسرعة

و نادرا كنت بروح العين كنت بجرى شوية الطريق مغرى

إحنا معاك طبعا بس المشكلة التوكيل ممكن يرخم ويقولك في الضمان مكتوب الطنابير برة الضمان
فخلينا للأخر مع فيات لإنها الحل الوحيد ويا ريت الميل بتاع الشكوى

[Formulator]

طبعا متقدرش تقولى يا واد وانا مسمحلكش حتى تقولى يا خالد ..

طبعا مفهمتش قصدى.... للأسف...

بس هو انا لما اشيل رجلى من على البنزين وافرمل ..ايه دخل العزم هنا ؟؟
وعلى فكره الفيكترا ال 2000 سى سى بتعدى 200

دخل العزم ان الفرامل بتحاول تولد قوة traction علشان تضاد عزم دوران الموتور...!!! فبتحمل اكتر على التيل والطنبورة (وعلى كل السرعات btw)
والدليل ان عربيات الفيات اللى مش T-JET مابتاكلش تيل وطنبورة زى التربو...!!
وانا مش مهندس برده .... ممكن يوكو يأكد صحة الكلام من عدمه

وفعلا الفكترا 2000 facelifted P2 2003 صاحبى جاب بيها 230 على الصحراوى وانا معاه وكان بيقول لسه فيها تانى تكة...

[wael17]

فعلاً الواحد بيبقى غلطان انه بينزل للمستوى ده من النقاش
كل إناء ينضح بما فيه يا محترمين

و ربنا يبارك لكم في "اطاليا" :)

اسمها ايطاليا مش اطاليا

علي فكرة يا أ/ محمد....انا ملاحظ انك في اي موضوع متعلق بالفيات...بتدخل تهاجم رغم انك مش من ملاك الفيات..و لما حد بيرد عليك...بيكون الرد الجاهز بتاعك الي كررته كذا مره (غالبا Copy&paste) الواحد بيبقى غلطان انه بينزل للمستوى ده من النقاش
كل إناء ينضح بما فيه يا محترمين
لدرجه اني اول ما شوف مشاركة ليك بقيت اتجاهلها و ماردش عليك لاني عارف انك هاتقول نفس الكلمة...مستوي الحوار ....و يا محترمين

و بعدين لو عضو رد عليك رد مش عاجبك يبقي ترد عليه هو مش تعمم و تقول كل اناء ينضح بما فيه يا محترمين و كأن كل الناس اللي مشاركة في الموضوع مضطهداك مثلا

[tareket]

إحنا معاك طبعا بس المشكلة التوكيل ممكن يرخم ويقولك في الضمان مكتوب الطنابير برة الضمان
فخلينا للأخر مع فيات لإنها الحل الوحيد ويا ريت الميل بتاع الشكوى

الميل اللى اتبعت

Dear Sir/Maddam

I have a complain regarding bad spare parts I got from Omatra main service center in Egypt

On my last Service they requested that I should change the front brake pads and also the discs

I only changed the brake pads in the agency and i always change it on time and with the original pads they provide,

The problem is they refused to change the discs under the warranty and claiming that this is because of my use, this is not good as the car with only 60 000 KM as mileage which is too soon to change the discs, I have droven other cars like Opel and VW with more then 200 000 KM and none of them were requested to change there discs

As a matter of this Issue I will start posting on Fiat forums that Fiat Linea spare parts is not good and the service agency sells bad parts and their warranty is an illusion which of course affect Fiat reputation in Cairo/Egypt

I appreciate your fast response as I haven't yet posted any thing on any forum hoping that Mother fiat can take actions against that bad agency

[slim_shika]

الموضوع, قلب اجتماعي وماحدش بقى بيعلق على المشكلة بتاعت صاحب الموضوع غير yoko!

عامتا, على حد علمي إن الطنابير المفروض تبقى داخل الضمان. التيل استخدام - ديه معروفة, غير كده يبقى فيه مشكلة.

نوعية التيول المستخدمة وحشة يبقى مش المفروض إن يتحملها العميل. ولا أنا غلطان؟

[yoko]

معاك يا مارتن والرد بتاع حضرتك يا أستاذ طارق تمام بس مكنش ليها لازمة

as a matter of this issue i will start posting on fiat forums that fiat linea spare parts is not good and the service agency sells bad parts and their warranty is an illusion which of course affect fiat reputation in cairo/egypt

كنت تخلي التهديد للأخر

[tareket]

معاك يا مارتن والرد بتاع حضرتك يا أستاذ طارق تمام بس مكنش ليها لازمة

كنت تخلي التهديد للأخر

معلش

ساعات التهديد بيجيب نتيجة خصوصا ان فيات عملة عربيات حلوا فا اكيد مش حتحب حد يبوظ سمعتها

عموما واضح ان التوكيل غاسل دمغهم

وانا أن شاء الله هعمل حاجة جامدة بس مش هقول عليها الان

[Ramy_2R]

ﻷ يا خلود العزم بيفرق وإسأل أي حد في هندسة وقوله لو حاجتين ماشيين بنفس السرعة بس واحده عزمها أكبر من التانيه أنهي هتحتاج عزم أعلى عشان توقف لإن الإحتكاك بتاع التيل بيتحول في الأخر لعزم في عكس الإتجاه
وأكبر دليل إن مثلا في الفكترا التيل بتاع ال2000 سي سي مختلف عن ال1600 مع إن الإتنين الطبيعي سرعتهم دايما تحت ال200

بس انا أعتقد ( حسب ما لسه واخد فى المحاضره ) إنى بما انى فصلت الحركه فعزم القور الذاتى بعتمد على الوزن بس وزن الطنبوره (أو الجنط ..مش عارف بالظبط )و وزن العربيه

[yoko]

بس انا أعتقد ( حسب ما لسه واخد فى المحاضره ) إنى بما انى فصلت الحركه فعزم القور الذاتى بعتمد على الوزن بس وزن الطنبوره (أو الجنط ..مش عارف بالظبط :b4_611:)و وزن العربيه

أنا بتكلم عموما طبعا أنا مدرستش ميكانيكا كتير لإني إتخصصت كهربى
وأعتقد إن ده لو الفصل تم من فترة لكن أول ما تشيل رجلك من البنزين وتدوس فرامل العزم بيفرق
بس برده ده ميبررش الطنبورة تريج وانا لولا إني عارف إن العيب مني مكنتش سكتلهم

[Ghamrawy]

برضه فى الاخر مش فاهم !!
الطنابير على مين ؟؟!
و انا ان شاء الله غيار التيل اللى جاى حايكون ebc

[yoko]

برضه فى الاخر مش فاهم !!
الطنابير على مين ؟؟!
و انا ان شاء الله غيار التيل اللى جاى حايكون ebc

رسمي الديسكات والتيل والكاوتش بره الضمان مع الشكوى الله أعلم

[MNabeih]

برضه فى الاخر مش فاهم !!
الطنابير على مين ؟؟!
و انا ان شاء الله غيار التيل اللى جاى حايكون ebc

دة من برة واللا من هنا؟؟؟
و بكام تقريبا؟؟ عشان لو كدة نجيب مع بعض انا ممكن اجيبه دلوقتي لو التيل اللي موجود غلط علي الطنابير!!!

[Ghamrawy]

رسمي الديسكات والتيل والكاوتش بره الضمان مع الشكوى الله أعلم

يا حلاوة
كده فاضل ايه فى الضمان ؟؟
لو التربو باظ و جاب زيت يقولك اه ما انت مفصل على العربية 530 مرة
طرمبة البنزين اه ما انت بتحط بنزين 80
الفتيس اه ما انت بتحرق على العربية و مطلع ..تيييت اهلها
المساعدين اه ما انت بتلبس مطبات
ماسورة ال abs اه ما انت نزلت فى بير و انت اللى كاسرها

لكل مشكلة حايبقى فيه رد جاهز

دة من برة واللا من هنا؟؟؟
و بكام تقريبا؟؟ عشان لو كدة نجيب مع بعض انا ممكن اجيبه دلوقتي لو التيل اللي موجود غلط علي الطنابير!!!

من هنا ان شاء الله و السعر حاعرفه قريب لان المفروض كان فيه بضاعة داخلة بعد العيد

[KHALED AYMAN]

طبعا مفهمتش قصدى.... للأسف...


دخل العزم ان الفرامل بتحاول تولد قوة traction علشان تضاد عزم دوران الموتور...!!! فبتحمل اكتر على التيل والطنبورة (وعلى كل السرعات btw)
والدليل ان عربيات الفيات اللى مش T-JET مابتاكلش تيل وطنبورة زى التربو...!!
وانا مش مهندس برده .... ممكن يوكو يأكد صحة الكلام من عدمه

وفعلا الفكترا 2000 facelifted P2 2003 صاحبى جاب بيها 230 على الصحراوى وانا معاه وكان بيقول لسه فيها تانى تكة...

لا فهمت بس برده عملت مش واخد بالى ...اصل انا "متربى" واتعلمت "مشتمش" حد غير "وقت اللزوم"

[yoko]

يا حلاوة
كده فاضل ايه فى الضمان ؟؟
لو التربو باظ و جاب زيت يقولك اه ما انت مفصل على العربية 530 مرة
طرمبة البنزين اه ما انت بتحط بنزين 80
الفتيس اه ما انت بتحرق على العربية و مطلع ..تيييت اهلها
المساعدين اه ما انت بتلبس مطبات
ماسورة ال abs اه ما انت نزلت فى بير و انت اللى كاسرها

لكل مشكلة حايبقى فيه رد جاهز

مش للدرجة دي بس للأسف كل توكيلات مصر بتعمل أسخم من كده لكن فيات دول بس الي بره الضمان والمساعدين بعد 40 الف تقريبا (مش متأكد) منصور بعد 20 الف على فكرة
والباقي مفيش حاجة تطلعك برة الضمان إلا لو الجزء باين إنه واخط خبطة
وقدام عيني غيروا جير بوكس ديول لوجيك بالكامل ضمان