عيب تصنيع فرامل في الإيفو

[Ghamrawy]

والله الورقة اللي بقطع الغيار كلها و مكتوب إنها على حسابهم بخطي و انا ماضية تحتها مع حماية المستهلك (النسخة الأصلية) و مش مقتنعين إن ده دليل ملموس يدوني بيه عربية تانية و يا رب بس حماية المستهلك تقدر تبعتلي حد إسكندرية يفحص العربية عشان لو مبعتوليش حد هيبقى صعب جداااااا أوديهالهم القاهرة لأن إستحالة أسوقها و كساحة دي هتبقى مغامرة و تكلفة....

اعتقد ان كده حقك فى اللجوء لحماية المستهلك سقط علشان الوكيل عمل اللى عليه و غير كل حاجة على حسابه يعنى الوكيل قدام حماية المستهلك بذل العناية الكافية فى اصلاح الاعطال و ما تسببت فيه من حوادث و على حسابه و حضرتك وقعتى على كل ده .
مافيش فى ايدك دلوقتى غير موضوع ال brake switch علشان تكملى الشكوى فى جهاز حماية المستهلك

[prince93]

MagedFahmy2010 & karimalaa

أنا كاتبة نوت على الفيس بوك بالعربي و بالإنجليزي من كام يوم كدة و أنا معيدة و كل الطلبة و الناس إللى عندي في الكلية كانوا شافو الحادثة و أنا في طريقي للكلية فمتابعين الأخبار من الأول و كتير منهم عملولها شير بس أنا لقيت ان الصفحة الأصلية لفيات بالإيطالي فمحططلهمش النوت فشوفو لو هتعملو جروب أنا معاكو طبعا و إبقوا حطوا اللينك هنا و أكيد كلنا هننضم.

prince93

والله الورقة اللي بقطع الغيار كلها و مكتوب إنها على حسابهم بخطي و انا ماضية تحتها مع حماية المستهلك (النسخة الأصلية) و مش مقتنعين إن ده دليل ملموس يدوني بيه عربية تانية و يا رب بس حماية المستهلك تقدر تبعتلي حد إسكندرية يفحص العربية عشان لو مبعتوليش حد هيبقى صعب جداااااا أوديهالهم القاهرة لأن إستحالة أسوقها و كساحة دي هتبقى مغامرة و تكلفة....

هو مين اللى مش مقتنعين انهم يدوكى بدلها عربية تانية؟ حماية المستهلك؟ هم اصلا مش مقتنعين بإن هم يطالبوا اوماترا بكدة لحد دلوقتى؟ طب ممكن تسأليهم ايه المطلوب عشان يقتنعوا انهم يطالبوا اوماترا بعربية جديدة؟

يعنى حصلت معاهم قبل كدة اصلا ان هم طالبوا ان حد متضرر يتعوض بعربية جديدة؟ طب ايه المطلوب عشان نوصل للنتيجة دى؟ ايه اللى يخليهم يقولوا ان المتضرر لازم يتعوض بعربية جديدة ؟
و لا هم اصلا قدراتهم متوصلش انهم يجبروا توكيل انه يطلع عربية جديدة مكان المعيبة ؟ عشان متعديش تتعبى نفسك على الفاضى يعنى.. لو حماية المستهلك حيعدوا يجادلوا فى اى كلام بقى او هم اصلا ما بيحلموش انهم يعملوا كدة، فالطريق المستقيم على طول قضية على اوماترا.. مش عارف اذا كسبتى القضية ممكن تطالبى ان اوماترا يدفعوا تكاليف المحامى كمان :D
على الاقل دلوقتى ، ان فاضل brake switch، معرفش بصراحة اذا كانت القطعة دى خطيرة و لا لأ.. بس لو هى بايظة، و لو معاهم كمان النسخة الاصلية اللى فيها قطع الغيار اللى اتغيرت على حساب اوماترا، و اذا كان نظام الفرامل كله ما عدا الbrake switch اتغير، و اذا كانت العربية حصل لها حادثة بسبب عيب الصناعة دة، و اذا كان ربنا نجاكى و نجا الناس اللى على القهوة.. يبقى اقل حاجة عربية جديدة.. ارواح الناس مش لعبة.. و الفرامل بالذات مفيش حاجة اسمها عيب صناعة.. العربية المفروض تيجى للتوكيل يجرب كل حاجة فيها و اولهم الفرامل.. بعد كدة تتباع العربيات للناس، و هم و نصيبهم بقى مثلا؟!

[prince93]

اعتقد ان كده حقك فى اللجوء لحماية المستهلك سقط علشان الوكيل عمل اللى عليه و غير كل حاجة على حسابه يعنى الوكيل قدام حماية المستهلك بذل العناية الكافية فى اصلاح الاعطال و ما تسببت فيه من حوادث و على حسابه و حضرتك وقعتى على كل ده .
مافيش فى ايدك دلوقتى غير موضوع ال brake switch علشان تكملى الشكوى فى جهاز حماية المستهلك

طب يا مستر غمرواى.. ما كل اللى حصل دة واجب عليهم، يعنى مش محتاجين حماية مستهلك او كدة.. يعنى الطبيعى انه يعمل كل الكلام دة على حسابه.. بس السؤال، لو كانت لا قدر الله حصل لها حاجة فى الحادثة دى ، مش بسبب خطأ منها، لأ ، دة بسبب عيب تصنيع و فى الفرامل! يعنى ممكن تكون من اهم الحاجات فى العربية و لازم تبقى شغالة سليمة عند الاستلام و مفيهاش عيوب تصنيع.. يعنى احنا دلوقتى كان ممكن ميبقاش فى كل الكلام دة لو الغلط منها هى.. لو المشكلة اللى حصلت فى الفرامل بسبب خطأ شخصى، قطع مثلا حصل بسبب خبطة قبل كدة اى حاجة بسبب سوء استخدام.. لكن اما يتقال انه عيب تصنيع و فى الفرامل، دة كلام مش مقبول و مينفعش..
يعنى السؤال دلوقتى ، لو لا قدر الله كان حصل خسائر بشرية سواء لsky walker او للناس الى دخلت فيهم و اللى لولا ستر ربنا كانت العربية شالتهم، كان ايه حيبقى الوضع؟ مين يتحمل الناس اللى حتتخبط؟ طب مين الى يعوضها هى شخصيا لو حصل لها اصابة ما ؟ مين اللى يتحمل كل الكلام دة؟ تصليح الخسائر اللى حصلت بسبب عيب تصنيع فى الفرامل دة انا عن نفسى مش شايفه تعويض، دة الواجب.. التعويض بقى هو زى غرامة تتدفع .. عقاب يعنى :)

[sky_walker]

هو مين اللى مش مقتنعين انهم يدوكى بدلها عربية تانية؟ حماية المستهلك؟ هم اصلا مش مقتنعين بإن هم يطالبوا اوماترا بكدة لحد دلوقتى؟ طب ممكن تسأليهم ايه المطلوب عشان يقتنعوا انهم يطالبوا اوماترا بعربية جديدة؟

يعنى حصلت معاهم قبل كدة اصلا ان هم طالبوا ان حد متضرر يتعوض بعربية جديدة؟ طب ايه المطلوب عشان نوصل للنتيجة دى؟ ايه اللى يخليهم يقولوا ان المتضرر لازم يتعوض بعربية جديدة ؟
و لا هم اصلا قدراتهم متوصلش انهم يجبروا توكيل انه يطلع عربية جديدة مكان المعيبة ؟ عشان متعديش تتعبى نفسك على الفاضى يعنى.. لو حماية المستهلك حيعدوا يجادلوا فى اى كلام بقى او هم اصلا ما بيحلموش انهم يعملوا كدة، فالطريق المستقيم على طول قضية على اوماترا.. مش عارف اذا كسبتى القضية ممكن تطالبى ان اوماترا يدفعوا تكاليف المحامى كمان :d
على الاقل دلوقتى ، ان فاضل brake switch، معرفش بصراحة اذا كانت القطعة دى خطيرة و لا لأ.. بس لو هى بايظة، و لو معاهم كمان النسخة الاصلية اللى فيها قطع الغيار اللى اتغيرت على حساب اوماترا، و اذا كان نظام الفرامل كله ما عدا الbrake switch اتغير، و اذا كانت العربية حصل لها حادثة بسبب عيب الصناعة دة، و اذا كان ربنا نجاكى و نجا الناس اللى على القهوة.. يبقى اقل حاجة عربية جديدة.. ارواح الناس مش لعبة.. و الفرامل بالذات مفيش حاجة اسمها عيب صناعة.. العربية المفروض تيجى للتوكيل يجرب كل حاجة فيها و اولهم الفرامل.. بعد كدة تتباع العربيات للناس، و هم و نصيبهم بقى مثلا؟!

بص إحنا لما كنا في اللجنة المستشار القانوني قاللي قبل ما يصلحوها كنت هقولك أقدر أخليه يجيبلك عربية تانية و تعويض كمان بس دلوقتي هو لعبها صح و خبى كل حاجة يبقى فين العيب؟؟؟!!! يبقى استلميها بقى و لو لقيتي عيب تاني هنحطه على العيوب اللي قبل الحادثة و نشوف و مهانش عليهم يكلفو نفسهم و يكشفو عليها قبل ما استلمها حتى!!!! و انا ساعتها رديت عليهم و قولتلهم ألف شكر على تعبكم و الصيانة المصنعية اللي ببلاش دي لو لحقت أعملها اصلا فخليهالكو و حتى لو مكنتش مضيت على قطع الغيار اللى هي المستند الوحيد اللي يثبت إن التوكيل متحمل اكتر من 19.000 جنيه مصري (لله كدة سبحان الله) هو محمد البربري ده قال إن مفيش حاجة اسمها عربية تانية في سياسة اوماترا بس كدة...... قامو حماية المستهلك قالولي هنبقى نشوف لما تستلميها....

و زي ما انا قلت في الأول انا بعمل كل الخطوات دي يأساَ مني انا عارفة اني مش هطول من حد فيهم لا حق و لا باطل بس أبقى عرفت الناس بالمشكلة و خللصت ضميري و أبقى سعيت و عملت اللي عليا...

[yoko]

على فكرة بالورقة دي وفحص فني على العربيه ممكن ترفعي قضيه وتكسبيها بسهولة
وكمان تعويض على الضرر المادي والمعنوي والموضوع ده هبعته للمدير التنفيذي أنا هحدد معاه معاد بكرة إن شاء الله

[prince93]

بص إحنا لما كنا في اللجنة المستشار القانوني قاللي قبل ما يصلحوها كنت هقولك أقدر أخليه يجيبلك عربية تانية و تعويض كمان بس دلوقتي هو لعبها صح و خبى كل حاجة يبقى فين العيب؟؟؟!!! يبقى استلميها بقى و لو لقيتي عيب تاني هنحطه على العيوب اللي قبل الحادثة و نشوف و مهانش عليهم يكلفو نفسهم و يكشفو عليها قبل ما استلمها حتى!!!! و انا ساعتها رديت عليهم و قولتلهم ألف شكر على تعبكم و الصيانة المصنعية اللي ببلاش دي لو لحقت أعملها اصلا فخليهالكو و حتى لو مكنتش مضيت على قطع الغيار اللى هي المستند الوحيد اللي يثبت إن التوكيل متحمل اكتر من 19.000 جنيه مصري (لله كدة سبحان الله) هو محمد البربري ده قال إن مفيش حاجة اسمها عربية تانية في سياسة اوماترا بس كدة...... قامو حماية المستهلك قالولي هنبقى نشوف لما تستلميها....

و زي ما انا قلت في الأول انا بعمل كل الخطوات دي يأساَ مني انا عارفة اني مش هطول من حد فيهم لا حق و لا باطل بس أبقى عرفت الناس بالمشكلة و خللصت ضميري و أبقى سعيت و عملت اللي عليا...

اول حاجة، بلاش احساس اليأس دة عشان خاطرى :D
اللى بيحصل بيحصل عشان احنا بيبقى عايزينه يحصل و عشان ربنا بيوفقنا فى اللى احنا عايزينه يحصل.. الناس اللى نزلت فى الثورة، و الناس اللى كانت قاعدة فى البيت، قبل 25 يناير، عمر ما كان حد يحلم ولا ييجى فى باله ان حسنى مبارك يمشى!
اللى حصل حصل بسبب ان الناس كانت مصممة على النتيجة، و ان ربنا وفقهم فى كدة يمكن عشان هم ايمانهم باللى ممكن يعملوه كان قوى جدا ! يعنى اصرارهم دة، مع ان فى ناس كتير اوى كانت بتقول كدة كفاية يا جماعة متحلموش بأكتر من كدة، بس هم بالاصرار الغريب دة عملوا حاجة محدش كان بيفكر فيها نهائى قبل 25 يناير..
طيب دلوقتى، انا شايف ان الكلام يبدأ من الbrake switch.. زى ما قلت فى المشاركة اللى فاتت.. ما دام فى brake switch لسة عايز يتغير، بالاضافة للحاجات الى اتغيرت، بالاضافة لحياتك و حياة الناس اللى اتعرضت لخطر، و اهم حاجة، انا شايف دة مدخل ممتاز، ان العربية طلعت من عندهم و هى ناقصها brake switch عايز يتغير (معناها ان فى مخاطرة تانية بحياتك و بعلم اوماترا!) و السبب مقنع جدا، عشان السيستم واقع :D .. يا سلام على المنطق الجميل
يعنى دلوقتى الكلام يبدأ من ان العربية لسة فيها مشكلة فى الفرامل، الا و هى الbrake switch.. الامر اللى يعرض حياتك للخطر لتانى مرة، و ان العربية اتسلمت لك و هى فيها العيب دة بعد اما اتغير لها قطع غيار بقيمة 19 الف جنيه .. طب دلوقتى لو انتى غيرتى الbrake switch، ايه اللى يضمن ان العربية بقت سليمة؟ ازاى حتسوقيها و انت مش مقلقة منها؟ ما يمكن يكون فى عيوب تانية و هم لسة مغيروش قطعة الغيار المطلوبة؟
ادى اول مدخل عشان يشكك فى اوماترا نفسها و فى قطع الغيار اللى اتغيرت.. ان العربية اتسملت بعد حادثة كبيرة و هى لسة فيها مشكلة! ، طب ما ممكن يبقى فيها مشكلة بعد حتى اما يتغير الbrake switch؟ من هذا المنطلق، اعتقد التوجه الطبيعى للتفكير ان العربية دى ممكن يكون فيها عيوب صناعة تانية و مش حينفع تبقى واثقة فيها و انتى سايقاها، زى ما العربية استلمتيها اول مرة و هى فيها عيب صانعة فى الفرامل، و زى ما سلموكى العربية بعد التصليح و لسة فيها قطعة غيار ما اتغيرتش.. قولى لهم الكلام دة و كلميهم بثقة، بتفكير اللى حيجيب حقه يعنى حيجيب حقه، مش بتفكير اليائس اللى بيعمل اى حاجة مع انه مؤمن انه مش حيوصل حاجة..
انا آسف مقدما على الطريقة اللى بتكلم بيها انها بدون القاب و كدة بس مش عارف اظبط الالقاب فى وسط الكلام الكتير اوى دة ، دة يغر انى اتشليت من الكلام اللى سمعته دة :D

[MagedFahmy2010]

اعتقد ان كده حقك فى اللجوء لحماية المستهلك سقط علشان الوكيل عمل اللى عليه و غير كل حاجة على حسابه يعنى الوكيل قدام حماية المستهلك بذل العناية الكافية فى اصلاح الاعطال و ما تسببت فيه من حوادث و على حسابه و حضرتك وقعتى على كل ده .
مافيش فى ايدك دلوقتى غير موضوع ال brake switch علشان تكملى الشكوى فى جهاز حماية المستهلك

ياريت تبسطهالى عشان انا مش فاهم .......... لما جهاز حماية المستهلك يلاقى ان التوكيل صلح العربية على حسابة يبقى كدة خلاص مفيش مشكلة ؟ طب ازاااااااااااااى ؟ مش المفروض التوكيل مسئول عن بيع عربية فيها عيب خطير جدا كان حيسبب موت ناس لولا ستر ربنا ؟ يعنى انت تبعلى عربية خربانة ويوم ما اعمل حادثة تقولى متزعلش هصلحهالك على حسابى ؟ يعنى لو نفس الموقف دة حصل فى اوربا ولا امريكا كان رد الفعل حيكون كدة ؟ مستحيييييييل طبعا . الشركة الام فى ايطاليا اتعاملت بمنتهى السلبية مع صاحبة المشكلة لانها مصرية لكن لو كانت انجليزية مثلا كان حيبقى الوضع مختلف تماما . اكيد كانوا حيعتذروا ويبدوا الندم و يقدموا التعويض و عربية جديدة لكن المصرى ملوش دية . لا بقى ..... كفاية اوى كدة ..... لازم الطليانة يعرفوا ان احنا مش فران تجارب عشان يبعتولنا عربيات معيبة ويجربوا فينا و ان احنا مش اقل من الناس اللى عايشة فى اوربا و امريكا . يا جماعة احنا لازم يكون كلامنا مع الشركة الام فى ايطاليا مباشرة ولازم يفهموا ان صاحبة العربية لو ماخدتش التعويض اللائق و عربية جديدة حايبقى شغلنا الشاغل كلنا هو تشوية سمعة فيات فى مصر والعالم كلة . لازم كل واحد فينا من النهاردة بيعرف انجليزى او ايطالى يبعت email شديد اللهجة لفيات ايطاليا نقول فية كل اللى نفسنا ضد اوماترا ....... و الزن على الودان امر من السحر .

[elysmeen]

والله نتكاتف ونعملهم مصيبه هناك احنا مش شويه
والبركة فى نايل موتورز وفينا الي بعنالهم كم العربيات دى
فلازم يبقى لينا وقفة
وانا من اسكندرية وعندى استعداد اجى واقف معاكوا

[karimalaa]

بسسسسسسسسسسسسسسسسسسسسسس STOPPPP!
الجروب أهو: Login | Facebook

[CryptonX]

وعلى فكرة ياجماعة مش عايز " اهلع" حد او اكبر الموضوع ..

بس حتى لو التوكيل مش عارف يتعامل مع الموضوع و في مشكلة فعلا زي مابيقول غمراوي باشا ..

يبقى الموضوع هنا مستاهل وقفة مع فيات ايطاليا مش مصر .. لسبب بسيط لو sky_walker طلبت سيارة بديلة .. عمر ما اوماترا حتعملها من غير موافقة فيات ايطاليا .

فانا شايف انكم تكلمي ...مش e-mail اي حد في خدمة عملاء ايطاليا وتحاولي تشرحي الي الي حصل .

بالنسبة لملاك فيات ايفو و جراند بونتو ... انصحكم تتابعوا الفرامل و حالتها مع حد تثقه فيه غير فيات ( مركز صيانة - ورشة - الخ ... )

و بصراحة كدة ... انصح اي حد حاجز عربية فيات جديدة ..يلغي الحجز ... بامانة ... حتتعزب و تتبهدل من غير حاجة لو مفيش ان شاء الله عيوب في عربيتك ...ما بالك بقى لو طلع فيها ! و معاك توكيل زي ده ...

تاني حاجة تبقى ضربة محترمة و تقولهم انك لغيت الحجز علشان سمعت عن العربية دي كذا كذا كذا ...

انا مش فارق معايا فيات تمشي او ترجع في مصر على اد مافارق معايا فلوس الناس يعني مش بيلاقوها في الشارع ...

و خلاص مش " الشبح " يعني ... في الف عربية غيرها مماثلة و احسن كمان نسبيا !

[yoko]

هقابل المدير التنفيذي يوم الثلاثاء
وهخليه يفتح النت ويشوف الموضوع ده بنفسه

[Formulator]

مالوش لازمة الكلام ده يا كريم CryptonX دانت راجل فياتاوى قديم...!
انا معاك ان أوماترا بتستهبل.. وفيات كمان عشان سوء اختيار وكلائها وضعف الرقابة عليهم فـ مصر وغيرها
بس بلاش تقول للناس "انصحكم تتابعوا الفرامل و حالتها مع حد تثقه فيه غير فيات"
ولا "انصح اي حد حاجز عربية فيات جديدة ..يلغي الحجز"
شركات كبيرة زى تويوتا ومرسيدس وجنرال موتورز و BM استدعت ملايين السيارات عشان العيب ده بالتحديد (تسريب زيت من وصلات وماستر الفرامل) لكن دى اول مرة اسمعها فـ جراند أو أيفو وتكاد تكون فردية...!!!

ياجماعة انا من أكتر الناس اللى اتضرت من وكلاء فيات: النيل الهندسية, فيات أوتو واخيرا أوماترا... فـ 3 عربيات: punto speedgear, ألفا 156 و برافو120 وشفت الأمرين فـ حاجات كتير...

يا yoko لو سمحت ممكن تتابع موضوع الأخت العضوة sky_walker بنفسك وتوصل الشكوى للـCEO لما تقابله ان شاء الله.

وأنا معاكو فـ أى حاجة عايزين تعملوها facebook, ايميلات لفيات أو حتى عايزين تروحوا الدقى أو جسر السويس نعتصم ونخمس لهم بالعربيات قدام المركز .. ونعميهم تراب ... والجيش ينزل ماشى..!!!

[M.Osman]

وعلى فكرة ياجماعة مش عايز " اهلع" حد او اكبر الموضوع ..

بس حتى لو التوكيل مش عارف يتعامل مع الموضوع و في مشكلة فعلا زي مابيقول غمراوي باشا ..

يبقى الموضوع هنا مستاهل وقفة مع فيات ايطاليا مش مصر .. لسبب بسيط لو sky_walker طلبت سيارة بديلة .. عمر ما اوماترا حتعملها من غير موافقة فيات ايطاليا .

فانا شايف انكم تكلمي ...مش e-mail اي حد في خدمة عملاء ايطاليا وتحاولي تشرحي الي الي حصل .

بالنسبة لملاك فيات ايفو و جراند بونتو ... انصحكم تتابعوا الفرامل و حالتها مع حد تثقه فيه غير فيات ( مركز صيانة - ورشة - الخ ... )

و بصراحة كدة ... انصح اي حد حاجز عربية فيات جديدة ..يلغي الحجز ... بامانة ... حتتعزب و تتبهدل من غير حاجة لو مفيش ان شاء الله عيوب في عربيتك ...ما بالك بقى لو طلع فيها ! و معاك توكيل زي ده ...

تاني حاجة تبقى ضربة محترمة و تقولهم انك لغيت الحجز علشان سمعت عن العربية دي كذا كذا كذا ...

انا مش فارق معايا فيات تمشي او ترجع في مصر على اد مافارق معايا فلوس الناس يعني مش بيلاقوها في الشارع ...

و خلاص مش " الشبح " يعني ... في الف عربية غيرها مماثلة و احسن كمان نسبيا !

سبحان الله
ياما قلت كلام مشابه للكلام ده و الناس اتهمتني اني عميل
او على اساس ان كل ما اقنع واحد ميشتريش فيات من اوماترا باخد bonus
.. مع اني اصلأ في اوائل ايامي في نايل كنت فاتح مواضيع نناقش فيها سوء سمعة فيات في مصر و كدا و كله اجمع انه بسبب الوكيل

اتمنى الناس مشاكلها تتحل و طبعاً مازلت ضد اوماترا

[sky_walker]

جماعة ساعدوني في القرار

حماية المستهلك عاوزني أوديلهم العربية يوم الثلاثاء باي طريقة ملهمش دعوة و قال كدة كدة محمد البربري هيبقى موجود عشان مستدعيينوا في شكوى تانية (واضح إن الشكاوي كتيرة) و الكساحة هتكلفني كتير و قالولي هتبهدل العربية و مش عارفة هسوقها إزاي كدة؟؟؟!!! و عندي إحساس شبه اكيد إن المشوار هييجي عالفاضي زي أول مرة بهدلة بس المرة دي هتبقى 3 أضعاف ده غير المخاطرة و هما اصلا عارفينه و شكلهم عشرة عمر و ده كان واضح من اسلوب الكلام المرة اللي فاتت.

و حماية المستهلك لما بقول لمقررة اللجنة دي هااا و بعدين يعني لما هاجي و هتلاقو العيب هتعملولي إيه منتو أكيد مش هترجعوني و تقولولي خلاص هيصلحهولك؟؟؟!!!!! قامت قالتلي منتى متسبقيش الأحداث!!!!!!! و هبقى اتبهدلت عالفاضي........

و لما كلمت البربري بيتكلم بثقة عميااااااااااااااااااااااء إن متحاوليش اصلااااااااا قلنالك مفيش عربية تانية!!!!!

إيه رأيكم في الكلام ده؟؟!!! و yoko هتقدر تساعدني غمتى و إزاي في الحالة دي؟؟!!!

[yoko]

المشكله إني هقابل المدير التنفيذي ال ثلاثاء الظهر فشوفي لو تقدري تأجلي حماية المستهلك بأي حجة وإنك مش فاضيه لحد ما نقابل المدير التنفيذي أو تيجي وأمرك لله وساعتها ممكن نظبط الدنيا وتقابلي المدير التنفيذي بنفسك بعد حمايه المستهلك