عيب تصنيع فرامل في الإيفو

[prince93]

المشكله إني هقابل المدير التنفيذي ال ثلاثاء الظهر فشوفي لو تقدري تأجلي حماية المستهلك بأي حجة وإنك مش فاضيه لحد ما نقابل المدير التنفيذي أو تيجي وأمرك لله وساعتها ممكن نظبط الدنيا وتقابلي المدير التنفيذي بنفسك بعد حمايه المستهلك

هو يوكو بيقول كلام حلو.. بس الbrake switch دة ايه خطورته؟ يعنى بصراحة الواحد ميقدرش يقول لك تسافرى و يبقى فى خطورة بسبب الBrake switch دة..
او بقى تبقى سايقة ببطء و على اليمين عشان لو العربية هبلت ولا حاجة تعرفى توقفيها.. و يستحسن بردو انك تاخدى حد معاكى. ما تسافريش لوحدك يعنى

[Ahmed_Ezz]

و بصراحة كدة ... انصح اي حد حاجز عربية فيات جديدة ..يلغي الحجز ... بامانة ... حتتعزب و تتبهدل من غير حاجة لو مفيش ان شاء الله عيوب في عربيتك ...ما بالك بقى لو طلع فيها ! و معاك توكيل زي ده ...

تاني حاجة تبقى ضربة محترمة و تقولهم انك لغيت الحجز علشان سمعت عن العربية دي كذا كذا كذا ...

انا مش فارق معايا فيات تمشي او ترجع في مصر على اد مافارق معايا فلوس الناس يعني مش بيلاقوها في الشارع ...

و خلاص مش " الشبح " يعني ... في الف عربية غيرها مماثلة و احسن كمان نسبيا !

بالضبط ده اللى انا عملته كان معايا الفلوس و كنت رايح احجز و الست كلمتنى قلتلها لأ انا غيرت رأى علشان التوكيل طبعااااااااااااا قالتلى انه فى تحسن و الكلام ده قلت لأ و نصحت كل اللى اعرفهم و كانو حبين فيات بكده و كلهم اقتنعو بالبعد عن الماركه ديه المهم الحمد لله انا اجلت الموضوع لحين استقرار البلد

[Ghamrawy]

بصوا يا جماعة بس علشان نوضح الامور و كلوا يبقى تمام
انا اسف مش حاقدر ارد على واحد واحد لانى فوت كلام كتيير بس حاتكلم بحياد على قد ما اقدر

لو كان لا قدر الله و حصل اصابة للاخت صاحبة العربية أو حد من الشارع او القهوة
يبقى فى الحالة دى يبقى القضية تترفع على فيات ممثلة فى توكيلها فى مصر حتى لو كان الوكيل صلح العربية على حسابه بعد الحادثة لانه اصلاح الوكيل للتلفيات على حسابه اكبر دليل على ان العربية فيها عيب قاتل .
انما فى حالتنا دى الحمد لله ربنا سلم و الموضوع اتلم علشان مافيش اصابات حصلت و الوكيل غطى كل تكاليف الاصلاح
بس برضوا ممكن رفع قضية للضرر المادى (الانخفاض فى قيمة العربية بعد الحادثة)و الضرر المعنوى بسبب حالة الرعب و الفزع اللى حصلت لاختنا العضوة اثناء الحادثة.
موضوع ان احنا مصريين و مالناش ثمن ده للاسف جزء كبير منه صحيح علشان لو كان الموضوع ده حصل بره كان ممكن القضاء بعد اثبات العيب الفنى يخلى فيات تدفع مبلغ مهول كتعويض.
دلوقتى النقطة الفاصلة فى الموضوع ده هو العطل اللى فاضل و بيخلى العربية تمور لوحدها و ترفض النقلة العكسية و ده لازم العربية تروح حماية المستهلك على كساحة و طبعا العملية فيها مخاطرة كبيرة بسبب وجود قطاع طريق و طوب بعرض الطريق فى بعض الاماكن (بقينا أقذر من المكسيك فى موضوع قطاع الطرق)بالاضافة للتكلفة اللى ممكن توصل ل 400 ج و العربية حاتفضل هناك شوية مع اللجنة بتاعت حماية المستهلك،فامعلش علشان الموضوع بتاع حماية المستهلك ده يحصل يبقى لازم الاخت الفاضلة صاحبة العربية تجازف و تروح القاهرة فى وجود صحبة فى الطريق .

موضوع عربية تانية ده متروك للقضاء طبعا و لو كانت العربية عملت الموضوع ده قبل ما تترخص كان الكلام اتغير 180 درجة على فكرة .

[prince93]

كلام معقول بردو

[CryptonX]

مالوش لازمة الكلام ده يا كريم cryptonx دانت راجل فياتاوى قديم...!
انا معاك ان أوماترا بتستهبل.. وفيات كمان عشان سوء اختيار وكلائها وضعف الرقابة عليهم فـ مصر وغيرها
بس بلاش تقول للناس "انصحكم تتابعوا الفرامل و حالتها مع حد تثقه فيه غير فيات"
ولا "انصح اي حد حاجز عربية فيات جديدة ..يلغي الحجز"
شركات كبيرة زى تويوتا ومرسيدس وجنرال موتورز و bm استدعت ملايين السيارات عشان العيب ده بالتحديد (تسريب زيت من وصلات وماستر الفرامل) لكن دى اول مرة اسمعها فـ جراند أو أيفو وتكاد تكون فردية...!!!

مع احترامي ليك يا باشا ده هو وقته !

انا اسف بس بعد الشر عليك لو كان حصلك كدة و عملت حادثة و قتلت حد او حصلك حاجة مكانش ده حيبقى كلامك .. لو المشكلة انه عيب تصنيع من شركة كبيرة زي مابتقول .. يتفرع عليها قصية زي ماحلص هناك و دفعت تعويضات باملايين .. انما المشكلة انه عيب صناعة مع " بجاحة " و استهتتار بارواح الناس في التصليح !

انا مش شاري جزمة ولا موبايل حرميه و اجيب غيره .. دي حاجة ممكن تودي بحياة ناس كتير بسبب " استهتتار " واحد مايسواش !

يبقى لأ !...

مش معنى انك انت و انا بنحب فيات ! يبقى نموت علشانها ! ولا نتصاب ولاحتى نتهان او نتقرف ! دي ماركة عربيات يا جماعة ! مش بلد و لا جنسية ولا دين !

تولع بجاز لو حتصيبني حتهيني حتقرفني ... هو احنا يعني بيدونا حاجة من اسهمها ؟؟؟

ان للاسف كنت منحاز و متعصب كدة في الاول ... بس اكتشفت ان التعصب ده مش في محله .. حستفاد ايه في الاخر ؟

سبحان الله
ياما قلت كلام مشابه للكلام ده و الناس اتهمتني اني عميل
او على اساس ان كل ما اقنع واحد ميشتريش فيات من اوماترا باخد bonus
.. مع اني اصلأ في اوائل ايامي في نايل كنت فاتح مواضيع نناقش فيها سوء سمعة فيات في مصر و كدا و كله اجمع انه بسبب الوكيل

اتمنى الناس مشاكلها تتحل و طبعاً مازلت ضد اوماترا

معاك حق يا باشا .. بس احنا دولقتي بعد الثورة بقى :)

انا والله كنت بدافع عن العربية كعربية .. مش على توكيل او شركة ... بس لما يوصل الموضوع لاستهتتار في ارواح الناس ... تغور فيات بتوكيلها بعربياتها بصراحة !

الى كل المساكين اللى حاجزين عربية فيات جيدة ........ لا تتعاملوا مع هذا التوكيل التوكىل فية سم قاتل

نعم ولا يوجد ترياق الي يومنا هذا ! -
-------


وبكرر نصيحتي ..

الي حاجز يلغي ... علشان التوكيل يا يتلم .... يا يتنحى !

[karimalaa]

فيات رضوا عليا على Facebook و قالوا لي حيبحثوا في الأمر و يردوا عليا...

[Formulator]

أستاذ CryptonX
أنا معاك فـ جزئية ان احنا ضد "البجاحة والأستهتار" بتاع الوكيل... مفيهاش كلام !!!
لكن مش معاك فـ طريقة الهاندلينج بتاع المشكلة.. مش هو ده الحل...!

وبرضه الأستاذ MagedFahmy2010 اللى معندوش غير مشاركة واحدة بيقولها فـ كل المواضيع..!!!؟؟؟ هو ده تصرفك اللى انت شايفه هيجيب نتيجة ..!
ياجماعة احنا بنحاول ندور على حل بطريقة "أكثر فاعلية"... أو بطريقة أوروبية من الآخر... أخذ الحق حرفة واضح اننا مش عارفينها.
وعشان فيه ناس بتخش تزيط فـ الزحمة والزيطة....
وbtw يا كريم انا مش متعصب ولا كنت.. الحمد لله, لو انحيازى للتطور والتفوق التكنولوجى (بحكم شغلى فى مجال الـR&D) واحتقارى للبدائية والتأخر التقنى لبعض الشركات (معروفة) يعتبر تعصب.. فـ آه انا متعصب..!!!

[M.Osman]

معاك حق يا باشا .. بس احنا دولقتي بعد الثورة بقى :)

انا والله كنت بدافع عن العربية كعربية .. مش على توكيل او شركة ... بس لما يوصل الموضوع لاستهتتار في ارواح الناس ... تغور فيات بتوكيلها بعربياتها بصراحة !

محصلش حاجة يا كريبتون
و يا ريت بس كل الناس ترد باسلوب كويس زيك كدا
... عشان نحس بنتائج 25 يناير

[eslam_fashion]

انا كان نفسي في العربية دي اوي بس واضح اني هغير راي .. بس بجد عايز اعرف ايه الي وصلوله والاخت الي من اسكندرية لازم تيجى حتى لو تقابل المدير التنفيذى حتى من غير العربية .. وانا معاكو في اي حاجه عايزين تعملوها لاني لو مكانها هموت من حسرتى عالفلوس اصلا .. بس بجد ماينفعش يتسكت عالموضوع ولو مخدتش حقها لازم يتعمل اي حاجه لان فعلا الواحد قرف من ده صث وسعر العربية 100 الف مش 100 جنيه اه ممكن متفرقش معا اوماترا بس بالنسبه للشخص ده ممكن يكون كل المبلغ ال معاه عشان يجيب به عربية ده غير لو جايبها قسط .. يابر الموضوع يتحل وبجد محدش يسكت وانا هحاول اروح للتوكيل الي في الدقى لاني لسه كنت عنده من اسبوع وبساله على العربيه وكنت هحجز اول الشهر بس هروح اقله لا مش هحجز وهقوله ايه السبب

[Formulator]

.....................

يمنع كتابة مشاركات ليس لها معني
مشرف 14ب
1205
2202

[sweetvolcanoo]

يا جماعة لازم نتكلم بحيادية من غير تعصب,ديه اول شكوي اسمعها من عربية ايفو و كانت مفاجاة لية انها متعلقة كمان بالفرامل اللي انا اصلا شايفها تحفة في العربية و علي جميع السرعات,,,استجابتها احسن من السيراتو بكتير,,,انا بطمن في سواقتها عن السيراتو 100 مرة و خصوصا في السفر و عمر ما حد اشتكي من الايفو لغاية دلوقتي,,,يعني ديه اول مشكلة فردية في السيارة بالرغم من كثرة ملاكها علي المنتدي,,,يبقي المشكلة كلها في التوكيل بس و طريقة معالجتة للموضوع,,مينفعش نظلم العربية لانها و شهادة حق تحفةةةةةةةةةة في كل حاجة,,,ده كفاية انها متقفلة في ايطاليا و مسمعناش عن اي مشكلة متعلقة بالتقفيل نهائيا في العربية مش المهازل اللي الواحد بيقراها علي المنتدي علي الماركات التانية,,,,,احنا اللي مضيعين حقوقنا مع التوكيل عشان بنسكت,,,والله انا مستعد نظبط كلنا مع يوكو و نروح كلنا مع بعض للمطلبة بحل تلك المشكلة حل فوري والله لو عملنا كدة كلنا و روحنا بعدد كبير كلنا بعربياتنا علي التوكيل والله اتحداكم ان المشكلة حتتحل في يومها,,,ده كفاية يعرفوا اننا ايد واحدة و حيعملولنا كلنا بعد كدة الف حساب وحساب,,,,,انا من اسكندرية و مستعد للحضور و المشاركة في اليوم الي تتفقوا علية وكلنا معانا نمر بعض اصلا من دليل الاعضاء,,,,,,,,,,,,,,,ايه رايكوا,,,,ردوا عليا عشان نظبط القصة ديه للابد,,,,اخوكم\هشام حمدي

[M.Osman]

.....................................

لو حضرتك عندك حاجة عايزة تقولها قولها بوضوح
لكن ترد رد مش مفهوم و واضح فيه التريقة ده مش مقبول

[sweetvolcanoo]

الراجل كان بيهزر بلاش نكبر المواضيع,,,كلنا اخوات

[sky_walker]

يا جماعة إمبارح بالليل فعلا المهندس مصطفى جالي تحت البيت و جرب العربية عشان أعرف إذا كان خطر امشي بيها و لا لأ و لما لف بيها لقاها فعلا بتكركر و الفرامل مش متظبطة ولما جه كانوا حطين ورقة الصيانة دي في الدواسات فشالها و بيقوللي الدواسة بس كانت مكلكعة تحت الفرامل فعشان كدة كانت بتكركر لأن الفرامل مكانتش بتقدر تنزل عالاخر و جه معايا و جربتها ملقيتش فيها أي حاجة و قاللي أعدي عليه في الصيانة يكشف عليها بالكمبيوتر تاني بردو أضمن و يشوف إيه اللي بيحصل و بصراحة انا مجربتهاش كفاية عشان احكم لسة بس مش هروح حماية المستهلك بكرة عشان فعلا مش هيلاقو فيها حاجة و هستنى (YOKO) أشوفه عمل إيه مع ال CEO.

sweetvolcanoo

أنا معاك في النقطة دي العربية وهمية و تجنن بس انا مش واثقة في الناس اللي هنا و مدى خبرتهم و معرفتهم بالتكنولوجيا دي و مدى تحملهم للمسئولية ......

formulator

أنا نفسي أتعلم الحرفة دي فياريت لو تقوللي خطوات لأن في البلد دي كتير أوي حقهم بيضيع!!!

karimalaa

شكرا جداااااا و يا ريت لو في أي جديد قوللي و لو تعرف اسم اللي هيتابع الموضوع يا ريت تقوللي عليه و عاوزة اعمل شير للجروب عشان الناس تنضم....

يا ريت كلوكو تشوفو القصة دي و ممكن تنقلو على النهاية على طول لأن اللى في النص كلنا متخيلينه ده موضوع مشابه بس مع RAYA
â€ڈط¹ط§ظٹط² ظ†ظˆظƒظٹط§... ظ…ط§طھط±ظˆطط´ ظ„ط±ط§ظٹط© â€ڈ | Facebook

[eslam_fashion]

انا لما عديت على توكيل الدقي قالولي ان محدش اشتكى من العربية و ان وارد ان العربية يكون فيها عيب وده بيحصل في كل حاجه مش في العربيات بس و قالى ان الضمان بيضمنلك ان يصلح اي حاجه في العربية لو باظط .. وقالي ان مفيش حاجه اسمها ان حد بيدل عربيته .. ولا حتى في اي توكيل تاني .. بس اخويا قالي ان واحد صاحبه كان معاه عربية صيني وكان فيها مشكله ومعرفوش يصلحوها وراح لجهاز حمايىة المستهلك وعملوا لجنة فحص وبدلوهاله بواحدة جديدة..