عيب تصنيع فرامل في الإيفو

[AHMED REFAT]

اسال الله ان يصبرك على ما ابتلاك به ... وان يؤجرك فى مصيبتك وان يخلف عليك بخير منها ان شاء الله .. اصبرى واحتسبى وخذى بكل الاسباب ولا تتهاونى ابدا فى الحصول على حقق والله المستعان ..

[CryptonX]

اللى المفروض نرفع علية قضية فعلا هو المسئول عن الشركة الام فى ايطاليا لان الشكاوى اللى بتوصل لهم ضد اوماترا كتير اوى و لا حياة لمن تنادى لغاية امتى حنفضل ساكتين على المهازل اللى بتحصل دى ؟؟؟؟

ولا حيعمل اي حاجة ...

مصر بالنسبة له سوق ولا تمثل 0.1% من مبيعاته ... بناقص اصلا ممكن من كتر الشكوى يسحبوها اصلا و تقفل ( انا مش بقول متشتكوش ... انا بتكلم عامة )

و الناس الي اقرب لبتوع مبيعات اوماترا ممكن يديك رقم مثلا كام ايفو اتباعت في2010 - 2011 .. حتلاقيه رقم كوميدي جدا بالنسبة لاي سوق سيارات حقيقي .

في 2009 ... مبيعات سيارات مصر كلها وصلت 250 الف سيارة جديدة بما فيهم الباصات و الميكروباصات .

مبيعات شركة صينية في الصين في 2009 ( شركة واحدة و محلية كمان ) كانت 310 الف سيارة في الصين :)

مش بقول ان احنا منستهالش حاجة ... لا طبعا لازم .. بس الاهتمام او الاولية حتكون متدنية جدا بالنسبة لهم خصوصا ان كل تركيز فيات حاليا هو دخول امريكا تاني .

[MagedFahmy2010]

زى ما قدرنا نسقط النظام ياريت نسقط اوماترا اوام

[tareket]

متابع باهتمام

وربنا يصبر صاحبة الموضوع ويجبلها حقها

اهم حاجة لا تيأس

[MagedFahmy2010]

المصيبة ان توكيل اوماترا بيتقال علية كلام زى الزفت كل يوم ودة مصدر لنا الطرشة حد فيكو عمرة قرا مشاركة كتبها اى حد مسئول فى اوماترا عشان يبرر اى موقف او يعتذر عن اى تصرف من احد العاملين فى التوكيل او المعرض
دة طبعا عمرة ما حصل ودة يبين انه مش فارق معاهم رضى العملا بتوعهمدول عايزين فلوس وبس يا جماعة اللى حصل مع صاحبة المشكلة ممكن اوى يحصل مع اى حد فينا يعنى لو ماخدتش حقها ماحدش فينا هيعرف ياخد حقة لو حصلت معاة نفس المشكلة او اى مشكلة مشابهة احنا مش عايزين الموضوع ينام ويخلص على كدةدة كان فى واحد من حوالى شهرين او تلاتة شارى عربية سيات ابيزا ولاقى فيها عيوب صناعة راح التوكيل لكن معرفوش يصلحوا العيوب دى فطلب تغير العربية لكن هما طبعا استعبطوا و رفضوا فرفع عليهم قضية واتحكم فيها بتبديل العربية بواحدة جديدة وكمان الزام توكيل سيات بدفع غرامة مالية لصاحب الدعوى كانت حوالى 60 الف جنية على ما اذكر واتنشر الكلام دة فى الاهرام ونزل على النت وكانت فضيحة بس مئدرش اوصف لكم انا كنت مبسوط اد اية لانى لاقيت ان لسة فى فالبلد دى رجاااااااااااااااااااااااااالة بتعرف ازاى ترجع حقوقها اللى بياكلها الناس اللى مابيخافوش ربنا ولسة........... ان شاء اللة دور اوماترا جاى

[sky_walker]

اممم.. منا اعتقد ان اوماترا شكلهم مش حييجوا بالذوق.. اعتقد ان مستحيل حد يغصب عليهم انهم يديلوك عربية جديدة غير القضاء.. ممكن حماية المستهلك بس اعتقد بنسبة ضعيفة اوى.. يا اما تترفع قضية عن طريق حماية المستهلك على اوماترا بس بردو المفروض حماية المستهلك تقتنع بالكلام اللى بتقوليه.. ان مثلا اهم حاجة، ان دلوقتى العربية قيمتها قلت بسبب حادثة حصلت بسبب عيب تصنيع خطير ، و انا بقول مع ان فى ناس فى الموضوع بيقولوا ان دة عادى ، عادى ان يبقى فى عيوب تصنيع فى جزء من الbatch اللى طلع فى نفس فترة التصنيع.. اللى انا درسته فى مادة فى الكلية (كلية هندسة بس دى مادة صغيرة وهى ادارة مشروعات)، ان فى منتجات معينة لازم يتم اختبار كل قطعة منها ، زى الفرامل مثلا فى العربيات.. زى اى حاجة فيها خطر على حياة انسان نتيجة عيب التصنيع دة.. اللى يقول ان دة طبيعى ان يبقى فى نسبة فيها عيوب تصنيع دة، معلش بيتساهل فى حاجة مينفعش فيها ابدا التساهل.. تويوتا لما حصلت المشكلة عندهم بتاعة دواسات البنزين فى امريكا اترفع عليهم قضايا بالهبل و اللى يتقال ، ان حياتك اتعرضت لخطر، و كان ممكن يحصل نتايج اسوأ من كدة بكتير و الحمد لله محصلش، بس لازم يبقى فى تعويض كبير نتيجة للضرر اللى حصل ليكى ماديا و نفسيا.. كفاية الوقت اللى حصلت فيه المشكلة دى و انت مش عارفة تعملى ايه و تتنقلى على الناحية التانية عكسى و دخلتى فى قهوة.. طبعا الكلام الاهبل اللى هم يقولولك انهم حيغيرولك كل قطع الغيار على حسابهم، دة مش كرم منهم و لا تعويض، دة الطبيعى و واجب كمان عليهم..
يا اما يترفع قضية على فيات بقى نفسها، بس اللى حصل فى امريكا ان العدد كان كبير نوعا ما و صوتهم ظهر طبعا..


ممكن بداية، اى حد معاه ايفو من المنتدى هنا، يحصل اتفاق ما بين كل ملاك الايفو و يروحوا كلهم فى نفس اليوم بدعوى انهم عايزين يكشفوا على الفرامل بتاعتهم ، لأن بردو دة اللى حصل فى امريكا ، اى حد كان شارى عربية من الموديل اللى كان فيه غلط فى فترة معينة يروح و يتم الكشف على عربيته عشان يتأكد و ميتفاجأش فى مرة ان عربيته كان فيها عيب قديم و مظهرش الا دلوقتى
لما كل ملاك الايفو يروحوا فى نفس الوقت يكشفوا على الفرامل عندهم، اكيد الموضوع دة حيعمل قلق، و ممكن ساعتها يبقى فى تفكير للتعويض عشان الموضوع ميكبرش و يأثر على سمعة الماركة.. الموضوع دة خطير جدا بجد و لازم يبقى فى تعويض حقيقى.. انا بصراحة معرفش الموضوع وصل لإيه بالنسبة لتويوتا فى امريكا، بس تقريبا اللى كان عنده مشكلة اتصلحت، و تقريبا اللى عمل حادثة بسبب العيب كان طالب تعويضات كبيرة، معرفش دفعوا لهم ولا لأ

جماعة المهندس مصطفى سامح اللي المفروض كان متابع حالة العربية من أول تصليحها و تجريبها بعد كدة إنهاردة كلمته عشان اقوله إني مش هوديلهم العربية التوكيل إلا لما حماية المستهلك تفحص العريبة و كان إصراره غريب إنه هيصلح ال (brake switch) ده لأنه مش حاجة خطيرة و إن حماية المستهلك مش هتلاقي فيها حاجة لما يفحصوها و كان هييجي يغيرهولي تحت البيت كمان انا استغربت الإلحاح اللى وصل لنص ساعة بس انا اتمسكت باني استنى حماية المستهلك بردو.....

م قاللي حاجة غريبة إن ال (brake switch) كان موجود و متوفر بس عشان السيستم كان واقع معرفش يصرفه مفهمتش تمااااااماااا الحتة دي!!!! إزاي يكبرو دماغهم و يجربو فيا!! هو إحنا هنتحول لفئران تجارب بعد كدة؟؟!!! و لما وصلت و أنا بركنها فضلت كل شوية تجيب عال N و تقوللي repeat operation لما بقوللو هو مش عارف و قاللي تلاقيكي مبتدوسيش فرامل و انت بتنقلي على اساس دي أول مرة أركب فيها عربيتي!!!!

و انا مع فكرة إن كل اللي معاه إيفو يروح يفحص الفرامل بتاعة عربيته عشان يطمن و الله اعلم يمكن حد يلاقي فيها حاجة بايظة و تبقى القضية الضعف و فعلا الناس تتحرك و انا هفضل اقولكو إيه الأخبار اول بأول....

و ربنا يحمي و يحفظ كل واحد معاه أي عربية و يباركله فيها....

[yoko]

بدام كده يا ريت كل مكالمة تتسجل لإن ده دليل ضدهم وقوليلهم في أول المكالمة إني بسجل

[Dr. Halawa]

يا جماعة لو على مش فاهمين انا معايا بونتو 2004 فيها مشكلة و بقالى سنة ونص روحتلهم فيها 10 مرات و أخر مرة سيبتهالهم اسبوع و رجعتلى زى ما هى ده توكيل فاشل و لازم يتفور و يروح لحد تانى لو عايزين فيات تكمل فى مصر

[prince93]

جماعة المهندس مصطفى سامح اللي المفروض كان متابع حالة العربية من أول تصليحها و تجريبها بعد كدة إنهاردة كلمته عشان اقوله إني مش هوديلهم العربية التوكيل إلا لما حماية المستهلك تفحص العريبة و كان إصراره غريب إنه هيصلح ال (brake switch) ده لأنه مش حاجة خطيرة و إن حماية المستهلك مش هتلاقي فيها حاجة لما يفحصوها و كان هييجي يغيرهولي تحت البيت كمان انا استغربت الإلحاح اللى وصل لنص ساعة بس انا اتمسكت باني استنى حماية المستهلك بردو.....

م قاللي حاجة غريبة إن ال (brake switch) كان موجود و متوفر بس عشان السيستم كان واقع معرفش يصرفه مفهمتش تمااااااماااا الحتة دي!!!! إزاي يكبرو دماغهم و يجربو فيا!! هو إحنا هنتحول لفئران تجارب بعد كدة؟؟!!! و لما وصلت و أنا بركنها فضلت كل شوية تجيب عال N و تقوللي repeat operation لما بقوللو هو مش عارف و قاللي تلاقيكي مبتدوسيش فرامل و انت بتنقلي على اساس دي أول مرة أركب فيها عربيتي!!!!

و انا مع فكرة إن كل اللي معاه إيفو يروح يفحص الفرامل بتاعة عربيته عشان يطمن و الله اعلم يمكن حد يلاقي فيها حاجة بايظة و تبقى القضية الضعف و فعلا الناس تتحرك و انا هفضل اقولكو إيه الأخبار اول بأول....

و ربنا يحمي و يحفظ كل واحد معاه أي عربية و يباركله فيها....

طيب هو انتى ممكن يبقى عن طريق جهاز حماية المستهلك، انك بتقوليلهم ان العربية فيها عيب صناعة، طبعا حماية المستهلك بيردوا و يقول لك حنفحص العربية.. طبعا العربية اتصلحت فى اوماترا، بس لسة فاضل الbrake switch.. طيب الbrake switch دة بيتغير كحاجة تبع نظام الفرامل؟ طيب لو هو تبع نظام الفرامل اللى المفروض كله يتغير متغيرش ليه فى ساعتها؟ طب هل دة سبب مقنع ان السيستم واقع فميغيرش قطعة فى نظام الفرامل اللى هو اصلا سبب المشكلة و يسيبك تروحى و يقول لك العربية تمام و جربتها بنفسى؟ يعنى بقى دة بيضربها كدة، لو روحتى سليمة كان بها و فاكس بقى للbrake switch ما دام الحياة ماشية.. لو حصل حاجة لا قدر الله نبقى نغير لها الbrake switch؟ دة لو عاشت بقى لو طلع حقيقى لسة فى مشكلة بسبب الbrake switch ?
دى اسباب كافية ان حماية المستهلك ترفع عليهم قضية
دة غير ان طبعا العربية اللى عاملة حادثة بيبان عليها.. اذا ممكن جهاز حماية المستهلك ، (و طالما انك بتقولى ان قطع الغيار دى اتغيرت بمعرفة اوماترا) انه يطلب منهم الاثبات انك غيرتى عندهم القطع دى.. المفروض بردو يبان انتى دفعتى كام فى الورق اللى فيه صرف لقطع الغيار.. طبعا انتى مش دافعة حاجة، طب ليه ؟ ممكن عشان اوماترا بيعوضوكى عن مشكلة حصلت بسببهم؟ طب و هو بيعوضوكى ليه ؟ يمكن عشان فى مستند يثبت ان العربية اتكشف عليها بمعرفة اوماترا و مثبوت فيه ان فى مشكلة فى نظام الفرامل؟ طب فين المستند دة..هو اكيد موجود لأن المهندس مش حينفع يصرف اى قطعة غيار الا لما يبقى كاتب تقرير عن الحالة اللى جاياله و مطلوب قطع غيار ايه..
بعد كل دة، انا شايف ان جهاز حماية المستهلك المفروض يقتنع ان فى مشكلة حقيقية و يرفع قضية على اوماترا بالتعويض و ممكن تغيير العربية بواحدة جديدة كمان..
اهم حاجة، ان المهندس قال لك ان الbrake switch كان موجود بس السيستم واقع، و انه كان بيجرب فيكى و سابك تروحى بالعربية و قال لك تمام و مجربها و كله زى الفل.. و كمان دلوقتى بيقول لك حيروح يغيرهولك تحت البيت! يمكن يكون عشان عارف ان مش امان انك تمشى بالعربية؟ كل الاسئلة دى لو اتقالت ورا بعض كدة اعتقد حماية المستهلك حتقتنع على طول و يبدأ الموضوع يتحول للقضاء عن طريق حماية المستهلك..

[Ghamrawy]

الموضوع بقى غريب
بقى try and error
مافيش اى احترافية

[karimalaa]

والله حيخلّونا نقول للناس كلها محدش يشتري فيات و نسوأ سمعة فيات و كل ده عشان خاطر مفيش حد مهتم!
بس هي لو وصلت لكده أعملهم أكبر جروب على facebook و نروقهم مفيش أي مشاكل يعني.....و ساعتها فيات ايطاليا حتحس بقلق برده و تبدأ تتحرك..

[MagedFahmy2010]

والله حيخلّونا نقول للناس كلها محدش يشتري فيات و نسوأ سمعة فيات و كل ده عشان خاطر مفيش حد مهتم!
بس هي لو وصلت لكده أعملهم أكبر جروب على facebook و نروقهم مفيش أي مشاكل يعني.....و ساعتها فيات ايطاليا حتحس بقلق برده و تبدأ تتحرك..

ومستنى اية ؟؟؟ دوس يا معلم وانا ناس كتير اوى حنكون معاك الناس دى مش ممكن تيجى بالذوق ابدا ........... لا يفل الحديد الا بالحديد .

[sky_walker]

MagedFahmy2010 & karimalaa

أنا كاتبة نوت على الفيس بوك بالعربي و بالإنجليزي من كام يوم كدة و أنا معيدة و كل الطلبة و الناس إللى عندي في الكلية كانوا شافو الحادثة و أنا في طريقي للكلية فمتابعين الأخبار من الأول و كتير منهم عملولها شير بس أنا لقيت ان الصفحة الأصلية لفيات بالإيطالي فمحططلهمش النوت فشوفو لو هتعملو جروب أنا معاكو طبعا و إبقوا حطوا اللينك هنا و أكيد كلنا هننضم.

prince93

والله الورقة اللي بقطع الغيار كلها و مكتوب إنها على حسابهم بخطي و انا ماضية تحتها مع حماية المستهلك (النسخة الأصلية) و مش مقتنعين إن ده دليل ملموس يدوني بيه عربية تانية و يا رب بس حماية المستهلك تقدر تبعتلي حد إسكندرية يفحص العربية عشان لو مبعتوليش حد هيبقى صعب جداااااا أوديهالهم القاهرة لأن إستحالة أسوقها و كساحة دي هتبقى مغامرة و تكلفة....

[A.Saad]

ده موقع بيكتب فيه تقييم لكل شركة ومكتوب عن اوماترا دى كلام زى ال......
http://www.complaintsboard.com/complaints/omatra-egypt-c71392.html

وده بيانات الشركة الام فى السعودية
OmatraJeddah, K.S.A.
International Head Office – OMATRA , Lewa Al Islam Street,
Bani Malik District, P.O. Box no. 5039 Jeddah 21422, Saudi Arabia,
Tel. no. 00966.2.6728545 Fax no. 00966.2.6724084
E-mail address: omatrajed@saudionline.com.saJeddah, K.S.A.
International Head Office – OMATRA , Lewa Al Islam Street,

وعلى فكرة لو رفعتى قضية فيه حاجة اسمها الاثيات من دفاتر التاجر
يعنى انتى مش معاكى مستند
تقومى تطلبى التحفظ على مستندات التاجر علشان تثبتى قضيتك
وممكن لو رحتى لو عندكم بتاخدوا ورقة بتفيد دخول العربية المركز تصوريها حتى لو بياخدوها منك وانتى خارجة

[A.Saad]

بالمرة بقى
دى بيانات اخونا نيقولاس
مكتوب انه المدير العام للمجموعة وفيها موبايله
لو ما تعدلوش هنقرفه رنات فى عز الليل

JEDDAH (KSA HEAD OFFICE)
Lewa AlIslam Street
Bani Malek
Post Box No. 5 0 3 9
Jeddah-21422

Mr. Nicolas J. Tueny
Group General Manager

T+966-2-6728545
M+966-2-6724084
Ejeddah@omatra.org