Tweet
]اولا السلام عليكم
سيارتي شاهين 1400 موديل 2003 مضاف عليها تكييف ساندن ياباني ، عاملة 85 الف كيلو جايبها زيرو
المشكلة بدات من سنتين عند سفري ليلا الي الاسماعيلية و كنت مشغل التكييف و مؤشر الحرارة فوق التسعين مش بينزل و كل ما أزود السرعة الحرارة تزيد و طبعا مروحة التبريد ما بتفصلش خالص وقفت اتاكد ان المروحة شغالة فعلا و لقيتها شغالة و
بعد شوية الحرارة نزلت و المروحة فصلت المهم فصلت التكييف و كملت من غيره و قلت يمكن هو اللي مسخن العربية و لكن مفيش فرق أنا أزود سرعة و السخونية تزيد و المروحة شغالة علي طول ما بتفصلش و قطعت الطريق للاسماعيلية و المروحة لم تفصل دقيقة .
داخل الاسماعيلية الحرارة تمام المروحة تشتغل علي 92 و تفصل تمام
في طريق الرجوع للقاهرة نفس العيب تماما.
المهم سألت الميكانيكي قالي اغسل دورة المية غسلتها و سيخت الردياتير النحاس ال3 ماسورة المعتبر و مية خضراء امريكاني و حاجة ميت فل
و أطلع علي الطريق يا معلم هو هو نفس العيب
قالي عيب غطاء ردياتير جبت واحد تركي ما جعبش جبت واحد أسباني ب 20 جنيه
و أطلع علي الطريق يا معلم هو هو نفس العيب
قالي بس ده عيب ردياتير قلتله ده نحاس 3ماسورة
المهم ما رضيتش اغير الردياتير و عموما انا مش بسافر كتير و العربية في الزحمة ووسط البلد كويسة
المهم بعد سبع شهور كنت مضطر أسافر بالعربية قلت و ماله اغير الردياتير عشان العربية تبقي مرتاحة في السفر
علما باني ما زودتش ولا نقطة مية خلال الفترة دي لان المية ما نقصتش خالص
المهم دورت علي الردياتير الأصلي في فيات 2000 و كمال مهران و بواقي شركة النصر في غمرة مفيش
لقيت في فيات 2000 ردياتير صيني الومنيوم 2 ماسورة علب بلاستيك قلت أجيبه و أجرب
المهم نضفت دورة المية و غطاء ردياتير جديد و ركب يا باشا
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه روح أضبط تاكيهات الأول
روحت للدكتور بتاع التاكيهات و قالي التاكيهات محملة و ظبطها علي 45 و شوفتها و قالي كده تمام
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه ما بدهاش جوان وش سلندر يا معلم قولتله ما عملتش طحينة
قالي ممكن الجوان بينفس علي خفيف و قبل ما نعمل الجوان حنشيل ثرموستات الكوعة الأول و نجرب
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه عشان أنت حبيبي حأفك طرمبة المية و نشوفها علما بان تقليبها زي الفل من الردياتير و فك طرمبة المية و جبنا واحدة تانية و لقيناها سليمة زي الفل و كمان كبس الموتور هواء عشان لو في حاجة سدة دورة المية تفك
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه ما بدهاش جوان وش سلندر قولتله أمري لله اشتغل و حطيت جوان دوبل و نطفت الوش
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه بص يمكن الشكمان مسدود قلتله يا عم الشكمان مسدود و العربية تجيب 140 من غير ما صوتها يغير قالي جرب
روحت لبتاع الشكمان قطعت العلبة الخلفية و مشيت من غيرها علما بان بتاع الشكمان قالي الشكمان زي الفل و قالي انت كمان شايل علبة البيئة و هي دي اللي بتسد
و أطلع علي الطريق يا معلم هو هو نفس العيب
روحت للميكانيكي أسب له و قلتله و الأسي في عينيا تيييييييييييييييييييييييييييييييييييييييييييتتتتتت تتتتتتتتتتتت يعني أدفع بتاع 600 جنيه في عربية شاهين في يومين و ما أعرفش أسافر بيها يا خي تييييييييييييييييييييييييييييييييييييييييييييييييي ييييييييييييييتتتتتتتتتتتتتت
المهم قعدت علي النت ابص هنا و هنا يمكن ألاقي بصيص أمل
المهم قالك ممكن خرطوم الردياتير اللي داخل الموتور يكون وحش و بيقفل علي السرعة قلت يا سلام حيكون بكام ده يعني يلا بجملة الخساير غير يا عم الحاج
و للاسف بعد (و أطلع علي الطريق يا معلم هو هو نفس العيب) تفوهت بألفاظ قبيحة أوي أوي مينفعش أقولها في المنتدي المحترم ده.http://www.nilemotors.net/Nile/image...es/angry06.gif
و من ساعتها و أنا كافي خيري شري ما باطلعش حتي طريق 6 اكتوبر و انزل وقت الزحمة بس
وابتديت أفكر أحرمها من زيت موبيل وان اللي بحطو لها و اجيب زيت التموين أفضل
و اعيشها عيشة أهلها و أحط بنزين 80 بدل ال 90 اللي مشربو لها طول حياتهاhttp://www.nilemotors.net/Nile/image...titled%201.bmp
و من مكاني هذا أعلن عن مكافاة لمن يحل لي مشكلة الشاهين
في انتظار اقتراحتكم و السلام عليكم و رحمة الله و بركاته
[/B][/B]
سيارتي شاهين 1400 موديل 2003 مضاف عليها تكييف ساندن ياباني ، عاملة 85 الف كيلو جايبها زيرو
المشكلة بدات من سنتين عند سفري ليلا الي الاسماعيلية و كنت مشغل التكييف و مؤشر الحرارة فوق التسعين مش بينزل و كل ما أزود السرعة الحرارة تزيد و طبعا مروحة التبريد ما بتفصلش خالص وقفت اتاكد ان المروحة شغالة فعلا و لقيتها شغالة و
بعد شوية الحرارة نزلت و المروحة فصلت المهم فصلت التكييف و كملت من غيره و قلت يمكن هو اللي مسخن العربية و لكن مفيش فرق أنا أزود سرعة و السخونية تزيد و المروحة شغالة علي طول ما بتفصلش و قطعت الطريق للاسماعيلية و المروحة لم تفصل دقيقة .
داخل الاسماعيلية الحرارة تمام المروحة تشتغل علي 92 و تفصل تمام
في طريق الرجوع للقاهرة نفس العيب تماما.
المهم سألت الميكانيكي قالي اغسل دورة المية غسلتها و سيخت الردياتير النحاس ال3 ماسورة المعتبر و مية خضراء امريكاني و حاجة ميت فل
و أطلع علي الطريق يا معلم هو هو نفس العيب
قالي عيب غطاء ردياتير جبت واحد تركي ما جعبش جبت واحد أسباني ب 20 جنيه
و أطلع علي الطريق يا معلم هو هو نفس العيب
قالي بس ده عيب ردياتير قلتله ده نحاس 3ماسورة
المهم ما رضيتش اغير الردياتير و عموما انا مش بسافر كتير و العربية في الزحمة ووسط البلد كويسة
المهم بعد سبع شهور كنت مضطر أسافر بالعربية قلت و ماله اغير الردياتير عشان العربية تبقي مرتاحة في السفر
علما باني ما زودتش ولا نقطة مية خلال الفترة دي لان المية ما نقصتش خالص
المهم دورت علي الردياتير الأصلي في فيات 2000 و كمال مهران و بواقي شركة النصر في غمرة مفيش
لقيت في فيات 2000 ردياتير صيني الومنيوم 2 ماسورة علب بلاستيك قلت أجيبه و أجرب
المهم نضفت دورة المية و غطاء ردياتير جديد و ركب يا باشا
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه روح أضبط تاكيهات الأول
روحت للدكتور بتاع التاكيهات و قالي التاكيهات محملة و ظبطها علي 45 و شوفتها و قالي كده تمام
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه ما بدهاش جوان وش سلندر يا معلم قولتله ما عملتش طحينة
قالي ممكن الجوان بينفس علي خفيف و قبل ما نعمل الجوان حنشيل ثرموستات الكوعة الأول و نجرب
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه عشان أنت حبيبي حأفك طرمبة المية و نشوفها علما بان تقليبها زي الفل من الردياتير و فك طرمبة المية و جبنا واحدة تانية و لقيناها سليمة زي الفل و كمان كبس الموتور هواء عشان لو في حاجة سدة دورة المية تفك
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه ما بدهاش جوان وش سلندر قولتله أمري لله اشتغل و حطيت جوان دوبل و نطفت الوش
و أطلع علي الطريق يا معلم هو هو نفس العيب
روحت للميكانيكي أسب له قالي و الأسي في عينه بص يمكن الشكمان مسدود قلتله يا عم الشكمان مسدود و العربية تجيب 140 من غير ما صوتها يغير قالي جرب
روحت لبتاع الشكمان قطعت العلبة الخلفية و مشيت من غيرها علما بان بتاع الشكمان قالي الشكمان زي الفل و قالي انت كمان شايل علبة البيئة و هي دي اللي بتسد
و أطلع علي الطريق يا معلم هو هو نفس العيب
روحت للميكانيكي أسب له و قلتله و الأسي في عينيا تيييييييييييييييييييييييييييييييييييييييييييتتتتتت تتتتتتتتتتتت يعني أدفع بتاع 600 جنيه في عربية شاهين في يومين و ما أعرفش أسافر بيها يا خي تييييييييييييييييييييييييييييييييييييييييييييييييي ييييييييييييييتتتتتتتتتتتتتت
المهم قعدت علي النت ابص هنا و هنا يمكن ألاقي بصيص أمل
المهم قالك ممكن خرطوم الردياتير اللي داخل الموتور يكون وحش و بيقفل علي السرعة قلت يا سلام حيكون بكام ده يعني يلا بجملة الخساير غير يا عم الحاج
و للاسف بعد (و أطلع علي الطريق يا معلم هو هو نفس العيب) تفوهت بألفاظ قبيحة أوي أوي مينفعش أقولها في المنتدي المحترم ده.http://www.nilemotors.net/Nile/image...es/angry06.gif
و من ساعتها و أنا كافي خيري شري ما باطلعش حتي طريق 6 اكتوبر و انزل وقت الزحمة بس
وابتديت أفكر أحرمها من زيت موبيل وان اللي بحطو لها و اجيب زيت التموين أفضل
و اعيشها عيشة أهلها و أحط بنزين 80 بدل ال 90 اللي مشربو لها طول حياتهاhttp://www.nilemotors.net/Nile/image...titled%201.bmp
و من مكاني هذا أعلن عن مكافاة لمن يحل لي مشكلة الشاهين
في انتظار اقتراحتكم و السلام عليكم و رحمة الله و بركاته
[/B][/B]
Comment