لماذا مواتير الفيات ضعيفة

[dr_abooody]

اتعجب من شركة فيات
لأن معظم سياراتها تكون مرتفعة الثمن و موتورها ضعيف بالمقارنة بالسعر
مثلا
فيلت برافو 2008
السعر : مانوال 125000جنيه مصري

بلد المنشأ : ايطالي
الموتور : 1368 فيات
90 حصان - 16 صمام

كماليات : جميع الكماليات

كاسيت سي دي اصلي
باور
سنتر
زجاج كهرباء
فوجات
مخادع خلفيه
4 Airbags
جنوط 15" فيات صلي
ABS

90 حصان و مش مكملة 1400 سي سي و ب 125000 جنية السعر دة كتير اوي على الموتور دة

في ميزة و احدة بس ان شكلها حلو
لينيا و برافو

ممكن الواحد يشتري عربية ماركة تانية و مواصفاتها احسن بكتير و بالسعر دة

شكرا

[hazem_khidr]

المفروض العنوان يتغير
لان حضرتك كده بتشكك في مواتير فيات .
المشكله ان التوكيل هنا بينزل موديلات بمواتير قوتها قليله.
لكن عمر ما كان موتور فيات موتور ضعيف بالعكس
مواتير فيات مواتير مرنه و عصبيه .
و غير كده فيات من الشركات الشاطره جدا اللي بقلل الفافد من القوي
يعني بتعرف ازاي تعمل موتور عليه اقل تحميل من السيور و الات الجر و ...الخ,

[فادى]

فسيارات فيات تتوفر بجموعة كبيرة من المحركات, بعضها يعطى الأولوية للحفاظ على البيئة و توفير الوقود , و هى المحركات الموجودة بمصر ذات الثمانية صمامات, مع عدم تجاهل الأداء, و بعضها يوفر أداء رياضى مثل المحركات ذات ال16 صماما و التى لا توفر فى استهلاك الوقود, و المحركات المزودة بالتربو الجديد المبتكر من قبل فيات "تى جيت", و التى تعطى أقصى ما يمكن أخذه من المحرك, و للأسف لا يقوم الوكيل بجلب هذه المحركات ربما لأنها معقدة بشكل كبير و سوف يتعذر صيانتها فى مصر.
و مثلا محرك الفولكس فاجن بولو 1400 سى سى أيضا و يولد 70 حصانا فقط.
و لكن لماذا المحركات الأوروبية منخفضة القوى هكذا؟
هناك شق ثانى فى الموضوع و هو تصميم تلك المحركات الأوروبى البحت, و الذى يختار العزم على حساب عدد الاحصنة.
و قد تم فتح هذا الموضوع من قبل, و سوف أنقل اجابتى كما هى :
الموضوع بسيط, فيات سيارة أوروبية, و السيارة الأوروبية تعطى الأولوية فى أغلب الأحيان للمحرك الذى يعطى عزم على سرعات منخفضة.
بداية يجب أن نوضح كيف نحسب قوة المحرك عند سرعة معينة:
المعادلة المبسطة هى :
قوة المحرك = الضغط * الحجم * سرعة المحرك.
و القوة بتختلف من سرعة الى أخرى, و العزم كذلك, العزم = قوة المحرك / سرعة المحرك, و العزم متغير أيضا مع السرعة فهو يرتفع الى أن يصل الى أقصى عزم له, ثم ينخفض مرة أخرى.
و يجب أن نوضح أنه لا فرق كبير بين تصميم شركة و أخرى على صعيد كفاءة المحرك.
اذن ما الذى يجعل محرك الفيات و السيارات الأوروبية عموما أقل فى القوة الحصانية؟
الموضوع بسيط, و يمكن فهمه من خلال كون "سرعة المحرك" جزءا من المعادلة, فلرفع قوة المحرك, هناك ثلاثة طرق:
- رفع الضغط, و هو مستحيل عمليا سوى عن طريق تزويد المحرك بشاحن هواء, لادخال كمية أكبر من الخليط على نفس الحجم.
- رفع حجم المحرك بالطبع.
- رفع السرعة.
و لرفع السرعة تأثير السحر فى رفع القوة الحصانية.
تعالى نحلل محرك الجراند بونتو مثلا.
النسخة الموجودة فى مصر 1400 سى سى تولد 77 حصان و عزم قدره 115 نيوتن عند 3000 أربى ام.
الأحصنة منخفضة بعض الشىء لأن السرعة التى يأخذ عندها المحرك عزمه الأقصى هى 3000 أربىام فقط, و لذا فان محرك الفيات بونتو مرن جدا و قوى و يستطيع تجاوز العوائق بسهولة و سلاسة.
تجد سيارات أخرى مثل السيارات الكورية و اليابانية عزمها : 115 نيوتن متر عند 4800 أر بى ام مثلا, و هذه سوف تجد قوتها الحصانية مرتفعة جدا, و رفع سرعة المحرك ليست تقنية صعبة, بل هى سهلة جدا و معتادة منذ زمن, و لكن لماذا لا تحبذها السيارات الأوروبية؟
لسبب بسيط و هو أن رفع سرعة العزم الأقصى يعنى أن السيارة سوف تفقد الكثير من عزمها على السرعات المنخفضة, و هو ما سيتسبب بقلة مرونتها و خاصة فى حالة وجود عوائق طبيعية و كبارى أو ظروف التحميل, و الأهم من هذا و ذاك, أن عمر المحرك سوف يقل بصورة درامية, لذا فان الشركات الأوروبية تفضل دائما المحافظة على العزم عند سرعة منخفضة, بدلا من التباهى الأجوف بعدد الأحصنة المتولدة من المحرك.
و أود أن أضيف فقط أن فيات استطاعت ابتكار محرك ربما هو أول محرك بترول فى التاريخ, ذو حجم 1400 سى سى و يولد عزمه عند سرعة منخفضة جدا 1600 أربىام, و المحرك هو 1.4 تى جيت, و يولد 120 حصان لأنه مزود بشاحن هواء تربو, و هو انجاز تقنى من فيات على صعيد المحركات.

[SEATLOVER]

و مثلا محرك الفولكس فاجن بولو 1400 سى سى أيضا و يولد 70 حصانا فقط.
.

يا استاذ فادى .....
دة حصل امتى وفين
سنة 94 كان فى موتورين 1400 فى البولو
الاول : 1400 سى سى - 16 valve بيدى 100 باور
الثانى : 1400 سى سى - بيدى 60 هورس باور
الكلام دة كان من 14 سنة يعنى كان سنة 1994


بينما الان فى القرن ال 21 و سنة 2008 فيات العزيزة
بتنزل سيارة كبيرة فى الحجم و من الفئة التى تعتبر رياضية لها

النسخة الموجودة فى مصر 1400 سى سى تولد 77 حصان

[Xpert]

مبداء التصنيع هوه السبب .. و مبداء فيات هوه الاقتصاديه في استهلاك البنزين .. و مايفعش تعمل موتور اقتصادي و في نفس الوقت بيجري ... ماينفعش !

[hazem_khidr]

طيب معاك يا بيشو
و موتور زي موتور ال 132 ال 2000 الانجكشن ال 122 حصان
و ال 112 حصان كاربيراتير و الكلام دا سنه 77!!!!!
و الموتور ال 2000 سي سي في البرافو الhgt
5 سلندر 25 صباب بقوه 147 حصان سنه 95 ؟؟
يعني فيات لما بتحب تعمل مواتير رياضيه بتعمل
فيات طول عمرها بتعمل مواتير مرنه و عصبيه بدون لتضحيه بالاقتصاديه.

[mohamed ibiza]

فيات بتعرف تعمل مواتير ياضية انا بحترم عربياتها اما الجراند بونتو انا شايف انها موتور ايطالي ممتاز عربية شبابية و موفرة في البنزين بالنسبة للشباب لانها اصلا عربية شبابي 8 صباب هيوفروا البنزين جدا مع ارتفاع اسعار البنزين انما فيات لما بتحب تعمل مواتير جراية و شديدة بتعمل و ال 132 زي ما قال حازم عربية غبية كانت عندنا انا مسميها المكنسة علي الطريق لو حالتها حلوة بتطير و تقيلة علي الطريق اما الهورس بور في البرافو 90 حصان هو حلو 90 حصان علي 1400 سي سي مين قال ان 90 حصان علي 1400 سي سي وحش هو السعر عالي قعلا يعني الابيزا ب 100 الف 25 الف جنيه اقل و 85 حصان و الماني السعر عالي للبرافو لكن الموتور مش ضعيف 1400 90 حصان انا شايف قوته حلوة

قولت الحق اهو يا عصابة الفيات عشان تعرفوا ان مؤسس عصابة السيات عنده ضمير برضه:):):)

[hazem_khidr]

ماشي يا محمد باشا
لاول مره تقول كلمه حلوه في فيات ههههههههههههههههه.
بس خلي بالك البرافو ما تتقارنش بالابيزا تتقارن بالجولف.
انما الجراند بونتو و الابيزا فئه واحده.
.......................
ال 132 ال 2000 بقي علي فكره عشقي
و كتر عربيه حبيته في العالم دا كله و ما تسالنيش ليه متعلق بيها كده
عربيه ناعمه و محترمه و مجرمه في الجري لو حالتها كويسه

[mohamed ibiza]

ماشي يا محمد باشا
لاول مره تقول كلمه حلوه في فيات ههههههههههههههههه.
بس خلي بالك البرافو ما تتقارنش بالابيزا تتقارن بالجولف.
انما الجراند بونتو و الابيزا فئه واحده.
.......................
ال 132 ال 2000 بقي علي فكره عشقي
و كتر عربيه حبيته في العالم دا كله و ما تسالنيش ليه متعلق بيها كده
عربيه ناعمه و محترمه و مجرمه في الجري لو حالتها كويسه

الناس المحترمة تستحق الكلام الحلو كفاية ان انت من ممثلي فيات هنا في المنتدي و فيات ايطالي برضه مش اي حاجة و انا قولت قبل كده لو معيش فلوس الابيزا زيرو هجيب جراند بونتو و البرافو طبعا فئة غير الابيزا انا كان قصدي علي السعات اللترية بس مش عربية بس البرافو هتضيع جنب الجولف كده هههههه

[hazem_khidr]

البرافو هتضيع جنب الجولف كده هههههه

ما كنا كويسيييييييييييييييييين
ليه كده بس
ههههههههههههههههه
انا بحترم الجولف بصراحه و عربيه رائده في فئاتها .و انا بعترف

[mohamed ibiza]

ما كنا كويسيييييييييييييييييين
ليه كده بس
ههههههههههههههههه
انا بحترم الجولف بصراحه و عربيه رائده في فئاتها .و انا بعترف

ما انا بقول الحق اهو يا حازم قول انت البرافو هتضيع جنب الجولف ولا لا؟؟؟؟؟؟؟؟؟؟؟؟؟؟؟؟؟؟؟ كمان ده انت اللي عامل موضوع قلب نابض و قالب غالب انها جولف يعني الجولف جولف برضه الماني متتعداش حدودك لو سمحت هههههههه بهظر معاك طبعا:):):embarrassed2:

[fahd_628]

انا فعلا لية تحفظ على موتور البرافو و الجراند بونتو مع انة ايطالى و فعلا التوكيل هوة الى بيجيبها كدة

[فادى]

يا استاذ فادى .....
دة حصل امتى وفين
سنة 94 كان فى موتورين 1400 فى البولو
الاول : 1400 سى سى - 16 valve بيدى 100 باور
الثانى : 1400 سى سى - بيدى 60 هورس باور
الكلام دة كان من 14 سنة يعنى كان سنة 1994


بينما الان فى القرن ال 21 و سنة 2008 فيات العزيزة
بتنزل سيارة كبيرة فى الحجم و من الفئة التى تعتبر رياضية لها

الرقم ده جبته من ويكيبديا :
1422 cc, straight-3, 70 and 80 PS (51 and 59 kW) TDI

http://en.wikipedia.org/wiki/Volkswagen_Polo#Polo_Mk4F_.282005.E2.80.93present.29

و عموما كما قلت سلفا هذا لا يعيب فيات أو فولكس بشىء, بل على العكس تماما, لأن هذه المحركات مصممة لتعطى عزما أكثر مما تعطى من أحصنة, فأنت تشترى سيارة مش اسطبل احصنة, بل ان هذه المحركات لها مرونة أكبر و قوة تحمل و عمر أطول.
و للعلم فان فيات هى احدى أفضل الشركات التى تصنع المحركات بأوروبا, فسمعة فيات جيدة جدا على صعيد المحركات, و كانت جنرال موتورز تستعين بفيات لتطوير محركاتها فى الفترة القصيرة التى كان هناك تعاون بين جنرال موتورز و فيات.

[fahd_628]

1422 cc, straight-3, 70 and 80 PS (51 and 59 kW) TDI

tdi دة اعتقد انة ديزل

[SEATLOVER]

الرقم ده جبته من ويكيبديا :
1422 cc, straight-3, 70 and 80 PS (51 and 59 kW) TDI

.

يا استاذ فادى ال 50 دى بتاعة ال KW يعنى كيلو وات
انما الهورس باور ..يعنى باختصار الانجليزية PS هو اللى 70 الى 80

دى العربية البولو
ال Polo Mk4F
موديل 2005