لماذا مواتير الفيات ضعيفة

[CryptonX]

تابعت الموضوع باهتمام كبير جدا وبصراحة الموضوع مشوق جدا وتبادل وجهات النظر فيه سمح بطرح كمية كبيرة جدا من المعلومات

يمكن فيه معلومة صغيرة بس انا حابب اضيفها لأنها ما اتطرحتش فى المناقشات

كالعادة - تحدثت فانجزت و اوضحت

ارفع القبعة لحضرتك :)

[wawoo]

تابعت الموضوع باهتمام كبير جدا وبصراحة الموضوع مشوق جدا وتبادل وجهات النظر فيه سمح بطرح كمية كبيرة جدا من المعلومات

يمكن فيه معلومة صغيرة بس انا حابب اضيفها لأنها ما اتطرحتش فى المناقشات

المشكلة ليست فى فيات ولا فولكس فاجن ولا حتى فى جنرال موتورز او كرايسلر

المشكلة فينا احنا، ليه باه

بلدنا ذات طبيعة متفردة الى حد كبير وبالتالى كان المفروض فى عصر التطور التكنولوجى والاهتمام بالتفاصيل الصغيرة ان بلد زى بلدنا يكون لها تمصميمات خاصة بها، لكن ده طبعا حلم غير واقعى لان حجم سوقنا الصغير جدا لا يسمح بأن شركة تعدل مسمار واحد فى سيارة من السيارات علشان خاطرنا

مصر مش محتاجة تصميمات خاص لهذة الدرجة , احنا الطبيعة عندنا معتدلة , و مافيش جغرافية مختلفة كتير عن بلاد كتير مصنعة للسيارت , و الديل ان السوق المصرى فى مودلات و احجام و موصفات متنوعة كتير , حليا الشركات الكبيرة بتحاول انها تصنع سيارت تلائم اكبر عدد من الدول , و مصر مش محتاجة موصافت خاصة الى هذا المستوى , حتلاقى سيارات كتير نجحة فى مصر من غير اى مشاكل جوهرية و محتاجة حاجة ضرورية لشورعنا , المطلب بس سيارة بسعر معقول , يعنى السعر فى النهاية هوة الفيصل فى الموضوع , انما لو الموضوع موصفات فسهل جدا ان اى مصنع يعمل تعديل فى كمية منتجة لدولة معينة دة لو الوكيل طلب دة , و دة بيحصل فى كل السيارت اللى بتنزل مصر و تلاقى معظم الاوبشين اللى بيرفع تمن السيارة مش موجود , يعنى معظم السيارت اللى نازلة مصر ليها موصفات خاصة فى السعر , و لو مطلوب موصفات اخرى , معتقدش ان فى مصنع حيمانع بس يكون نفى اتفاق على الموصفات ا دى من الجهات المنظمة اولا .

[sab3aawy]

مصر مش محتاجة تصميمات خاص لهذة الدرجة , احنا الطبيعة عندنا معتدلة , .

جوالقاهرة الترابى طوال العام (بسبب مجاورتها للمقطم) يحتاج لمواصفات خاصة فى الفلاتر والتبريد

طرقنا المكسرة تحتاج لمواصفات خاصة فى العفشة

زيادة التحميل على السيارات فى بلدنا يحتاج لمواصفات خاصة فى العفشة والشاسيهات

عدم وجود صرف لمياه المطر مما يؤدى لتراكمها فى الشوارع يحتاج لمواصفات خاصة فى صاج السيارات لمقاومة البارومة

الزحام والقيادة على سرعات بطيئة لفترات طويلة تحتاج لمواصفات خاصة فى صبابات العادم وهيدر الشكمان لكل تقاوم التآكل

حكاية الركنة صف تانى تحتاج لمواصفات خاصة فى الجير الأوتوماتيكى لكى يمكن دفع السيارة والمفتاح ليس فيها

وغير ذلك كثير

وبالتالى ليس الأمر فقط مسألة سعر ، ولو فكرت فى الأمر هتلاقى ان لو احنا سوق كبير كنا بالتأكيد كنا هنحتاج مواصفات خاصة بنا لوجود امور كثيرة جدا ننفرد بها عن كل الدول المحيطة، لكن بما اننا حجمنا صغير فبنكتفى باستخدام منتجات مصنعة للآخرين ، وبما ان معظمنا مشافش السيارات حالتها برة بتكون عاملة ازاى فبنعتقد ان كل السيارات ناجحة فى بلدنا،
الحالة اللى بتكون عليها السيارات فى دول اوروبا ساعة ما بتروح مقبرة السيارات لو بيعت بهذة الحالة فى مصر لبيعت بما يكفل عيشة رغدة لأسرة متوسطة لمدة عامين او ثلاثة ، انا شفت بعينى سيارات زلمكة بيشتريها تاجر قطع غيار استيراد بعد ما اشتغلت فى فرنسا 20 سنة، العربيات مافيهاش خدش ، ولا فيها باب بيخبط فى مطب ولا مراية مشروخة ولا مللى متر بارومة ولا اى حاجة، عربيات لو بيعت واحدة منها فى مصر لكان تمنها ميقلش عن 150 ألأف جنيه، ومع ذلك تاجر الخردة بيشتريها بما يقل عن 1000 يورو، لأن محدش فى اوروبا عايز يحط رجله فيها ، وبالتالى فحالة السيارة التى يمكن ان نعتبرها نجاحا فى مصر قد تكون ضياعا كاملا فى بلد اخرى

[wawoo]

جوالقاهرة الترابى طوال العام (بسبب مجاورتها للمقطم) يحتاج لمواصفات خاصة فى الفلاتر والتبري

دى مقدور عليها سهل قوىالتوكيل يطلب تركيب فلتر زو موصفات خاصة بالبيئة المصرية

عدم وجود صرف لمياه المطر مما يؤدى لتراكمها فى الشوارع يحتاج لمواصفات خاصة فى صاج السيارات لمقاومة البارومة

المطر موجود فى اروبا معظم العام , يعنى العربيات هناك غرقانة على طول , الصاج حالية بيخد ضمان 10 سنوات بسبب طبقات كتير بيتم اضفتها , يعنى مافيش اختلاف كبير مطلوب فىالصاج .

طرقنا المكسرة تحتاج لمواصفات خاصة فى العفشة

زيادة التحميل على السيارات فى بلدنا يحتاج لمواصفات خاصة فى العفشة والشاسيهات

فى سيارت بالفعل بتنزل مصر العفشة مختلفة مخصوص لمصر و الدول المشابة

الزحام والقيادة على سرعات بطيئة لفترات طويلة تحتاج لمواصفات خاصة فى صبابات العادم وهيدر الشكمان لكل تقاوم التآكل

كثير من المدن الاوروبيا و اليابانية بها زحام شديد و عندك طوكيو و روما مثلا زحام و شوارع ضيقة جدا . يعنى اللى حيشمى عندهم حيمشى عندنا .

حكاية الركنة صف تانى تحتاج لمواصفات خاصة فى الجير الأوتوماتيكى لكى يمكن دفع السيارة والمفتاح ليس فيها

دى ملهاش حل فعلا , بس غلط اساسا ركن صف تانى , يعنى دى مشكلة مرورية

وبالتالى ليس الأمر فقط مسألة سعر ، ولو فكرت فى الأمر هتلاقى ان لو احنا سوق كبير كنا بالتأكيد كنا هنحتاج مواصفات خاصة بنا لوجود امور كثيرة جدا ننفرد بها عن كل الدول المحيطة، لكن بما اننا حجمنا صغير فبنكتفى باستخدام منتجات مصنعة للآخرين

السوق المصرى كبير بالفعل انا معنديش ارقام بس اكيد عدد السيارت المباعة فى مصر يساوى عدد السيارت المباعة فى الخليج كلة , يعنى لو احنا عوزين نعمل موصفات مصرية خاصة ممكن جدا الشركات تستجيب , بس هى الفكرة زى ما قلتلك ان كل دة حيتحمل على السعر الللى هوة اساسا غالى جدا والناس بشتكى منة , و بعدين عندك السيارات المجمعة فى مصر سهل جدا انهم يزودة اى من هذة التعديلات لتلائم الطبيعة المصرية بس برضو المشكلة فى السعر و حتى لو مصر قامت بتصنيع سيارة اعتقد حتكون سيارة عادية زات تكاليف منخفضة يعنى برضو مش حيهتمو كتير بالتعديلا الخاصة قوى دى للطرق المصرية مخصوص.

هوة افضل حل اننا نهتم ان الطرق و السلوكيات المصرية تكون ارقى من كدة , و بكدة مش حنحتاج لتعديلات كتير تعالج مشاكل غريبة اساسا على دول كتير .

[Mzeid]

بس اكيد عدد السيارت المباعة فى مصر يساوى عدد السيارت المباعة فى الخليج كلة

أنت بتحلم .. ؟!