مين الي كان عاوز برافو 150 مستعمل؟

[yoko]

مع حبى و احترامى الشديد لقسم فيات و كل الاعضاء اللى فيه و اول قسم بتصفحه دايما فى المنتدى

بس بصراحة انا بحس انكوا متحيزين شوية للفيات يعنى انا متأكد انها عربيات مميزة جدا بس برضه ده مش معناه ان هى عربية 10/10 و العربيات الكورى مثلا 0/10

و اتمنى تتقبلوا رأيى بصدر رحب

بصراحة أنا معاك
بس برده فيه فرق في الهاندلينك والبيرفورمنس والفرامل مش صغير

[Mohab.Nabil]

بصراحة أنا معاك
بس برده فيه فرق في الهاندلينك والبيرفورمنس والفرامل مش صغير

و الله يا يوكو انا معاك و اكيد انت عارف انى نفسى اركب فيات لما الظروف تسمح اغير هفكر جديا فى حاجة فيات بس لو اوماترا اتغيرت

و اكيد طبعا الاوروبى كله احسن من الكورى بحكم الخبرة حتى و فيات شركة من شركات الريادة فى صناعة السيارات فى اوروبا تكنولوجيا حتى لو مش محققة مبيعات ممتازة يعنى

بس برضه موضوع شراء عربية فى مصر معادلة كاملة جزء منها العربية نفسها يعنى فيه ناس كل هدفها من العربية انها توصلها و ده شىء مش وحش هو عايز عربية تريحه من هم المشاوير و بهدلة المواصلات و قطع غيارها تبقى منتشرة و اسعارها كويسة مش فارقة معاه البيرفورمنس و لا الهاندلينج ولا الكلام ده مع انه طبعا شىء مهم بس هو بالنسبة له هى وسيلة مواصلات تبقى مريحة و ميصرفش عليها كتير و لا يحرق دمه معاها فى توكيل زى اوماترا كده فبرضه لازم نحترم الناس ديه و طبعا اكيد انت ادرى واحد التوكيل ممكن يزهق الواحد ازاى و يكرهوا فى العربية .. و لو حد غيرك معندوش الحب و لا الانتماء ده لفيات كان باع عربيته من زمان و جاب اى ماركة تانية

[azakareya]

مع حبى و احترامى الشديد لقسم فيات و كل الاعضاء اللى فيه و اول قسم بتصفحه دايما فى المنتدى

بس بصراحة انا بحس انكوا متحيزين شوية للفيات يعنى انا متأكد انها عربيات مميزة جدا بس برضه ده مش معناه ان هى عربية 10/10 و العربيات الكورى مثلا 0/10

و اتمنى تتقبلوا رأيى بصدر رحب

تقدر تقول كده بنحاول نعوض عجز التسويق البشع بتاع التوكيل

[SAMEH_FOUAD]

مين اللى بيجيب فى سيرة الهوندا ال SiR هههههههههه

اذيكوا ياجماعة معلش انا جاى بنأء على نداء عاجل

دلوقتى ياجماعة السيفيك 2006-2010 او الجيل الثامن دية قوتها 124 حصان من محرك 1600 سى سى مزود ب I-VTEC وطبعا مش هتنفع تعمل حاجة مع البرافو تيربو 150 حصان

لكن بالنسبة للسيفيك SiR فاكيد العربية دية تبهدل البرافو مستريح وانا واحد من اللى عملوا كدة شوف هية العربيتين متقاربين كأداء لحد 150 كم انا كنت فارق طبعا بحوالى اربع عربيات , وبعد كدة ذهب ولم يعد بدأت ابعد بكتير مع ان الطريق فاضى عادى , وعرلى فكرة الموضوع دة اتكرر مع عربيتين لحد مابقتش الاقى فيات برافو ماشية فى الطريق خالص ولو لقيت بلاقى العادية

وبعدين معلش ال SiR تتفوق فى المحرك + الثبات بمراحل وانا واثق من دية كويس جدا لان العربية دية عامت قدامى من غرزة على سرعة 80 او 90 وعلى ارض مستوية واعتقد ان دة عيب فيها

ياجماعة بعد اذنكوا لما تتكلموا ابعدوا ال SiR عن اى مقارنة نهائى فى السيارات ذات محركات من 1600 الى 2000 سى سى

[mmffor]

اكثر سيارات مبيعا في ايطاليا نفسها

1Fiat Panda

2
Fiat Punto

3

Fiat 5004Ford Fiesta

5

VW Golf6VW Polo

7Lancia Ypsilon

8Citroen C3

9Opel Corsa

10Alfa Romeo Giulietta

11Opel Astra

12Renault Clio

13Nissan Qashqai

14Ford Focus

15Smart Fortwo





و ده الرابط [url=http://bestsellingcarsblog.com/2011/06/05/italy-may-2011-fiat-panda-dominates-again/]Best Selling Cars – Matt's blog

[karimalaa]

مين اللى بيجيب فى سيرة الهوندا ال SiR هههههههههه

اذيكوا ياجماعة معلش انا جاى بنأء على نداء عاجل

دلوقتى ياجماعة السيفيك 2006-2010 او الجيل الثامن دية قوتها 124 حصان من محرك 1600 سى سى مزود ب I-VTEC وطبعا مش هتنفع تعمل حاجة مع البرافو تيربو 150 حصان

لكن بالنسبة للسيفيك SiR فاكيد العربية دية تبهدل البرافو مستريح وانا واحد من اللى عملوا كدة شوف هية العربيتين متقاربين كأداء لحد 150 كم انا كنت فارق طبعا بحوالى اربع عربيات , وبعد كدة ذهب ولم يعد بدأت ابعد بكتير مع ان الطريق فاضى عادى , وعرلى فكرة الموضوع دة اتكرر مع عربيتين لحد مابقتش الاقى فيات برافو ماشية فى الطريق خالص ولو لقيت بلاقى العادية

وبعدين معلش ال SiR تتفوق فى المحرك + الثبات بمراحل وانا واثق من دية كويس جدا لان العربية دية عامت قدامى من غرزة على سرعة 80 او 90 وعلى ارض مستوية واعتقد ان دة عيب فيها

ياجماعة بعد اذنكوا لما تتكلموا ابعدوا ال SiR عن اى مقارنة نهائى فى السيارات ذات محركات من 1600 الى 2000 سى سى

كأداء ال 1800 type R يتفوق طبعا .... بالنسبة للثبات الله أعلم مين أحسن بس مستحيل البرافو تعوّم على 80-90 ... ممكن يكون ضغط الكاوتش عنده مكانش مظبوط أو الكاوتش طالع عينه ...
دي الايفو واكل بيها غرز غشيمة على 120-130! يا راجل دا أنا عربيتي الباليو بارتفاعها ده كله عن الأرض و باكل غرز على 100-110 مرتاح!!! و جنوط 14 حديد كمان!
و بالنسبة لل SiR بقى لو نزلتله مكنة abarth s2000 او s1600 حتى .... حيحرّم يركب هوندا D:D:D:
btw... أنا بحب هوندا جداً و هي فعلا أحسن شركة أسيوي بتصنع عربيات و باحترمها

[SAMEH_FOUAD]

كأداء ال 1800 type R يتفوق طبعا .... بالنسبة للثبات الله أعلم مين أحسن بس مستحيل البرافو تعوّم على 80-90 ... ممكن يكون ضغط الكاوتش عنده مكانش مظبوط أو الكاوتش طالع عينه ...
دي الايفو واكل بيها غرز غشيمة على 120-130! يا راجل دا أنا عربيتي الباليو بارتفاعها ده كله عن الأرض و باكل غرز على 100-110 مرتاح!!! و جنوط 14 حديد كمان!
و بالنسبة لل SiR بقى لو نزلتله مكنة abarth s2000 او s1600 حتى .... حيحرّم يركب هوندا D:D:D:
btw... أنا بحب هوندا جداً و هي فعلا أحسن شركة أسيوي بتصنع عربيات و باحترمها

ياباشا انا بتكلم عن محرك B16A او ال 1600 سى سى قوتة 174 حصان سرعتة القصوى بتوصل الى 260 كم تسارع من صفر الى 100 فى 7 ثوانى , سرعة من 0 الى 200 فى 22 ثانية

دة اداء المحرك ال 1600 الخاص بال هوندا واللى مدوخ ثلاث ارباع سيارات مصر ومحدش بيعرف يعمل معاة حاجة ولا فوق ولا تحت غير المحركات التقيلة

بالنسبة للبرافو دة اللى حصل حتى كان فيها شكوى كتير بسبب عومان العربية من الخف ما اى غرزة على سرعة عالية نسبيا 90-100 كدة

بالنسبة للبرافو طبعا العربية لا غبار عليها من ناحية الامان والشكل والاداء لكن زيها زى اى عربية فيها مشاكل وللاسف ماخدتش حقها واهملت

بالنسبة لل SIR دة محرك قوتة 174 حصان , هات محرك قدامة قوتة 174 حصان بدون تيربو واتفرج مين اللى يكسب

لو عايز تجيب ال S2000 ABARTH طيب ومالة اجيبلة انا بقى ساعتها B18C TYPE R او H22A صدقنى لو عرف حتى يشوفة بحق تخيل كدة تبقى مركب محرك بقوة 200 حصان لل B18C او 217 حصان للمحرك H22A على سيفيك وعلى فكرة هتطير من على الارض وهتكون ثابتة كمان

ياباشا الموضوع مش موضوع مواتير وجرى وخلاص احنا لو هنتكلم على ارض الواقع

هنلاقى الاتى :

السيفيك ال SiR سواء 92-95- / 96-2000 نازلة بمحرك 174 حصان بدون تيربو من 15 سنة او 16 سنة ولحد دلوقتى المحركات بتجرى بكفاءة عالية , وقوة وبتبهدل اى حد مع ثبات واعتمادية طيب انت مستنى اية تانى

لكن دلوقتى عشان اى شركة تخرج القوة دية من محركات على طول تروح رايحة للتيربو هو اللى يعمل القصة دية وبردة مابيوصلهاش غير لقوة 160 حصان بس

ومحدش بيحرم يركب هوندا لان اللى بيركب هوندا مابيركبش غيرها

[semsem_uno]

ياباشا انا بتكلم عن محرك B16A او ال 1600 سى سى قوتة 174 حصان سرعتة القصوى بتوصل الى 260 كم تسارع من صفر الى 100 فى 7 ثوانى , سرعة من 0 الى 200 فى 22 ثانية

دة اداء المحرك ال 1600 الخاص بال هوندا واللى مدوخ ثلاث ارباع سيارات مصر ومحدش بيعرف يعمل معاة حاجة ولا فوق ولا تحت غير المحركات التقيلة

بالنسبة للبرافو دة اللى حصل حتى كان فيها شكوى كتير بسبب عومان العربية من الخف ما اى غرزة على سرعة عالية نسبيا 90-100 كدة

بالنسبة للبرافو طبعا العربية لا غبار عليها من ناحية الامان والشكل والاداء لكن زيها زى اى عربية فيها مشاكل وللاسف ماخدتش حقها واهملت

بالنسبة لل SIR دة محرك قوتة 174 حصان , هات محرك قدامة قوتة 174 حصان بدون تيربو واتفرج مين اللى يكسب

لو عايز تجيب ال S2000 ABARTH طيب ومالة اجيبلة انا بقى ساعتها B18C TYPE R او H22A صدقنى لو عرف حتى يشوفة بحق تخيل كدة تبقى مركب محرك بقوة 200 حصان لل B18C او 217 حصان للمحرك H22A على سيفيك وعلى فكرة هتطير من على الارض وهتكون ثابتة كمان

ياباشا الموضوع مش موضوع مواتير وجرى وخلاص احنا لو هنتكلم على ارض الواقع

هنلاقى الاتى :

السيفيك ال SiR سواء 92-95- / 96-2000 نازلة بمحرك 174 حصان بدون تيربو من 15 سنة او 16 سنة ولحد دلوقتى المحركات بتجرى بكفاءة عالية , وقوة وبتبهدل اى حد مع ثبات واعتمادية طيب انت مستنى اية تانى

لكن دلوقتى عشان اى شركة تخرج القوة دية من محركات على طول تروح رايحة للتيربو هو اللى يعمل القصة دية وبردة مابيوصلهاش غير لقوة 160 حصان بس

ومحدش بيحرم يركب هوندا لان اللى بيركب هوندا مابيركبش غيرها

لو لو هنتكلم في ال2000cc الموتور الS2000 بينزل في الجراند و هو محرك 2000 سي سي عادى جداااا 2 كامة انجكشن نزل في الجراند بونتو ابارث سنة 2005 و بيخرج 280 حصان يدون تيربو ولا اي حاجة

[Formulator]

والله أنا كنت حاسس انى هتوقف نهائى فـ الموضوع ده..
لحد ما الموضوع قلب فـ الآخر Technical بدخول الكبار زى الـGod-Father
وناس فاهمة زى سامح semsem kane
دا غير الفياتاوية الأساسيين أصحاب القسم: يوكو ونبيه وغمراوى وكريم واسماعيل..

و للعلم مفيش اي فتيس dsg هنا عمل مشاكل او سمعت عن مشاكل فيه!!

لأ معلش, يبقى حضرتك مش متابع..؟؟!!!
فتيسات 2009-أول 2010 كان فيها مشاكل, اتحلت فـ النسخ الجديدة, لما Borg-Warner المورد بتاع أجزاء الفتيس غير الـHigh-Pressure Solenoid Valve/Pump

اعتقد ان الطقس الحار في مصر عامل مشكلة فعلا

دى فتيسات "مانيوال" Robotized, مالهاش دعوة بالـClimate خااااااااااالص..؟!!

دا غير ان اغلب الاوروبيين بيفضلوا المانيوال لانه بيتيح لهم تحكم افضل للسيارة على الطرق

مفيش الكلام ده, معظم الأوروبيين دلوقتى بيفضلوا الـAutomated Manuals سواء بدبرياج واحد, أو ديوال-كلتش..؟!!
حتى معظم الشركات اتجهت للفتيسات دى عشان الـEfficiency بتاعتها فـ الوقود والأنبعاثات (والأداء والتسارع برضه)..
- الفيات عندها Dualogic والألفاروميو TCT
- VW عندها DSG والأودى MultiTronic
- رينو عندها DDCT طورته وهتبدأ تنزله فـ عربياتها.
- فورد (الأوروبى) عندها PowerShift

يعنى كلها كام سنة, والأوتو العادى هيختفى خااااااااااالص من أوروبا..
بالنسبة للمانيوال بينزل فـ العربيات الـPerformance والـHot-Hatch وبينزل 6-سرعات.. زى الكليو RS والجولف GTi والأبارث والـDS3
وفيه حاجات سوبر-سبورت زى الـ911 الجديدة نازلة 7-مانيوال.. دلوقتى المانيوال بقى للـEnthusiasm فقط..
أزاى بقى الأوروبيين بيفضلوا المانيوال؟؟؟!!

فيات اللي محققلها النجاح العالمي مش مبيعاتها في اوروبا خالص خالص
اعتقد سوق الهند و البرازيل ( و شوية تركيا ) عاملين احلى نتائج مع فيات

برضه معلش, دى معلومة غير صحيحة..
السوق الأساسى لفيات هى "أوروبا", والعربيات اللى بتعملها "فيات براند" عربيات أوروبية خالصة, طبقا للمواصفات الأوروبية.. ومخصصة للمستهلك الأوروبى..!!
حضرتك تقدر تراجع Automakers Ranking وتشوف مناطق الأنتاج والبيع بتاع فيات, فيات جروب.. أوروبا رقم 1.

[Formulator]

بس انا مقتنع ان موتور الهوندا dohc vetc ال 170 حصان بقا يطلع من البرافو
ده رأيي ليييييييه بقااااااااا
الموتور 1600 سى سى 16 صباب 2 كامه ال red line 8500 نسبه الانضغاط 10:4 اقصى سرعه ليه 260 كيلو

ده بيتكلم عن موتور الـSiR..؟؟!!!
والله قبل ماشوف مشاركة سامح, كنت بقول فينك يا سمسم؟؟!!! تقوله ان السيفيك العادية كامة واحدة 16v و123-125/127 ماتعرفش تعمل حاجة مع 1.4 تربو..

يا جماعة بالنسبة لموضوع الهوندا هيا فعلا 140 حصان بس على الفلام مش على العجل يعنى الفعلى 122 حصان زى ما محمد نبيه بيقول. وعلى فكرة الهورس بور بيفرق فى الزيرو 100 بس العزم هو اللى بيفرق بمجرد تحرك العربية. اما

اعذرنى يا كبير, أنا بعد أذنك قتلت الموضوع ده بحثا قبل كده يا عراب..
واتضح الآتى:
- الـ140 حصان دى Blue-Print جوا هوندا Labs..؟؟!!!
يعنى موتور متجمع يدوى (مش Mainstream Production) وبوقود خاص, وكماااااااان قبل الطلمبات وكمبريسور التكييف والـAccessories ماتركب عليه..؟؟؟!!!

بعد كل حاجة ما تتركب.. بيطلع 123-125 حصان..
كل ده لسه قبل الـDrivetrain ما يركب.. مع الأخذ فـ الأعتبار ان الجييربوكس أوتو 5-سرعات بمحول عزم, (يعنى تهدير باور أكثر)..؟؟!!!
وتم التأكيد على الـDyno بتاع عادل وجدى TPS.. على عربيتين:
واحدة طلعت 107 حصان WHP, والتانية طلعت 109-110 WHP (ببنزين 95 على فكرة)..؟!!

بصراحة أنا معاك
بس برده فيه فرق في الهاندلينك والبيرفورمنس والفرامل مش صغير

دى حاجات مايعرفهاش غير اللى "ركب" أو الـEnthusiastic Drivers
الناس فـ أوروبا بيقارنوا الأيطالى بالألمانى.. وبيقولوا مواتير الفيات-أبارث-ألفا أكثر مرونة وعصبية فـ الأداء..
قالك Fun-to-Drive عن العربيات الألمانى.. اللى أداء مواتيرها متحفظ زى تصميماتها..؟؟!!!

مش بيقارنوا الأيطالى بالآسيوى.. دى ركوبة غير يافندم.

وبعدين معلش ال SiR تتفوق فى المحرك + الثبات بمراحل وانا واثق من دية كويس جدا لان العربية دية عامت قدامى من غرزة على سرعة 80 او 90 وعلى ارض مستوية واعتقد ان دة عيب فيها

بالنسبة للبرافو دة اللى حصل حتى كان فيها شكوى كتير بسبب عومان العربية من الخف ما اى غرزة على سرعة عالية نسبيا 90-100 كدة

صعب أوى البرافو تعوم من ورا على سرعة زى دى يا سمسم,
دا البرافو الـ120 حصان اللى بجنط 16" ومفيهاش ESP.. مستحيل تعوم الا فوووووق 120-140, وكمان من غرزة قطم مثلا.. والطريق فيه فاصل أو مطب هوا جااااااااااااامد..؟!!
وبرضه التعويمة جزء من الثانية, وبتتلم بمنتهى السهولة.. أيا كان السواق مش Experienced..؟؟!!!

فما بالك بالبرافو الـ150 حصان, جنوط 17", وESP وسوست غير (أنشف وLower)..؟؟؟!!
أنا بتكلم عن تجاااااااااارب للعربيتين فى Spirited Driving مش سواقة عادية..
الـTorsion-Beam ثباته والهاندلينج بتاعه عاااااااااالى جدا, بشرط الـDesign/Setup يكون معمول الصح.. (مش كورى يعنى) ههههههههههههههه

[karimalaa]

@semsem kane
شوف الspecifications بتاعت ال s1600 وال s2000 و احكم بعدها ... العربات دي N/A و بتطلع power جبّارة واكيد برده مش حنتكلّم عن الأمان و الhandling والكلام ده
و برضه في الأخر حاقولك أنا باحترم هوندا جداً بس معلش لو حتقارنها فئة بفئة من الايطالي ... الايطالي يكسب في جميع الأحوال و كفاية الجملة اللي قالها Ferrari team engineers لما هوندا عملت ال NSX-1
"Asians can never equal a name like Ferrari , a name like honda will always remain a honda"

[semsem_uno]

@semsem kane
كفاية الجملة اللي قالها Ferrari team engineers لما هوندا عملت ال NSX-1
"Asians can never equal a name like Ferrari , a name like honda will always remain a honda"

والنبى يابو الكباتن تبقى تخلي الشباب دول يعملولي add علشان محتاجهم

[SAMEH_FOUAD]

@semsem kane
شوف الspecifications بتاعت ال s1600 وال s2000 و احكم بعدها ... العربات دي n/a و بتطلع power جبّارة واكيد برده مش حنتكلّم عن الأمان و الhandling والكلام ده
و برضه في الأخر حاقولك أنا باحترم هوندا جداً بس معلش لو حتقارنها فئة بفئة من الايطالي ... الايطالي يكسب في جميع الأحوال و كفاية الجملة اللي قالها ferrari team engineers لما هوندا عملت ال nsx-1
"asians can never equal a name like ferrari , a name like honda will always remain a honda"

ماشى ياباشا انا عارف ان الفيات شركة عريقة , ومحركاتها غبية وقوية وسيارات ذات قدرة عالية بس مش عارف حاسسها

مش اعتمادية زى اليابانى وحساسة , مالهاش سوق عندنا بس كويسة للى يقدرها ويحافظ عليها وعموما

انا ركبت مثلا فيات برافو عادية وتيربو بجد زعلت جدا ان العربية دية ماخدتش حقها فى السوق المصرى لانها بجد عجبتنى جدا كشكل وخامات وقيادة وراحة وثبات بردة كويس جداااااااا , بس نقطة التعويمة دية انا حسيتها مش عارف بقى ممكن يكون ساعتها كان فية حاجة فى الارض , والغريبة ان بردة فية واحد اكدلى نفس الكلام وكان هنا فى المنتدى عموما انا عارف الايطالى هيكسب فى اية وعارف اليابانى هيكسب فى اية والسوق المصرى دائما بيفضل اليابانى لانة بيواكب متطلباتة اكتر واللى بيركب الايطالى والفرنساوى بيبقى غاوى العربية وعارف قيمتها

[SAMEH_FOUAD]

ده بيتكلم عن موتور الـSiR..؟؟!!!
والله قبل ماشوف مشاركة سامح, كنت بقول فينك يا سمسم؟؟!!! تقوله ان السيفيك العادية كامة واحدة 16v و123-125/127 ماتعرفش تعمل حاجة مع 1.4 تربو..

هية المشكلة ان هوندا بس ادت انطباع خطأ اول لما شوفنا الجيل الثامن والكورولا 2008 انهم 140 للهوندا واللى كان مقصود بدة المحركات ال 1800 سى سى اللى بتخرج كمان مش 140 حصان لأ هية بتخرج 138 وبعد الفاقد 132 حصان

فاكيد طبعا البرافو هتعديها بكل تأكيد

اعذرنى يا كبير, أنا بعد أذنك قتلت الموضوع ده بحثا قبل كده يا عراب..
واتضح الآتى:
- الـ140 حصان دى Blue-Print جوا هوندا Labs..؟؟!!!
يعنى موتور متجمع يدوى (مش Mainstream Production) وبوقود خاص, وكماااااااان قبل الطلمبات وكمبريسور التكييف والـAccessories ماتركب عليه..؟؟؟!!!

كلامك كلة صح ياباشا ا
دى حاجات مايعرفهاش غير اللى "ركب" أو الـEnthusiastic Drivers
الناس فـ أوروبا بيقارنوا الأيطالى بالألمانى.. وبيقولوا مواتير الفيات-أبارث-ألفا أكثر مرونة وعصبية فـ الأداء..
قالك Fun-to-Drive عن العربيات الألمانى.. اللى أداء مواتيرها متحفظ زى تصميماتها..؟؟!!!

مش بيقارنوا الأيطالى بالآسيوى.. دى ركوبة غير يافندم.

مش فى كل الفئات بحس ان الفيات محركاتها عصبية وقوية السى السى العالى فقط



صعب أوى البرافو تعوم من ورا على سرعة زى دى يا سمسم,
دا البرافو الـ120 حصان اللى بجنط 16" ومفيهاش ESP.. مستحيل تعوم الا فوووووق 120-140, وكمان من غرزة قطم مثلا.. والطريق فيه فاصل أو مطب هوا جااااااااااااامد..؟!!
وبرضه التعويمة جزء من الثانية, وبتتلم بمنتهى السهولة.. أيا كان السواق مش Experienced..؟؟!!!

فما بالك بالبرافو الـ150 حصان, جنوط 17", وESP وسوست غير (أنشف وLower)..؟؟؟!!
أنا بتكلم عن تجاااااااااارب للعربيتين فى Spirited Driving مش سواقة عادية..
الـTorsion-Beam ثباته والهاندلينج بتاعه عاااااااااالى جدا, بشرط الـDesign/Setup يكون معمول الصح.. (مش كورى يعنى) ههههههههههههههه

جايز يكون كان فية حاجة فى الطريق بس فعلا دة حصل واتأكدلى كمان من واحد بس عموما ياباشا انا عارف ان الايطالى ممتاز وثباتة عالى وانا عارف دة كويس جدا واصلا انا بحب شكل البرافو جداااااااااااااااااااااا بحسها ممتازة وليها طعمها كدة حتى صالونها رياضى من الدرجة الاولى مع التطعيمات باللون الاحمر + وفرش الكراسى اللى فية خياطة حمراء الصراحة كأنى راكب 1 series sport edition

هههههههههه انا عارف انك بتحب الكورى جدا

[azakareya]

أنا ماشي بال ASR OFF بقالي يومين أهو بس لسه ما قرصتش عالعربية جامد .. لما تعوم هاقول لكم