تكييف 128

[mrghost]

السلام عليكم ورحمة الله
انا فعلا كنت مركبه ب2700 جنيه يابانى جديد بالضمان وان شاء الله هاصور الحوض وارفع الصور وبصراحه الصنايعيه مالقوش اى مشكله لان المركز عندهم متكامل وكل واحد بيعمل حاجه معينه واحد للكهرباء وواحد للمواسير وواحد لتركيب الكمبروسر والسربنتينه وهو شال الكويل بتاع العربيه وركب بداله الكويل الجديد

[mig44n]

وهو شال الكويل بتاع العربيه وركب بداله الكويل الجديد

انت اكيد قصدك كويل السخن (الدفايه)؟؟؟
و 2700 جنيه جديد حلو جدا وسعر معقول......
طبعا انت عملت قواعد للكباس؟؟؟؟
وياريت صور للحوض وخصوصا السربنتينه(الكوندنسر),وكمان علبه المروحه الى راكب فيها الكويل....
يعنى صور كل حاجه....

[mrghost]

السلام عليكم ورحمة الله لا انا معملتش قواعد للموتور ولا حاجه الموتور فيه مكان للكمبروسر يادوب اتركب بالارربع مسامير وعندى العربيه الريتمو فيها برضو مكان الكمبروسر وبالنسبه للكوندنسر هو اصغر شويه من الردياتير وبيتركب قدامه ويتثبت فى صاج العربيه بشنيور من غير بهدله ولا حاجه بس صعب اصوره لانه قدام الردياتير وعلبه المروحه كذلك لانها خلف الكونسول ومش باينه بصراحه بس ان شاء الله هاصور اللى اقدر اصوره وشكرا

[mig44n]

يبقى كده انت عندك العربية مجهزة تكييف....
واحنا برده مستنين الصور بأذن الله....

[maka]

الموضوع ده فيه فيديو بيوضح طريقة عمل تكييف السيارة + طريقة تركيبه

http://www.nilemotors.net/Nile/showthread.php?t=37751

لكن بعد ما شفته جتللى فكرة هل ينفع نزود هواية يمين وهواية شمال فى التابلوه زى

العربيات الجديدة ولا صعب

[maka]

واحنا برده مستنين الصور بأذن الله....

+1111111111111111

[fuora]

الفيورا عندى فيها مكان للكمبريسور يبقى اكيد ال 128 فيها امكانية لان موتورها اقوى

[maka]

الفيورا عندى فيها مكان للكمبريسور يبقى اكيد ال 128 فيها امكانية لان موتورها اقوى

ممكن اعرف المكان ده فين بالظبط اصل انا برضه عندى فيورا وهل

حضرتك بتفكر تركب تكييف فيها

[mig44n]

الموضوع ده فيه فيديو بيوضح طريقة عمل تكييف السيارة + طريقة تركيبه

http://www.nilemotors.net/Nile/showthread.php?t=37751

لكن بعد ما شفته جتللى فكرة هل ينفع نزود هواية يمين وهواية شمال فى التابلوه زى

العربيات الجديدة ولا صعب

شكرا على الفيديو وانا لسه هنزله واتفرج عليه.
بالنسبه لعمل هوايات فممكن تعمل هوايات على جناب التابلوه بس كده هتطر انك تقطع فى التابلوه وهيبقى شكلها وحش..
وبعدين مش مهم الهوايتين الى على الجنب..

الفيورا عندى فيها مكان للكمبريسور يبقى اكيد ال 128 فيها امكانية لان موتورها اقوى

ممكن عادى جدا...ومكان القواعد هتبقى موجوده مع مكان طلمبه المياه والدينامو..هتلاقى مكان كده لتثبيت الكومبراسور....

[mrghost]

السلام عليكم ورحمة الله
ياجماعه بالنسبه لل127&128 فيه كويل خارجى عامل زى التكييف الاسبليت ولونه سكرى وده بيركب تحت التابلوه على طول وفيه الفتحات بتاعه التكييف يعنى مش محتاج تفتح فى التابلوه ولا حاجه وكل المواتير فيها مكان التكييف على ما اعتقد لانى لقيت مكانه فى الريتمو موجود فى الموتور من فوق على الشمال عباره عن اربع فتحات مسمار 13 او اكبر مش عارف وانا زميلى معاه 128 هاشوف لو فيها مكان للكمبروسر هاقولقوا ان شاء الله

[HATEMHANY]

انا كنت سمعت عن الكويل الخارجى ده قبل كده و انه شبه الفيديو كده او التكييف السبليت و بيبقى جوه العربيه تحت الطابلو فعلا

[mrghost]

السلام عليكم ورحمة الله
انا بقى شوفته راكب فى عربيه 127 فى سوق مدينه نصر بس بصراحه ماجربتوش

[maka]

السلام عليكم ورحمة الله
ياجماعه بالنسبه لل127&128 فيه كويل خارجى عامل زى التكييف الاسبليت ولونه سكرى وده بيركب تحت التابلوه على طول وفيه الفتحات بتاعه التكييف يعنى مش محتاج تفتح فى التابلوه ولا حاجه وكل المواتير فيها مكان التكييف على ما اعتقد لانى لقيت مكانه فى الريتمو موجود فى الموتور من فوق على الشمال عباره عن اربع فتحات مسمار 13 او اكبر مش عارف وانا زميلى معاه 128 هاشوف لو فيها مكان للكمبروسر هاقولقوا ان شاء الله

معلش احنا بتقل عليك لكن لى استفسار الكويل ده هيوزع الهواء لوحده

اسفل التابلوه ولا هيتاخد منه خراطيم للهوايات(سواء ان كانت هوايات

التابلوه او هوايات خارجية)

تانى حاجة انا احتمال افك التابلوه علشان العزل فاحسن اركب كويل داخلى

ولا لا وخصوصا وجود المروحة والهوايات ونظام التحكم

[maka]

انا النهاردة فكت حوض المروحة وطقم التحكم(مفتاح سرعة المروحة -

مفتاح التبريد - مفتاح التسخين _مفتاحان لتغيير مسارات الهواء)

الخلاصة:

المميزات؛

1- وجود حجم كافى لوضع الكويل فى حوض المروحة

2-طقم التحكم فعلى (يعنى مفتاح التبريد مش واقف فى الهواء لكن متصل بسلوك وسوست)

العيوب:

1- السيستم كله غرقا تراب انا اسودت من كتر التراب اللى عمانى(يعنى هيقرف اللى هيشتغل فيه اوى)

2- طقم التحكم قديم اوى (مفتاح التبريد منفصل عن التسخين - مفتاحان لضبط مسارات الهواء) حبذا لو تم تغييره

[mrghost]

بص ياباشا انا افضل الكويل الخارجى علشان الهواء بيتوزع فيه زى العربيات الجديده لانه بيحتوى على ريش ممكن توجها فى الاتجاه اللى انت عاوزة او لو عاوز تركب كويل داخلى من الافضل تركب تابلوه تانى غير اللى فى العربيه بتاع كيا برايد مثلا علشان فتحات التكييف تبقى قريبه من الاشخاص علشان تحس بالتكييف وبالنسبه للمفاتيح بيجى مع الكويل مفتاح (عامل زى الزمبلك )فيه 3 سرعات للتبريد واى استفسار انا فى الخدمه ان شاء الله