FIAT 132 2000

[belal rashed]

الله ينور عليك يا باشمهندس حازم يا بلدي
أنا فخور جدا ان المحله فيها الخبره الجامده دى وياريت أعرف أقابلك .
بلال راشد
0121160280
0402081992

[MohabSaeed]

بسم اللة مشاء اللة .. اسلوب كلامك ومعلوماتك رائعة يا استاذ حازم .. بجد ربنا يكتر من امثالك .. عماتا ال132 من انجح موديلات فيات " على الاطلاق " وهية من فئة سيارات فيات الناجحة والى كانت سابقة عصرها فى السبعينات والتمانينات " 131 , 132 , ريجاتا , ريتمو " . 8)

[hazem_khidr]

و الله يا استاذ محب كلامك صح العربيات دي فضلت ماسكه نفسها في السوق وقت قياسي اكتر عربيه دلوقتي بتطلب 10 سنين بس دي عربيات فضلت اكتر من 25 سنه هيا الملكه في السوق و الله الواحد بيحزن علي ايام العربيات دي علشان فعلا ماعدتش تعرف تركب عربيه بمواصفاتها اطلاقا.
كانت في اواخر السبعينات ال132 بتتقارن ب الالفا روميو و ال بي ام دبليو الفئه التالته!! و كانت اسعارهم متقاربه كمان و ال131 كانت بطله راليات و مفيش حد عارف سرها بس اهي دي سنه الحياه مفيش حاجه بتستمر . و ميرسي كتير لزوقك و كلامك و اي استفسار انا تحت امرك

[MohabSaeed]

على فكرة .. انا اسمى مهاب ..ههههههههههه . دة اولا بس الغلط منى انا علاشان دايما مش بسيب فاصل بين الاسمين .

حرجع تانى لموضوع الفيات اواخر السبعينات ... بجد كانت رقم واحد فعلا .. انا ماشوفتش اى مواتير لا يبانى ولا امريكانى ولا اى نوع تانى .. كانت زى مواتير الفيات ال" 2 كامة بالذات " مشاء اللة ال 2000 سىسى بيطلع 112 حصان . ال1600 96 حصان .. الرقم دة اذهل العالم فى سنة 79 .. انا عاوز اقولك على حاجة بس من غير ماحد يضحك ... المفروض مواصفات عربيتى ... انها بتتسارع من الصفر لل100 كيلو فى 10 ثوانى ونصف ..." طبعا هية دلوقتى ممكن تسارع من صفر : 100 فى 5 دقايق :mrgreen: " بس الفكرة ان ساعتها الرقم كان غريب جدا .. وبجد الموتور كان قوى جدا جدا جدا جدا بالمقارنة بباقى العربيات الى كان اخيرها فى ال1600 سىسى 80 حصان او 85 ...

انا عاوز اقولك على حاجة يا استاذ حازم بحسها وانا سايق العربية " هما شعورين " ... الاول وانا سايقها فى الزحمة الصبح فى التحرير ولا المهندسين .. بجد بكرة نفسى وبكره الناس .. والاقى الناس عمالى تكلكسلى وكل واحد معاة لانسر او كورولا " بالاخص الموديلين دول مش عارف لية " عمالين يشوحولى فارين نفسهم راكبين الكونكورد الخارقة للصوت" .. فبصراحة بتضايق وانا سايقها .
الشعور التانى بليل بعد الساعة 12 وفى شوارع القاهرة الفاضية .. بحس ان العربية جميلة جدا ومريحة جدا والدنيا هاااااااديةةةةةة


انا حتكلم بشكل خاص عن ال131 .. بجد العربية ممتازة فى نواحى .. وغبية جدا فى نواحى تانية . بس هية اكبر مشاكلها " سوء الصيانة " مافيش ناس بيفهمو فيها كويس " على عكس ماكل الناس فاهمة على فكرة " الميكانيكية بيتعملو مع الفيات القديم عموما على اساس انها عربية كارو :x :x :x .. واى حد يفك فيها. :? .. انا نفسى يتفتح مركز صيانة يكون محترم ويصلع العربيات دية علاشان بجد كدة حرام ...العربيات دية فى امريكا .. بتتباع على اساس انها تحفة ..وبتتباع غالية واللة .

انا نفسى من زمان اشوف فعلا مركز يكون متخصص فى تصليح سيارات فيات الموديلات القديمة .. وحتى لو غالى مش مشكلة . بس يكونو الناس الى شغلين فية بيفهمو . " حضرتك رأيك اية فى الموضوع دة "


:!: انا اسف لو كنت طلعت عن الموضوع الاساسى .. بس هوا الكلام جاب بعضة ... :roll:

و بجد انا الى متشكر جدا لذوقق و بشكرك جدا على الموضوع الجميل دة ..

[hazem_khidr]

لا و الله يا استاذ مهاب و سوري اني غلط في اسمك هو كلام حضرتك صح ال132 كانت لما نزلت ب موتور ال 2000 كتالوجها كان بيقول فعلا من صفر ل 100 كم في عشر ثوان و زي ما انا كاتب انها كانت اول عربيه 4 باب في العالم تجيب السرعه دي في الزمن دا.
بالنسبه لل 131 عربيه جميله جدا و دي بالذات كان عليها طلب من امريكا كتيير يعني فيات ما دخلتش امريكا الا بسبب العربيه دي.
بخصوص العربيه لو حضرتك عاوز تعمل فيها شغل صح يبق حتحتاج تغير حاجات كتير يعني الموتور تشتري موتور استعمال بالفتيس بتاعه بيبقي كويس و سحبه كويس علي حسب الموديل حتلاقي منه مواتير عاليه لحد 86 (موتور الارجنتا نفس موتور ال131 بالضبط) او موتور الريجاتا ال 2 كامه(1600 100 حصان او 110 كمان) و يركب علي نفس الفتيس اللي عندك
الموضوع ببساطه موتور و فتيس و كرونه دول اكتر حاجه تفرق في سحب العربيه و لو دول تمام اتاكد ان سحب عربيتك ممكن يخليك تسحب مع بتوع الكورولا و اللانسر دول :lol:
العربيه ميكانيكيا مش معقده غير في ظبط الكامه بتاعها و انا عندي ناس في المحله هنا يشتغلو فيها و يضبطولك الموتور لو سليم و يرجعولك العربيه لحالتها .الموضوع مش محتاج مركز خدمه العربيات دي الففنيين فاهمين فيها كويس بس الصراحه اللي بيتعامل باستخفاف زي ما حضرتك بتقول دا عمره ما كان فني ولا خايف علي اكل عيشه حتي لو قدامه عربيه جديده حيتعامل معاها كده برضه و عندك ممكن تلاقي ناس في الحرفيين يعملولك شغل مضبوط و لو مش كده حضرتك تشرفنتي في اي يوم اعرفك علي ناس عندي في كل الفروع(ميكانيكا عفشه كهربا سمكره) بتعامل معاهم من زمان و حبايبي اوي و بيطلعو شغل مضبوط جدا

[MohabSaeed]

ربنا يخليك يا استاذ حازم .. وبجد الف شكر على اهتمامك ..

انا انشاء اللة ناوى اصلح العربية كلها مرة واحدة ... بس لما يتجمع معايا مبلغ ... :roll:

علاشان انا من انصار .. " التصليح الشامل " من الالف الى الياء . 8)

[hazem_khidr]

ربنا يخليك يا استاذ حازم .. وبجد الف شكر على اهتمامك ..

انا انشاء اللة ناوى اصلح العربية كلها مرة واحدة ... بس لما يتجمع معايا مبلغ ...

علاشان انا من انصار .. " التصليح الشامل " من الالف الى الياء

حضرتك بس اول ما تبتدي ابقي عرفني علشان اقولك تعمل ايه بالضبط و ممكن كمان ابقي انزل للسمكري بتاعك افهمه و ابصلك علي العربيه و افهمه الشغل اللي فيها

[MohabSaeed]

:) ربنا يكرمك يا استاذ حازم .. اكيد ان شاء اللة لو مكانش فيها تعب لحضرتك حبقى اقولك واستفيد بنصايحك... وبجد انا متشكر جدا على اهتمامك ..

[hazem_khidr]

132 photo

معلش يا جماعه مكنش عندي صور للعربيه و لما لقيتها قولت احطها في الموضوع ارجو تقبل الاداره و الاعضاء

[mohamed9999]

هو الموضوع اتقفل ولا لسة شغال

[mohamed9999]

طيب انا ناوى اشترى فيات 132 موديل 1973 ماتور 1600cc اية نظامها يا جماعه و بالاخص ان العربية محتاجه شوية نضافه

[hazem_khidr]

لا الموضوع ما اتقفلش:)
بالنسبه لل 132 موديل 73 ف دي ال S اقدم موديل فيها
و بصراحه لا انصح بها لانها قديمه اوي و قطع غيارها كفوانيس و تابلوه و ابواب غير موجوده بالمره.
لو عاوز 132 ضحي شويه و هات ال 2000 او ال 1600 موديل من 77 ال 81 بشرط الحاله الممتازه مش الجيده جدا كمان
او علي اقصي تقدير هات ال 132 Gls
موديل 76 عربيه ممتازه برضه لكن الحاله الفيصل لان من الصعب تلاقي واحده نضيفه منها حاليا

[Haytham4ever]

كان عندنا GLS زمان اوي سنة 85 تقريبا والدي الله يرحمه اشتراها ب5 الاف تقريبا
كانت عربية محترمة جدا
كان فيها اوبشن غريبه جدا بالنسبة لبقية العربيات وقتها
يعني الrpm مكنش موجود خالص لا في البيجو ولا المرسيدس
الدريكسيون بيتحرك فوق و تحت
ده غير الخامس في الفتيس برضه مكنش موجود
المفروض انها كانت مصممة ان الهوا يدخل من الهواية اللي في الكبوت و يمشي في ممرات في لحد السقف و بعدين يخرج من الهوايات اللي على القوايم الخلفية
عشان يثبت العربية يعني

فضلت معايا فتره اول ما بدأت اسوق
بس كانت عايزه شد
قريبي كان صاحبه تاجر عربيات من طنطا
اخدها مننا و شدها في طنطا
العربية رجعت زيرو فعلا
لدرجه اني كنت ببقى ماشي في الشارع الاقي الناس بتشارولي .... للبيع ؟
بس انا غيرت الفتيس عشان كان فيه صوت وره و الميكانيكي قال نركبلها فتيس 125 اسبيشيال
و فعلا علمنا كده ... انا عموما محستش بفرق كبير في الاداء غير ان الصوت الفتيس طبعا بقى احسن كتير
بس بعد كده شديت مع قريبي كان معاه مرسيدس E230 طلعت منه اكتر من مرة مع ان الفرق بينا 500 سي سي
كنت بثبت معاه اول و تاني ... اول ما اجيب تالت افرق منه كتير
و هو هو برضه كان معاه فولكس بيتلز 1600 و كان بيطنطط على الناس ... برضه طلعت منه على التالت :)
كنت حاططلها بوجيهات سبليت فاير و كان في جهاز كده المفروض انه بيحول الاسبراتير العادي الى الكتروني اسمه جهاز ماس لو تسمعوا عنه
مش عارف برضه كان عامل تاثير ولا لأ
بس عموما عربية ممتازة اتمنى اركب واحده نضيفة دلوقتي

و تحياتي للاستاذ حازم صاحب الموضوع و جميع مالكي ال32

[hazem_khidr]

كلامك فرحني يا استاذ هيثم
لان بجد ال 132 من العربيات العظيمه فعلا و اللي كانت واخده حقها
و ناس كتير ظالمنها لمجرد ان اسمها فيات ما اعرفش اسم فيات دا بيضايق في ايه؟؟
شكرا علي كلامك الجميل :)

[mohamed9999]

ب

طيب يا جماعه الكلام دا بيشمل 132 موديل 1973