رابطة مالكي وعشاق التمبرا (الجزء الأول)

[heshamzaky]

معلش يا باشا فية ناس كتير بتقرأ المشاركات بتاعتنا دى ممكن توضح لى بالتفصيل مكان البارومة الى فى التمبرا فين بالتحديد بالمناسبة كل الحواشى الى حوالين العجل الامامة تفريبا عبارة عن كافرات بلاستيك و الصاج هة الى تحتها انت متأكد ان الصاج هو الى فية البارومة و لا البلاستيك متكسر فشكلة مدى انة بايظ كدة بص كدة على الصورة دى و قولى مكان البارومة فين

[heshamzaky]

بص جا افضيلك تمبرا من الموتور بالصور بالتسلسل بص كدة عليها

[zago]

حقولك بس من غير الصوره
حشرحلك كانك واقف وعربيتي قدامك
تفتح الشنطه
تشيل الكراكيب اللي انا مرميها فيها
والكوريك
والكلام ده
كده الشنطه فاضيه
حلو قوي
شيل الفرش اللي مغطي الاستبن
طلع الاستبن
كده كله تمام والعربيه مافيهاش حاجه
فاضل ايه في الشنطه؟؟؟
فاضل الفرش اللي مغطي جناب الشنطه وواخد شكل الكارتيره
اللي هو الفرش البلاستيك من ناحيه وموكيت من ناحيه
ومغطي الكهف بتاع العجل والجنب بتاع الشنطه
اول ما تشيله تعمل حتلاقي الرفرف اللي عامل زي نص كوره كده
هو ده يا سيدي عندي فيه بارومه بسبب ان الكارتيرات مش راكبه والعجل ماشي يحدف طين ورمل زلط بيخبطو في الصاج خلوه يتلاشى

انا اول ما شفت الكلام ده عملت حاجتين:
1 دعيت على اللي باعتلي العربيه
2 رحت للسمكري قاليي حعملهالك ولا الفبريكه ومحدش حياخد باله ان فيها غل وحتكلفني 300 جنيه
و سمكري تاني قالي نفس الكلام وحتكلفني 500 جنيه

انا الصور ححطها بكره انشاء الله وحتفهم كلامي لما تشوفها
لكن عند حضرتك لو الكارتيرات راكبه والعزل (الكاوتش بتاع الشنطه راكب صح ومش بيدخل ميه لما تغسل العربيه يبقى انت انشاء الله في السليم.

[zago]

انا علمت على الصوره مكان البارومه عندي فين لكن مش عارف ارفعها على المنتدى ازاي

[heshamzaky]

فهمت قصدك بس دى اول مرة بصراحة اسمع ان الصاج اتاكل من البارومة

[heshamzaky]

ياقى العفشة للمعلومية فقط

[heshamzaky]

ماشى زى الصورة دى كدة الفخذتين الخلفيتين

[zago]

ماشى زى الصورة دى كدة الفخذتين الخلفيتين

بالظبط

[heshamzaky]

او زى كدة بس دى فيات تيبو نفس الفكرة برضو

[zago]

او زى كدة بس دى فيات تيبو نفس الفكرة برضو

تمام قوي كده هو ده اللي انا بتكلم عليه شوف بقى حضرتك الصاج اللي معلم عليه ده من فوق ومن جوه على الاخر متاكلين ومصديين

[heshamzaky]

تمام قوي كده هو ده اللي انا بتكلم عليه شوف بقى حضرتك الصاج اللي معلم عليه ده من فوق ومن جوه على الاخر متاكلين ومصديين

العربية دى ملاكى القاهرة يعنى كانت ماشية فى القاهرة و لا بتعوم فى النيل انا شفت الكلام دة فى ال 127 و ال 128 بس التمبرا لآ خالص

[zago]

يعني السمكري حيقص من اول حته سليمه في البارومه بعدين يجيب حته صاج ويدقها لحد ماتاخد نفس شكل الحته اللي ناقصه ويلحمها مكانها ويصنفر ويدهن (حيرقعها صاج يعني) والصاج اللي حيجيبه صاج محمل تخانه 1 مللي وهو سمكري جامد جدا وتقدر تقول فنان يعني انا واثق ان بعد ما يخلص شغله العربيه حتبقى ولا الفبريكه بعدين الحتت اللي عملها تتمعجن وتدهن نفس لون العربيه

بعدين يشوف العتب اللي تحت الابواب لاني مقلتلوش عليه هو مش بارومه لكن شبه مصدي
لو طلع بارومه حغيره كله
لو صدا خفيف اعتقد حيتصنفر ويا خد برايمر ومعجون ويدهن بعدين يتعمل بلاك

[heshamzaky]

يعني السمكري حيقص من اول حته سليمه في البارومه بعدين يجيب حته صاج ويدقها لحد ماتاخد نفس شكل الحته اللي ناقصه ويلحمها مكانها ويصنفر ويدهن (حيرقعها صاج يعني) والصاج اللي حيجيبه صاج محمل تخانه 1 مللي وهو سمكري جامد جدا وتقدر تقول فنان يعني انا واثق ان بعد ما يخلص شغله العربيه حتبقى ولا الفبريكه بعدين الحتت اللي عملها تتمعجن وتدهن نفس لون العربيه

بعدين يشوف العتب اللي تحت الابواب لاني مقلتلوش عليه هو مش بارومه لكن شبه مصدي
لو طلع بارومه حغيره كله
لو صدا خفيف اعتقد حيتصنفر ويا خد برايمر ومعجون ويدهن بعدين يتعمل بلاك

انت وقعت على العربية دى منين و ازاى اشتيت حاجة كدة عندى راى أسأل فى عزبة شلبى لو ممكن يكون فية الفجذتين دول فردانى كدة تجيبهم و يركبو بدل الترقيع بالصاج دة لو ينفع انهم يكونو مفكوكين مش فى نص خلفى لعربية

[zago]

العربية دى ملاكى القاهرة يعنى كانت ماشية فى القاهرة و لا بتعوم فى النيل انا شفت الكلام دة فى ال 127 و ال 128 بس التمبرا لآ خالص

هههههههههههههههه
حلوه

شوف حضرتك انا كلمت الهانم اللي باعتهالي بعد ما حلفت ميت يمين انها متعرفش يعني ايه كارتيره اساسا
وانا بصراحه مصدقها بس كنت متغاظ من ان الاهمال يوصل لكده في عربيه زي دي
المهم هي قالتلي على التفسير اللي ممكن يكون اتسبب في البارومه دي


هو الجلد بتاع الشنطه اللي عامل زي البرواز الجلد بتاع الباب كان مهري كده ومش عازل كويس
والعربيه مكنتش بتسوقها كتير (ده على كلامها يعني) والعربيه راكنه في جنينه قدام البيت كل ما حد ييجي يسقي الجنينه بالخرطوم يروح غاسل العربيه بالمره
تروح الميه تتسرب وتتدخل على الشنطه والموكيت بتاع الجناب يتبل وشويه هوا صغيرين ومع جزيل الشكر
الصاج يصدي
ده طبعا غير الكارتيره البلاستيك اللي مش راكبه اساسا

[zago]

وقعت عليها عن طريق اخو صاحبتها وده مهندس وشغال مع الوالد
على فكره انا كلامي مكبر الموضوع شويه لكن الحل بتاعه مش كبير قوي كده
انا اقصد ان كل عربيات البلد فيها حاجات كده واكبر من كده كمان
اسال اي حد ساكن في اسكندريه وعربيته الملح عمل فيها ايه
لكن اللي انا مستغربله ان التمبرا اللي معايا موديل 97
المفروض يعني الصاج بتاعها متعالج ضد الحاجات دي
وانا خطر في بالي موضوع اني اشتريهم جاهزين بس قالولي مفييش
هو يمكن شرحي هو اللي خلاك تفكر الموضوع كبير وده بيرجع لاني متغاظ جدا من البارومه دي