رابطة مالكي وعشاق التمبرا (الجزء الأول)

[zago]

لا ياباشا مش حزعل ولا حاجه
جاليليو باشا هو والحمد لله مافيهاش بارومه غير الكارتيره والعتب كويس بس باين فيه اثار الرفع بالكوريك وانا انشاء الله يا اما حعدله يا اما حغيره واشتري دماغي
انا امبارح وانا بغير زيت بصيت على الصاج كله من تحت سواء الدواسه او عند الموتور والاجناب وورا الاكصدامات
الحمد لله كله سليم
وتحت الاستبن مافيهاش الهوا فبريكه وكله تمام
الحمد لله يعني مافيش غير الكارتيره بنت اللذينا دي اللي جننتني

والسعر يا هشام باشا 22 الف جنيه فقط لاغير
ايه رايك بقى؟؟فدايا البارومه صح؟
والسعر كده كان عشان صاحبتها جابت عربيه تانيه والظاهر اتزنقت في الفلوس وعايزه تبيعها وخلاص
ده غير الرفرف اللي مخبوط ومتصلح
فكان لازم تنزل السعر
انا قلتلها 22 الف ولو جابتلك اكتر من كده يبقى خير وبركه ولو مجابتش انا مش مستعجل
مع اني عايز العربيه فعلا
كمان انا حسبتها كده....
22 تمن العربيه+2 سمكره ودوكو+3 تكييف ياباني
وابقى راكب عربيه على مزاجي

تمام ولا انا حسبتها غلط؟؟؟

[zago]

معلش انا عاوز افهم يعنى اية الشنطة بتتفتح كهرباء يعنى مثلا غطاء الشنطة بيترفع اوتوماتيك بالكهرباء و لا زى السنتر كدة

زي السنتر
يعني جوا العربيه فيه زرار ادوس عليه الشنطه تفتح لكن الغطا مش بيترفع ولا حاجه لازم ترفعه بايدك

[heshamzaky]

زي السنتر
يعني جوا العربيه فيه زرار ادوس عليه الشنطه تفتح لكن الغطا مش بيترفع ولا حاجه لازم ترفعه بايدك

ههههههههه يا باشا دة عادى جدا جدا انا مركب انذار و الشنطة بتفتح مع السنتر و تقفل معاة من غير ما أركب حاجة و الزجاج الكهرباء بيترفع مع الغلق من غير وحدات رفع ما فيش مشكلة فيها عموما مبروك عليك

[zago]

[zago]

الله يبارك فيك
معلش اصل حكايه الشنطه دي مكنتش اعرف ان الفيات بتعملها انا كنت فاكرها متركبه فيها

[zago]

ودي لوحه التكييف لكن مافيش تكييف

[heshamzaky]

لا ياباشا مش حزعل ولا حاجه
جاليليو باشا هو والحمد لله مافيهاش بارومه غير الكارتيره والعتب كويس بس باين فيه اثار الرفع بالكوريك وانا انشاء الله يا اما حعدله يا اما حغيره واشتري دماغي
انا امبارح وانا بغير زيت بصيت على الصاج كله من تحت سواء الدواسه او عند الموتور والاجناب وورا الاكصدامات
الحمد لله كله سليم
وتحت الاستبن مافيهاش الهوا فبريكه وكله تمام
الحمد لله يعني مافيش غير الكارتيره بنت اللذينا دي اللي جننتني

والسعر يا هشام باشا 22 الف جنيه فقط لاغير
ايه رايك بقى؟؟فدايا البارومه صح؟
والسعر كده كان عشان صاحبتها جابت عربيه تانيه والظاهر اتزنقت في الفلوس وعايزه تبيعها وخلاص
ده غير الرفرف اللي مخبوط ومتصلح
فكان لازم تنزل السعر
انا قلتلها 22 الف ولو جابتلك اكتر من كده يبقى خير وبركه ولو مجابتش انا مش مستعجل
مع اني عايز العربيه فعلا
كمان انا حسبتها كده....
22 تمن العربيه+2 سمكره ودوكو+3 تكييف ياباني
وابقى راكب عربيه على مزاجي

تمام ولا انا حسبتها غلط؟؟؟

بص السعر طبعا ممتاز بس اهم حاجة حالة العربية شراء العبد و لا تربيتة على رأى المثل عموما السعر طبعا كويس بس أهم حاجة ترجع كل حاجة على أصلها علشان تحس انك راكب تمبرا مش 127 انا عندى سوبر فيورا بالمناسبة معايا من حوالى 20 سنة تقريبا و عارف حركاتها النص كم و أخبار العفشة اية بالمناسبة السعيدة و الشكمان اوعى تقولى كويسين أتمنى انهم يكونو كويسين بس أخبارهم اية

[heshamzaky]

الدوكو الخارجى شكلة كويس مش متبهدل لو اتلمعت حا يبقى كويس بس شكلة مش دوكو الفابريكا هو دة مرشوش و لا لآ

[zago]

الشكمان كويس الحمد لله متسمعش صوته غير الصبح بدري لما تسخن العربيه تحس انه فيه هزه خفيفه كده واول ما العربيه تسخن صوته بيروح وبتبقى تمام

العافشه بقى ياسيدي انا شايفها كويسه لكن هي كويسه ولا لا معرفش بصراحه هههههههههههه
لاني كان معايا جيب والجيب عفشتها ناشفه ولا العربيات النص نقل فلو حتقارن بالجيب يبقى عفشه التمرا زي الحرير
مقارنه بقى بعفشه عربيه والدي (اوبل فكترا )يبقى الفيات ماشيه من غير عافشه اساسا
هههههههههههههههههه

[zago]

الدوكو الخارجى شكلة كويس مش متبهدل لو اتلمعت حا يبقى كويس بس شكلة مش دوكو الفابريكا هو دة مرشوش و لا لآ

مرشوش طبعا
وهو فيه خرابيش وكده بس مش باينه في الصوره
كمان انا حرش لون نبيتي برضو بس اغمق لون نبيتي موجود
حضلمها يعني

[zago]

من ناحيه السعر على فكره انا اللي خلاني حموت على العربيه اني لو رحت اجيب عربيه 128 موديل 97
حتعمل 25 الف فطبعا السعر كده كان ممتاز على الاخر
انا اللي مضايقني ان اللي بيبيع مقلش على البارومه بس انا لو شفتها قبل ما اشتري بالسعر ده كنت خدتها برضو بس كنت خليت حد يبص عليها الاول

[heshamzaky]

مرشوش طبعا
وهو فيه خرابيش وكده بس مش باينه في الصوره
كمان انا حرش لون نبيتي برضو بس اغمق لون نبيتي موجود
حضلمها يعني
:s_thum1[1]:

بص الاستاذ hany121 معاة تمبرا رشها نبيتى بس بسم الله ما شاء الله الله أكبر لونها ممتاز أسألة عن رقم الدوكو و بص علية حا يعجبك

[zago]

حسأله انشاء الله بس اشوفه في المنتدى
وانا بشكرك على اهتمامك وردودك عليا
وبشكر الاعضاء على المعلومات الكتير اللي استفدتها من مشاركاتهم
وبابا وماما والاهل والاحباب
ههههههههههههه
لا بجد انتو ناس ذوق جدا وخدومين
ربنا يباركلكم ويكفيكم شر الرادار

[galilio_mad]

صباح الفل يا عم جاليليو هههههههههههههههههههه

صباح الفل يا اتش , بس لزمتها ايه ال هههههههه دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[zago]

هو عزبه شلبي اجازه يوم الاحد ولا المحلات فاتحه؟؟