رابطة مالكي وعشاق التمبرا (الجزء الأول)

[zago]

كمان صدقني والله ماجتش على التكييف
دانا كنت واخدها من غير العمه البلاستيك اللي فيها فلتر الهوا
ونزلت عزبه شلبي جبتها
الراجل قالي ب 200 جنيه ونزلش منهم جنيه
قولتلو ساعتها عمالين يقولو الفيات قطع غياره رخيصه قطع غياره موجوده ولما اجيب فيات الاقي حتته بلاستيك ب 200 جنيه؟؟
قاللي دي اغلى حاجه حتجيبها للعربيه
المهم اني جبتها وخلاص
وقبليا رحت سالت عليها في شارع دمشق ملقيتهاش لا جديده ولا مستعمله
بس عندي اوبشن حلو مش موجود غير عندي
تقريبا يعني مش موجود غير عندي


ايه هو بقى؟؟
الشنطه بتفتح كهربا
زرار يعني مش دراع ولا بالمفتاح
ودي عجباني بصراحه
مع انها ملهاش لازمه
بس اهو يعني حاجه حلوه والسلام



انا على فكره قاريت من المشاركات لحااااااااااااااد صفحه 120 وحاسس اني بقيت اعرفكم من زمان
ده غير اني بقيت خبير في العربيه
وممكن افتحلي ورشه كمان اصلح فيها تمبرا بس ههههههههههههه
يعني انا ممكن اعمل كده كتاب صغير فيه الخبرات اللي مكتوبه في الصفحات دي
قطع الغيار واسعارها ومن فين تجيبها والبياعين اسمهم ايه
والاعطال وعلامات الاعطال وممكن يكون سبب العطل ايه
بجد يعني مستفيد جامد من الموضوع وباين فعلا ان الناس جايبين العربيه وبيحبوها
انا بصراحه جبتها لان زمان مدرس الكيميا بتاعي كان معاه واحده
فكنت بحبها ومبحبش المدرس

ولا الكيميا

[heshamzaky]

العمة الى جبتها ب 200 جنية لو بلاستيك مستطيلة تبقى العربية انجيكشن العمة المدورة الحديد هية بتاعت الكاربراتير

[heshamzaky]

هي كان فيها تكييف وربنا رحمه
لكن انا شاريها مش مكيفه وواخدها على الاساس ده
لكن بةاقي التكييف اللي كان راكب من خراطيم باينه عند الموتور بيدل انها كانت في يوم من الايام مكيفه
وطبعا لوحه التكييف موجوده في التابلوه

كدة كويس امال اية الى ناقص فى التكيف هل الكومبريسور موجود و السربنتينة و لا لآ

[zago]

ياباشا لا العربيه كربراتير
العمه اللي انا جبتها اللي هي بتبقى راكبه فوق الرفرف وليها خرطوم كده موصلها بالعمه الحديد الصغيره اللي فوق الكربراتير

[zago]

ولا كمبروسر ولا سربنتينه والردياتير حتى مش بتاع العربيه او يمكن يكون بتاعها وراكب اي كلام
بس هي مش بتسخن ولا بتاخد ميه الحمد لله
حوار التكييف ده انا ماجله عالصيف الجاي انشاء الله
لسببين :
السبب الاول الفلوس
والسبب التاني الفلوس برضو
هههههههههههه
هو تقدر تقول في اولويات تتعمل في العربيه اهم من التكييف
حبه سمكره كده
وفي حتت بارومه في العتب ومعموله اي كلام فانشاء الله حغير العتب كله
وبعدين ارش العربيه كلها
انا سالت واحد ابن حلال قاليي السمكره والدوكو ويعملي البارومه (ما ظهر منها وما خفى ) وكله على بعضه ب 2000 جنيه
فطبعا لازم أاجل التكييف شويه

وربنا يسهل

[heshamzaky]

ياباشا لا العربيه كربراتير
العمه اللي انا جبتها اللي هي بتبقى راكبه فوق الرفرف وليها خرطوم كده موصلها بالعمه الحديد الصغيره اللي فوق الكربراتير

زى كدة يعنى تقريبا

[zago]

زى كدة يعنى تقريبا

مظبوط ياباشا هي دي اللي على الشمال فوق الرفرف
بس الخرطوم داخل فيها بكوع صغير مش زي الكوع الطويل ده
العمه بالفلتر بالخرطوم
200 جنيه
اضحك عليا ولا هو ده سعرها؟؟؟

[heshamzaky]

مظبوط ياباشا هي دي اللي على الشمال فوق الرفرف
بس الخرطوم داخل فيها بكوع صغير مش زي الكوع الطويل ده
العمه بالفلتر بالخرطوم
200 جنيه
اضحك عليا ولا هو ده سعرها؟؟؟

بص انا العربية بتاعتى انجيكشن العمة المستطيلة لا اعرف سعر العمة بتاعتك كام بس هو نفس سعر العمة المستطيلة 200 جنية

[heshamzaky]

فية الشكل دة و عدة اشكال بس الصورة دى بتاعت التمبرا ال 2000 سى سى و فية اشكال اخرى

[yoyomano]

على فكرة انا عربيتى 1600 سى سى وهاف انجكشن موديل 92 ايطالى ومفيهاش تكييف وده اللى مضايقنى فيها:b4_592:

[zago]

طيب معلش كام سؤال كده وخد فيا ثواب .....
سير الكاتينه اجيب نوعه ايه وبكام ومن فين؟؟
تيل الفرامل التركي نوعه ايه؟وبكام ومن فين برضو؟
في حاجه مجنناني ان استهلاك البنزين بتاع العربيه بيعمل 150 كيلو بالصفيحه مع العلم ان اغلب مشاويري طرق سريعه والسرعه من 120 وانت طالع يعني انا لو واقف ببقى واقف على سرعه 100 ودالسرعه طبعا بتسحب بنزين
لكن الموتور ال 1600 مش المفروض يعمل حوالي 200 كيلو بالصفيحه؟
ايه تاني يا رب عايز اسال فيه ؟؟؟؟؟؟؟؟؟؟؟
اه
انا بصراحه عداد ال ار بي ام ده جديد عليا لان كان معايا جيب ما فيهاش اصلا ار بي ام
وعربيه الوالد اتوماتيك
السؤال هو ...
المفروض انقل للغيار الاعلى لما يوصل مؤشر ال ار بي ام لرقم كام؟؟
انا في الغالب بنقل لما يوصل ل 30
صح كده ولا ايه ؟؟
كمان لما بفتح الباب ما فيش نور بينور في الصالون مع ان اللمبه اللي فوق المرايه شغاله عادي بالزرار بتاعها ده يبقى ايه؟؟ ولا هي العربيه دي كده؟
حاجه كمان مش راكبه عندي وعايز اعرف اجيبها من فين ...عارف حضرتك الكارتيره البلاستيك اللي بتبقى راكبه في الكهف ده من جوا عند الرفرفين اللي ورا؟؟؟دي مش موجوده اجييبها من فين واستيراد ولا جديده وتعمل كام تقريبا؟
وصدقني موضوع العربيه فيها ضمان ضد البارومه 99 سنه ده مجرد اشاعه لانك لو شفت الصاج بتاع الكارتيرات عندي حتعرف ان الفيات بيحب البارومه والبارومه بتحب الفيات
والصاج ده من ضمن الحاجات اللي السمكري حيشتغل فيها
لكن انا بفكر اجيب الكارتيره البلاستيك واركبها على ما اودي العربيه للسمكري

[heshamzaky]

على فكرة انا عربيتى 1600 سى سى وهاف انجكشن موديل 92 ايطالى ومفيهاش تكييف وده اللى مضايقنى فيها:b4_592:

لو 1600 ممكن بسهولة يركب فيها تكيف

[heshamzaky]

طيب معلش كام سؤال كده وخد فيا ثواب .....
سير الكاتينه اجيب نوعه ايه وبكام ومن فين؟؟
تيل الفرامل التركي نوعه ايه؟وبكام ومن فين برضو؟
في حاجه مجنناني ان استهلاك البنزين بتاع العربيه بيعمل 150 كيلو بالصفيحه مع العلم ان اغلب مشاويري طرق سريعه والسرعه من 120 وانت طالع يعني انا لو واقف ببقى واقف على سرعه 100 ودالسرعه طبعا بتسحب بنزين
لكن الموتور ال 1600 مش المفروض يعمل حوالي 200 كيلو بالصفيحه؟
ايه تاني يا رب عايز اسال فيه ؟؟؟؟؟؟؟؟؟؟؟
اه
انا بصراحه عداد ال ار بي ام ده جديد عليا لان كان معايا جيب ما فيهاش اصلا ار بي ام
وعربيه الوالد اتوماتيك
السؤال هو ...
المفروض انقل للغيار الاعلى لما يوصل مؤشر ال ار بي ام لرقم كام؟؟
انا في الغالب بنقل لما يوصل ل 30
صح كده ولا ايه ؟؟
كمان لما بفتح الباب ما فيش نور بينور في الصالون مع ان اللمبه اللي فوق المرايه شغاله عادي بالزرار بتاعها ده يبقى ايه؟؟ ولا هي العربيه دي كده؟
حاجه كمان مش راكبه عندي وعايز اعرف اجيبها من فين ...عارف حضرتك الكارتيره البلاستيك اللي بتبقى راكبه في الكهف ده من جوا عند الرفرفين اللي ورا؟؟؟دي مش موجوده اجييبها من فين واستيراد ولا جديده وتعمل كام تقريبا؟
وصدقني موضوع العربيه فيها ضمان ضد البارومه 99 سنه ده مجرد اشاعه لانك لو شفت الصاج بتاع الكارتيرات عندي حتعرف ان الفيات بيحب البارومه والبارومه بتحب الفيات
والصاج ده من ضمن الحاجات اللي السمكري حيشتغل فيها
لكن انا بفكر اجيب الكارتيره البلاستيك واركبها على ما اودي العربيه للسمكري

بما انك من حلوان فأعتقد ان ادامك حلين اما محل يوسف و لة فرع فى الهرم و الدقى او شارع دمشق مصر الجديدة بالنسبة للكاتريرة الخلفية دى بتبقى ناقصة شوية فى الوكالة او عزبة شلبى موضوع البارومة دة جديد عليا بصراحة ممكن تصور و ترفع الصورة مكان البارومة دى بالتحديد باقى شغل الكهرباء دة عادى ممكن الكهربائى يظبطة التمبرا صعب قوى قوى يكون فيها بارومة مش عارف صورها و افع الصورة بالنسبة لل ار بى ام و النقل لما تحس ان الموتور على جامد انقل انت محسسنى ان حالة العربية من الاخر كدة ملعوب فيها شويتين و سير الكاتينة بيبقى ألمانى و بالمرة غير بلية الكاتينة مش غالية دى رخيصة غيرها احسن بالمرة

[heshamzaky]

اعتقد ان دة شكل العمة بتاعتك

[zago]

ايوه يا فندم هي دي العمه بتاعتي بالظبط
كمان انا من صقر قريش المعادي مش حلوان بالظبط يعني
عندنا هنا كل محلات قطع الغيار لكن مفيش حد مشهور بالفيات واغلبهم اسعارهم نااااااااااار
والبارومه حصورهالك انشاء الله بس مش عايزك تشوف الصوره وتتخض لان شكلها يخوف بصراحه لكن السمكري قالي كل الفيات فيها بارومه ماعدا اللي صاحبها واخد باله منها ومن حكايه البارومه ومش كل ما يغسلها يغرقها ميه
العربيه بشكل عام حلوه بس هي فعلا ملعوب فيها تلت شويات مش شويتين وبس

وبكره وانا في الشغل حصورلك البارومه انشاء الله