رابطة مالكي وعشاق التمبرا (الجزء الأول)

[mikology]

معلش يا فندم الشركه اسمها
كيوبس
cubes
انا اتلغبطت

طبعا اعرفها يا معلم
انا بشتغل فى bts

[ZALABANY]

شوف يا ميكو اللمبه اللي بتنور عند سيادتك بسبب السلك اللي بيوصل في التيل اللي فيه فيشه وبما انك مركب التيل من غير فيشه تبقى السلكه دي ملمسه في حته في البودي بتاع العربية غالبا هاتلاقي السلك تحت الكارتيره الشمال على ما اذكر بص عليه واعزله هايختفي النور ان شاء الله

[zago]

طبعا اعرفها يا معلم
انا بشتغل فى bts

ولا اعرفها

[heshamzaky]

مفيش ولا رد ايه يا رجاله مفيش حد قابلو الموضوع دة
وعايز اسأل عن حاجه تانيه حد يعرف سعر طلمبه البنزين كام والانواع ؟

ازيك يا باشا هما جاوبو و قالو ان الكربراتير كلة الى بيتغير ارجع بالمشاركلت الى الخلف حتلاقى متجاوب علية من زلبانى

[heshamzaky]

انا يهمني الصور اللي بتبن العربيه على اصلها كانت عامله ازاي
لو قليله يبقى ياريت تبعتهوملي لو كتير انا ممكن اخدهم من حضرتك في المكان اللي يناسبك
والصور مهمه عندي عشان عايز لما اعمل حاجه اعملها زي ما كانت العربيه في الاصل من غير تعديل وانت عارف طبعا عبقريه الصنايعيه

اعملهملك على اسطوانة اسهل بكتييييييييييييييير الصور كتيرة

[heshamzaky]

طبعا لو الطنابير فيها ريجةفى هذه الحالة تحتاج المس انما لو مفيهاش ريجة يبقى بلاش لان ده بياخد من سمكها

الطنابير جديدة ب 180 جنية

[heshamzaky]

مفيش ولا رد ايه يا رجاله مفيش حد قابلو الموضوع دة
وعايز اسأل عن حاجه تانيه حد يعرف سعر طلمبه البنزين كام والانواع ؟

دة الرد بتاع زلبانى للتسهيل

بالنسب للاخ اللي بيسأل على الفاكيوم واسمه الصحيح جفرنر از فاكيوم جفرنر بتاع التكييف اللي بيبقى في الكاربيراتير عشان لما تسأل حد بتاع قطع غيار يفهمك من حولي 5 او 6 شهو ما كانش موجود لا جديد ولا استيراد واكن الحل في كاربيراتير كامل جديد 1200 جنيه استيراد حوالي 400 جنيه انا ربنا يسرهالي ولقيت واحد استيراد بس بتاع التمبرا الي مش مكيفه ماسوره واحده المطلوب بيبقى 2 ماسوره واحده لسخان الاوتوماتيك والتانيه للتكييف انا لغيت السخان
اسأل عليه تاني جايز ربنا يوقعك في حته تايهه وممكن يكون جه جديد كان ب 400 جنيه على ما اذكر

[mikology]

روحت اجيب تيل من كام يوم - قالى فكلى القديم وهاتو اديك زيه عشان التمبرا فيه منها مقاسين واحد كبير وواحد صغير
اعمل ايه بقى دلوقتى افك التيل فى حلوان و اروح وسط البلد عشان اجيب التيل اللى زيه ؟
مفيش طريقه اعرف بيها مقاسه قبل ما افكه ؟
ملحوظه التمبرا اللى كانت معايا كانت 1400 سى سى و كان التيل صغير - عشان قبل كده كنت بغيره ورحت اشتريت تيل تمبرا و مسألنيش مقاسه ايه - و طلع اكبر من اللى عندى اتطريت اروح بالقديم و اجيب عليه - هل يفرق مثلا 1400 سى سى يبقى التيل صغير وال 1600 يبقى التيل كبير

[heshamzaky]

روحت اجيب تيل من كام يوم - قالى فكلى القديم وهاتو اديك زيه عشان التمبرا فيه منها مقاسين واحد كبير وواحد صغير
اعمل ايه بقى دلوقتى افك التيل فى حلوان و اروح وسط البلد عشان اجيب التيل اللى زيه ؟
مفيش طريقه اعرف بيها مقاسه قبل ما افكه ؟
ملحوظه التمبرا اللى كانت معايا كانت 1400 سى سى و كان التيل صغير - عشان قبل كده كنت بغيره ورحت اشتريت تيل تمبرا و مسألنيش مقاسه ايه - و طلع اكبر من اللى عندى اتطريت اروح بالقديم و اجيب عليه - هل يفرق مثلا 1400 سى سى يبقى التيل صغير وال 1600 يبقى التيل كبير

التيل الى راكب عنك اكيد التيل الكبير مش الصغير انا عندى الامامى هو التيل الكبير و الخلفى هو التيل الصغير علشان سكاكين علشان ال abs و بالمناسبة التيل الصغير دة هوة هوة بتاع ال 128 النوفا الامامى

[mikology]

التيل الصغير دة هوة هوة بتاع ال 128 النوفا الامامى

بالظبــــــــــــــــــط هو بتاع النوفا ده حتى معاه سلوك للحساسات
يعنى اتكل على الله و انزل اجيبه بكره من الكيلانى ؟؟
وكمان هجيب فلتر بنزين و فلتر زيت - ياريت تقولى اجيبهم ايه ؟

[heshamzaky]

بالظبــــــــــــــــــط هو بتاع النوفا ده حتى معاه سلوك للحساسات
يعنى اتكل على الله و انزل اجيبه بكره من الكيلانى ؟؟
وكمان هجيب فلتر بنزين و فلتر زيت - ياريت تقولى اجيبهم ايه ؟

انت ملخبطنى كدة التيل الصغير بتاع ال 128 النوفا فى ال 128 بيركب قدام عندى انا فى التمبرا يركب فى الخلف مش العجل الامامى و لة سلك فعلا و فية منة صينى ب 40 جنية و الايطالى ب 85 جنية بتاع التمبرا الامامى هو المقاس الكبير مش الصغير بص كدة على الطنابير و قولى المقاس دة و لا أصغر من كدة و التيل دة تركى ب 45 جنية انا مركبة و عادل كمان جاب زية و مش بيصفر خالص و لك الخيار

[heshamzaky]

فلتر البنزين و الزيت أى حاجة مش فارقة هات فلتر البنزين كويس دة الاهم و الزيت المصرى شغال و سيبك من الاشتغالات الى بتسمعها من الصنايعية

[heshamzaky]

ميكو ابقى بص على غطاء الزيت و شوف مكتوب علية dot 3 or dot 4 انا الفرامل عندى abs و الزيت المطلوب هو dot 3 الصورة واضحة مفيهاش لبس

[mikology]

اللى عندى dot 3 يا معلم

ياباشا انا مش ملغبطك - انا بتكلم كل ده عن التيل الامامى - ايام التمبرا اللى كانت معايا كان بيركبلها التيل الصغير اللى هو بتاع 128 النوفا - والعربيه دى او اللى معايا مافيهومش abs فين بقى اللغبطه

[heshamzaky]

بالظبــــــــــــــــــط هو بتاع النوفا ده حتى معاه سلوك للحساسات
يعنى اتكل على الله و انزل اجيبه بكره من الكيلانى ؟؟
وكمان هجيب فلتر بنزين و فلتر زيت - ياريت تقولى اجيبهم ايه ؟

هنا حدثت اللخبطة انا كنت بقول على تيل ال 128 النوفا و انت رديت و قولت انزل اجيبهم بكرة