رابطة مالكي وعشاق التمبرا (الجزء الأول)

[ZALABANY]

أستاذنا الكبير التمبراوي القديم المهندس الأحمد هشام باشا خليك معايا كده واحده واحده أنا فعلا عندي كده اكيد في مشكله أولا التكييف مش بيفصل خالص اكيد كده الثرموسنات اللي المهندساحمد بيقول عليها فيها مشكله ثانيا عندي الكومبريسور مش بيقوم غير لو درجة الحراة على law يعني من اول 18 وطالع كله مروحة الكمبريسور مش بيقوم من الاساسالتكييف السخن مش شغال الحاجه الاخيره الزرار اللي بيقيس درجة الحرارة الخارجية على طول بيديني 26 واحيانا كان بيدي 30 بس كده في حاجه مش مظبوطه
طيب ايع اللي ممكن يتظبط في القصة دي موضوع اني اتحكم في درجات الحراره كده العيب من الداش بورد بتاعة التكييف نفسها اغيرها ولا كده العيب فين
موضوع حساس الحرارة الداخلي ده الاقيه جديد ولا اجيبه استيراد ولا ايه وكذلك الخارجه كده يبقى جوا العربية وبيقيس درجة حرارة العربية من جوا
وشكرا على التفاعل السريع

[heshamzaky]

اصبر عليا يا زلبانى باشا بأرفع صور

[heshamzaky]

بص يا سيدى انت حا تزهق منى و عدولة بكرة حا يخش على المنتدى و يعملى فضيحة صورة البورد اهية دى مافيهاش مشكلة

[heshamzaky]

بص يا سيدى انا برضو الكومبريسور بيشتغل لما تعملة على LOW او تخلى درجة الحرارة على 18 بالنسبة للحساس لتاع الحرارة دة الاحسن ابساة لانة علشان تركبة حتفك نص التابلوة ان ما كانش كلة و شغلانة مقرفة هو عبارة عن صباع كدة زى السلكة و العامل بيشبكة عند الثلاجة بعنى مش برباط و بيكون لة سلك زى سلك الاريال بتاع العربية و حتلاقى السلك ماشى من تحت الدواسات باحية درج التابلوة و علشان تتأكد لو انت غاوى فك الجرايد البلاستيك الى مغكية القايم ناحية الزجاج الامامى يمين و على فكرة لو جيت تفكها حتلاقيها واصلة لفوق الباب و تنتهى عند القائم الى فى نص العربية بس هى فيها فتحة مستطيلة صغيرة باحية الزجاج الامامى ممكن تشوف السلك منة و بص يا باشا انا عامل كتاوت خارجية مخصوصة للتكيف لما الكمبريسور بيلقط الكتاوت بتشغل المروحة على السرعة العالية و زيادة فى الاحتياط للمتابعة انا موصل اللمبة الى فى التابلوة الى لونها برتقالى بتاعت الزجاج الحرارى الخلفى على المروحة بتاعت الرادياتير علشان اكون مراقب اشتغال المروحة بتاعت الرادياتير و اعرف كمان ان الكومبريسور امتى لقط و امتى فصل و البوردة يا باشا عندك 99 بالمائة سليمة و عموما هى بتاعت 180 جنية فى العزبة و الحساس بتاع الحرارة معرفش بكام مش حا يبقى غالى بس الغلبة لو جيت تركبة انت عندك راكب طالما بيديلك قراءة الافضل انساة انا طلع عين و عين أهلى لما كنت عند بتاع التكيف كنت واقف على ايدة و بفك و اربط معاة لغاية ما جابلى كرسى و قالى استريح يا باشا بس مين ما سبتهوش لحظة لانهم مهملين و بص الصورة دى لو فكرت تفك التابلوة و قرر انت يا معلمة بقى هييييييية ابن حلال و انا بدور فى الصور عندى لما كنت فاكك التابلوة لقتلك الصورة دى أعتقد ان الى حوالية العلامة الحمراء هو ما أتكلم عنة

[heshamzaky]

و باقى ال بوردة اهية بس دى عندك سليمة انا الى عاوز أغير الى عندى بس علشان فى العربية عندى مفروض كان ليها وش زى الابانوس مع الطفاية مع قاعدة عصاية الفتيس بس بتاعت التكيف البلاستيكة مش موجودة لما اشتريت العربية يظهر الراجل و قعها او لزقها فك ما لقيتهاش لازم اجيب البورد كامل ابو وش أبانوس بلاستيك يعنى مش مهم بس كشكل جمالى فقط المهم باقى البوردة أهية

[ZALABANY]

والله يا هشام بيه مش عارف أقولك ايه انت كده عداك العيب ربنا يكرمك على الصور بس غريبه ان انت جه في دماغك تصور الحاجات دي وانت شغال ربنا يكرمك بس كده انا هاصرف نظر وطالما التكييف شغال خلاص مش مشكله لو حاجه باظت بأه لاقدر الله ابقى افكه

[heshamzaky]

والله يا هشام بيه مش عارف أقولك ايه انت كده عداك العيب ربنا يكرمك على الصور بس غريبه ان انت جه في دماغك تصور الحاجات دي وانت شغال ربنا يكرمك بس كده انا هاصرف نظر وطالما التكييف شغال خلاص مش مشكله لو حاجه باظت بأه لاقدر الله ابقى افكه

العفو يا باشا بص يا سيدى انا من هواة التصوير و بعدين بحب اصور و الموبيل فى جيبك فسهل جدا تصور و فى اى مكان دة حتى شقتى قبل ما تجوز مصورها قبل التعديل و بعد التعديل ( زى عبد السلام النابلسى فى فيلم يوم من عمرى مش ممكن أبطل صحافة و تصوير )

[kdosoki]

ايه يا جماعة الشغل العالى ده
طيب يعنى دلوقتى افهم من الكلام ده ان المسئول عن قياس درجة الحرارة خارج السيارة هو الصباع الاسود اللى فى الصورة
( هو عنى مش شغال ... أو مش موجود وكل ما ادوس على زرار درجة الحرارة الخارجية يجيب ان درجة الحرارة -28 )
ينفع اشتريه لوحده
- وكمان فى حاجة تانية
الكمبريسور عندى مش بيشتغل لما بشغل التكييف من لوحة التحكم والراجل بتاع التكيييف بيقولى ان اللوحة بايظة وعرفنى مكان سلكتين المسهم ببعض لما اجى اشغل التكييف بس لما بفصل التكييف من اللوحة بيفصل
مش عارف كدة اللوحة بايظة فعلا ولا ايه؟
واللوحة بكام ومنين

[heshamzaky]

ايه يا جماعة الشغل العالى ده
طيب يعنى دلوقتى افهم من الكلام ده ان المسئول عن قياس درجة الحرارة خارج السيارة هو الصباع الاسود اللى فى الصورة
( هو عنى مش شغال ... أو مش موجود وكل ما ادوس على زرار درجة الحرارة الخارجية يجيب ان درجة الحرارة -28 )
ينفع اشتريه لوحده
- وكمان فى حاجة تانية
الكمبريسور عندى مش بيشتغل لما بشغل التكييف من لوحة التحكم والراجل بتاع التكيييف بيقولى ان اللوحة بايظة وعرفنى مكان سلكتين المسهم ببعض لما اجى اشغل التكييف بس لما بفصل التكييف من اللوحة بيفصل
مش عارف كدة اللوحة بايظة فعلا ولا ايه؟
واللوحة بكام ومنين

أزيك يا باشا بص يا سيدى بالنسبة لموضوع الصباع دة حا توجع دماغك منة انساة احسن و بالنسبة لموضوع البورد بص انا شاكك فى حاجة معظم الناس الى معاها تمبرا عارفين انك لما بتشغل العربية بتلاقى لوحة المفاتيح بتاعت التكيف بتنور فيها لمبة الخاصة ب on off و ممكن اى لمسة التكيف يشتغل دون قصد علشان كدة الناس بتعمل مفتاح خارجى يفصل الكهرباء عن اللوحة لو عايز تشغل التكيف تفتح المفتاح الخارجى دة الاول و بعدين تولع او تطفى التكيف من اللوحة انا شاكك ان التوصيلة بتاعت السلكتين ممكن تكون مش مظبوطة بدليل انك بتولع التكيف منها بس مش بتطفى التكيف منها بتطفى بالزرار علس حسب ما فهمت و بص يا سيدى اللوحة دى راكبة ب 3 مسامير رفيعين مسامير صليبة ممكن تفكهم بمفك رفيع زر مفكات النضارة و بعدين اللوحة متوصل بيها أعتقد فيشتين بس من الخلف ممكن 3 فيش مش متذكر على وجه التحديد و تمن اللوحة انا شفتهم عند الكيلانى حاططهم فى الفاترينة ناحية اليمين سألتة قال لى ب 350 جنية من عزبة شلبى 180 جنية قبل الفصال اسف للتطويل و الشرح الممل بس قولت أقولك كل ما عندى

[kdosoki]

أزيك يا باشا بص يا سيدى بالنسبة لموضوع الصباع دة حا توجع دماغك منة انساة احسن و بالنسبة لموضوع البورد بص انا شاكك فى حاجة معظم الناس الى معاها تمبرا عارفين انك لما بتشغل العربية بتلاقى لوحة المفاتيح بتاعت التكيف بتنور فيها لمبة الخاصة ب on off و ممكن اى لمسة التكيف يشتغل دون قصد علشان كدة الناس بتعمل مفتاح خارجى يفصل الكهرباء عن اللوحة لو عايز تشغل التكيف تفتح المفتاح الخارجى دة الاول و بعدين تولع او تطفى التكيف من اللوحة انا شاكك ان التوصيلة بتاعت السلكتين ممكن تكون مش مظبوطة بدليل انك بتولع التكيف منها بس مش بتطفى التكيف منها بتطفى بالزرار علس حسب ما فهمت و بص يا سيدى اللوحة دى راكبة ب 3 مسامير رفيعين مسامير صليبة ممكن تفكهم بمفك رفيع زر مفكات النضارة و بعدين اللوحة متوصل بيها أعتقد فيشتين بس من الخلف ممكن 3 فيش مش متذكر على وجه التحديد و تمن اللوحة انا شفتهم عند الكيلانى حاططهم فى الفاترينة ناحية اليمين سألتة قال لى ب 350 جنية من عزبة شلبى 180 جنية قبل الفصال اسف للتطويل و الشرح الممل بس قولت أقولك كل ما عندى

انا شاكر جدا ومفيش تطويل ولا حاجة

[kdosoki]

مش عارف ارفع الصور

انا صورت اجزاء من سيارتى ومش عارف ارفع الصور
ساعدنى يا استاذ هشام

[heshamzaky]

بص يا باشا هناك طريقتان لرفع الصور لو عايز تحط الصورة و تكون ظاهرة فى المشاركة اعمل الاتى . أدخل على هذا الموقع TinyPic - Free Image Hosting, Photo Sharing & Video Hosting و بعدين اضغط على كلمة BROWS و اختار الصورة الى انت عايزها من الكمبيوتر و بعدين اضغط على UPLOAD NOW ممكن يطلب منك كود اتبة فى المربع و كمل و بعد اكتمال التحميل اعمل كوبى من الكلام الموجود تحت خانة IMG Code for Forums & Message Boards وبعد لما تعمل كوبى اكتب موضوعك كلة و بعدين اعمل PASTE ثم اضغط أضف الرد السريع حتلاقى الصورة ظهرت بالموضوع

[kdosoki]

بص يا باشا هناك طريقتان لرفع الصور لو عايز تحط الصورة و تكون ظاهرة فى المشاركة اعمل الاتى . أدخل على هذا الموقع tinypic - free image hosting, photo sharing & video hosting و بعدين اضغط على كلمة brows و اختار الصورة الى انت عايزها من الكمبيوتر و بعدين اضغط على upload now ممكن يطلب منك كود اتبة فى المربع و كمل و بعد اكتمال التحميل اعمل كوبى من الكلام الموجود تحت خانة img code for forums & message boards وبعد لما تعمل كوبى اكتب موضوعك كلة و بعدين اعمل paste ثم اضغط أضف الرد السريع حتلاقى الصورة ظهرت بالموضوع

دى الطريقة الصعبة فين الطريقة السهلة

[heshamzaky]

الطريقة الاولى احسن علشان الصور بتظهر فى الموضوع و الطريقة الثانية الى حا اقولها لك الصور بتكون كذا صورة لو عايز بس بتبقى داخل لينك سأرفع لك صور فى لينك وانت تقرر ... بص يا سيدى أدخل على ImageShack® - Online Media Hosting و بعدين اضغط على BROWS و اختار من الكمبوتر بتاعك الصور و بعدين اضغط على UPLOAD و لما ينتهى من ال اب لود أعمل كوبى من العنوان الى فى خانة ال ADRESS و بعدين PASTE حتلاقى بعد اعتماد المشاركة الصور بقت بالشكل دة ImageShack Album - 2 images

[kdosoki]