رابطة مالكي وعشاق التمبرا (الجزء الأول)

[caysersosaih]

انا عندي الصمام الي بيطلع الهوا

[heshamzaky]

انا عندي الصمام الي بيطلع الهوا

تبيع يا باشا هييييييية . ازيك يا دكتور معلش ما كلمتكش روحت البيت عندى كومة ونمت قتيل

[abdelmessih67]

لا ما عنديش البتاع ده بيتجاب منين انا عارف يا باشا ان اللحام سهل بس بيرجع يسرب تاني بعد فتره مع العلم اني بلحمه لحام الومونيوم مش قصدير لأن القصدير عمره اقصر

أخونا الفاضل زلباني كيف حالك , أنا اول ما اشتريت العربية كان الرادياتير برضه بيسرب و لحمته عند واحد شاطر جدا و شغال في الرادياتيرات من زمن أسمه الحاج يحيي و المحل بتاعه اسمه المركز الفرعوني للرادياتير و هو بالقرب منك في فيصل العمومي
عند الطوابق .

هو أمام البنزينة بتاعت الغاز الطبيعي اللي على فيصل العمومي في الطوابق جنب بتاع العصير و على الصف المقابل للي نازل
من فيصل و رايح الجيزة .

قام بلحام الرادياتير من حوالي سنة و ثلاثة شهور و من ساعتها لم يسرب مطلقا .

على فكرة برضه عندي حصل سخونة و الحرارة وصلت 120 و نقص مياه من حوالي اسبوعين و برضه ركنت العربية على جنب و استنيتها لما بردت و زودت مياه بكمية كبيرة بلعت 3/4 جركن مياه خضراء تقريبا و أكتشفت بالصدفة و أنا بأزود ان الغطاء نفسه سوسته اتكسرت و في شرخ بالبلاستك علشان كده بيرب مياه و ما كنتش واخد بالي .

رحت الكيلاني و جبت غطاء جديد أصلي عليه علامة الدرع و الثعبان و المستطيل ( لانشيا الفاروميو و فيات ) ب 40 جنيه
و من ساعتها الميه مش بتنقص فجرب تراجع على غطاء القربة ابلاستك ممكن يكون فيه تسريب منه

[heshamzaky]

استاذ abdelmessih67 ازيك يا باشا انا بجد اول مرة اعرف ان الغطاء عند الكيلانى ب 40 جنية بس لو اصلى و كويس يبقى اوكية انا بجيب غظاء لونة اصفر من شارع دمشق مصر الجديدة ب 20 جنية صناعة اسبانى مش وحش احسن بكتير من الغطاء الاسود بس عاوز اقول حاجة الراجل بتاع الرادياتيرات و بتاع قطع الغيار افاد ان سبب بوظان الغطاء هو الصدأ الموجود فى الدورة بتاعت المية و على فكرة الغطاء فية بلف داخلى علشان يخرج المية الزيادة و البلف دة هو الى بيبوظ لكن جسم الغطاء البلاستيك بيفضل سليم زى الجديد بالظبط المرة الجاية اشوف الغطاء ابو 40 جنية و يا ريت يكون حلو و يعيش

[ZALABANY]

abdelmessih67 يا شا تسلم على الوصفة وهاروح للراجل ان شاء الله بس معلش جنب لورد بتاع العصير على الشارع فيصل العمومي
على فكره انا لسه مغير القربه كلها والغطا اشتريت الاصلي بتاعها ب 40 جنيه من عند محمد يوسف وكان في تركي ب 20 ما رضيتش اجيبه

[Bonanza]

زلباني حبيبي اسف علي التأخير لسة داخل علي المنتدي دلوقتي والله

بص يا باشا الرادياتير انا غيرتة عشان لحمتة اكتر من مرة و كان بيمنع تسريب كام يوم و يرجع يسرب تاني زائد انه كان خلاص جاب اخرة من جوة ، و عموما الرادياتير النحاس بيبرد ببطء مش زي الالومنيوم

نصيحة غيرة و ريح نفسك احسن

بس الاول راجع علي الخراطيم وخصوصا من عند الافايز اللي ماسكاها و حاول تلوي الخرطوم يمين و شمال و شوف في تسريب منه ولا لأ و بردو زي ما قال اخونا عبد المسيح بص تاني علي الغطاء ، اخويا بردو كان عنده مشكلة في السخونة و طلع سببها الغطاء

و بردو نوع المياه الخضراء اللي بتحطها تفرق ... هاجيبلك معايا هدية جركن مياه مقطرة نازل من التكييف علي طول و ده تم تجربتة عند زمايل ليا في الشغل و ادائه كان احسن من المياه الخضراء ،، و عموما المياه المقطرة اللي نازلة من التكييف دي احسن من اي مياه تانية تشتريها داخل مصر

[adelco]

السلام عليكم
ايه الحلاوة دى
ما شاء الله لا قوة الا بالله
كلكم منورين اخضر دى ما بتحصلش ابدا
عموما ازيكم كلكم
انا فعلا حصل معايا موضوع نقصان الميه وقعدت الف حوالى اسبوع مش عارف السبب وغرت الثرموستات ورحت سالت على الرادياتير وكنت هغيرة
لحد ما شفت الميه وهيا بتخرج من الغطاء وبعد ما غيرته كل حاجه بقت تمام
وكان العيب ان الغطاء المفروض ما يطلعش فايظ مياة الا عند ضغط هواء معين ولكن بسبب ان السوسته تقريبا ضعفت اصبح بيطلع عند ضغط اقل وده كان سبب خروج الميه بدرى من القربه
الله ينور عليكم كلكم

[caysersosaih]

السلام عليكم
ايه الحلاوة دى
ما شاء الله لا قوة الا بالله
كلكم منورين اخضر دى ما بتحصلش ابدا
عموما ازيكم كلكم
انا فعلا حصل معايا موضوع نقصان الميه وقعدت الف حوالى اسبوع مش عارف السبب وغرت الثرموستات ورحت سالت على الرادياتير وكنت هغيرة
لحد ما شفت الميه وهيا بتخرج من الغطاء وبعد ما غيرته كل حاجه بقت تمام
وكان العيب ان الغطاء المفروض ما يطلعش فايظ مياة الا عند ضغط هواء معين ولكن بسبب ان السوسته تقريبا ضعفت اصبح بيطلع عند ضغط اقل وده كان سبب خروج الميه بدرى من القربه
الله ينور عليكم كلكم

وعليك يا عادل باشا

[mlav_cbr]

سؤال للناس الحلوة اللى هنا كلها بما انى مقبل على شراء سيارة تمبرا 96 السيارة الحمد لله بحالتها بس ليه سؤال يمكن يكون غريب شويه السقف بتاع العربيه ينفع يركب عليه شبكه لتحميل اى شىء على السقف او حتى خوصتين بالعرض ارجو الافادة وشكرا لكم

[ZALABANY]

يركب طبعا يا باشا وانا جبت الخوصتين بس هات التيواني تمنهم حوال 80 جنيه في شارع شامبليون ما تجيبش الصيني

[mlav_cbr]

يركب طبعا يا باشا وانا جبت الخوصتين بس هات التيواني تمنهم حوال 80 جنيه في شارع شامبليون ما تجيبش الصيني

تسلم على الرد السريع يا احلى تمبراويه وانشاء الله اول ما اجبيها هرفعلكم صوارها عشا اخد رأيكم فيها

[mlav_cbr]

فى حاجه تانيه عايز اسأل عليها هلى السيارة ديه مصفحه من الاسفل ومعالجه ضد البرومه ؟ وايه هى اكتر عيوبها

[ZALABANY]

تقصد مصفحة من تحت الموتور
لا هي مش مصفحة من تحت الموتور ومش عارف اذا كان في منها مصفحة ولا لا واظن انها معالجة ضد البارومه مش زي ال 28 لأن العربيات دي اصلا بتمشي به في التلج يعني صباح البارومه وبرده ما سمعناش من حد راكب تمبرا انه اشتكى من البارومه جايز عشان العربيه تسعينات برده بس مش عارف ممكن حد من الاخوه ياكدلنا المعلومة

[caysersosaih]

العربية معالجه ضد الصدأ بأحدث طريقة وايام ما كانت بتنزل جديد كا بيقولوا انها مضمونه 99 سنه ضد الصدأ (Galvanized)
لأنها معالجة كهربائيا مش دهان بس
انسي انك تلاقي بارومة في تمبرا

[mlav_cbr]

العربيه ديه لو فعلا معالجه ضد البرومه تبقى عربيه العمر والواحد ما يفكرش يغيرها ابدا