رابطة مالكي وعشاق التمبرا (الجزء الأول)

[heshamzaky]

فى حاجه تانيه عايز اسأل عليها هلى السيارة ديه مصفحه من الاسفل ومعالجه ضد البرومه ؟ وايه هى اكتر عيوبها

أزيك يا باشا و أهلا و سهلا بيك بالنسبة لسؤالك طبعا زلبانى باشا و caysersosaih باشا قالو كل حاجة و بعد أذنهم أقول حاجة لو أنت عايز تعمل تصفيح من الاسفل تعملة عمولة عند سمكرى بس مالهوش اى لازمة لو جيت تغير زيت الموتور العامل بتاع المحطة حا يعيط علشان يفك و يركب انا ما شفتش حد عامل التصفيح دة بس لة انت غاوية فكرتة ستكون مثل الصورة دى

[ZALABANY]

يا صورك الجامده با h

[abdelmessih67]

abdelmessih67 يا شا تسلم على الوصفة وهاروح للراجل ان شاء الله بس معلش جنب لورد بتاع العصير على الشارع فيصل العمومي
على فكره انا لسه مغير القربه كلها والغطا اشتريت الاصلي بتاعها ب 40 جنيه من عند محمد يوسف وكان في تركي ب 20 ما رضيتش اجيبه

أهلا بالاخ الفاضل زلباني , كيفك يا باشا

المركز الفرعوني للرادياتير بتاع الحاج يحيي أمام اللورد بس على الصف الثاني يعني و أنت نازل الجيزة من فيصل تلاقيه على الناحية اليمين مش الشمال و على فكرة أنا بصيت على الغطاء التركي و فعلا في فرق بينه و بين الاصلي في الخامة و مش مهم ال 20 جنيه الفرق لان الفرق جنيهات مش مئات الجنيهات .
لو تحب تليفون الحاج يحيي أجيبهولك بكره

[ZALABANY]

شكرا يا باشا abdelmessih67
أنا رحتله يا باشا امبارح فك العلبه كلها ولحمها من اول وجديد وهو واضح انه راجل كويس كام يوم كده وهارحله اغسل الدورة واحط ميه خضره وزودت عنده كمان الفريون
لحام العلبه 70 جنيه
الفريون كان ناقص نصة اخد 60 جنيه يارب ما يسربش تاني

[heshamzaky]

زلبانى باشا انت عارف التكيف بياخد فريون اد اية باظبط يا ريت يا باشا تقولى لانى حاطط حواى 650 او 700 جرام بس و الراجل قالى دة كفاية جدا علشان الخراطيم و الكمبريسور ما يبقاش عليهم حمل زيادة بس عاوز اتاكد من الموضوع دة

[Bonanza]

يا جماعة امبارح كنت في مشوار بسيط من الهرم لصلاح سالم عند بانوراما اكتوبر و كنت مشغل التكييف لما وصلت و جيت اركن العربية و نزلت لقيت العربية بتنقط مياه كتير اوي و بسرعة ، فتحت الكبوت و اشوف المياه دي نازلة منين لقيتها من حته تحت علبة الدركسون بس معرفتش ايه اللي بينقط بالظبط و بصيت علي القرب بتاعة الرادياتير و قربة المساحات لقيت مفيش تسريب و الخراطيم مفيش تسريب و حتي خارج التكييف اللي وريتهوني يا هشام مكنش بينقط ... مش عارف المياة دي كلها جت منين ؟؟؟؟؟؟؟؟؟؟؟

[heshamzaky]

بص فى تصورى انا لو مية القربة ما نقصتش و المية من عند علبة الدريكسيون أعتقد انة بخر مية التكيف بص فتحات خروج التكيف الى شاورت لك عليهم اعتقد 3 مواسير بلاستك لما اروح اتأكد علشان حا ابص على علبة التكيف القديمة و اتأكد ان كانو 2 و لا 3 و التكيف بينزل مية كتير و هو شغال من برة العادية زى يونين أير كدة مثلا اهم حاجة ان دورة مياة الرادياتير ما سربتش مية و الحرارة زى ما هى صح كدة و لا انا فهمت خطأ و على فكرة السربنتينة مش ب 350 زى ما كنا فاكرين انا سألتة و قال 250 و طبعا ممكن نجيبها ب 220 مثلا دة لو عايزها بس ناخد الى شفناها فى المخزن مش الى فى المحل

[heshamzaky]

بص كمان المواسير الى انا وريتهم لك انا مطول منهم واحد يعنى اشتريت خرطوم 20 سنتى و كولية و ربطة فى الماسورة الاساسية و خليت الخرطوم على ناحية الشارع لان مرة التكيف غرق جوة العربية مية فلى الدواسة اليمين مية بالهبل كانك دلقت لتر مية كامل على الوكيت وتحت الدواسات الكاوتش

[Bonanza]

اييوة يا باشا مفيش اي نقصان في مياة الرادياتير و مفيش سخونة ولا حاجة بس المياة كانت كتير بصراحة يعني انا بمجرد اني ركنت لقيت خط عريض من المياة علي الارض و ببص تحت العربية لقيت بقعة و فتحت الكبوت لقيت المكان ده عمال ينقط كتير بس فتحات مخرج التكييف دي مكنتش بتنقط ... معقول بخر التكييف بيعمل المياة دي كلها في الثواني المعدودة دي علي ما ركنت العربية ؟؟
بخصوص السربنتينة بقي ... ايوة يا ريس انا عاوز اشتري السربنتينة دي بس تبقي نظيفة و مش بتسرب .. اتأكد ازاي ؟؟ لو هي نضيفة هاخدها و اركنها لحد ما التكييف يسرب عشان ماخسرش شحنة ... اللقط اللي زي دي ماتتسابش حتي لو مش محتاجها دلوقتي ... ولا ايه ؟؟
؟

[mlav_cbr]

أزيك يا باشا و أهلا و سهلا بيك بالنسبة لسؤالك طبعا زلبانى باشا و caysersosaih باشا قالو كل حاجة و بعد أذنهم أقول حاجة لو أنت عايز تعمل تصفيح من الاسفل تعملة عمولة عند سمكرى بس مالهوش اى لازمة لو جيت تغير زيت الموتور العامل بتاع المحطة حا يعيط علشان يفك و يركب انا ما شفتش حد عامل التصفيح دة بس لة انت غاوية فكرتة ستكون مثل الصورة دى

شكرا ياباشا على الرد انا كان سؤالى بسبب انى كنت بشوف واحدة 90 وصاحبها قالى انها المانى ومصفحه من تحت بصراحه استغربت من الاتنين انها المانى ومصفحه هى نزل منها المانى العربيه ديه ؟ وكان عدادتها ديجيتال و 1400 كامله مانيوال

[heshamzaky]

اييوة يا باشا مفيش اي نقصان في مياة الرادياتير و مفيش سخونة ولا حاجة بس المياة كانت كتير بصراحة يعني انا بمجرد اني ركنت لقيت خط عريض من المياة علي الارض و ببص تحت العربية لقيت بقعة و فتحت الكبوت لقيت المكان ده عمال ينقط كتير بس فتحات مخرج التكييف دي مكنتش بتنقط ... معقول بخر التكييف بيعمل المياة دي كلها في الثواني المعدودة دي علي ما ركنت العربية ؟؟
بخصوص السربنتينة بقي ... ايوة يا ريس انا عاوز اشتري السربنتينة دي بس تبقي نظيفة و مش بتسرب .. اتأكد ازاي ؟؟ لو هي نضيفة هاخدها و اركنها لحد ما التكييف يسرب عشان ماخسرش شحنة ... اللقط اللي زي دي ماتتسابش حتي لو مش محتاجها دلوقتي ... ولا ايه ؟؟
؟

بص يا سيدى و احنا بنشتريها تبص على الشكل الخارجى ان الريش مش مثنية و شكلها كويس علشان يتكشف عليها صح لازم تتكبس هواء بضغط عالى يعنى تروح لواحد بتاع تكيفات بيركب زى طبة قلاوظ ليها و ينفخها هواء جامد بالكمبريسور و بعدين يحطها فى حوض مية كانك بتكشف على كاوتش مخروم بالظبط و يسيبها شوية لو ما طلعتش بقاليل هواء تبقى تمام و زى الفل غير كدة بالكشف الظاهرى يبقى احنا بنشترى الترماى و العتبة الخضراء هيييية

[ZALABANY]

اسامه باشا التقيط لو جاي من تحت الموتور انا اشك في طرمبة الميه ودي هاتلاقي التنقيط بيزيد لو دست بنزين والعربية المفروض تسخن ده على اسوأ الفروض اللي هو طرمبة الميه
بس هي ان شاء الله تطلع مية تكييف طالما الميه مش بتنقص والعربية مش بتسخن

[Bonanza]

لا يا محمد باشا مش من تحت الموتور ده مكانها بالظبط تحت علبة الدركسيون كده و المياة مانقصتش ولا ملي واحد في القربة و العربة ما سخنتش

بص انا متوقع انها من التكييف بس مش مصدق الكمية بصراحة كتير اوي

[ZALABANY]

بص يا أسامه كل ما الرطوبه تكون عاليه كل ما كمية الميه دي هاتكون كتير فما تقلقش منها

[heshamzaky]

يا اسامة بقولك و الله العظيم المية دى نزلت على الدواسة الى ناحية كرسى السواق غرقتها مية و شلت الدواسات الكاوتش علشان الشمس تنشف الارضية الموكيت هييية و على فكرة زلبانى برضو قال حاجة حلوة على موضوع طرمبة المية بس لو الحمد لله المية بتاعت الرادياتير مش بتقص يبقى التكيف مفيش غير كدة و الى عارف معلومة يا رجالة يقولها و نستفيد بيها كلنا