رابطة مالكي وعشاق التمبرا (الجزء الأول)

[galilio_mad]

جاليليو سؤال فنى ساعات مش كتير قليل جدا يعنى لما اجى أدور العربية ما ترضاش تدور و بحس ان البطارية بتنام مع العلم ان البطارية جديدة لما بتزرجن قوى و ما تدورش اديها زقة بسيطة تدور و اطفى و ادور تدور زى الرهوان لما سالت فى العزبة قال لى دة ممكن يكون تعليقة بسيطة فى المشط بس فى الاول و المشط الى راكب عندى غالى اية رأيك فى الكلام دة

قصدك زى ما عربيتى عملتها عند البنك ؟؟؟

حقيقى مش متأكد , بس و الله اعلم فى بلية بتقفش لما تسخن
عندى انا شاكك فى المارش او الدينامو , بس مش فاضى اعمل فيهم حاجة

[reemnabel]

صباح الفل علي كل الموجودين ... و صباح مخصوص للاستاذه ريم اخر عنقود التمبرا. و مبروك علي الكاوتش الجديد

صباح الفل وحلوه اخر العنقود دى جدا
والله يبارك فيك يارب الكاوتش يتحمل لحد ما اجيب العربيه الجديده

[hany121]

أخر التحديثات أنا رجعت المساعدين بتوع اللانشيا و أشتريت جوز مساعدين مونرو جداد معاهم ضمان سنة و العربية فرقت عن الاول و الله تقريبا نفس أداء مساعدين اللانشيا الى رجعتهم بس كانو فردة واحدة و بصراحة أستخسرت لانى كنت مغير السوست الامامية لسة جداد من كام شهر فقلت كدة أحسن كلة جديد فى جديد و العربية عليت من قدام

مبروك يا باشا وعقبال الملك

[heshamzaky]

قصدك زى ما عربيتى عملتها عند البنك ؟؟؟

حقيقى مش متأكد , بس و الله اعلم فى بلية بتقفش لما تسخن
عندى انا شاكك فى المارش او الدينامو , بس مش فاضى اعمل فيهم حاجة

ايوة بالظبط لما كنا عند البنك العربية ما دارتش بزقة بسيطة بتدور و بعديها عادى فاروق بيقولى ان المشك فى الانجيكشن مختلف و قالى انة ب 200 جنية تقريبا انا شكيت فى الدينامو كشفت علية لقيتة تمام بس انا ساعات ما بترضاش تدور و العربية باردة تماما و ساعات لما بتكون سخنة يعنى مش شرط و ساعات بتبقى تمام التمام مش عارف بجد دة ممكن يكون من اية بس رجحتة بحاجة خاصة بالبوبينة و الراجل قالى انة المشط و المشط بتاع الانجيكشن مختلف و حجمة اكبر من المشك العادى بس انا ما شوفتهوش و لا مسكتة كنت حا اصورة و اخلى صورتة عندى للاحتياط

[reemnabel]

بالنسبة لاحساسك دة انا مش دكتور الدكتور هو ضياء بس دة احساس يمكن هرمون السعادة او حاجة كدة اسمها الادرينالين بتتدفق فى الدم فبتحسى بالنشاط و طبعا عم حمدى الميكانيكى لازم يستغرب انت بسبب المنتدى حا تعلمى حمدى شوية حاجات فى العربية بعد شوية ههههههههههههههه

لسه اصبر بس لما اروح اقوله انا جايبه منظف وعايزه انظف المنافولد حاسه انه هيفتح بقه ويضربنى بالى فى ايده ههههههههه
يمكن يكون الادريناين بس انا مرتبطه بالعربيه جدا ونفسى اظبط فيها حاجات كتيؤ واول حاجه عايزه اجيب لها فرش جلد بس مرعوبه عشان كده كده العربيه بتولع من الركنه وياجى اسوقها اجارك الله نااااااااااار فى الدركسيون والكورسى نار والتبلوه نار والعربيه كلها عباره عن غرفه سونا

[heshamzaky]

مبروك يا باشا وعقبال الملك

ربنا يخليك يا باشا و عقبال عندكم جميعا ههههههههههههههه

[galilio_mad]

ايوة بالظبط لما كنا عند البنك العربية ما دارتش بزقة بسيطة بتدور و بعديها عادى فاروق بيقولى ان المشك فى الانجيكشن مختلف و قالى انة ب 200 جنية تقريبا انا شكيت فى الدينامو كشفت علية لقيتة تمام بس انا ساعات ما بترضاش تدور و العربية باردة تماما و ساعات لما بتكون سخنة يعنى مش شرط و ساعات بتبقى تمام التمام مش عارف بجد دة ممكن يكون من اية بس رجحتة بحاجة خاصة بالبوبينة و الراجل قالى انة المشط و المشط بتاع الانجيكشن مختلف و حجمة اكبر من المشك العادى بس انا ما شوفتهوش و لا مسكتة كنت حا اصورة و اخلى صورتة عندى للاحتياط

عربيتك لا فيها مشط و لا بوبينة و لا اسبراتير

العلبه السودا اللى خارج منها الاربع اسلاك بتوع البوجيهات بتشتغل ال 3 وظايف
و مالهاش اى علاقة بدوران العربية

المشكلة دى و الله اعلم , مشكلة كهربا بتضعف فى وقت معين
انا عندى ما بتعملهاش غير و هى سخنة و ماشية بقالها كتير
و هى باردة مفيش مشكلة خالص

[reemnabel]

جاليليو سؤال فنى ساعات مش كتير قليل جدا يعنى لما اجى أدور العربية ما ترضاش تدور و بحس ان البطارية بتنام مع العلم ان البطارية جديدة لما بتزرجن قوى و ما تدورش اديها زقة بسيطة تدور و اطفى و ادور تدور زى الرهوان لما سالت فى العزبة قال لى دة ممكن يكون تعليقة بسيطة فى المشط بس فى الاول و المشط الى راكب عندى غالى اية رأيك فى الكلام دة

انا عارفه ان السؤال موجه للاستاذ جاليليو بس اسمح لى اجاو ب وهو اكيد مش واحد على مليون من خبره الاستاذ جاليليو بس انا حصل معايه نفس الموضوع ده وطلع العيب فى المارش وحتى كنت بجيب طوبه محدش يضحك واخبط خبطه بسيطه على المارش العربيه كانت بتدور من غير زقه
ولازى ما حضرتك قولت بتدور عادى جدا ولا كانها كانت عامله حاجه العربيه دى بتستعبط ساعات وتعمل الحاجه ولاى كانها عملتها
رحت للكهربائى فك المارش وبص عليه وتقريبا ربط فيه حاجه وركبه والحمد لله العربيه محترمه من ساعتها
اعتقد ممكن يكون ده السبب على حد فهمى للعطل لو كان زى الى حصل معايه

[galilio_mad]

لسه اصبر بس لما اروح اقوله انا جايبه منظف وعايزه انظف المنافولد حاسه انه هيفتح بقه ويضربنى بالى فى ايده ههههههههه

اوعى تروحى تقوليله مانيفولد لحسن يفتكرك مثقفة :))

الاسم الدارج "منافول" , و يا سلام بالمرة لو يربطلك فرن الشكمان و المشترك
و يشيك على توصيلات الفاكيوم , و بالمرة ينضفلك الكربراتير

حتلاقى فرق كبير ان شاء الله

[reemnabel]

ببقه فرحانه لما الاقيكم كلكم هنا انا بدخل من على الموبيل فى الشغل عشان مش عندى كمبيوتر فى الشغل مدرسه فقر

[Bonanza]

لسه اصبر بس لما اروح اقوله انا جايبه منظف وعايزه انظف المنافولد حاسه انه هيفتح بقه ويضربنى بالى فى ايده ههههههههه
يمكن يكون الادريناين بس انا مرتبطه بالعربيه جدا ونفسى اظبط فيها حاجات كتيؤ واول حاجه عايزه اجيب لها فرش جلد بس مرعوبه عشان كده كده العربيه بتولع من الركنه وياجى اسوقها اجارك الله نااااااااااار فى الدركسيون والكورسى نار والتبلوه نار والعربيه كلها عباره عن غرفه سونا

بسيطة ... حاولي تفتحي 1 سم من كل شباك و سيبيه لما تركني و اي شماسة و خصوصا السيلفر العاكسة دي لطيفة و بـ 6 جنيه في كارفور و مش هاتحسي بالنار اللي في الدركسيون و كمان عشان تحافظي علي التابلوه
بس اكيد العربية هاتبقي حر شوية بس افضل كتير عم الاول ان شاء الله

[reemnabel]

اوعى تروحى تقوليله مانيفولد لحسن يفتكرك مثقفة :))

الاسم الدارج "منافول" , و يا سلام بالمرة لو يربطلك فرن الشكمان و المشترك
و يشيك على توصيلات الفاكيوم , و بالمرة ينضفلك الكربراتير

حتلاقى فرق كبير ان شاء الله

بجد كنت هضحك الراجل عليه هههههههههه
مش قولت لكم اكيد هيفتح بقه
انا كتبت الحاجات دى فى ورقه ولما اروح هسمعهم
صباح الخير يا حمدى نضف المنافول وربط فرن الشكمان والمشترك وشيك على توصيلات الفاكيوم ونضف الكاربرتير صح كده

[hany121]

السلام عليكم
الف مبروك على الكاوتش وعلى فكرة الكاوتش من الحاجات اللى حلال فيها الفلوس ودايما تجيبى احسن حاجه لانه ببساطه بيساوى عمرك وربنا يكفيكى شرها
خليكى معانا وهتستفيدى كثير من الاساتذه
جاليليو وده جهبز يعنى ضليع فى قواعد اللغه العربيه وحافظ كل مسمار مكانه فين وتقيل قوى فى المكشاركات وما ردش عليا ولا مرة ونفسى اشوفه بس هو مطنش عموما انا وراه وراه لحد اما يوافق نبقى اخوات او ازهقه ويسيب المنتدى
والدكتور ضياء ده فعلا دكتور بشرى وعربيات يعنى ممكن يشرح العربي
اسامه باشا وده بقى حته الشوكلاته بتاع المنتدى هادى جدا وراسي واخر جنتله وكمان مفيد يعنى ما بيقولش الا الحاجه اللى فلى الجون
زلبانى حبيبي اللى خلانى اشترى التمبرا بسبب كلامه الجميل عنها واللىاصبحت مشاركاته قليله ولكن مؤخرا رجع تانلى لحبايبه واصحابه
هانى121 اللى ما اتكلمتش معاه كتير بس بحبه
وكمان الاستاذ عبد المسيح اللى تقلان علينا بمشاركاته ودايما بيفيدنا بتجاربه
واخيرا حبيب قلبى هشام اللى ما بيهمدش ربنا يديله الصحه ده بقى يشرب البيبسي من هنا او ياكل الشيكولاته ويديها على الرابع بس الجنيه وربع بعينك يا هشام وبصراحه مش لاقى كلام يكفى عشان اشكر فى هشام
وكمان فى ناس كثير انما مش حافظ الاسماء بصراحه
بس دول star المنتدى
بس المهم المشاركه لانك مش هتفهمى كثير فى الاول بس واحده واحده مع الاسئله والتكرار فى حاجات كثير هتلاقيها سهله
والناس دى بصراحه ما بتبخلش باى معلومه
ربنا يوفقك

يا باشا انا اسف جدا ادا كانت مشاركاتي قليله لكن انا وراك وراك لحد لنا اتشرف بمقابلتك انت وباقي الاخوه..يا ريت نظبط مقابله ..

[heshamzaky]

لسه اصبر بس لما اروح اقوله انا جايبه منظف وعايزه انظف المنافولد حاسه انه هيفتح بقه ويضربنى بالى فى ايده ههههههههه
يمكن يكون الادريناين بس انا مرتبطه بالعربيه جدا ونفسى اظبط فيها حاجات كتيؤ واول حاجه عايزه اجيب لها فرش جلد بس مرعوبه عشان كده كده العربيه بتولع من الركنه وياجى اسوقها اجارك الله نااااااااااار فى الدركسيون والكورسى نار والتبلوه نار والعربيه كلها عباره عن غرفه سونا

لآ لآ كسرى لة دماغة هههههههههههه انتى حا تقولى لة نظف الكربراتير و طبعا البوابة بتاعت الكربراتير لما المنظف حا يترش حا ينزل مع البنزين و بالتالى الدورة كلها حا تنظف و خلية يرش على الاكس بتاع الكربراتير من الخارج بصى الاكس دة الى هوا فية سوستة لو انتى واقفة و باصة على الموتور يبقى من ناحية الدريكسيون تحت العمة الحديد المدورة و الباب بتاع الكاربراتير عبارة عن قطعة صاج كدة على شكل ال 10 قروش مدورة لما بيشد سلك البنزين الدايرة دى بتتحرك فتنزل بنزين الى العربية حا احاول اشوفلك صورة كدة بالتقريب تمام بصى الصورة الاولى شكل بوابة الكاربراتير من جوة النظيفة دى اوكية المسودة يعنى عليها كربون ووساخة و الصورة التانية بالتقريب كدة مكان الاكس و السوست بتاعت الكربراتير

[galilio_mad]

انا حصل معايه نفس الموضوع ده وطلع العيب فى المارش وحتى كنت بجيب طوبه محدش يضحك واخبط خبطه بسيطه على المارش العربيه كانت بتدور من غير زقه
ولازى ما حضرتك قولت بتدور عادى جدا ولا كانها كانت عامله حاجه العربيه دى بتستعبط ساعات وتعمل الحاجه ولاى كانها عملتها

انا فعلا شاكك فى المارش بس فعلا وقتى مضغوط قوى و مش ماشى مع مواعيد الصنايعية خالص :))
و موضوع الطوبة دى عادى , بس انتى عندك تقريبا كانت مشكلة الترس او الاوتوماتيك بيعلقوا و الخبطة بتخلى القفشة تفك

و فعلا انا لو سبتها 5 دقايق بالكتير وهى قافشة بتدور و لا كأن فى اى حاجة خالص