رابطة مالكي وعشاق التمبرا (الجزء الأول)

[zago]

طب انا حقولك حاجه حتعجبك

انا مره بالجيب اتمسكت رادار وكنت مش رابط الحزام وداخل على الكمين بتكلم في الموبايل
لاقيت الباشا بيقولي عندك مخالفه هههههههههه((لا والله !! ))
استعبط وقلتله ايه هي حضرتك؟؟ قالي طمس لوحات ههههههههههههههههههههه
اه والله ما بهرج
لقيت واحد جاي ورا ه وبيقولي رادار ( اتمسك رادار يعني كمان ) وبقولك مكنتش رابط الحزام ومعايا بابا على التليفون هههههههه
فطبعا اخد الرخص وركنت ونزلت لاقيت الباشا بعتلي امين الشرطه وبيقولي 100 جنيه وانسى (( رشوه يعني ))
قلتله خلي الرخصه معاك
وسبته واخدت العربيه ومشيت
وكلمت واحد معرفه قلتله اللي حصل قاللي فين الكلام ده قلتله عند قسم السلام قالي طيب عدي عليه بكره وخد رخصك
تاني يوم عديت عليه اخدت الرخص والباشا كان مصر يجيبلي شاي (( خليته يجيبلي حاجه ساقعه عشان مش بشرب شاي ))

ايه رأيك بقى؟؟
لا مخالفه ولا رشوه ولا نيله
بس مش كل مره على كده
لانك لو تعرف حد وكل 3 ايام تكلمه تقوله الرخصه اتسحبت حييجي مره ويقولك احسن تستاهل
هههههههههههههه

[aliit]

فين ياجماعه ردودكم على المشكله اللى كتابتهالكم انا مستنى وخاصة الدوك هشام

[zago]

عشان كده استراتيجيه الجنيه احسن

[heshamzaky]

فين ياجماعه ردودكم على المشكله اللى كتابتهالكم انا مستنى وخاصة الدوك هشام

يا باشا ربنا يخليك أنا شفت المشاركة بس ما ردتش علشان مش عارف الاجابة تخصص المواتير جاليليو و الدكتور ضياء ههههههههههههه

[reemnabel]

جديد العربيه عندى الدركسيون تقيل وبعد ما غيرت الكوتشات الفرده الشمال قدام بتنقص عبيتهم كلهم 32 بس العربيه مش مظبطه فى حاجه غلط

[Bonanza]

كان نفسي اقول صباح الخير قبل الساعة 12
بس عمال اجري وراكوا علي امل اني الحقكوا بدري و انتوا فاتحين علي الخامس و عمالين تقفلوا صفحات
ما علينا
مساااء الفل يا شباب

انا روحت العزبة يوم الجمعة و الحمد لله تم شراء ( البراشر او الفراشر ) ده بتاع التكييف اللي كان بسببة الكومبريسور مش عاوز يلقط
اشتريتة من عند فاروق و الراجل ده مؤدب جدا والله و بيعز هشام جدا جدا
طبعا محدش بيبيع البتاعة دي لوحدها لازم تتباع بالخرطوم .. بس انا جي من طرف هشام يعني اللي انا عاوزة هايحصل
وطبعا ماكانش عاوز ياخد مني فلوس و قالي انا هاحاسب استاذ هشام
و بعدبن انا و للاسف اصريت اني ادفع و مادبسش هشام فيها
قالي اللي عاوز تدفعة .. المهم بعد ما فضلنا نتعازم علي بعض مين يقول السعر
قالي 80 جنيه و اخدتها بـ 50 جنيه
جريت علي بتاع التكييفات و بقول يارب تبقي شغالة عشان المشوار الظريف ده
الحمد لله الراجل ركبها و طلعت شغالة و زي الفل
و اخد 10 جنيه فقط لا غير
يعني الليلة كلها اتكلفت 60 جنيه
بدلا من 275 ثمن القطعة دي + التركيب

دي صورتها كالعاده

[heshamzaky]

جديد العربيه عندى الدركسيون تقيل وبعد ما غيرت الكوتشات الفرده الشمال قدام بتنقص عبيتهم كلهم 32 بس العربيه مش مظبطه فى حاجه غلط

هو العربية مافيهاش بور صح كدة على ما اتذكر مافيهاش الحاجة الى ممكن تخلى الدريكسيون تقيل هى الزوايا بس لا أعتقد ان الزوايا فيها حاجة و الكاوتش ملهوش دعوة الا لو تم تركيب فرد مقاس اكبر بكتير شوية و دة ما حلصش نعمل للعربية زار يا شوماخر ههههههههههههههههههههههه

[heshamzaky]

مبروك يا أسامة يبقى انت حسابك كدة نقص 215 جنية 100 ليا و الباقى حلال عليك هههههههه و معلش هو لو كنت خدتها بالخرطوم الفرق كان كام الحاجات دى يا معلم مفيدة جدا مش بتخسر و مبروك عليك يا باشا

[Bonanza]

الله يبارك فيك يا اتش
و الله انا مسألتش عليها بالخرطوم بكام
بس طالما انت موجود و فاروق موجود يبقي مفيش مشكلة في حاجة و هاناخد اللي احنا عاوزينة و انت تحاسب فاروق

[heshamzaky]

واستفسار تانى انا التكييف عندى الكباس اشتغل وبعدين فصل روحت لبتاع التكييف قالى التكييف شغال كويس ةالتبريد كويس بس حته اسمها الفوليوم دى الكهرباء يشوفها او يغيرها ، والكهرباء شفها وقالى ابقه هتهالى نشوفها ونشوف هتحتاج تتغير ولا لا وهيا مسئوله عن ضبط التكييف مع كهرباء العربيه زى ماسمعت فا ايه رايكم

بص يا باشا دى أنا عارف أية دى أسمها الفاكيوم و بيبقى فى الكربراتير بس الكاربراتير بيتباع بالكامل و برضو معلش انا معنديش كاربراتير علشان العربية عندى أنجيكشن فسايب الرد من اخوانى الافاضل هما حا يفيدوك فى النقاط دى افضل منى بس أنا عاوز أقولك انى برد على اسلتك طبعا بس من غير ما أفتى فى الى ما أعرفهوش

[galilio_mad]

طب انا حقولك حاجه حتعجبك

انا مره بالجيب اتمسكت رادار وكنت مش رابط الحزام وداخل على الكمين بتكلم في الموبايل
لاقيت الباشا بيقولي عندك مخالفه هههههههههه((لا والله !! ))
استعبط وقلتله ايه هي حضرتك؟؟ قالي طمس لوحات ههههههههههههههههههههه

حصلت معايا فى طريق اسكندرية من 3 سنين
كنت ماشى 160-170 و مهدى عند الكمين
لقيته جاى بيقولى " الرخص " و السبب " رادار "
طب كنت ماشى على كام يا باشا , الرد " 120 "
و من هنا لهنا , شكلى صعبت عليه , مشانى من غير اى حاجة و الحمد لله

[reemnabel]

لا العربيه فيها بور اذاى بس ربنا يخلى معاليك لينا الوحيد ال عبرنى يارب الى ماقال حمد له ع السلامه ياشوماخر نته يفصل وروترو يبوظ

[heshamzaky]

الله يبارك فيك يا اتش
و الله انا مسألتش عليها بالخرطوم بكام
بس طالما انت موجود و فاروق موجود يبقي مفيش مشكلة في حاجة و هاناخد اللي احنا عاوزينة و انت تحاسب فاروق

ما أعرفكوش يا معلم ههههههههههههههههههه بس أسامة بجد انت لية مش بتهتم بالتفاصيل الدقيقة يعنى أنا عندى حب أستطلاع رهيب فى أى حاجة و خصوصا العربية و لو كنت مكانك كنت سألت علشان اعرف على الاقل من باب العلم بالشيىء و الخوف انك تحتاج القطعة الاخرى مستقبلا و ما تلاقيهاش دة أنا يا راجل عاوز أعرف سعرها و السلام

[heshamzaky]

لا العربيه فيها بور اذاى بس ربنا يخلى معاليك لينا الوحيد ال عبرنى يارب الى ماقال حمد له ع السلامه ياشوماخر نته يفصل وروترو يبوظ

حمد الله على السلامة كمان مرة هههههههه مفهمتش فيها بور و لا لآ

[reemnabel]

فيها بور طبعا لا هى ماكنتشى كده هو تضبيط الزوايا ممكن يريح العربيه والدركسيون يخف ؟