رابطة مالكي وعشاق التمبرا (الجزء الأول)

[heshamzaky]

بص يا باشا بالنسبه لوضوع الفاكيوم اتكلمنا فيه اكتر من مره الجفرنر تاع الكاربيراتير وبيقوله عليه احيانا الفاكيوم هو المسئول عن تعلية الموتور في حالة تشغيل التكييف او في حالة برودة العربية في الصباح عشان كده بيبقى طالع منه ماسورتين بيخش فيهم خرطومين وممكن تلاقي بماسورة واحده ده بتاع التمبرا اللي مش مكيفة وينفع برده بس هايشغل التكييف بس انا اشتيته استيراد ب 100 جنيه ودخت عليه ال 7 دوخات لو لقيت ال 2 ماسوره هاتلي واحد معاك
بالنسبه لعدم تبطيل العربية بعد ما تقفل الكونتاكت على طول هاتظبط المكنة الموتور يعني هوا وسلانسيه راجع على بيك السلانسيه ممكن يكون بيعلق وراجع على الاسبراتير مع ان الاسبراتير ده المفروض الكتروني بيظبط نفسه بس راجع عليه وربنا ييسر انا كانت بتعمل عندي كده ولما ظبط المكنه وظبط التاكيهات اتظبطت

أزيك يا عم زلبانى و الله أنا عارف انك انت كان عندك المشكلة دى و انت حليتها فقولت انك الى حا ترد على الموضوع دة

[reemnabel]

هل بعد ضبط هوا العجل على طول الدركسيون بيبقى كويس ولا لأ ؟؟
مقاس العجل القديم كام و الجديد كام ؟؟

بتضبطى العجل كل قد ايه و بيبقى ناقص كتير و لا قليل ؟؟؟؟

القديم 14 والجديد 16 بعد ظبط الهوا الدركسيون بيخف شويه
العجل كله بيبقه كويس معاد العجله الشمال قدا م بتنقص ساعات 5 ومره 10 وفكها مفيهاش حاجه
وبظبط العجل كل 3 ايام بيبقه كله كويس الا الفرده دى

[kdosoki]

هل بعد ضبط هوا العجل على طول الدركسيون بيبقى كويس ولا لأ ؟؟
مقاس العجل القديم كام و الجديد كام ؟؟

بتضبطى العجل كل قد ايه و بيبقى ناقص كتير و لا قليل ؟؟؟؟

هى دى الاسئلة العاقلة اللى يتبنى عليها قرار
الله ينور يا جاليليو

[heshamzaky]

مبروك يا اتش يا ذهبي
مش عارف بعد كده هايجيبولك معادن تانية منين

و الله يا أسامة ربنا يخليك أنا خايف أكون بتكلم كتييييييير قوى و المهم بجد مش العدد لان العدد لا ينم على أى تميز و لا حاجة طبعا بس المهم هو المحتوى و لعلمك لولا المواضيع الى بتكتبوها كان زمانى بكلم نفسى هههههههههههه

[reemnabel]

بجد ياهشام باشا كل ردودك مفيده مشاء الله عليك وتستاهلها والله

[heshamzaky]

القديم 14 والجديد 16 بعد ظبط الهوا الدركسيون بيخف شويه
العجل كله بيبقه كويس معاد العجله الشمال قدا م بتنقص ساعات 5 ومره 10 وفكها مفيهاش حاجه
وبظبط العجل كل 3 ايام بيبقه كله كويس الا الفرده دى

اية دة مش فاهم هو تم تغير الكاوتش و الجنوط من 14 بوصة الى 16 بوصة مش متخيل الكلام دة ال 4 فرد كانو ب 1200 جنية مقاس اية

[aliit]

صباح الفل يا جاليليو انت عارف انا أفتكرت الكهرباء زيادة و دلوقت شاكك فى حاجة تانية (((((((( الكونتاكت ذات نفسة )))))))

انا برده ساعات بشك فى الكونتاكت بس لو هوا العربيه تبقه دايره طبيعى انا دى صوت دواره بس على خفيف وكمات زى ماتكون بترجرج الموتور مش عارف ايه بالظبط انا لسه بتابعها

[kdosoki]

مبروك يا اتش وعقبال الــ (؟)

[reemnabel]

اية دة مش فاهم هو تم تغير الكاوتش و الجنوط من 14 بوصة الى 16 بوصة مش متخيل الكلام دة ال 4 فرد كانو ب 1200 جنية مقاس اية

لا كوتش بس من غير جنوط

[aliit]

مش فاهم اى حاجة !!!!!

يعنى ايه بتفضل دايرة , المفروض لما تطفى الكونتاكت الكهربا تقطع عن الموتور و مش حتفرق اذا كان الشفاط مشدود او حتى دايس بنزين على الاخر

و لا انت قصدك , بعد ما تطفيها بتطفى بعد 3-4 ثوانى بالكتير و تسمع زى تقطيعة على خفيف
لو كده يبقى فعلا الكهربا مقدمة قوى او العربية بتسخن معاك

بص انا لما بطفى المفتاح خالص الكهرباء بتاع الطابلوه بتفصل وكله بس كان اول مره زى مابتقول بسمع زى تقطيعه على خفيف وكان العربيه دايره وبعدين تسكت فرحت للميكانيكى قالى كهرباء زيادة وظبطها امبارح بقه اللى زودت لدرجه انها مبطلتش خالص بالصوت الخفيف بروح مكمل بالمفتاح كانى بدورها ترجع بصوت الماتور العالى ولما روحت للميكانيكى تانى امبارح لما عملت كده قالى سلك الشفاط كان معلق وظبط حاجه كده فى الكاربيراتير بس لسه مجربتش تانى

[heshamzaky]

بجد ياهشام باشا كل ردودك مفيده مشاء الله عليك وتستاهلها والله

ربنا يخليك يا شوماخر انا حا أتعامل مع شوماخر الراجل ههههه دة لو ما يزعلكيش طبعا و انتى طبعا بنوتة بس انا عاوز رجالة حديد و بتشد و حا أقولك يا شوماخر يا جامد و على فكرة الالقاب دى مش اى تميز فى حاجة دى زى عداد بيعد أرقام مشاركات بس مش ميزة معينة و العجلة لو بتنقص حا أقولك تعملى أية و أنتى أقصد و أنت عند بتاع الكاوتش قولة يهوى العجلة و يحط (( سيلسيون ))) لزق كدة موجود عندة حا يعملة هوة بفرشة زى بتاعت البوية حوالين الشفة بتاعت الجنط و ينفخ العجلة ف حرف الكاوتش بيلزق فى الجنط و يمنع التسريب و الكلام دة معناة ان الجنط من الحروف أو الشفة فية بعض الانبجاعات (( مطبق شزية ))) و دة ممكن بسبب الركن فوق رصيف او مطبات جامدة فاهمنى و لا لآ

[aliit]

يعنى يا اساذ على لو العربية بترجرج شوية كدة لما تيجى تطفيها اعتقد كهرباء زيادة لكن لو ما بتطفيش ممكن يكون الكونتاكت الى فى الدريكسيون عامل زى قفلة كهرباء كدة

هيا بترجرج بس زى مابقول كده امبارح كان على طول مسكتتش خالص الا لما روحت للميكانيكى وعملها

[ZALABANY]

أسامه مبروك على تشغيل التكييف يا باشا
هشام بيه مبروك على الذهبي وعقبال البلاتيني والماسي
استاذه ريم حمد الله على السلامه
انا بأه امبارح واخد الولاد ورايح كارفور بدور العربية لمبة البطارية منوره احمر يعني الدينامو مش شغال كده كلاكيت رابع مره كهربائي الاسبوع ده الراجل بيقولي ايه الحكايه
رحت للكهربائي فكر الدينامو وهو مكانه لأنه ما عرفش يطلعه لأن الاذكياء اللي عملوا العربية ما ينفعش تطلع الديناموا من غير ما تفك طلمبة الباور والسيور تقريا هانفك ربع الموتور الشمال عشان نطلع الدينامو المهم فكه وهو جوا ولقي الكتاوت سليمه قالي كده قاعدة سليكونات هي اللي بايظة وكده الدينامو كله يتغير انا قلت انا لله وانا اليه راجعون وبجد اكتئبت العربية مرمطتني الاسبوع ده مروحة وضفيره كامله للمروحة وعلبة فيوزات وكمان ديناموا حرام
المهم ركبه تاني وقالي امشي بيه كده لحد يوم الاتنن المهم ركبه وطلع اليناموا نفسه كان عامل ماس بيخلي اللمبه بتاعة البطاريه منورة ولما فكه الماس راح انا مش عارف الكلام ده مظبوط ولا لا بس انا بقيت بمشي دلوقتي قلقان من العربية ومتوقع انها يحصلها حاجه في اي وقت مش عارف اعمل ايه اجيب bmwوخلاص كان في واحد عنده اسعار قطع غيار موديل 97 316i مش فارقه كتير عن التمبرا ربنا يهديكي عليا يا تمبرا ادعولي

[aliit]

موضوع ان العربية تفضل دايرة بعد ما تبطلها انا اعرف انه خط وممكن فى احيان قليلة يكسر عمود ( نسيت اسمه )
المهم انه حاجه مهمة
لازم تظبط الموتو ( الكاربيراتير والاسبراتير ) ضرورى جدا
وعلى فكرة لو بتحط فى العربية بنزين 80 ممكن المشكلة ماتتحلش
انا لما باجى ابطل العربية بجيب غيار وارفع رجلى من على الدبرياج لحد ما توطى على الاخر واكنها هتبطل
وساعتها باقفل العربية من المفتاح وبتبطل على طول
واحتمال برضه يكون بك السلانسيه فيه مشكلة

والله لما اشوف بعد ما الميكانيكى ظبطها هتعمل ايه وارد عليكم ، وربنا يستر علشان الموضوع دا مضايقنى جدا

[heshamzaky]

لا كوتش بس من غير جنوط

يبقى الكاوتش كدة مقاس 14/60/185 امال اية 16 دى الى مش فاهمها و دى صورة توضيحية كدة علشان الراجل بعد ما يكشف على العجلة الى دايما بتهوى و يتأكد ان مفيهاش أخرام يعدى باللزق الى عندة حوالين شفة الجنط علشان لو الجنط الشفة مش مستوية تمام ممكن تسرب هواء بسيط جدا بس بيخلى العجلة كل كام يوم تهوى شوية