عاوز اشترى تمبرا ساعدونى لو سمحتم

[ahsallam81]

انا عاوز اشترى تمبرا فى حدود 25
عاةو اعرف يجيبوا موديل سنه كام
وممكن سؤال محرج شويه هل التمبرا كلها شكل واحد
لو حد يعرف ادامو عربيه كويسه بتتباع يقولى عليها
ويبعتلى على ahsallam81@yahoo.com

[amrbakly]

مش عارف انا لية مش بحب العربية دية، بصراحة تقيمي الشخصي عليها انها اسوء عربية عملتها فيات و كمان معتقدش انها تيجي بالسعر دة، يا إما حتكون تعبانة قوي و حتخرب جيبك فلوس

[semsem_uno]

ليه اسوأ عربية يا عمر بس ديه مع صاحب اخويا زي الساعة و تحس انك راكب اسد
ثانيا يا باشا مفيش تمبرا بالسعر ده خالللص انتا كده تجيب اونو اللي هيا بنتها الصغيرة مع انها مش صغيرة :)

[muhmado_furp]

الشكل العام للتمبرا واحد من برا
لكن في عربيات فيها اوبشن اعلي من التانيه
يعني في عربيات فيها فوانيس شبوره ومرايات كهرباء
وكمان فتحة سقف وغيره
ده كمان في منها مكيفه وفي تانيه لا
وفي 1400 وفي 1600
في منها تكييف تاتش وفي منها عادي
__________________

[mr_sameh]

بص ياباشا انا ليا 3 من اصحابي كانو راكبين تمبرا بصراحة لو اديتك تليفوناتهم التلاتة وسئلتهم عن العربية هيخلوك تغير رئيك في العربية دي بصراحة عربية سيئة

[muhmado_furp]

بص ياباشا انا ليا 3 من اصحابي كانو راكبين تمبرا بصراحة لو اديتك تليفوناتهم التلاتة وسئلتهم عن العربية هيخلوك تغير رئيك في العربية دي بصراحة عربية سيئة

لولا اختلاف الاراء لبارت السلع
وارد ان حد يشكر ووارد ان حد يذم
في ناس بتركب العربيه دي مش بتصرف عليها شلن
وفي ناس تانيه تهتم بيها وتاخد منهم فلوس
يبقي الموضوع موضوع قرف ونصيب واسلوب قياده وصيانه
لكن اننا نحكم علي جيل كامل من سيارات الفيات انها سيئة اعتقد انها فيها ظلم شويتين

[galilio_mad]

طيب لو تكرمتم ممكن الناس اللى تقول سيئة تقول سيئة ليه ؟؟؟؟؟

الاخ صاحب الموضوع , 25 صعب قوى يجيبوا تمبرا نضيفة
ممكن 1400 فاضية 90-91 بالكتير و ضاربها السلك

من 28000 و لغاية 30-31000 حالات كويسة و عايزة شوية مصاريف

لغاية 36 حالات ممتازة و فوق الممتازة

الاسعاردى من عمى يوم الجمعة اللى فاتت من سوق العاشر و سوق المعادى, و هو كمان بيدور على واحدة , و عمى ده معاه فكترا بى اداها لابنه و بيدور على تمبرا ( هل يا ترى عشان سيئة ؟؟؟ )

[galilio_mad]

و بالمرة , حسب معلوماتى دى الكماليات اللى نزلت فى التمبرا و الله اعلم يمكن يكون فى حاجات انا معرفهاش

كل العربيات فيها سنتر لوك و زجاج كهربائى امامى و قضبان حماية فى الابواب و تسخين الزجاج الخلفى تجهيز اساسى

الكماليات التانية :
تكييف بكر و من نص الانتاج بقى تتش
باور ستيرنج
ABS
فتيس اوتوماتيك
ريموت كونترول
مفتاح مشفر + Immobilizer
زجاج كهربائى خلفى
فوانيس شبورة امامية و خلفية
جنوط سبور 14"
مساحة زجاج خلفية
سماعات خلفية و الامامية تجهيز اساسى حتى لو مفيش كاسيت
شماسة بكرة للزجاج الخلفى
مسند يد للسواق
مخادع الكنبة و الامامية تجهيز اساسى
مرايات جانبية كهربائية
تابلوه ديجيتال
كمبيوتر رحلات ( نزل فى التابلوه الديجيتال بس مش العادى )
فتحة سقف عادية او كهربائية

ده اللى انا فاكره و لو حد من الاخوه الافاضل يحب يضيف حاجة يتفضل

شكل العربية من بره كله واحد , الكماليات متنوعة حسب الموديل و الفئة

[amrbakly]

يا جاليليو انت بنفسك قولت

يعني يا راجل لما تبقي الأونو بتوصل لـ 30 الف لو حالتها حلوة و رغم انها في زمانها كان تمنها 30 الف و شوية زيرو

التمبرا سنة 98 مثلا كانت بتعدي الخمسين و داخلة في الستين الف و النهاردة في اقصي حالاتها بتوصل 36 الف

هل دة مش دليل انها عربية مش ناجحة؟ العربية فعلا فيها مشاكل كتيرعلي كل المستويات من اول العفشة و الميكانيكا لحد الكهربا

يعني العربية دية بنت عم الديدرا بس اذاي الديدرا ماسكة نفسة و دية فيصت كدة معرفش

[amrbakly]

يا جاليليو انت بنفسك قولت

يعني يا راجل لما تبقي الأونو بتوصل لـ 30 الف لو حالتها حلوة و رغم انها في زمانها كان تمنها 30 الف و شوية زيرو

التمبرا سنة 98 مثلا كانت بتعدي الخمسين و داخلة في الستين الف و النهاردة في اقصي حالاتها بتوصل 36 الف

هل دة مش دليل انها عربية مش ناجحة؟ العربية فعلا فيها مشاكل كتيرعلي كل المستويات من اول العفشة و الميكانيكا لحد الكهربا

يعني العربية دية بنت عم الديدرا بس اذاي الديدرا ماسكة نفسة و دية فيصت كدة معرفش

[galilio_mad]

العربية فعلا فيها مشاكل كتيرعلي كل المستويات من اول العفشة و الميكانيكا لحد الكهربا

مين اللى قال كده , العربيات دى هلكانة استعمال , تلاقيها عاملة 180-200000 كم
و صاحبها ما بيصرفش عليها مليم الا للضرورة القصوى

ليا واحد صاحبى معاه لانسر 98 و عاملة 190000كم و كل حاجة فيها بايظة
التانى معاه هيونداى كوبيه 2004 ماشية 102000كم و العفشة و علبة الدركسيون ضايعين
التالت معاه جين 2 و غير مساعدين بعد 24000كم

و الثلاثة العربيات معاهم من الزيرو , هل معنى كده ان كل اللانسر و الكوبيه و ال جين2 وحشين و كلهم مشاكل

لو حد يحب يتفرج على تمبرا بجد يقوللى و انا جاهز ( للمقارنة بس مش للبيع )

[semsem_uno]

بصراحة انا مع جاليليو معلش :)

[ZALABANY]

يا جاليليو انت بنفسك قولت

يعني يا راجل لما تبقي الأونو بتوصل لـ 30 الف لو حالتها حلوة و رغم انها في زمانها كان تمنها 30 الف و شوية زيرو

التمبرا سنة 98 مثلا كانت بتعدي الخمسين و داخلة في الستين الف و النهاردة في اقصي حالاتها بتوصل 36 الف

هل دة مش دليل انها عربية مش ناجحة؟ العربية فعلا فيها مشاكل كتيرعلي كل المستويات من اول العفشة و الميكانيكا لحد الكهربا

يعني العربية دية بنت عم الديدرا بس اذاي الديدرا ماسكة نفسة و دية فيصت كدة معرفش

لا أنا أختلف معاك تماما
التمبرا من أجمل وأقوى ما أنتجت فيات وكل المشاكل اللي بتتكلم عليها مشاكل ممكن تظهر في اي عربيه بس المشكله في فهلوة الصنايعية في مصر اللي بيخترعوا حاجات مش في العربيه عشان يحلوا مشكلة لكن لو حلو المشكله بالقطع الأصليه ورجعوها زي ما كانت الدنيا بتمشي زي الفل
انا مش شايف اي حد من ملاك التمبرا اشتكي من مشاكل معروفه في العفشه غير ان علبة الدركسيون تمنها عالي في الباور واغلب العربيات الباور علبتها غاليه ودي موجوده استيراد بكثره ب 350 جنيه والمشكله المشهورة عن الفيات السخونه ودي برده بتبقى راجعه لخلل في دورة التبريد او الرادياتير ولو اتعملت ما بيبقاش في مشكله ياريت اللي بيقول ان فيه مشاكل يكون تحت ايده حالات يحكيلنا عنها طالما دي مشكله في التمبرا يبقى كده هايساعدنا احنا ملاك التمبرا اننا نكشف عليها ونصلحها بدري لكن للاسف احنا بنمشي ورا الكلام واحد حصله مشكله في عربيه يبقى العربيه وحشه لا طبعا يعني 2 راكبين لانوس الموبينه اتحرقت بقت اللانوس عربية وحشه وبتحرق الموبينه في الغالب العيب مش في العربيه اذا اجمعت الأراء على جودة العربية العيب غالبا ما يكون عيب استخدام او عيب قطعة غيار او انتهاء عمر قطعة غيار
وبالنسبه لموضوع السعر اللي حضرتك بتتكلم عليه دي مسألة عرض وطلب مش أكتر وعايز اقولك ان التمبرا الإيطالي 94 سنه 94 كان تمنها 85 ألف جنيه والنهارده بتتباع ب 35 الحالات الكويسه منها اللانوس 99 سنه 99 كانت ب 38 او 39 ودلوقتي بتتباع بنفس السعر يبقى ده مقياس ان اللانوس احسن من التمبرا لا ده سوق وعرض وطلب مش اكتر وده من الحاجات الغريبه في السوق المصري
التمبرا عربيه محترمه جدا

[mr_sameh]

وبالنسبه لموضوع السعر اللي حضرتك بتتكلم عليه دي مسألة عرض وطلب مش أكتر وعايز اقولك ان التمبرا الإيطالي 94 سنه 94 كان تمنها 85 ألف جنيه والنهارده بتتباع ب 35 الحالات الكويسه منها اللانوس 99 سنه 99 كانت ب 38 او 39 ودلوقتي بتتباع بنفس السعر يبقى ده مقياس ان اللانوس احسن من التمبرا لا ده سوق وعرض وطلب مش اكتر وده من الحاجات الغريبه في السوق المصري
التمبرا عربيه محترمه جدا

انا مختلف معاك بالنسبة لمقارنة الاسعار لان العربية
لما تكون كويسة وبتثبت نفسها بتمسك سعر كويس
لان بيكون عليها طلب اما العربيات اللي فشلت
ميبقاش ليها سعر زي التمبرا والسيتروين والصيني كلة
كل دي عربيات وهيا جديدة بيكون سعرها غالي ولما تفشل
في السوق سعرها بينزل ومسئلتش حضرتك لية العربيات
دي سعر اعادة البيع بيكون ضعيف دة لان بيكون فيها
مشاكل ومن المعروف ان التمبرا بتسخن
دي حتي لو كانت زيرو وكمان الخامات بتاعتها تعبانة
دة مش رائي ده راي السوق والاثبات السعر هاتلي
عربية سعرها ضعيف الا لما يكون فيها عيوب او مش
ملائمة للبيئة بتاعتنا

[Bonanza]

ومن المعروف ان التمبرا بتسخن
دي حتي لو كانت زيرو

عمرها ما سخنت معايا ... كام يعني درجة الحرارة اللي بتتكلم عليها حضرتك ؟؟

زي ما قالو الاعضاء العربية لما بيبقي صاحبها واخد بالة منها بتبقي زي الفل معاه .. زيها زي اي عربية تانية لو مرسيدس و ماهتمتش بيها هاتبقي عربية وحشة.. بس بردو مانعممش و نقول كل العربيات المرسيدس وحشة

ممكن حضرتك قابلت ناس مش مهتمة بالعربية و ماتصرفش عليها غير لما حاجة تبوظ و تجيب اخرها ... زي ما كل المصريين اللي بيجيبوا عربية مستعملة يقولولك ماتغيرش حاجة فيها غير لما تبوظ لكن طالما شغالة يبقي سيبها ..

انزل السوق و شوف في كام عربية تمبرا هاتلاقيهم يتعدوا علي الصوابع عشان اللي معاه العربية دي مش بيفرط فيها

اقولك ليه سعرها ضعيف .. عشان هي مش منتشرة كتير و الناس خايفة ماتلاقيش قطع غيارها مع انها موجوده عند بتوع فيات كلهم

انصح حضرتك انك تركب تمبرا صاحبها مهتم بيها شوية و انت هاتغير رأيك

العربية فيها المميزات دي :-
1- قطع غيارها في متناول اليد و مش غالية و في منها جديد و استيراد
2- واسعة جدا من جوا
3- شنطة واسعة جدا
4- جميع الكماليات فيها ( في منها فئات فيها Air bags + ABS + مرايات كهرباء + فتحة سقف )
5- اي ميكانيكي محترم يفهم فيها
6- امان ليك و لعائلتك و ثبات علي السرعات العالية
7- عربية ناعمة جدا

لما تاخد المميزات دي و بسعر قليل يبقي كويس ليك و لا وحش ؟؟