عاوز اشترى تمبرا ساعدونى لو سمحتم

[ZALABANY]

سنه 2007 زوج خالتي اشترى تمبرا موديل 93 (استيراد معاقين ) وكانت باور وانجيكشن فقط
ولما كان لسه جايبها وكانت من غير نمر .والله العظيم اني قعدت واقف متنح قدامها وفاكرها زيرو ..وقعدت اقلب في دماغي اذا كان فيه تمبرا بتنزل سنة 2007 زيرو !!!

وجربت العربيه ..وانبهرت بيها جدا ..عربيه ناعمه جدا عفشه ممتازه صوت ماتورها يكاد لا يسمع (متعرفش اذا كانت شغاله ولا مطفيه ) وزجاج حراري
كاني راكب كرورلا زيرو ..
المهم ان العربيه حاليا بعد خدمة سنتين في مصرنا الحبيبه بقى حالها زي حال معظم التمبرا في مصر ..الصاج مخبط (من غير خبطات ولا حوادث ) التابلوه اجرب وبقى ملخلخ ومفكك ..صوت الماتور بقى عالي ..مع ان صاحبها من يوم ماشتراها وهو بيركنها في جراج وبيحافظ عليها على قد مايقدر وبيحبها جدا جدا
انا راي في التمبرا .. ان العربيه ممتازه ..لكنها عربيه اوروبيه 100 % وفرفوره..ومش بتاعت بهدله ومن اقل حاجه تبان عليها ..ومش مناسبه قوي لاجواء مصر من مطبات وحفر

ده راي الشخصي ..وعالفكره انا بدور على تمبرا نظيفه لاخويا ومش لاقي ..واللي موجود اسعاره فوق قوي

أنا معاك ان في عربيات كتير متبهدله بس مش ممكن تكون العربيه صاحبها بيحافظ عليها وصاجها مخبط لأن التمبرا صاجها ناشف مش من النوع اللي لو ريحت عليه ينبعج يبقى دي خبطات من عربيات تانيه
موضوع التابلوه مخلخ ومفكك لأن تابلوه التمبرا اكتر من جزء والفبر بتاعه مش جامد أوي فوارد ان يتكسر جزء منه بس لو صاحب العربية محافظ عليها هايصين الجزء المكسور او يغيره وما اظنش انه كده بيحافظ على عربيته
الحاجه الأخيره صوت الموتور العالي اي عربيه في الدنيا لما بتيجي بيبقى صوت موتورها هادي وبعد سنين شغل دون الصيانات اللازمة وتغيير الزيت في مواعيده لازم صوت الموتور يعلي وانا شايف ان دي كلها عيوب استخدام ومش ممكن ده يحصل في عربيه صاحبها بيحافظ عليها
عفشة التمبرا من اقوى عفشات العربيات والعربية حموله جدا وعن تجربه ارجو تقبل نقدي

[galilio_mad]

يا ريت اسمع اراء الناس ( معلش العربية متربة لان الحاج كان لسه راجع من السفر و ده الوقت الوحيد اللى باكون فاضى فيه بالنهار )

[ZALABANY]

ما شاء الله يا جاليليو ربنا يباركله فيها

[ZALABANY]

بقولك يا جاليليو المفتاح اللي والدك عامله للعربية ده مفتاح سيينا صح اصلي عملت واحد زيه اشيك من مفتاحها 100 مره

[semsem_uno]

متجيب لفة يا مستر جاليليو ههههههههههه
ما شاء الله تحفة والله ربنا يحفظهالكم و متنسوش تخلو اسم الموضوع مناقشة بين التمبراوية و اعداءها

[hany121]

ما شاء الله ربنا يباركله فيها ويحفظهاله..

عندك فكره فرش الابواب وبطانة الكبوت بكام .. الحقيقه فرش الابواب عندي سليم والحمد لله لكن الداير اللي حوالين المسوجر هو اللي مكسر شويه

انت عارف ان عربيتي 1400 ومفهاش باور وتكييف. عندك فكره الموتور ال1600 بالباور والتكييف يعمل كام وهيحتاج تغيير حاجه في العفشه ولا لأ؟؟

[moudy88]

أنا معاك ان في عربيات كتير متبهدله بس مش ممكن تكون العربيه صاحبها بيحافظ عليها وصاجها مخبط لأن التمبرا صاجها ناشف مش من النوع اللي لو ريحت عليه ينبعج يبقى دي خبطات من عربيات تانيه
موضوع التابلوه مخلخ ومفكك لأن تابلوه التمبرا اكتر من جزء والفبر بتاعه مش جامد أوي فوارد ان يتكسر جزء منه بس لو صاحب العربية محافظ عليها هايصين الجزء المكسور او يغيره وما اظنش انه كده بيحافظ على عربيته
الحاجه الأخيره صوت الموتور العالي اي عربيه في الدنيا لما بتيجي بيبقى صوت موتورها هادي وبعد سنين شغل دون الصيانات اللازمة وتغيير الزيت في مواعيده لازم صوت الموتور يعلي وانا شايف ان دي كلها عيوب استخدام ومش ممكن ده يحصل في عربيه صاحبها بيحافظ عليها
عفشة التمبرا من اقوى عفشات العربيات والعربية حموله جدا وعن تجربه ارجو تقبل نقدي

ياسيدي احنا بنتناقش وانا متقبل نقدك .. بس صاحب العربيه ده موسوس وبيعامل عربيته ولا اكنها مرسيدس في مواضيع الصيانه وصوت الماتور مش عالي قوي بس مبقاش زي الاول وده ممكن يكون بسبب ان العربيه استخدمت 14 سنه في ايطاليا واكيد فرق البنزين والزيت زالصيانه..ومش عايز احكيلك على عربية صاحبي تمبرا مصري 98 عامله ازاي بس الحق هو مطلع عنيها جري وبهدله وهبد ورزع ..واللي انا اقصده انها مش بتاعت بهدله فقط لاغير ..

وشكرا لحضرتك

[galilio_mad]

لأ مش مفتاح سيينا , ده مفتاح خام عملناه انا و هو فى بورسعيد , مفتاح ايطالى الواحد ب 10ج

هانى باشا , ممكن تجيب موتور حكاية + مكونات التكييف كاملة فى حدود 3000-3500
الموتور بكل مشتملاته و تغذيته , و التكييف كامل جوه و بره و تستلم العربية كل حاجة شغالة و بتاخد يومين بالكتير

[Bonanza]

بسم الله ماشاء الله ... ربنا يباركلكوا فيها و يحفظهالكو

جاليليو ليا سؤال يا ريس صحيح

انا عربيتي SX و عربية والدك Ie هو ايه الفرق

الستارة اللي ورا دي حلوة ماشاء الله ، بتتباع استيراد دي ؟؟

[ZALABANY]

لأ مش مفتاح سيينا , ده مفتاح خام عملناه انا و هو فى بورسعيد , مفتاح ايطالى الواحد ب 10ج

ما أقصدش يا جاليليو أنا أصدي انه خامة المفتاح بتاع السيينا بالظبط لأني علما رحت عملته الراجل قالي الخامه دي بنعملها للسيينا

[galilio_mad]

ال S,SX,SLX دى مستويات الكماليات

I.E دى Injection Electronic

[hany121]

لأ مش مفتاح سيينا , ده مفتاح خام عملناه انا و هو فى بورسعيد , مفتاح ايطالى الواحد ب 10ج

هانى باشا , ممكن تجيب موتور حكاية + مكونات التكييف كاملة فى حدود 3000-3500
الموتور بكل مشتملاته و تغذيته , و التكييف كامل جوه و بره و تستلم العربية كل حاجة شغالة و بتاخد يومين بالكتير

والله يا باشا انا مش عارف كنا هنعمل ايه من غيرك.. فعلا راجل محترم ومبتبخلش علي حد سواء بالمعلومه او المجهود..

موضوع الموتور ده بيبقي في بورسعيد؟ وفي الحاله ده بسيبلوهم العربيه وبرجع اخدها بعد ماتخلص؟
السعر ده شامل المصنعيات؟ ويا تري الموتور القديم بتاعي بيتباع ولا لأ؟؟؟

معلش انا عارف ان اسئلتي كتيره وغلسه