اتحاد مالكي الفيات اونو

[NFS7]

سلام عليكم
بالنسبة يا جماعة لمقاس الكاوتش والجنت
عشان ان شاء الله هغيرهم ب نكسون dno للجنت
كنت محتاج المقاسات هى اونو 1000 سىسى
45 موديل 94
وايه رايكم فى الانواع ديت ايلى انا زكرتها
وايه رايكم لو 14 وجزاكم الله كل خير

اكبر مقاس يركب عندك 175/60 r13
افضل مقاس يركب 165/65 r13
14 هيحك وهيعلي العربية والنتيجة ثبات اقل
انواع دي بتاعتك انت وميزانياتك بس افضل تبعد عن الانواع الصيني التيواني الكوري

[thunder155]

لو سمحتم كنت عايز أعرف اللمض بتاعت الاونو 93 h1 ولا h4 ولا h7 ؟؟؟؟؟؟؟؟؟؟

و تنصحونى بنوع ايه اركبه عندى علماً بأن العربيه فيها كتاوت ELO تركى

[kingsun]

تسلم يا غالى على النصيحة الجميلة ديت
وان شاء الله هعمل بيها وربنا يوفق الجميع
ومعلش سؤال اخير المعروض عليه نكسون و جوديير ايهما افضل
ولك منى جزيل الشكر

[checo4lamor]

ابو حميد عامل ايه و اخبارك انا معايا 127 فيورة و بفكر ابيع و اجيب اونو السبب انى الدركسيون بتاع ال 127 تعبلى دراعى اولا هل الاونو دركسيونها خفيف مع الجنوط الكبيرة لان انا ال 127 فيها جنت 14 و بفكر لو جبت اونو اركب 15 او 16 عشان فى 128 مركبين فا مش معقولة الاونو مركبش جنوط زى دى عيب اوى فى حقها تانى حاجة حورات المكنة ايه يعنى المكنة ال 1400 د غير المكنة التربو ولا هى هى بس بيركب عليها التربو و شكرا ليك يا باشا اه حاجة كمان هو ممكن يركب للعربية بور ولا ايه

[NFS7]

ابو حميد عامل ايه و اخبارك انا معايا 127 فيورة و بفكر ابيع و اجيب اونو السبب انى الدركسيون بتاع ال 127 تعبلى دراعى اولا هل الاونو دركسيونها خفيف مع الجنوط الكبيرة لان انا ال 127 فيها جنت 14 و بفكر لو جبت اونو اركب 15 او 16 عشان فى 128 مركبين فا مش معقولة الاونو مركبش جنوط زى دى عيب اوى فى حقها تانى حاجة حورات المكنة ايه يعنى المكنة ال 1400 د غير المكنة التربو ولا هى هى بس بيركب عليها التربو و شكرا ليك يا باشا اه حاجة كمان هو ممكن يركب للعربية بور ولا ايه

بص ياباشا الاونو معروف انو خفيف في الدركسيون ربع تقل ال 127 يمكن اقل بس مع الجنوط اكيد هيتقل
الاونو معتقدش تشيل جنوط اكتر من 14 والا هيبقى حمل على البودي
الاونو ال 1400 دي موتور بينزل فيها برة مصر وفي منو 1400 تيربو بس نادر تلاقيه هنا
وفي ناس بتركب علهاي ال 1600 بتاع التمبرا بس انت كدة هتحتاج شدادت عشان تمسكها في بعضها ده غير لازم عفشة سبور عشان الثبات
وممكن تدخل على جروب اونو في الفيس بوك دول ماوراهمش غير التسقيط والتعديلات ومشاورات في المشاكل والاعطال وكل الي انت عايزو هتلاقي 30 واحد يفيدك هناك

https://www.facebook.com/groups/Egyptian.UNO/

دول مجموعة مصريين على فكرة وفيهم الي مسقط مواتير بونتو ومواتير تيربو ومنهم الي راكبها على ابوها من غير تعديلات ومنهم الي بيركب تعديلات شكلية شياكة

[checo4lamor]

الف شكر يا معلم هشوف الجروب و هبلغك باى جديد و الف شكر ليك

[le voleur]

صباح الفل على الاونويه كان فى سؤال و عايز اعرف تفاصيل و الاستاذ nfs7 عربيتى اونو 1100 موديل 91 كنت عايز اعرف لو ينفع اركبلها تكييف بتعها او بتاع البونتو او سندان اليابانى الى بيقولوا عليه ده بس كنت عايز اعرف هل فى اضرار و لو فى ايه هى و شكرا ليك مقدما

[karim khalifa]

السلام عليكم و رحمة الله و بركاته
أنا أخوكم كريم محمد من القاهرة
وعندي أونو موديل 2000
1000 سي سي بولندي
ومعدل فيها حاجات كتيير
وحبيت أنضم ليكوا و للمنتدى الجميل ده
وشكرا للجميع...!

[wahba87]

ايه افضل مقاس كاوتش 14 للاونو , و غلط على العفشة و لا لأ ؟

اصلى بفكر أجنط 14 , ايه رأيكوا فى :

185 / 50 / 14
175 / 55 / 14

هل المقاسات دى موجودة فى مصر أصلا , علشان انا جايبها من على النت

مقاس الاونو الاصلى 145 / 80 / 13

هل 185 او 175 عريض اوى و ممكن يحك فى الرفرف ؟

[le voleur]

افضل مقاس لكاوتش الاونو هو جنط 13 على كاوتش 165/70 اكتر من كده حتبوظ العفشه انا حاطط جونوت 13 بس عريض شويه لما بجيب الكسره على الاخر الجنوط بتحك و كلنا عارفين ان كسره الاونو صغيره اساسا فا مش نقصه تقلل فى كسرتها كمان لانى بالجنوط دى بسيب لا يقل عن 3 درجات فى الكسره

[NFS7]

صباح الفل على الاونويه كان فى سؤال و عايز اعرف تفاصيل و الاستاذ nfs7 عربيتى اونو 1100 موديل 91 كنت عايز اعرف لو ينفع اركبلها تكييف بتعها او بتاع البونتو او سندان اليابانى الى بيقولوا عليه ده بس كنت عايز اعرف هل فى اضرار و لو فى ايه هى و شكرا ليك مقدما

يركب عادي الساندن الياباني بس
انت محتاج الكومبروسور والسربنتينة ومروحتها وكويل داخلي وفلتر فريون بالخراطيم بتاعة الفريون
محتاج تغير ريدياتير اكبر ومروحة اقوى
محتاج تفصل قاعدة تشيل الدينامو مه الكومبروسور
محتاج دينامو اعلى من الاصلي عشان يتحمل سحب الكهربا العالي مع التعديلات دي الاصلي 45 امبير ركب 75 امبير وانت طالع واخرك 90 عشان مياثرش على الضفيرة

السلام عليكم و رحمة الله و بركاته
أنا أخوكم كريم محمد من القاهرة
وعندي أونو موديل 2000
1000 سي سي بولندي
ومعدل فيها حاجات كتيير
وحبيت أنضم ليكوا و للمنتدى الجميل ده
وشكرا للجميع...!

تنور ياباشا

https://www.facebook.com/groups/Egyptian.UNO/

ده نفس الجروب على الفيس

ايه افضل مقاس كاوتش 14 للاونو , و غلط على العفشة و لا لأ ؟

اصلى بفكر أجنط 14 , ايه رأيكوا فى :

185 / 50 / 14
175 / 55 / 14

هل المقاسات دى موجودة فى مصر أصلا , علشان انا جايبها من على النت

مقاس الاونو الاصلى 145 / 80 / 13

هل 185 او 175 عريض اوى و ممكن يحك فى الرفرف ؟

مبدايا مقاس الاونو الاصلي 13/70/155
اي جنط 14 هيحك الكاوتش في الرفارف
افضل مقاس جربناه
14/60/185 ومعاه لازم تركب صدادات ورا وتتني شفف الرافارف الخلفية

افضل مقاس لكاوتش الاونو هو جنط 13 على كاوتش 165/70 اكتر من كده حتبوظ العفشه انا حاطط جونوت 13 بس عريض شويه لما بجيب الكسره على الاخر الجنوط بتحك و كلنا عارفين ان كسره الاونو صغيره اساسا فا مش نقصه تقلل فى كسرتها كمان لانى بالجنوط دى بسيب لا يقل عن 3 درجات فى الكسره

حكة الجنوط عندك دي مش طبيعية روح اكشف زوايا
انا اعرف ناس مركبين 15 ومبيحكش غير في الرفارف

[karim khalifa]

قائمة بجميع التعديلات اللي ممكن تعملها فالأونو

السلام عليكم و رحمة الله
مساء الخير على أحلى منتدى
دي شويت حاجات استخلصتهالكوم من مجموعة تجارب عملتها في عربيتي و ممكن تعملوها في عربياتكم وأرجو أن تنال إعجابكم....

أولا: و أهم حاجة الجنوط و الكاوتش
لازم تركب جنوط 14 تكون جديدة و شكلها حلو و طقم كاوتش عريض مقاس 195/50/14 وصدقني أهم حاجة و أول حاجة لازم تتعدل في العربية هي الجنوط و الكاوتش عشان بيدو العربية شكل ومنظر رياضي وطبعا ثبات و أمان مع المشي

ثانيا: الديفل
أنا عن نفسي من هواة صوت العربية الرياضية فلو كنت زيي أنصحك تركب ديفل يكون شكلو حلو وصوتو حلو ومعقول لا عالي أوي ولا واطي و أنصحك كمان لو هتركبو يكون ديفل بروحين يعني ليه فتحتين...شكلو فالأونو ملوش حل.. أنا عندي زيو و هبقى أبعتلكو صورة ليه

ثالثا: فلتر هواء رياضي
ودا فوائده هي : بيخلي سحب العربية أقوى و أسرع - بيدي صوت زأير للمحرك زي العربيات الرياضية السريعة الفخمة - بيريح موتور العربية عشان بيدخل كمية هواء كبيرة و نظيفة بدل العمة اللي بتبقى كاتمة الموتور.

رابعا:فاميه على كامل العربية أو زي ما تحب ممكن النص الورراني بس عشان اللجان انا عن نفسي مفيمها كلها و عامل عالزجاج القدماني حتة فوق كده اسمها شماسة...و انصحك لما تيجي تفيم ركب فاميه درجته اسمها هاف دارك half dark ده أحسن حاجة.

خامسا: كاست بايونير أو كيينوود و سماعتين بايونير أو أربعة زي ما تحب و بازوكا إكسبلوود و جي إم كيينوود أوعى تجيبو ماركة سيمفوني.

سادسا: ممكن بقى تعدل حاجات فالبودي الخارجي...مثلا:
-بوسترات عالعربية زي ما تحب (كلمات و عبارات و ماركات عالمية)
ممكن تعمل خطين على طول العربية مالأول للأخر (أنا عامل كدا) و راعي توافق لون الخطين مع لون عربيتك يعني انا مثلا عربيتي حمرا عاملهم اسود
-ممكن تركب طقم جرايت لون اسود عالأبواب و الرفارف
-ممكن تبدل لمبة النمرة اللي ورا اللي نورها اصفر بلمبة نورها أبيض دي هتبقى اشيك و سبور اكتر طبعا
-ممكن تعمل رقم عالأبواب مثلا 0 1 أو 1 1 أو ممكن رسمة جاهزة بتبقى من أول العربية لأخرها و موجودة عند بتوع الزينة
-لو المرايات عندك لونهم أسود فكهم و رشهم بنفس لون العربية...لو لاحظت كل العربيات الحديثة بتبقى مراياتها نفس لون العربية.
-لو الإكصدامات اللي ورا واللي قدام لونهم أسود رشم بردو بلون العربية بس خللي بالك ما ترشمهمش كلهم رش الحتة اللي تحت بس و انا هبقى ابعتلكو صورة ليهم عشان تعرفو قصدي ايه
-غير نور الكشافات الأصفر العادي بلمبات زينون لونهم أبيض ولو عندك فوجات أعملهم كمان زينون أبيض
-غير طارة الدركسيون الأصلية بواحدة أصغر رياضية وراعي يكون لونها نفس لون العربية
-فيم الفوانيس الخلفية

سابعا: ممكن توطي العربية شوية عالأرض عن طريق قص حلقة أو نصف حلقة من سوست المساعدين اللي ورا واللي قدام عند اي عفشجي و دا بيدي ثبات للعربية جامد جدا مع السرعة و مع الملفات على سرعة عالية يعني العربية عمرها ما تعوم منك و لا تتزحلق ابدا.

أتمنى أن تنال إعجابكم...و شكرا
أخوكم كريم.

[Job.Ehab]

مساعده:
يوجد كربون على البوجيهات ..
انا كنت مغير طقم الكهربا والفلاتر والزيوت كلها بتاعة العربيه .. وكان استهلاك البنزين عالى قوى .. وعشان كدة روحت كشفت على الكاربراتير وفعلا طلع فيه حاجات عاوزة تتغير ونظفته وفعلا كان والإستهلاك إتحسن شويه .. المصيبه بقا ان بعد ده كلو والبنزين بتاعى 92 الاقى كربون على البوجيهات روحت للميكانيكى قالى الموتور عاوز يتغيرله جوان صباب وطبعا عشان يغير جوان الصباب ده لازم يغير وش السلندر .. مع العلم ان العربيه بتهبب خفيف من الشكمان ...
أفيدونى!!!!!!!!!!!!!!!!!!!!!!!!!!!!!!

معلش نسيت حاجه:
العربيه بتهبب هباب خفيف مع الكبس الجامد.

[Job.Ehab]

معلش نسيت حاجه:
العربيه بتهبب هباب خفيف مع الكبس الجامد.

[hlohlo]

شباب انا عندى مشكلة فى الاونو بتاعتى 94 بقت بتسخن ولما بطفى مفتاح الكونتاك بتفضل شغالة بتقطيع مستمر عايز الحل ارجوكم