اتحاد مالكي الفيات اونو

[amrbakly]

السلام عليكم

اول امبارح كنت راجع من السفر على الصحراوي الغربي طريق الصعيد وفجاة الدركسيون مسك شمال وبالعفية رجعت بيه يمين ورحت راكن المهم قعدت اجيب فيه يمين وشمال بالعفية لحد ما فك شوية

قولت امشي على مهلي لحد ما اوصل القاهرة لمهم ماشي براحة وفجأة اسمع صوت تكتكة جاية من العجلة الشمال وكل شوسة التكتكة بتزيد لحد ما وصلت القاهرة وعند البيت وركنت

بعديها بشوية بدور العربية وجي طالع العربية مابتتحركش لا قدام ولا ورا واسمح صوت حشرجه

عروستي

سؤال على الماشي معدل استهلاك البنزين الكويس للونو كام كيلو فى الصفيحة (هى الصفيحة كام لتر)

وهو طقم كبالن بكام ونوعه ايه

ارجو تفسير ماحدث للعربية والاجابة على الاسئلة على وجه السرعة

اه اخوكم الغلبان

أعتقد أن الكوبلن فرك منك لأنك كنت جايب سرعة عالية واضح ان حالتة كان يرثي لها و انت نسيتة

معدل استهلاك الأونو في السفر اعتقد حوالي 400 كيلو في الصفيحة لو الكهربا كويسة و اسطوانة الدبرياج كويسة

بالنسبة للكبالن طقم الصيني عامل حوالي 110
الإيطالي 170 من عند الكيلاني
الألماني و هو أحسنهم 250 من عند الكيلاني برضة

مصاريف تركيبهم حوالي 50 جنية عند اي مكانيكي

بالنسبة لكاوتشة الكوبلن و دية مهمه لازم تشوف الكاوتشة اللي جاية مع الكوبلن الجديد اخبارها اية لو لاقيتها ضعيفة شوية حاول تجيب واحدة أقوي، في نوع إيطالي بتعمل الكاوتشة 5 جنية أو 7 جنية مش فاكر بس كانت كويسة و ماسكة نفسها لأن الكاوتشة اللي بتيجي مع الإيطالي ضعيفة شوية

[dondark]

استفسار يا شبابنا....
انا الكاوتشات عندى 13
وطبعا الثبات فى الضياع واصلا هم بايظين
فـ انا عايز اغير جنوط وكل حاجة
فـ سالت على مقاس 14 بتاع الكاوتشات قالى هياثر على العفشة وكدا
فـ لو حد مركبة يقولى اجيب مقاس كام ومدى التأثير سواء السلب او الايجاب

[amrbakly]

استفسار يا شبابنا....
انا الكاوتشات عندى 13
وطبعا الثبات فى الضياع واصلا هم بايظين
فـ انا عايز اغير جنوط وكل حاجة
فـ سالت على مقاس 14 بتاع الكاوتشات قالى هياثر على العفشة وكدا
فـ لو حد مركبة يقولى اجيب مقاس كام ومدى التأثير سواء السلب او الايجاب

بص انا مركب 13 عريض شوية
حشوفلك بكرة المقاس بتاعي كام بالظبط و أقولك بس أعتقد انة 165/70

[shshtawy]

اولا السلام عليكم ورحمة الله وبركاته على كل اعضاء فيات والاخص الاونو
انا كنت عاوز اسلم عليكم بس مش اكتر والله وكل عام وانتم بخير

[dondark]

بص انا مركب 13 عريض شوية
حشوفلك بكرة المقاس بتاعي كام بالظبط و أقولك بس أعتقد انة 165/70

طيب لو عايز اركب14 عشان ارفع العربية شوية عن الارض اركب كام؟؟؟؟؟؟؟؟؟؟

[mohamed_ssa80]

محدش يعرف يا جماعه الاكصدمين بكام و اجيبهم منين

[amrbakly]

محدش يعرف يا جماعه الاكصدمين بكام و اجيبهم منين

الإكصدام الأمامي بـ 135 عند أولاد علام اللي في شارع ذكي اللي في وسط البلد

معتقدش ان الخلفي حيبقي اغلي من كدة لأنة اصغر اساسا

[mario23]

أعتقد أن الكوبلن فرك منك لأنك كنت جايب سرعة عالية واضح ان حالتة كان يرثي لها و انت نسيتة

معدل استهلاك الأونو في السفر اعتقد حوالي 400 كيلو في الصفيحة لو الكهربا كويسة و اسطوانة الدبرياج كويسة

بالنسبة للكبالن طقم الصيني عامل حوالي 110
الإيطالي 170 من عند الكيلاني
الألماني و هو أحسنهم 250 من عند الكيلاني برضة

مصاريف تركيبهم حوالي 50 جنية عند اي مكانيكي

بالنسبة لكاوتشة الكوبلن و دية مهمه لازم تشوف الكاوتشة اللي جاية مع الكوبلن الجديد اخبارها اية لو لاقيتها ضعيفة شوية حاول تجيب واحدة أقوي، في نوع إيطالي بتعمل الكاوتشة 5 جنية أو 7 جنية مش فاكر بس كانت كويسة و ماسكة نفسها لأن الكاوتشة اللي بتيجي مع الإيطالي ضعيفة شوية

تمام
الميكانيكي قطر العربية للورشة وفعلا لقى الكوبلن لفظ انفاسه الاخيرة واتغير والحمد لله

بس فيه حاجه حاسسها فى العربية بعد ما غيرته حاسس ان الدريكسيون وانا سايق عايز يرجع شمال على خفيف هل د علشان الكوبلن لسه جديد

طيب سؤال كمان يمكن يكون من بره المنهج
فيه واحد اشترى اونو بعقد بيع نهائي فى الشهر العقاري هل فعلا انه لازم يرخص باسمه خلال شهر من تاريخ العقد ولا ممكن يستنى لغايو ما الرخصة تخلص

سؤال كمان لكل محبي الاونو فى الاتحاد الجميل ده

انتو ليه مش عرضين صور العربيات بتاعتكو نتفرج عليها د احنا ممكن نقف جنب بعض فى اشارة واحدة وما نسلنش على بعض

[ssd]

مساء الخير
شوف يا باشا على حسب خبرتي المحدودة
اذا كام المشتري في عقد البيع النهائي موقع على العقد في الشهر العقاري اصبح فعلا ادامه شهر واحد بس علشان ينقل ملكية السيارة بأسمه ، اما اذا اختار ان التوقيع بتاعه و هنا اقصد المشتري انه يختار في الشهر العقاري ان توقيعه يكون امام المرور اصبح مفيش مشكلة في التاريخ بس كمان حبيت اوضحلك انه في الحاله الاولي و اذا كان عدا الشهر. العقد كمان بيكون ساري
بس حايدفع حوالي 35 % من ضريبة العربية زيادة و ذلك كغرامة يعني لأن انا حصلي نفس الموقف دا بس كمان اسئل بعدي
و ياريت يا باشا نعمل فعلا البوم لصور الانو بتاعت الاعضاء المحترمين

[amrbakly]

تمام
الميكانيكي قطر العربية للورشة وفعلا لقى الكوبلن لفظ انفاسه الاخيرة واتغير والحمد لله

بس فيه حاجه حاسسها فى العربية بعد ما غيرته حاسس ان الدريكسيون وانا سايق عايز يرجع شمال على خفيف هل د علشان الكوبلن لسه جديد

طيب سؤال كمان يمكن يكون من بره المنهج
فيه واحد اشترى اونو بعقد بيع نهائي فى الشهر العقاري هل فعلا انه لازم يرخص باسمه خلال شهر من تاريخ العقد ولا ممكن يستنى لغايو ما الرخصة تخلص

سؤال كمان لكل محبي الاونو فى الاتحاد الجميل ده

انتو ليه مش عرضين صور العربيات بتاعتكو نتفرج عليها د احنا ممكن نقف جنب بعض فى اشارة واحدة وما نسلنش على بعض

أنت عملت ظبط زوايا ولا لسة؟ خد بالك أن لازم بعد تغيير الكبالن تعمل ظبط زوايا بعدها علي طول

كمان بالنسبة لموضوع العقد، لا استني لحد ما الرخصة تخلص، و بعدين تروح ترخص عادي، بس يستحسن تروح قبل الرخصة ما تخلص بيومين تلاتة علشان متحتاجش ترجع مرور العربية تجيب منها شهادة بيانات، كمان خلي معاك صورة دايما من العقد في العربية علشان لو ظابط غلس قالك اثبتلي انها عربيتك

بس يا سيدي

[dondark]

يا شباب
مكتوب على الكاوتش
135
80r13
70t
وبين كل واحدة والتانية \
انا عايز اجيب بقة جتط 14 مش 14
يبقة اجيب كام
ويعمل كام هو بالكاوتش سواء جديد او مستعمل؟؟

[sherif_fawzy]

تجربة شخصية

بعد التحيه لجميع مالكى الاونو

احب ان اشرككم معى فى شىء حدث لى الفتره الماضية و المشكله حصلت على مراحل فى خلال شهرين

المرحله الاؤلى : عباره عن سماع صوت صفير بعد الضغط على مكابح الفرامل شرط ان تكون السياره سارت لمسافه اكثر من 10 كيلو بالبلدى يعنى تكون سخنت

قولت طنش التيل علية تراب

المرحله الثانية : عباره عن سماع صوت صافره مستمر مع السيارة طبعا بعد السير مسافه و يتبعها صوت خشونه و كركبه مع الضغط على الفرامل

قولت طنش التيل علية تراب

المرحله الثالثة : سماع صوت صافره مستمره + صوت الخشونه عند الضغط + ضعف الفارمل يعنى بالبلدى العربيه على سرعات اكثر من 60 ك بتهدى بس مش بتفرمل نهائيا

انا كنت بطنش بسبب ضغط الشغل اللى يادوب بيخلى الواحد ينام ساعتين بالليل بالعافيه

لكن كده المسألة مش ينفع يتسكت عليها

رحت الى احد الميكانيكية بمنطقه الهرم بجوار سكنى و قلت له بالحرف التكلفة غير مهمة بالنسبة لى اهم حاجه ان المشكلة تنحل نهائيا

قال لى دى مشكله بسيطه يا باشا التيل علية شوية وساخه ها نصنفره و تبقى زى الفل
و بالفعل قام بحل التيل الامامى و الخلفى و الطنابير و قام بعمليه الصنفره و طلعنا نجرب الصراحه حاجه تمام و استلمت العربيه و كانت اجازه العيد و العربيه تقريبا مش مشيت لانى مش خرجت بيها و بعد عودتى للشغل بحوالى 48 ساعه رجعت ريما لعادتها القديمه و رجعت المشكله بكل ما فيها من معاناة

اتصلت بصديق لى دلنى على احد الميكانيكيه المشهورين بالفيات فى منطقه المنيل و اخدت رقمه و اتصلت بيه كان يوم الخميس و اعطانى ميعاد على يوم الجمعه الساعه 10.30 صباحا و بسبب الاجهاد فى العمل ذهبت له متأخر حوالى ساعه و الراجل بكل ذوق اعتذر عن العمل لانى اتأخرت لكن قال لى انا ممكن اكشف لك عليها و تيجى بكره للتصليح و بالفعل بعد الكشف المبدأئى قال لى تغيير تيل امامى و خلفى مع خرط طنابير امامى و خلفى و احتمال يكون فيه حاجات تانيه

انا طبعا اتخضيت من التشخيص الفظيع ده لان الراجل كان دكتور مش ميكانيكى و واضح انه كان عاوز يكبر الشغلانة و حجم الفاتورة

المهم تركته و ذهبت للميكانيكى القديم بتاعى اللى صنفر لى التيل و قولت لة ان المشكلة رجعت تانى و انى مستاء جدا لانى مش بحب شغل الضمادات انا احب طريقه بتر المشكله من الاساس

قام بفك التيل الخلفى و الطنابير و قال لى سنقوم بملىء التيل و نخرط طنابير خلفى قولت مش نشترى جديد احسن قال لى لا مش محتاج قولت له انت الخبير و انت اللى تقدر تحكم

و بالفعل قام بملىء التيل و خرط الطنابير الخلفية و عند سؤاله عن التيل الامامى و هل سوف يتم تغييرة قال لى ان التيل المتوافر بالسوق كله سىء جدا حتى السيارات الجديدة التيل فيها بيصفر

و بعد التركيب قال لى ان الفرامل سوف تكون منخفضة لفترة لانة مش عاوز يعمل عملية رجلشة للفرامل قبل ما التيل الجديد يقوم بالتطبيع مع الطنابير علشان التيل مش يسخن و طلب من العودة بعد 15 يوم ليقوم بعمليه الرجلشة

و بالفعل بعد قيادتى للسيارة احسست ان الفرامل منخفضة جدا كمان فرامل اليد اصبحت تصعد لأعلى اكثر من العادة

لكن الفرامل ذات نفسها اصبحت قوية و تقوم بعملها جيدا

ملحوظة اخيرة : الصافره لا تزال تخرج من التيل الامامى حتى الان بعد السير عليها لمسافة طويلة

شكرا على الاصغاء و حسن المتابعة

برجاء مشاركة الاخوة لتعم الافادة للجميع

[dr_timo]

اكنك بتوصف اللي بيحصل عندي بالظبط بس انا لسة مش فاضي ومارحتش للميكانيكي فطمني المصاريف اية

[bayoumisoft]

بصراحة انا تابعت معظم الردود هنا

كنت بفكر اشترى انو بس بعد ما شفت كمية المشاكل
بدأت اغير راى

هى عربية الواضح انها كويسة بس محتاجة مصاريف كتير

[amrbakly]

بصراحة انا تابعت معظم الردود هنا

كنت بفكر اشترى انو بس بعد ما شفت كمية المشاكل
بدأت اغير راى

هى عربية الواضح انها كويسة بس محتاجة مصاريف كتير

مصاريف كتير !!!!

دور في المنتدي كويس حتلاقيني عامل موضوع عن اسعار قطع غيارها

كمان دعبس كدة علي أعطال العربية كويس و تواريخها، شوف كدة حتلاقي شكوي كل قد اية