اتحاد مالكي الفيات اونو

[amrbakly]

بص انا رأيي ابعد دلوقتي شوية عن ماتور الإستيراد و شوف الماتور بعد العمرة حيبقي اخبارة اية

و كمان الماتور مش عامل كتير قوي يعني

يعني لسة يقدر يديك كمان، هو تلاقي اللي كان راكبها كان بيفتري علي الماتور بس شويتين

[dondark]

بص انا رأيي ابعد دلوقتي شوية عن ماتور الإستيراد و شوف الماتور بعد العمرة حيبقي اخبارة اية

و كمان الماتور مش عامل كتير قوي يعني

يعني لسة يقدر يديك كمان، هو تلاقي اللي كان راكبها كان بيفتري علي الماتور بس شويتين

الحمد لله الراجل قالى انه الموتور دى اول مرة يتفتح فيها اصلا

[omar11089]

علي فكرة انتو مجموعة شباب زي الفل عشان بتحاولو تساعدوا بعضيكوا وياريت تقبلوني معاكو بما اني ققرت اجيب اونو 93 او 94 لان الفلوس اللي معايا حوالي 25000 مش اكتر وياريت حد يفدني في سؤالي الاول.... هو مقيش سوق في الاسكندرية للمستعمل زي القاهرة كدة علما باني من الاسكندرية وحجيب عربية كمان اسبوعين كدة ومن كتر كلامكوا عن الاونو انا حبيتها الصراحة خصوصا اني شاب ودي اول عربية حركبها .... وانا سعيد جدا اني كتبت في التوبيك دة وشكراا ليكوا كلوكوا

[dr_timo]

دوور علي اعلانات في مواقع بيع المستعمل زي مصراوي وكونتاكت كارز هتلاقي في كتير كاتبين انهم من اسكندرية او اسئل اي حد من معارفك ع تجار عربيات في اسكندرية بس الاول تبقي محدد هتدفع كام بالظبط وسائل كويس فلوسك دي تجيب موديل اية وحالة عربية اية عشان متبقاش فارقة معاك بقي بعد كدة تجيب من معرض ولا تجيب من النت انت عندك رينج سعر معين للموديل المعين لو لقيتها بالسعر دة فئي حتة وبالحالة اللي انت عايزها يبقي كدة متضحكش عليك

[omar11089]

شكرا لردك يا باشا بس هو 25000 يجيبوا اونو 93 او 94 حالتها كويسة ولا لاة ....؟؟

[dondark]

هو نصيحة يعنى
سيبك من النت وانزل يوم كدا سوق الجمعه
و25 تجيب عربية كويسة بس انت خليت فى السوق مش تتغر من الاسعار بتاعة اول اليوم او لحد الساعة 3 يعنى اليوم دا فضى نفسك لانك ممكن تقعد ل 5 او 6
انا كنت هناك الجمعه الى فاتت

[omar11089]

شكرا لردك يا جميل .... بس انا معرفش اسواق في اسكندرية لبيع المستعمل او ايامها ولا امكنها فياريت لو تعرف تفدني لاني حشتري قريب انشاء الله .... وميرسيي ليكوا كلوكوا علي محاولة مساعدتى

[amrbakly]

هو نصيحة يعنى
سيبك من النت وانزل يوم كدا سوق الجمعه
و25 تجيب عربية كويسة بس انت خليت فى السوق مش تتغر من الاسعار بتاعة اول اليوم او لحد الساعة 3 يعنى اليوم دا فضى نفسك لانك ممكن تقعد ل 5 او 6
انا كنت هناك الجمعه الى فاتت

أختلف معاك تماما، بصراحة الواقع بيقول ان السوق بقي كلة تجار و استهبال، علي عكس النت حتضمن انك تشتري من واحد و تروح تتفرج و تكشف عادي لو حاجة عجبتك

[dr_timo]

بص هوة زي مقولتلك مش هتفرق نت ولا سوق ولا اي معرض مستعمل في اسكندرية هتلاقي في مليون معرض اي حد راكن كام عربية مستعملة جمبه اسئله علي اونو ممكن يقولك وياريت لو في جراجات كبيرة اسئل فيها وقلتلك انت تبقي عارف ان رينج الاربعة وعشرين خمسة وعشرين دة يجيب اية فانا رئيي تخلي رينجك اربعة وعشري وتسيب الف ولا اتنين للطواريء والاربعة وعشرين دول يجيبولك لحد موديل خمسة وتسعين ستة ممكن يزيد الف او نص دة طبعا في ظل انخفاض الاسعار وفي ظل ان الهيونداي اكسل بقت بتسعة وعشرين وتلاتين موديل خمسة وتسعين اللي بقولك عليه فعشان ميبقاش في فرق ست الاف علي الاقل مبين الاونو والاكسيل يبقي تجيب اكسل افضل دة رئيي وشايف انه منطقي جدا وليك حرية الاختيار

[omar11089]

شكرا ليك جدا يا باشا علي ذوقك وعلي ردك

[dr_timo]

شكرا ليك جدا يا باشا علي ذوقك وعلي ردك

العفو يامعلم بس ابقي طمننا عملت اية ويبقالي لفة بيها لما انزل اسكندرية ههههه متخافش انا لسة هنزل في الصيف الجاي هتكون انت غيرت وجبت شيروكي ان شاء الله

[omar11089]

ههههههههه .... ماشي يا باشا ليك لفة بس انت انزل

[omar11089]

بس يا تيمو باشا انت مجوبتنيش هل رنج ال 24000 دة يجيب اونو 93 او 94 حلوة ولا متبهدلة وعايزة مصاريف تانية ....؟؟

[dondark]

أختلف معاك تماما، بصراحة الواقع بيقول ان السوق بقي كلة تجار و استهبال، علي عكس النت حتضمن انك تشتري من واحد و تروح تتفرج و تكشف عادي لو حاجة عجبتك

ماهو فى السوق هتنزل معاك الميكانيكى بتاعك المعرفة الثقة ابن الناس وحاول تشترى من واحد مش من التجار

[dondark]

استفسار تانى بقة
فى العمره الميكانيكى قال انه هيجيب كل حاجة ايطالى دا كدا كويس ولا اية الاخبار ؟؟؟؟؟؟؟؟؟