اتحاد مالكي الفيات اونو

[dondark]

صباح الخير
متشكرة ليكو جدا جدا علي ردودكم وهي فعلا شجعتني شوية اني ابدأ احب العربية لكن !!!!!!!!!!!
اظاهر اني مش هاحبها جيت ادورها الصبح رفضت تماما كأنها قاطعة مية ونور وطبعا معرفتش اتصرف فيها لأن جديدة في الموضوع دا رحت سيبتها ومشيت ورجعت تاني اركب تاكسي وجري علي شغلي ودولقتي انا مش عارفة العيب من ايه واروح بيها فين

صباح النور
بصى انتى بس عشان مقفوله منها
العربية والله العظيم بتحس بالواحد اازاى متعرفيش
استهدى بالله وتقبلى العربية وابدئى صلحى فيها وواحدة واحدة
هقولك مواقف حصلت ليا
1- شهر ونص عند اصحابى العربية لانى لسة مش طلعت رخصة وماشية زى الفل...اول ما طلعت رخصة يومها بالظبط نزلت مدينه نصر التريموستات بتاعة المروحة فصلت فالعربية كانت بتطلع دخان ولا عربية الجاز
وكل شوية تعمل كدا اكتر من 4 ساعات ((مية مدينه نصر كلها خلصت عليا)) المهم اخر اليوم لقيت ميكانيكى وكهربائى وعملتها ....ودا كان اليوم الى قبل الوقفة اصلا

2- اول يوم العيد ((بعد موضوع المروحة بيوم بس)) نازل اول اخويا لـ خطيبته العربية دارت وزى الفل 5 دقايق ووقفت ويهديكى يرضيكى نو واااااااااى ......ونزق ونعمل نو وااااااااى ....وفضلت مركونه 3 ايام لحد ما ميكانيكى جالى وضاع عليا العيد وكان عيب تافهه فى البوجيهات واتغيرت فى 5 دقايق وتمت بحمد الله

وغير دا كتير بس مش هحكى باقى الفضائح

ابدئى اهتمى بالعربية وصلحى الضرورى الموتور والحاجات دى وابدئى لقتى فى باقى الحاجات
ومش تعتمدى عليها اول مرة عشان مش كل ما تقف تزعلى من حيث النفسية ههههه

وكمان خلى معاكى ديما حد ((يعنى ونس)) وانتى بتسوقى عشان لو حصلت حاجة لحد ما تتعودى على العربية ولو مشكلة حصلت ازاى تتصلح


والعربية بجد حلوة جدا

[sa_hu13]

متشكرة اوي لردك عليا بالسرعة دي لكن المشكلة ان انا لوحدي فعلا ولازم اعتمد علي نفسي ومينفعشي اجيب حد يركب معايا لأن كل واحد عندة شغله وحياتة احتمال العيب مش في العربية لكن العيب في المستعمل عموما وخصوصا للي اول مرة يسوق زي علي العموم مفيش فايدة كل شيء قسمة ونصيب وعلي فكرة انا ظبت حاجات كتير فيها مش ناقص بس غير طقم الشمبر

[dondark]

متشكرة اوي لردك عليا بالسرعة دي لكن المشكلة ان انا لوحدي فعلا ولازم اعتمد علي نفسي ومينفعشي اجيب حد يركب معايا لأن كل واحد عندة شغله وحياتة احتمال العيب مش في العربية لكن العيب في المستعمل عموما وخصوصا للي اول مرة يسوق زي علي العموم مفيش فايدة كل شيء قسمة ونصيب وعلي فكرة انا ظبت حاجات كتير فيها مش ناقص بس غير طقم الشمبر

طيب على بركة الله
طيب اية رائيك اول فترة لما تسوقى يكون وقت المغرب او العصر يكون فى ميكانيكية وفى حاجات متاحة يعنى لو حصل عطل او حاجة ومع الوقت هتلاقى نفسك بتظبطى كل حاجة وعارفة كل عطل اية سببة

ومبروك تانى وربنا يباركلك فيها

[semsem_uno]

هااااااااااااا متغيروليش الموضووووع هتيجو الأوتوكروس ولا لألألألأ!!!!
يا عمرو و احمد وو و و هنده عليكو واحد واحد ولا ايييه
هنتقابل ولا مش هنتقابل ؟؟؟ اه او لأ

[ahmed_hamda]

انتوا اكيد هتروحوا ولة اية

[dondark]

هااااااااااااا متغيروليش الموضووووع هتيجو الأوتوكروس ولا لألألألأ!!!!
يا عمرو و احمد وو و و هنده عليكو واحد واحد ولا ايييه
هنتقابل ولا مش هنتقابل ؟؟؟ اه او لأ

بص حتى لو محدش هيروح انا وانت نروح برضة
مش هينفع يبقة مش عارفين نرتب مقابلة بقالنا كام شهر
حتى لو هنتقابل ومش هنتكلم فى العربيات
............
احنا على البــوك مع بعض ونظبط التظابيط

[semsem_uno]

خلاص انا موافق و انا عندي مميزة اصلا
فوجات شاهين و خطوط اونو تربو عالأكصدامات و جنوط الفابريكة لونها اسود و لونها احمر و هتلاقي كلب عالأزاز من ورا و كان في اخوه عالكبوت هههههههههههه :))) بس صحيح هو ايه نظام المرور هناك بقه في الأستاد؟؟

[dondark]

خلاص انا موافق و انا عندي مميزة اصلا
فوجات شاهين و خطوط اونو تربو عالأكصدامات و جنوط الفابريكة لونها اسود و لونها احمر و هتلاقي كلب عالأزاز من ورا و كان في اخوه عالكبوت هههههههههههه :))) بس صحيح هو ايه نظام المرور هناك بقه في الأستاد؟؟

بالنسبة للمرور ولا اعرف
العربية عندى هتلاقيها متغرقة اعلام زمالك وهى سودا اصلا
وجنوط جديده ولازم الكل يركز على الحتة دى جديدة ومدفوع فيها كتير
هههههههههههههههههههههههه

اه صحيح تعالى هنا قولى
عملت فين فوجات الشاهين وبكام وبرضة مرايات الشاهين عشان مرايات الفابريكة صغيره وانا مش بشتغل بالمراية الى فى النص عسان بحط علم يغطى الازاز الى وراه كلة

[ahmed_hamda]

امبارح وانا رايح الشغل الصبح العربية مش عايزة تدور واعد اجرب وجبت توصيلة من بطارية تانية بردوا مش عاوزة تدور المهم روحت جبت ميكانيكى فك خرطوم البنزين الى رايح للكربرتير وشفط جاب بنزين والعربية دارت مبدائا تغير عن الشغل ساعة وربع
وانا رايح مشوار الساعة 2 الظهر ماشى تمام العربية وقفت جوة نفق الثورة اوباااااااااااااااااااااا واعدنا نزوق لحد ما طلعت برة النفق شكيك انها مفهاش بنزين علشان المؤشر عندى مش شغال جبت بنزين بردوا مش عايزة تدور طيب ندور على ميكانيكى جى الميكانيكى وبردوا شفط والعربية دارت قالى الطرمبة النزين تمام مفهاش حاجة بعدها روحت فولت وقولت اطلع على وسط البلد ماشى تمام العربية وقفت تانى قدام جامعة عين شمس اتصلت بواحد صحبى جية معاة عدة وفكينا وشفطنا والعربية دارت قولت خلاص اقضى مصلحة فى مدينة نصر اوباااا العربية وقفت عند السراج مول يلهوىىىىىىى اانا اتهريت زق النهاردة
جبنا ميكانيكى حكتلوا عن الى بيحصل كل دة قالى دة طرمبة النزين لمة بتسخن مش بدخ بنزين واية العمل دل وقتى الساعة 9 بلليل قالى انزل الحى السابع هات طرمبة اخت تاكسى ونزلت اجبت طرمبة ب80 ج من منطقة الورش الى فى الحى السابع اجبت الطرمبة العربية تمام ماشى يا عم بعدها طلعت على السيدة زينت جبت حاجات من هناك وبعدها قولت اروح با الساعة 1 بلليل ماشى وانا ماشى فى امان الله وماشى فى السلانسية لقت وشى فى الطارة اية الى حصل ميكروباص خبط فيها من ورا اوبااااااااا يلههوى بقى نزلت الحمد لله لمة خبطة انا كنت ماشى ومش دايس فرامل راح مشانى هوا مافيش حاجة حصلت بعدها جريت على طول روحت البيت ركنت على العربية ونمت على الساعة 4 الفجررر

وانا دل وقتى فى الشغل مش قادر اعمل حاجة

[ahmed_hamda]

دية نقطو بردواا علشان لو حد حصل معاة نفس المشكلة يعرف انها ممكن تكون طرمبة زى عندى

[ahmed_hamda]

معايا لمبات فيلبيس 3ريشة جديدةلم تستعمل انا اشترتها لقيت ولدى جاب لمبات تانية انا كنت جايبها ب100ج انا طالب 80 ج
المبات 12 فولت 60/55
diamond vision المانى

[semsem_uno]

معايا لمبات فيلبيس 3ريشة جديدةلم تستعمل انا اشترتها لقيت ولدى جاب لمبات تانية انا كنت جايبها ب100ج انا طالب 80 ج
المبات 12 فولت 60/55
diamond vision المانى

خليها معاك مش هتخر علشان لو لأي ظرف واحدة اتحرقت

[semsem_uno]

بالنسبة للمرور ولا اعرف
العربية عندى هتلاقيها متغرقة اعلام زمالك وهى سودا اصلا
وجنوط جديده ولازم الكل يركز على الحتة دى جديدة ومدفوع فيها كتير
هههههههههههههههههههههههه

اه صحيح تعالى هنا قولى
عملت فين فوجات الشاهين وبكام وبرضة مرايات الشاهين عشان مرايات الفابريكة صغيره وانا مش بشتغل بالمراية الى فى النص عسان بحط علم يغطى الازاز الى وراه كلة

بص يا سيدي
هتجيب كتاوت اذار فرنساوي او اي حاجة بس بلاش صيني ب20 جنيه و 5 متر سلك 2 مللي بحوالي 22 جنيه و زرار شد ب 5 جنيه و فيوز بنص جنيه و نيجي بقي للفوجات يا معلم ;)
هتجيب فوجات الشاهين و التركي الأصلي ب35 جنيه للواحدة و اوعيييييييييييي تجيب الصيني
هتروح لبتاع فايبر يركبهم علشان يبانو فابريكة و شكلهم جامد و لمبتين 100 وات angelite ب10 جنيه الواحدة و الف مبروك عليك دخلت مسابقة التعديل عالفبريكة ههههههههههههههههههههههههه

[sa_hu13]

عايزة أسال سؤال لشباب الأونو بس محدش يضحك عليا عشان انا لسة جديدة في السواقة العربية بتسخن لية مني مش عارفة هل عشان انا بمشي براحة ولا ايه انا معظم سواقتي علي الغيار التاني ولما الطريق يكون فاضي بنقل علي التالت وبتكون اقصي سرعة لية 60 فهل دا يتري السبب ولا حاجة تانية خصوصا اني لسة منضفة الكربراتير وحطتيتلة مياة خضراء واحدة صحبتي قالتلي ان احتمال البوجيهات عشان المتور عايز طقم شانبر ويا تري لحد كام مؤشر الحرارة يوصل اعرف بعدها ان العربية سخنت ولا زم ابطلها واسفة جدا لو كان كلامي ملخبط معلش انا عارفة انكو هاتفهموني

[ahmed_hamda]

بقولك يا سمسم لو تعرف واحد بتاع فيبر كويس قولى علية