اتحاد مالكي الفيات اونو

[WHATZUP]

مبررووك عودة المنتدي والرابطة الجميلة بتاعتنا
سمسم ...... عامل اية في البرد دة؟

nfs7 ..... اخبارك اية يا باشا
انت عامل شغل جامد اوي بصراحة
وردودك كلها يعني ان دلت علي شيىء
فانما تدل علي ...... خبرتك العالية اوي.......وانك بتفهم الكلام اللي ما بين السطور
ربنا يعينك يا باشا و مانتحرمش ابدا من مساعتك للمبتداين امثالي

وبسلم علي كل اعضاء الرابطة المحترمييين

السؤال الاول:

دلوقتي انا المفروض اغير زيت عايز اسال علي حاجة
هو الكتالوج بيقول زيت 115W/140 multigrade
انا كنت حاطط موبيل120/150
يعني اية الكلام دة؟ ولازم التزم بية ولا اية الموتور دلوقتي ممكن يكون ظروفة اتغيرت ومحتاج زيت غير بتاع الكتالوج
(انا عامة الموتور عندي بيعرق مية من الشكمان)

السؤال التاني: والسؤال دة اجباري علي فكرة

انا قربت اغير البطارية وعايز اعرف النوع الكويس? وكام امبير بالظبت ? مع العلم ان انا عندي تكييف متركب وناوي اركب انذار وسنتر
اعي الامبير شوية ولا اجيب نفس الامبير القديم؟

وهل الامبير الاعلي ممكن يضر العربية؟

[NFS7]

Whatzupباشا حمد الله على السلامه واتمنى انك تكون بخير
الزيت الي في الكتالوج ده مش هتلاقيه في مصر عشان ده معمول للاماكن البارده
افضل زيت جربته شيل الاصفر بي 98 تقريبا
انت مقلتش العربيه موديل كام ولا هيا مكيفه فابريكه ولا متركب
عموما لو العربيه كربريتور وتكيف متركب هيكون الدينامو 45 امبير هنا اخرك تركب بطاريه 55 امبير ويستحسن تكون 45
لو انجكشن هيكون الدينامو 55 واخرك 60 امبير ويستحسن ال 55
لو مكيفه فابريكه هايكون الدينامو 70 او 75 امبير ويفضل ال 70 امبير لي 80 لو لقتها
لو البطاريه امبيرها اعلى مفيش ضرر لكن برضو ملهاش لازمه لان الدينامو عمرو ميهعرف يوصل للامبير العالي ده فقلتها احسن

[NFS7]

Whatzup
لو العربيه بتعرق ميه وميه الريدياتور بتنقص دي معناها جوان وش السلندر هيضرب
مش دايما تعريق الميه دليل على نضافه الموتور انا عربيتي موتورها مفوت وبتعرق ميه برضو

[WHATZUP]

Whatzupباشا حمد الله على السلامه واتمنى انك تكون بخير
الزيت الي في الكتالوج ده مش هتلاقيه في مصر عشان ده معمول للاماكن البارده
افضل زيت جربته شيل الاصفر بي 98 تقريبا
انت مقلتش العربيه موديل كام ولا هيا مكيفه فابريكه ولا متركب
عموما لو العربيه كربريتور وتكيف متركب هيكون الدينامو 45 امبير هنا اخرك تركب بطاريه 55 امبير ويستحسن تكون 45
لو انجكشن هيكون الدينامو 55 واخرك 60 امبير ويستحسن ال 55
لو مكيفه فابريكه هايكون الدينامو 70 او 75 امبير ويفضل ال 70 امبير لي 80 لو لقتها
لو البطاريه امبيرها اعلى مفيش ضرر لكن برضو ملهاش لازمه لان الدينامو عمرو ميهعرف يوصل للامبير العالي ده فقلتها احسن

10|10

ونجمة

و A+

والموديل 93 والتكييف متركب مش فابريكة طبعا

THNX

[WHATZUP]

whatzup
لو العربيه بتعرق ميه وميه الريدياتور بتنقص دي معناها جوان وش السلندر هيضرب
مش دايما تعريق الميه دليل على نضافه الموتور انا عربيتي موتورها مفوت وبتعرق ميه برضو

بيعجبني في ردودك انك ما بتسيبش نقطة عشان نرجع نسال عليها الاجابة الكاملة اللي ما لناش حجة بعدهاالراديتير عندي من ما غيرت العصفورة اللي ب 5 جنية وحطيتلة مية خضرا المية ما بقتش بتنقص فية والحمد للة ودي حاجة من الحاجات اللي انا استفدتها من الرابطة المحترمة ديمرة احري.......شاكرين...........مهللييييييييييييييييين

[NFS7]

ياباشا انت نورتنا في الرابطة
العصفورة دي انا لاغيها عندي خالص وحاطط مسمار 13 بدلها :]
وكويس كده الموتور عندك يبقى مضبوط طالما الميه مش بتنقص
والعربيه موديل 93 وتكيف متركب يبقى بطاريه 55 حلوه معاها ال 45 دي اعتقد صعب شويه تلاقيها
ولو تعرف تغير الدينامو وتجيب بتاع المكيف هيعملو حوالي 200 ل 250 ال 75 امبير هيبقى احسن للعربيه ولو مش بتشغل التكيف في الزحمه متعملش حاجه

[ambitious]

ممكن اعرف فين فلتر الهواء وهوا بيتغير كل كام كيلو

[jossi16]

No comment
Unfortunately I am not convinced of this argument

شكرا NFS2
هى عموما طلعت عاوزه idle sensor

For all members of Forum
Thx 4 helping

[dr_timo]

ازيكو يارجالة الاونو وخبرائها كنت عايز اسئلكم عن عصاية الفتيس عندي فيها بووووووش كبير اوي وطبعا دة بيرخم عليا اوي بيبقي الغيار بصعوبة حتي من كتر مقعدت اشد جامد فيها قام حاجة فصلت من عصاية الفتيس تحت وجة ميكانيكي ربطهالي فثواني ومشيت عادي بس طبعا الغيار صعب اوي وفي بوش جامد يعني العصاية بتتطوح المهم اتنين ميكانيكية شافوها قالولي عايزة حشو وفايبار وبتنجان فهل دة السبب ولا ممكن السبب الديسك والاسطوانة لانهم عندي جايبين اخرهم وحد قاللي كمان ان ممكن قعدة الماتور تعمل كدة لانها بتخلي الماتور مش فوضع صح فالغيار ييجي بصعوبة حتي لو صللحت البوش فئية رايكم انا العصاية الزفت دي مدايقاني كل مبدي الاول بتطلع عيني وحديثا التاني كمان بقي يرخخم والمارشدير لازم اطووح العصاية لاقصي اليمين عشان تروح في المقص وتدخل جون اصدي تدي الغيار مستني ردودكم ياشباب

[WHATZUP]

ياباشا انت نورتنا في الرابطة
العصفورة دي انا لاغيها عندي خالص وحاطط مسمار 13 بدلها :]
وكويس كده الموتور عندك يبقى مضبوط طالما الميه مش بتنقص
والعربيه موديل 93 وتكيف متركب يبقى بطاريه 55 حلوه معاها ال 45 دي اعتقد صعب شويه تلاقيها
ولو تعرف تغير الدينامو وتجيب بتاع المكيف هيعملو حوالي 200 ل 250 ال 75 امبير هيبقى احسن للعربيه ولو مش بتشغل التكيف في الزحمه متعملش حاجه

طب الدينامو ابو 200 دة جديد ولا مستعمل ؟ والماركة يا باشا لو سمحت؟؟؟؟

[WHATZUP]

شكرا NFS2
هى عموما طلعت عاوزه idle sensor

For all members of Forum
Thx 4 helping

الباشا اسمة NFS7


مش NFS2
دي غلطة مطبعية طبعا مش معقولة ياعني يكون

قصد سيادتك

انة المفروض يعمل UPDATING




انا بهدي النفوس بس

[WHATZUP]

ممكن اعرف فين فلتر الهواء وهوا بيتغير كل كام كيلو

تفك البلاستيكاية السمرة الي قدامك اول ما تفتح الكابوت في النص
وقدامها بلاستيكاية تانية مغطية الكاربيراتير
وجرب تخلي الميكانيكي ينفخة ببلاور هوا الاول ممكن يكون فية تراب كتير سادة

[NFS7]

شكرا nfs2
هى عموما طلعت عاوزه idle sensor

for all members of forum
thx 4 helping

انا من الاول قلت ان القصه دي قصه حساس

احم
عجبتني اوي حكايه تنظيف الرشاشات دي :o_stupid[1]:
هوا الرشاش بيتنضف اصلا؟؟؟؟؟؟؟
الرشاش عشان يتنضف زي ما الصفا قالو لازم يتحط على مكنه تنضيف رشاشات ودي مش عند حد في مصر لان تمن الماكنه دي حوالي 200.000 واي كلا غير كده بيبقى كله نصب على الزبون
طبعا انت لازم تشوف الاول موضوع السخونه ونقص الميه ده ايه وكمان ياريت لو تبص على شكمان العربيه لو بيطلع رذاذ ميه ولا لا عشان نعرف نحدد العيب والمروحه بتشتغل ولا لا وبتشتغل مظبوط ولا متاخر
ولما بتملى ميه للعربيه بتاخد هوا الريدياتير ولا لا
قصه العربيه بتعلى وتوطى دي مشكله حساس مش رشاشات
اما الطقطقه دي الي بتسمعها في الملفات بس ولا في الطلعات؟
لو في الملفات يبقى كبالن
لو في الطلعات يبقى قواعد موتور والطقطقطه بتحس انها جايه من تحت رجلك
الرجرجه دي ملهاش علاقه لا بكاوتش ولا كبالن دي ياعيب سواقه
ياما عيب ديسك دبرياج وبيظهر اكتر لما تكون قواعد الموتور مقطوعه
وفي الاخر انا شايف ان العيوب دي كلها شكلها اوهام عشان عدم التعود على العربيه وانها ليسا جديده عليك ومش عارف تتعامل معاها صح
بعدين انت اتكلمت شويه على انك ولد وشويه على انك بنت وبياناتك بتقول ولد حدد انتا مين
لو انت واحد ممكن اقابلك يوم وتوريني الي بتشتكي منه ده وربنا يسهل واحددلك الاعطال ددي
لو بنت يبقى اوصفلك ميكانيكي وتروحيلو وربنا معاكي عشان مباقبلش بنات :oc_sun1[1]:

ولما شوفت ردك اصلي نضفت الانجكشن اصل الطقطقه من الباب فهمت انك من النوع الي بيحب الناس تشتغلو
فماكانش عندي رد غير كده

[NFS7]

الباشا اسمة NFS7


مش NFS2
دي غلطة مطبعية طبعا مش معقولة ياعني يكون

قصد سيادتك

انة المفروض يعمل UPDATING




انا بهدي النفوس بس

هاهاهها هيا النفوس هاديه لوحدها
بعدين هيا عارفه كويس اني nfs7 بس هيا عشان مدايقه اني مردتش على اخر مشاركه ليها فزعلانه

[NFS7]

ازيكو يارجالة الاونو وخبرائها كنت عايز اسئلكم عن عصاية الفتيس عندي فيها بووووووش كبير اوي وطبعا دة بيرخم عليا اوي بيبقي الغيار بصعوبة حتي من كتر مقعدت اشد جامد فيها قام حاجة فصلت من عصاية الفتيس تحت وجة ميكانيكي ربطهالي فثواني ومشيت عادي بس طبعا الغيار صعب اوي وفي بوش جامد يعني العصاية بتتطوح المهم اتنين ميكانيكية شافوها قالولي عايزة حشو وفايبار وبتنجان فهل دة السبب ولا ممكن السبب الديسك والاسطوانة لانهم عندي جايبين اخرهم وحد قاللي كمان ان ممكن قعدة الماتور تعمل كدة لانها بتخلي الماتور مش فوضع صح فالغيار ييجي بصعوبة حتي لو صللحت البوش فئية رايكم انا العصاية الزفت دي مدايقاني كل مبدي الاول بتطلع عيني وحديثا التاني كمان بقي يرخخم والمارشدير لازم اطووح العصاية لاقصي اليمين عشان تروح في المقص وتدخل جون اصدي تدي الغيار مستني ردودكم ياشباب

الحشو الاول هوا اكبر مشكله لبوش العصايه واماكن الغيارات
ومعاها طبعا طقم الدبرياج الديسك لما بيتعب بيخلي الغيارات تعشق بصعوبه
كده افضل لما تصلح تغير الحشو مع طقم الدبرياج
وطقم الدبرياج متجبش الانواع الي بيقولو عنها ايطالي والكلام الفاضي ده هات الطقم الفاليو التركي وعامل في حدود 340 ممكن اكتر
ولو عايز انضف في طقم اللوك الالماني وده عامل في حدود 480 وممكن اكتر وده هتلاقيه عند الكيلاني الي في وسط البلد