اتحاد مالكي الفيات اونو

[gamedd]

محتاجة مساعدتكمممممممممممممم

صباح الخير


يا جماعة انا محتاجة مساعدتكم اوى ....عربيتى متدربكه و مش عارفة ايه مشكلتها هى اونو 2002
1000 سي سي

اولا العربية بتنقص ميه لدرجة انها بتسخن منى كل يوم و بحطلها ميه كل يوم !

تانيا بقى العربيه فجأة الاقيها بتطلع صوت بنزين يعلى و يوطى يعلى و يوطى و تقطع منى جاااامد و عشان اعرف اطلع بيها بضطر ادوس و احرق بنزين جامد وديتها عند ميكانيكى و قبل ماوصل بشويه العربيه رجعت تانى تمشى زى الفل :(

طبعا الميكانيكى قاللى مفيهاش حاجة و لازم اشوفها و هى بتعمل معاكى اللى بتقوليه
حصلها كدة تانى و برده قبل ماوصل للميكانيكى رجعت كويسه جداااااااااااا :S

الميانيكى قاللى ممكن يكون انجكشن و هيكلفك 800 جنيه
المهم وديتها مركز الصفا نضفلى الرشاشات و غيرلى بوجيهات و اخد 200 جنيه و قاسلي الكربون فى الشكمان قلت خلاص هتبقى كويس
رجعت تعمل اللى بتعمله تانى
بجددد هتجنن

عاوز اعرف ميكانيكى كويس قريب من بيتى عشان اقدر ارحله اول مايجلها الحاله انا ساكنة فى النزهة الجديدة فياريت لو في ميكانيكى فى جسر السوي او الحرفيين حد يبعتلى رقمه
فى حاجة كمان لما بمشى بالعربية بسمع صوت طقطقه من ناحيتى و انا سايقة...و العربيه بتترج منى لو الشارع مكسر او الاسفلت مش كويس
هل دى كبالن و لا له علاقة بالكاوتش؟
انا محتاسة بجد و زعلانة اوى لانى لسه شارياها قرييب و مش عارفة اوديها فيين ؟!

[NFS7]

احم
عجبتني اوي حكايه تنظيف الرشاشات دي
هوا الرشاش بيتنضف اصلا؟؟؟؟؟؟؟
الرشاش عشان يتنضف زي ما الصفا قالو لازم يتحط على مكنه تنضيف رشاشات ودي مش عند حد في مصر لان تمن الماكنه دي حوالي 200.000 واي كلا غير كده بيبقى كله نصب على الزبون
طبعا انت لازم تشوف الاول موضوع السخونه ونقص الميه ده ايه وكمان ياريت لو تبص على شكمان العربيه لو بيطلع رذاذ ميه ولا لا عشان نعرف نحدد العيب والمروحه بتشتغل ولا لا وبتشتغل مظبوط ولا متاخر
ولما بتملى ميه للعربيه بتاخد هوا الريدياتير ولا لا
قصه العربيه بتعلى وتوطى دي مشكله حساس مش رشاشات
اما الطقطقه دي الي بتسمعها في الملفات بس ولا في الطلعات؟
لو في الملفات يبقى كبالن
لو في الطلعات يبقى قواعد موتور والطقطقطه بتحس انها جايه من تحت رجلك
الرجرجه دي ملهاش علاقه لا بكاوتش ولا كبالن دي ياعيب سواقه
ياما عيب ديسك دبرياج وبيظهر اكتر لما تكون قواعد الموتور مقطوعه
وفي الاخر انا شايف ان العيوب دي كلها شكلها اوهام عشان عدم التعود على العربيه وانها ليسا جديده عليك ومش عارف تتعامل معاها صح
بعدين انت اتكلمت شويه على انك ولد وشويه على انك بنت وبياناتك بتقول ولد حدد انتا مين
لو انت واحد ممكن اقابلك يوم وتوريني الي بتشتكي منه ده وربنا يسهل واحددلك الاعطال ددي
لو بنت يبقى اوصفلك ميكانيكي وتروحيلو وربنا معاكي عشان مباقبلش بنات

[drhima]

السلام عليكم ورحمة الله وبركاته اناعضو اوناوى لسة من 3 اسابيع وللاسف العربية كنت شاريها من سكة فيها معارف وانتو عارفين المثل الجزار معرفة المهم عشان مطولش عليكم العربية طلع فيها برومة والموتور بتاعها متغير المشكلة مش فى انه متغير المشكلة انها متولفة يعنى موتور ريجاتا كبالن مش عارف ايه ممكن ريجاتا او حاجة تانية مع العلم ان الفتيس بتاعها فهل الكبالن متغيرة ولا لا وهل كبالن الريجاتا هى نفسها الاونو وياريت لو حد من الاعضاء المحترمين يبعتلى صورة موتور الاونو ال1000وال1500 لانى كنت بتفرج على عربية 1500 93 وشفت نفس الموتور اللى عندى وعربيتى مثبوتة فى الرخصة 1000 معلش انا عندى شوية لخبطة وكنت بدات اتخنق من العربية بس انا على امل انها ممكن تبقى كويسة فى يوم من الايام لانى فيما مضى كنت راكب تحفة فنية اسمها هوندا اكورد2002 فل اوبشن ال150 كم /س كانت الهادى بتاعها بس ده طبعا كان فى السعودية وانا عموما بصرف على الاونو سمكرة ودوكو وميكانيكا وكهربا والامل فى ربنا كبير واسف لو كنت طولت عليكم

[jossi16]

احم
عجبتني اوي حكايه تنظيف الرشاشات دي
هوا الرشاش بيتنضف اصلا؟؟؟؟؟؟؟
الرشاش عشان يتنضف زي ما الصفا قالو لازم يتحط على مكنه تنضيف رشاشات ودي مش عند حد في مصر لان تمن الماكنه دي حوالي 200.000 واي كلا غير كده بيبقى كله نصب على الزبون
طبعا انت لازم تشوف الاول موضوع السخونه ونقص الميه ده ايه وكمان ياريت لو تبص على شكمان العربيه لو بيطلع رذاذ ميه ولا لا عشان نعرف نحدد العيب والمروحه بتشتغل ولا لا وبتشتغل مظبوط ولا متاخر
ولما بتملى ميه للعربيه بتاخد هوا الريدياتير ولا لا
قصه العربيه بتعلى وتوطى دي مشكله حساس مش رشاشات
اما الطقطقه دي الي بتسمعها في الملفات بس ولا في الطلعات؟
لو في الملفات يبقى كبالن
لو في الطلعات يبقى قواعد موتور والطقطقطه بتحس انها جايه من تحت رجلك
الرجرجه دي ملهاش علاقه لا بكاوتش ولا كبالن دي ياعيب سواقه
ياما عيب ديسك دبرياج وبيظهر اكتر لما تكون قواعد الموتور مقطوعه
وفي الاخر انا شايف ان العيوب دي كلها شكلها اوهام عشان عدم التعود على العربيه وانها ليسا جديده عليك ومش عارف تتعامل معاها صح
بعدين انت اتكلمت شويه على انك ولد وشويه على انك بنت وبياناتك بتقول ولد حدد انتا مين
لو انت واحد ممكن اقابلك يوم وتوريني الي بتشتكي منه ده وربنا يسهل واحددلك الاعطال ددي
لو بنت يبقى اوصفلك ميكانيكي وتروحيلو وربنا معاكي عشان مباقبلش بنات

مبدئيا انا بنت بس كنت داخلة من اكونت اخويا
ثانيا بالنسبة للرشاشات انا اللى متلغبطة هما قالوا حساسات فعلا مش رشاشات
الطقطقة دى بسمعها فى الطلعات و انا ماشيه كمان و بحس ان العربية ملخلخة بجد بحس انها مش مظبوطة
و حكايه الاوهام دى ممكن تبقى صح لانى كنت راكبه جولف 4 قبل دى بس اكيد اي حد بيحس بالعربية اللى راكبها و انا حاسة انها عاوزة تتظبط ....ايه مشكلتها بقى هو دة اللى عاوزة الميكانيكى يقوللى عليه فياريت تبعتلى رقم الميكانيكى و مرسي على الرد

[jossi16]

انا خايفة اوىىىىىىىىىىىىى لا تكون مشكله قواعد موتور ...هى قاعدة الموتور دى تعملها حوالى كاااااااااااااام

[jossi16]

و هل قاعدة الموتو ر ممكن يأثر على الموتور ذات نفسه لو مغيرتوش بسرعه ؟؟؟؟؟؟؟

[petergeorge]

علي فكرة حكاية صوت العربية يعلي ويوطي كتير دي حصلت عندي قبل كده
الحل تغيير منظم الهواء بتاع الكربراتير
علي فكرة انا عربيتي موديل 2000 عشان ماتقوليش انها كربراتير يعني قديمة
لأ دي اسمها half injection

[dr_timo]

ياجماعة انا عربيتي فيها حاجة رخمة جدااااااا وهية ا العربية فل واخر تمام وبتدور بسهولة وهية دافية اول متسقع عليه العوض يعني الصبح بدري كنت رايح عالمستشفي في التلج دة احاول معاها مفيييييييش خالص فسيبتها ورحت الشغل وجيت كان الدنيا بقت الظهر والشمس جت عليها جيت ادور قامت دايرة علي طووول فاية بقي حكاية العربية السقعانة دي ؟؟؟؟؟؟

[om mohammed]

جزاك الله خيرا يا سمسم عالرد

وان شاء الله فى اقرب وقت اغير المساعدين لانى بسمع صوت طقطقة ورا العجلة الشمال

وابتدى يكتر

الله المستعان

[NFS7]

مبدئيا انا بنت بس كنت داخلة من اكونت اخويا
ثانيا بالنسبة للرشاشات انا اللى متلغبطة هما قالوا حساسات فعلا مش رشاشات
الطقطقة دى بسمعها فى الطلعات و انا ماشيه كمان و بحس ان العربية ملخلخة بجد بحس انها مش مظبوطة
و حكايه الاوهام دى ممكن تبقى صح لانى كنت راكبه جولف 4 قبل دى بس اكيد اي حد بيحس بالعربية اللى راكبها و انا حاسة انها عاوزة تتظبط ....ايه مشكلتها بقى هو دة اللى عاوزة الميكانيكى يقوللى عليه فياريت تبعتلى رقم الميكانيكى و مرسي على الرد

اهلا بيكي يا ستي اسم jossi16 انا فاكر ان بعتلك نمره الميكانيكي قبل كده الي في عين شمس
المهم طالما الطقطة دي في الطلعات بس يبقى انسي الكبالن هيا غالبا قواعد موتور وبعدين قواعد موتور مش معضله انت بتتكلمي القاعده في حدود 45 ال birth الايطالي ده لو لقيتيها
وفي قواعد تانيه بي 20 او 25
بس المشكله كده ان عشان العربيه تعمل كده زي مبتقولي يبقى اكيد في رعشه في طلعة العربيه والرعشه دي ممكن تكوني مش ظابطا رجلك على الدبرياج وبتكون الرعشه خفيفه
اما لو الرعشه دي جامده فهنا المشكله ان هيكون الديسك بتاع الدبرياج بيودع وفي الحاله دي ينصح بتغير الطقم بتاع الدبرياج كامل (اسطوانه وديسك وبليه) ومع الكلام ده يفضل فك ترس الفولام والكشف عليه عند خراط عشان غالبا بيبقى رعش هوا كمان فلازم يتاخد وش خرطه نظافه
عموما شوفى لو تحبي ابعتلك رقم نفس الميكانيكي تاني مفيش مشاكل

ياجماعة انا عربيتي فيها حاجة رخمة جدااااااا وهية ا العربية فل واخر تمام وبتدور بسهولة وهية دافية اول متسقع عليه العوض يعني الصبح بدري كنت رايح عالمستشفي في التلج دة احاول معاها مفيييييييش خالص فسيبتها ورحت الشغل وجيت كان الدنيا بقت الظهر والشمس جت عليها جيت ادور قامت دايرة علي طووول فاية بقي حكاية العربية السقعانة دي ؟؟؟؟؟؟

انت اكيد بتفضل تدوس بنزين لحد متشرق العربيه بنزين وبكده لو اتشقلبت جمبها مش هتدور يفضل انك تشد الشفاط الصبح وانت بتدور ومتجيش ناحيه دواسه البنزين خالص لو مدارتش بسهوله يبقى البوجيهات عندك تعبانه ومش بتبان غير في الدواره وان العربيه بتستهلك بنزين زياده عن الطبيعى شويه

السلام عليكم ورحمة الله وبركاته اناعضو اوناوى لسة من 3 اسابيع وللاسف العربية كنت شاريها من سكة فيها معارف وانتو عارفين المثل الجزار معرفة المهم عشان مطولش عليكم العربية طلع فيها برومة والموتور بتاعها متغير المشكلة مش فى انه متغير المشكلة انها متولفة يعنى موتور ريجاتا كبالن مش عارف ايه ممكن ريجاتا او حاجة تانية مع العلم ان الفتيس بتاعها فهل الكبالن متغيرة ولا لا وهل كبالن الريجاتا هى نفسها الاونو وياريت لو حد من الاعضاء المحترمين يبعتلى صورة موتور الاونو ال1000وال1500 لانى كنت بتفرج على عربية 1500 93 وشفت نفس الموتور اللى عندى وعربيتى مثبوتة فى الرخصة 1000 معلش انا عندى شوية لخبطة وكنت بدات اتخنق من العربية بس انا على امل انها ممكن تبقى كويسة فى يوم من الايام لانى فيما مضى كنت راكب تحفة فنية اسمها هوندا اكورد2002 فل اوبشن ال150 كم /س كانت الهادى بتاعها بس ده طبعا كان فى السعودية وانا عموما بصرف على الاونو سمكرة ودوكو وميكانيكا وكهربا والامل فى ربنا كبير واسف لو كنت طولت عليكم

انت ممكن تصور الموتور بتاع العربيه وتحطها هنا وانا اقولك ده موتور ايه
وكمان الاونو في منها 3 مواتير مختلفه ممكن يكون الموتور الي عندك يكون موتور الاونو موديل 89 وده بيبقى شبه موتور الريجاتا او ال 128 ال 1100
لو الموتور عندك مثبوت 1000 وهوا بتاع ريجاتا فعلا احتمال تواجه مشكله ان رقم البلوك بتاع الموتور يبقى مختلف عن الرخصه ولازم تتاكد من الحته دي لو مختلف هتقابل مشكله مش صغيره
لو الرقم مضبوط وال سيسي اعلى عادي كبر دماغك
وطالما الموتور الي عندك ده ركب على فتيسك يبقى اكيد موتور اونو القديم لان الريجاتا فتيسها مختلف
وطالما الفتيس الي عندك بتاع العربيه يبقى الكبالن هيا هياها وكبالن الاونو وال 128 واحده

[NFS7]

و هل قاعدة الموتو ر ممكن يأثر على الموتور ذات نفسه لو مغيرتوش بسرعه ؟؟؟؟؟؟؟

لا مش بياثر خالص على الموتور
بس كتر الخبط ده ممكن يشرخ شاسيه العربيه ويستحسن تتعالج بسرعه

[NFS7]

جزاك الله خيرا يا سمسم عالرد

وان شاء الله فى اقرب وقت اغير المساعدين لانى بسمع صوت طقطقة ورا العجلة الشمال

وابتدى يكتر

الله المستعان

المساعدين مش بتعمل طقطقه الا لو كاوتش بطاحه المساعد ضارب
كاوتش البطاحه ده بيبقى فوق المساعد من جوا كبوت العربيه هتلاقي حاجه كده فوق المساعد مربوطه بي 3 مسامير ودي نادر انها تضرب
ممكن لو الطقطقه دي مع المطبات تكون جلب مقصات او حشو علبه دركسيون او بيض المقصات تالف
احسن تروحي عند بتاع عفشه بيفهم عشان المساعدين مش بتقطق
المساعد الي تلف يا بيطرى او بينشف او بيجيب زيت غير كده المشكله هتبقى بعيده عن المساعدين

[dr_timo]

Nfs7 ماشاء الله عليك بجد دكتوووووووور اونو

[NFS7]

ياباشا بلاش تقولي احسن اتغر في نفسي وانتو حرين واتجنن واعمل الاستشاره بفلوس
واحنا تحت امرك في اي حاجه

[dr_timo]

ههههههه لا ياسيدي اتغر والله تستاهل بجد دكتور واستشاري ورئيس قسم لو عايز تيجي تشتغل معايا في المستشفي تعالي مش هنلاقي دكتور احسن منك بس بلاش حكاية الفلوس دي ههههههه احنا مرضي غلابة بنتعالج علي نفقة المنتدي