::: البولونيز المظلومة :::

[Osama srhan]

الكلام دا بموتورها ال 1500 بس انا معدل بساتم(معدل ل 1800 ) و اشعال الكتروني... العربيه دي تقفيل عدادها 210 و ملقوط رادار بيها...
الموتور دا عايز تاخد منه عزم و تجميع انصحك بتعديل نظام الاشعال العادي(ابلاتين و كوندنسر) الي الالكتروني (موبينه+مشط+وحده الاكتروني+بك سلانسيه الكتروني+اسبراتير الكتروني) بيفرق جامد في السحب و استهلاك البنزين داخل المدينه...
و الصراحع العربيه دي ثباتها بالفعل لا يستهان بها و مش عايز اقول امثله عشان اصحاب العربيات الجديده ميزعلوش...

السلام عليكم اخى الفاصل انا من زمان كنت عايز اسال حد مجرب الاشعال الالكترونى للبولونيز الموضوع ده تكلفته كام تقريبا
بجد العربيه دى مظلومه جدا بالنسبه لقدرتها

[mahdymegahed]

محتاج موتور جديد للعربية - بولونيز 87 ,,, أو على الأقل وش السلندر
حد يفيدنى يا جماعه لو تتكرموا

[احمد حجاج خليل]

ابحث عن سياراه كويسه

اللى عند خبره بالبولنيز رجاء ان يرسل لى مميزاتها وعيوبها

[topastar]

يا شباب انا جد يد هنا معاكم وكانت عوز اسال كام سؤال بخصوص العر بية انا هشترى عر بية بيونيز مو ديل 84 ماتو ر 1600 فا ياتر العر بية دى بتعمل كام فلوس وعيوب السيارة اية ولو حابب افنشهة تصرف كام

[samehderaz]

السلام عليكم
أرجو الإفادة لتركيب علبة دركسيون باور
للبولونيز 87 سىسى1500

[kokololososo]

من تجارب مع عربيات أخري البولونيز عربية موتورها سيء جدا...وكلها عيوب عدا رخص قطع الغيار لكن كل شويه هتلاقي نفسك بتغير قطعه....ولها ميزة صغيرة في قوة العفشة......ولكنها نادرا ما تسير دون أعطال...

[Mr Amer Zamzam]

السلام عليكم ورحمة الله وبركاته

أخوتي الكرام أفيدوني يرحمكم الله

دلوقت انا عاوز أنزل عزبة شلبي او اي مكان محترم مضمون بيبيع شغل استيراد بلونيز الفينات

عاوز أجيب 4 ابواب حديثة او الفرش الاصلي الاستيراد والمخادع والسككات الخ

عاوز أجيب علبة باور بلونيز او فيرنا لان عندي موتور 1600 الفينات ولكن مفيش علبة باور لقيتها في أسيوط

عاوز أجيب شوية حاجات للعربية زي الشنب الامامي والخلفي والشبكة الاصلية الاستيراد

ممكن تردوا عليا

[kokololososo]

السلام عليكم ورحمة الله وبركاته

أخوتي الكرام أفيدوني يرحمكم الله

دلوقت انا عاوز أنزل عزبة شلبي او اي مكان محترم مضمون بيبيع شغل استيراد بلونيز الفينات

عاوز أجيب 4 ابواب حديثة او الفرش الاصلي الاستيراد والمخادع والسككات الخ

عاوز أجيب علبة باور بلونيز او فيرنا لان عندي موتور 1600 الفينات ولكن مفيش علبة باور لقيتها في أسيوط

عاوز أجيب شوية حاجات للعربية زي الشنب الامامي والخلفي والشبكة الاصلية الاستيراد

ممكن تردوا عليا

اللي أعرفه قطع غيارها متوفرة جدا ورخيصة ودي ميزتها في رأيي وكمان ميزتها قوة العفشه...وعيوبها سخونة الموتور وأعطالها الكتير ..وفي الصيف مش عمليه هتلاقيها فرن....لكن عايزه واحد فني يكون بيفهم أوي في السيارات أو ميكانيكي شاطر لكن واحد عادي يركبها مش هيعرف يتعامل معاها ..ده رأيي الشخصي ..وعموما العربيه بالنسبه لسعرها كويسه جدا هي مش غاليه متهيألي بتعمل 25 ألف حاليا يعني في المتناول وواسعه ...

[Mr Amer Zamzam]

السلام عليكم
اولا البولونيز منزلش منها ابواب فيها زجاج كهرباء حتى الموديلات الحديثه بس نزل فيا السنتر واتغير شكل الفرش الداخلى وكنت سألت عليها قالى 1000 ده اول كلام طبعا ومكنش عنده
اما التابلوه الحديث بالكونسول عشان الكونسول القديم ميركبش عليه ان شاء الرحمن 400 هو قالى كده بس هاحاول انزل سعره بس مش عارف لغاية كام
اما عن وصف الطريق انت لو نزلت عند القصر الجمهورى بكوبرى القبه من الباب الخلفى او عند ميدان السواح وسألت على قسم الاميريه الجديد ومن عند القسم تسأل اى حد هتبقى قريب من عزبة شلبى وده رقم واحد هناك اسمه ياسر المحمدى انا بتعامل معاه علطول هو ليه محل واخوه ليه محل تانى 01223891014 والسلام ختام[/quote]

تحذير من ياسر محمدي و محمد محمدي عزبة شلبي

ياسر محمد خليل محمدي الشهير بياسر محمدي بعزبة شلبي المطرية

محمد محمد خليل محمدي الشهيربمحمد محمدي بعزبة شلبي المطرية

قررت بعض نص الاخوة علي مواقع التقييم الخاص بالسيارة ولان تلك السيارة عزيزة علي قلبي فقررت السفر إلي القاهرة لشراء بعض الأشياء لشد العربية شدة كاملة بأذن الله ونزلت بناءا علي توصيات بعض السادة الذين نصحوا بالتعامل مع الرجل ( ياسر المحمدي & ياسر محمدي ) بعزبة شلبي .. وقد كان ويا ليتني ما فعلت

نزلت فاشتريت منه

4 أبواب بلونيز الفينات بـ 3000 جنيه !!

1 تابلوه + كالسونة الفينات بـ 2000 جنيه !!

1 قطمة الفينات 800 جنيه !!

1 علبة باور بلونيز 600 جنيه !!

1 علبة زيت باور حديد 150 جنيه !!

1 علبة زيت باكم 100 جنيه !!

1 طقم اتياش كامل 150 جنيه !!

الابواب الاربعة فيهم بارومة من تحت وعند تركيب زجاج كهرباء فؤجئت بعدم وجود جريدة الباب اليمين شمال وجريدة الباب اليمين يمين

التابلوه والكالسونه سالت علي سعرهم في بلدي لقيتهم بـ 1500 جنيه كانهم نوفي جايين من المصنع

القطمة بعد ما جيت وجايين نفك ونركب لقيت الفيش مقصوصة !!! يعني زيها زي قلتها روحت رجعتهاله شحن ودفعت ثمن الشحن وثمن التوصيل

علبة الباور طلعت خالطة زيت وتركبها وتخسر كيلو زيت بـ 75 جنيه والطارة تلف يمين وشمال لوحدها بكل اخوه محمد محمدي يقول اصل الصنايعية عندك معروفش يركبوها معروفش يسحبولها هواء !!! هواء ايه ونيلة ايه رجعتها وقولتله لحسن الظن أبعت واحدة غيرها أنا عاوز أركب مش عاوز أرجع بعتلي واحدة غيرها وشيلت ثمن الشحن والتوصيل الداخلي في القاهرة وطلعت زي أختها شحنتها تاني وشكلت فلوس تاني وتاكسات رايح وتاكسات جاي وشحططة وبهدلة

طقم الاتياش طلع بايظ وعاوز يتكبس !! يعني من الاخر اداني طقم اتياس ملوش لازمة يترمي في الزبالة المفروض !! ولما كلمته وبعتله الاتياش واخدت العامود الوسطي قاله انا مش ببعهم الا علشان العامود !!! ومرديش يديني ثمنهم أصلا او يحسبهم من الحسبة

حاسبني علي التوصيل ثاني والشحن وقالي ملكش عندي من مرتجعات بـ 2000 جنيه الا 1500 جنيه !!!

ماشي يا ياسر هتبعتهم امتي قالي بكهر وبكهر يجيب بكره يجيب بعد واكلمه وميردش واكمله انا هبعتهملك واكلمه يا عم هو احنا هناكلك واكلمه يا عم هو فيه ايه واكلمهخ لا اصلي معرفش فودافون كاش واكلم اخوه حاضر يا عم هو فيه ايه وفي الاخر بعد طلوع الروح بعد يجي 20 او 25 يوم بعتهم بالمرار

قولت مش هبطل واتعلم الدرس وانا ماشي علي نصيحة الافاضل اللي نصحوا بالناس دي !! وانا منصحش حد يتعامل معاهم لانهم نصابين حرفيا

اكلمتهم وكلي ثقة اني المفروض اخد حاجة نظيفة وسعر كويس

عاوز يا ياسر طقم دواسة قالي بـ 400 جنيه !! وانا معرفش سعره لاني واثق فيه ومسالتش ومعتمد علي السمعة اللي الافاضل سابوها علي الموقع وبقدر الله اعدي علي بتاع استيراد في بلدي القي الطقم زيه وانظف منه بـ 250 اول كلمة دفعت 220 جنيه !!!!!!! وعاوز الجريدتين اللي ناقصين من الباب والاوكرة البايظة لباب السواق قالي لا الجريدتين دول بـ 200 جنيه !! عرفت بعدين انهم بيتباعوا بـ 80 جنيه و100 جنيه بالكثير ... وعاوز الموزتين اللي تحت التابلوه اللي بيمسكوا الدواسة الجريديتن الفبر لا معنديش الا واحدة بـ 50 جنيه !! ابعتها طيب وبعدين اتفاجي ان الاثنين بـ 50 جنيه وممكن اخلصهم بـ 40 جنيه !!! بكام طيب يا ياسر القربة بالشداد بتاعها قالي بـ 150 جنيه ازاي يا عم دي بتتباع بـ 50 جنيه عندنا ودي كنمت عارف سعرها قولتله بلاش منها !! وعاوز فانوس سطحية وسطي قالي بـ 150 جنيه بعتهولي مكسور ومفتاحه بايظ !! حسبي الله ونعم الوكيل فيه وفي أخوه النصابين

المهم بعد ما عرفت الاسعار بعد ما بعتله الفلوس قبلها واصر اخوه علي كده 850 جنيه كلمتهم قالولي مش هنرجع وانت رجل رضيت تشتري قولتلهم انتوا كده كانكم بتقولوا ما صدقتوا تبيعوا الحاجة هتوصلك لحد باب دكانك ومش هتدفع مليم وادي اللي هيديهملك الفلوس قالي عليا الطلاق ما هيرجعوا !! وان شاء الله بكره الاربعاء 31-7-2019 الحاجة هتتشحن وهترحله وهنشوف هيرجعها ولا لا وهبلغكم وهشهد عليه عزبة شلبي كلها وبعدين هتخذ معاه كافة الاجراءات القانونية في النصب والغش التجاري ان شاء الله عز وجل

ادي قصة شراءي من ياسر المحمدي اللي الاخهوة الافاضل شكروا فيه وفي حاجته مشوفتش الا نصب وقلة قيمة وبهدلة متشتروش منه اي حاجة

انا نصب عليا في ثمن حاجات كثير ونصب عليا في 850 جنيه حتي الان مش راضي يرجعها بس قسم بربي لاجيبهم والصعايدة مش بيسيبوا تارهم ابدا

[Mr Amer Zamzam]

تحذير من ياسر محمدي و محمد محمدي عزبة شلبي ??????????????????

ياسر محمد خليل محمدي الشهير بياسر محمدي بعزبة شلبي المطرية

محمد محمد خليل محمدي الشهيربمحمد محمدي بعزبة شلبي المطرية

قررت بعض نص الاخوة علي مواقع التقييم الخاص بالسيارة ولان تلك السيارة عزيزة علي قلبي فقررت السفر إلي القاهرة لشراء بعض الأشياء لشد العربية شدة كاملة بأذن الله ونزلت بناءا علي توصيات بعض السادة الذين نصحوا بالتعامل مع الرجل ( ياسر المحمدي & ياسر محمدي ) بعزبة شلبي .. وقد كان ويا ليتني ما فعلت

نزلت فاشتريت منه

4 أبواب بلونيز الفينات بـ 3000 جنيه !!

1 تابلوه + كالسونة الفينات بـ 2000 جنيه !!

1 قطمة الفينات 800 جنيه !!

1 علبة باور بلونيز 600 جنيه !!

1 علبة زيت باور حديد 150 جنيه !!

1 علبة زيت باكم 100 جنيه !!

1 طقم اتياش كامل 150 جنيه !!

الابواب الاربعة فيهم بارومة من تحت وعند تركيب زجاج كهرباء فؤجئت بعدم وجود جريدة الباب اليمين شمال وجريدة الباب اليمين يمين

التابلوه والكالسونه سالت علي سعرهم في بلدي لقيتهم بـ 1500 جنيه كانهم نوفي جايين من المصنع

القطمة بعد ما جيت وجايين نفك ونركب لقيت الفيش مقصوصة !!! يعني زيها زي قلتها روحت رجعتهاله شحن ودفعت ثمن الشحن وثمن التوصيل

علبة الباور طلعت خالطة زيت وتركبها وتخسر كيلو زيت بـ 75 جنيه والطارة تلف يمين وشمال لوحدها بكل اخوه محمد محمدي يقول اصل الصنايعية عندك معروفش يركبوها معروفش يسحبولها هواء !!! هواء ايه ونيلة ايه رجعتها وقولتله لحسن الظن أبعت واحدة غيرها أنا عاوز أركب مش عاوز أرجع بعتلي واحدة غيرها وشيلت ثمن الشحن والتوصيل الداخلي في القاهرة وطلعت زي أختها شحنتها تاني وشكلت فلوس تاني وتاكسات رايح وتاكسات جاي وشحططة وبهدلة

طقم الاتياش طلع بايظ وعاوز يتكبس !! يعني من الاخر اداني طقم اتياس ملوش لازمة يترمي في الزبالة المفروض !! ولما كلمته وبعتله الاتياش واخدت العامود الوسطي قاله انا مش ببعهم الا علشان العامود !!! ومرديش يديني ثمنهم أصلا او يحسبهم من الحسبة

حاسبني علي التوصيل ثاني والشحن وقالي ملكش عندي من مرتجعات بـ 2000 جنيه الا 1500 جنيه !!!

ماشي يا ياسر هتبعتهم امتي قالي بكهر وبكهر يجيب بكره يجيب بعد واكلمه وميردش واكمله انا هبعتهملك واكلمه يا عم هو احنا هناكلك واكلمه يا عم هو فيه ايه واكلمهخ لا اصلي معرفش فودافون كاش واكلم اخوه حاضر يا عم هو فيه ايه وفي الاخر بعد طلوع الروح بعد يجي 20 او 25 يوم بعتهم بالمرار

قولت مش هبطل واتعلم الدرس وانا ماشي علي نصيحة الافاضل اللي نصحوا بالناس دي !! وانا منصحش حد يتعامل معاهم لانهم نصابين حرفيا

اكلمتهم وكلي ثقة اني المفروض اخد حاجة نظيفة وسعر كويس

عاوز يا ياسر طقم دواسة قالي بـ 400 جنيه !! وانا معرفش سعره لاني واثق فيه ومسالتش ومعتمد علي السمعة اللي الافاضل سابوها علي الموقع وبقدر الله اعدي علي بتاع استيراد في بلدي القي الطقم زيه وانظف منه بـ 250 اول كلمة دفعت 220 جنيه !!!!!!! وعاوز الجريدتين اللي ناقصين من الباب والاوكرة البايظة لباب السواق قالي لا الجريدتين دول بـ 200 جنيه !! عرفت بعدين انهم بيتباعوا بـ 80 جنيه و100 جنيه بالكثير ... وعاوز الموزتين اللي تحت التابلوه اللي بيمسكوا الدواسة الجريديتن الفبر لا معنديش الا واحدة بـ 50 جنيه !! ابعتها طيب وبعدين اتفاجي ان الاثنين بـ 50 جنيه وممكن اخلصهم بـ 40 جنيه !!! بكام طيب يا ياسر القربة بالشداد بتاعها قالي بـ 150 جنيه ازاي يا عم دي بتتباع بـ 50 جنيه عندنا ودي كنمت عارف سعرها قولتله بلاش منها !! وعاوز فانوس سطحية وسطي قالي بـ 150 جنيه بعتهولي مكسور ومفتاحه بايظ !! حسبي الله ونعم الوكيل فيه وفي أخوه النصابين

المهم بعد ما عرفت الاسعار بعد ما بعتله الفلوس قبلها واصر اخوه علي كده 850 جنيه كلمتهم قالولي مش هنرجع وانت رجل رضيت تشتري قولتلهم انتوا كده كانكم بتقولوا ما صدقتوا تبيعوا الحاجة هتوصلك لحد باب دكانك ومش هتدفع مليم وادي اللي هيديهملك الفلوس قالي عليا الطلاق ما هيرجعوا !! وان شاء الله بكره الاربعاء 31-7-2019 الحاجة هتتشحن وهترحله وهنشوف هيرجعها ولا لا وهبلغكم وهشهد عليه عزبة شلبي كلها وبعدين هتخذ معاه كافة الاجراءات القانونية في النصب والغش التجاري ان شاء الله عز وجل

ادي قصة شراءي من ياسر المحمدي اللي الاخهوة الافاضل شكروا فيه وفي حاجته مشوفتش الا نصب وقلة قيمة وبهدلة متشتروش منه اي حاجة

انا نصب عليا في ثمن حاجات كثير ونصب عليا في 850 جنيه حتي الان مش راضي يرجعها بس قسم بربي لاجيبهم والصعايدة مش بيسيبوا تارهم ابدا

[samirazek]

تجربتى فى شراء سيارة بولونيز موديل 1985
بعد اعتزالى العمل فى سن 66 رجعت من الرحاب فى القاهرة للاسكندرية بسيارتى الهيونداى النترا ...زحام الاسكندرية الشديد وعدم وجود اماكن انتظار كرهنى فى السواقة فبعت السيارة ..الا ان حنينى للقيادة التى مارستها على مدار 44 سنه عاودنى فاشتريت سيارة نيفا مكيفة موديل 1993 ب 41 الف جم ...هذه السيارة فى اول سفرية الى القاهرة انفجر محركها واذاقتنى الامرين وصرفت اكثر من 30 الف جم على ارجاعها الى حالها وبعتها ب 33 الفم ...ثم تذكرت البولونيز غير المرغوبة برغم خلوها من الكماليات الا اننى من زمان اعشق هذه البولونيز المظلومه لثباتها على الطريق وعلوها على المطبات برغم التكنولوجيا العتيقة وغلق مصنعها فى بولندا عام 2003 .فقد قررت شرائها ...ربما حنينا الى ايام الصبا الضائعه .
وفقنى الله لسيارة ثانى موديل 1985 يد صناعة بولندية اخجل ان اقول انها بحالة الفابريكة تلك العجوز المتصابية التى مشت 96000 كيلومتر فى 35 سنه بمعدل 2758 كيلومتر سنويا فقط ! ...ولكنها كذلك فمالكها الاول كان صيدلانيا فى الابراهيمية بالاسكندرية ومالكها الثانى يعمل فى شركة بترول بالصحراءالغربية وعنده محل لوزم بويات واسع جعل مخزنه جراج له وخصصها لنقل مشترياته من البضاعة لأن كنبتها تطوى وتصير نصف نقل تقريبا لانها مزودة بسوست ورقية خلفية .
الحالة العامة ممتازة والتابلوه شبه جديد والكبود مازال به لحاف عزل الفابريكة ويوجد 4 كارتيرات عجل حماية من امطار اسكندرية حافظت على السيارة من البارومه... انما كنبة الصالون فى حالة مزرية وطفاية سجاير ضائعة من فرش الباب خلف السائق وجهاز الاشارة بالدركسيون به اعطال وعطل بموتور مساحة الشنطه.والساعة متوقفة ومؤشر البنزين مرحل الثلث تقريبا.والمرايات معدومة وتتطلب التغيير وكذا اموتسيرات البالشنطة وكانت معدومه.
اما عن البارومه فهى قليلة جدا ...باب السائق به بارومة باسفله .و مجارى كاوتش الباب من اعلى ... وجزء بسيط من ارضية الكرسى بجانب السائق .. وجزء من العتبة الشمال من الامام واربع نقاط بالسقف عند مزاريب المياه بالسقف
كما توجد عدة شروخ بطرفى الاكصدام الامام وخرم بالخلفى...وبعد فصال شديد اشتريتها ب 14750 جنيه .والميكانيكى اكد بان الموتور سليم وبيعرق ميه ...برغم من ان مالكها السابق بيحط فيها زيت التعاون الاحمر الاحادى 50 الثقيل لانهم قالوا له ان الموتور خفيف.
الميكانيكى اخذ اتعاب الانتقال للفحص وضبط التاكيهات ...500 جنيه. ادخلتها بوية بيضاء ب 3500 جنيه فى الكامل بعد سمكرة 2200 جنيه وسروجى 800 جنيه ضبط فرش الفابريكة وزود الكراسى سفنج واصلح سوست الكنبة الخلفية وازال القش وحولها سفنج وغسل موكيت الفابريكة وكان بحالته .
الوقعة مع اول كهربائى قريب من السمكرة والدوكو....راجع على الضفيرة ضبط الانوار حيث اشتريت له زوج كلاكسات 120 جم وفانوسين اشارة امامية ووشين انارة خلفية ب 155 جنيه ... وركب سماعتين بيضاويتين فى مكانهم المصمم بالخلف حيث لم اوافقه على ثقب صينيتى غطاء الشنطه الا انه فشل فى اصلاح جهاز الاشارات بالدركسيون وموتور مساحة الشنطه وكل زراير رافعة فرامل اليد والابواب الاربعة انكسرت او فرطت فارجعت القديمه التى لا تعمل يسبب الصدأ ...وهنا اوقفته وصمم على لهف 950 جنيه .
رجعت الى الاسطى ابراهيم الكهربائى الذى انعامل معه فى السيوف فركب ماكيمة الدركسيون اصلية جديده مركونه من 30 سنه باحد محلات الساعه بفيكتوريا ب 400 جنيه واصلح موتور المساحة الخلفية وركب غطاء كاوتش لاحد الكشافات الامامية واخد 180 جنيه.
واشتريت اللوازم اآتيى ايضا: مزرابين سقف 40 جم – زوج مرايات شاهين بذراع ضبط داخلى 200 جم – 4 كاوتش تراب للابواب 140 جم – غطاء سيارة ووتر بروف ثقيل 420 جم –طاسة عجل مفقوده 75 جم بعض قطع جرايد استعمال وشماستين يابانى بالمرايات 135 جم – بادة تابلوه بولونيز 140 جم .تغيير زيت فلفلينا جيربوكس وكورونا وزيت موتور ورش ارضية السيارة بالانتركوت 650 جم.وحزامين امان بماكينتهما 500جم وزوج اموتسيرات شنطة استعمال 200 جم.ولحام شروخ وثقوب الاكصدامين بالفيبر جلاس 300 جم ...وضبط اعدادات واصلاح المؤشرات 300 جم. وضبط الابواب وطبلاتها 150 جم.
ومع اول خروج بالسيارة انكسر ظهر كرسى السائق فثبته بلحام كهرباء ب 20 جم لكنه اصبح متعبا فغيرت شاسيه الكرسى وارجعت فرش الفابريكة القطيفة الكحلى وركبت الشماستين ب 850 جم.وكمان طقم دلايات 170 جم
مع ثانى خروج وفى شارع ابوقير بجليم سخنت الماكينه فجأه وتصاعد منها بخار ..دخلت محطة اسو فقالوا ان طرف ثرموستات الرادياتير مصدى غيروا ترمله وزودا ميه ب 50 جم ...الى وصلت الى الازاريطة عاد البخار وقالى اكبر محل راداتير ان السبب كان ثقب فى الكوعه التوتيا فغيرتها بجديدة ب 130 جم وان سربنتينة الرادياتير النحاس متهالكة ويجب تغييرها فغيرت الرادياتير ب 800 جم .
ما ان وصلت الى منزلى فى ميامى الا وتصاعد البخار ثانية من الرادياتير الجديد ..اتضح ان هناك حوالى سنتيمتر فى الخزنه السفلية لم يطله لحام القصدير فى المصنع المصرى وتسبب فى تسريب المياه بالكامل ....حل ولحام وتركيب 120 جم ... وكهربائى ركب لمبة اشارة تحت التابلوه تضيء مع دورانموتور المروحة فانظر الى مؤشر الحرارة لاضمن ان الحرارة اقل من ال90 درجة.
سمعت صوت ونه قال لى الميكانيكى هات 2 رولمان بلى الكوعه و2 صلايب وبالمرة غير سير التقسيمة الكاوتش وتكلف هذا المشوار 625 جم.لكن مازالت هناك ونه بسيطة ارجعها الى الكورونه.
وهكذا تكلفت الماركيزة البولونيزة موديل 28700 جنيه...لكنها سريعة بالرغم من انها 4 غيار واصبحت استمتع بقيادتها لا صوت مزعج او حرارة من الموتور.
نيجى للشهر العقارى وطابور من الفجر تكلفت نقل الملكية 241 جنيه...
اما موقعة الترخيص فى مرور طوسون فبدأت فى السابعة صباحا وانتهت فى السابعة مساء...12 ساعة من العذاب .
اول شىء نيابة المرور ولم تكن على مخالفات واخدت الشهادة ب 20 جم
ملف الفحص والتجديد وطوابع وحافظة 130 جم
شركة اسمها امان محتكرة كل شىء بالرغم من لافته تقول ان الاجبارى فقط هى الطفاية والعاكس ...الا انهم لا ينظروا فى الفحص الا بايصال امان التى لهفت الآتى :
اصروا على تغيير الطفاية الى 4 كجم وباعوا لى نفس العاكس اللى معايا بحجة ان هذا اجبارى ب 456 جم ....شنطة اسعاف وقمع وكتيب مرور 245 جم ( توجد لافته تقول انها اختيارية والواقع انها اجبارية) استعلام امنى وفحص عادم بيئة 290 جم . كشف ورشة 87 جنيه وبصاروخ سلك خريشوا البطيخة اليمنى حتى اللحم والقوائم الاربعة وفكوا كاوتش داير الابواب وخربشوا القوائم و تحت السيارة بطولها من الناحيتين مضرين بذلك الدوكو وعزل الانتركوت .
وفى الخزينة وقفت 3 طوابير فى الطابق الارضى والاول والرابع دفعت ترخيص سنتين و تأمين لوحات ( مع انهم لم يغيروها) 1234 جم بالفيزا و241 تأمين كاش ونموذج 10 ب 101 جم انتهى ذلك الخامسة مساء وانتظارممل ساعتين تانى حتى استلام الرخصة وتركيب الملصق السابعة مساء.
واكراميات البصمه والورشة والملصق وباركينات 85 جم تقريبا .
وبهذا تكلفت سنتين الرخصة 2889 جم بالتمام والكمال ...واجمالى اللى تكلفته سيارة عمرها 35 سنه 31830 جنيه ..لكنها تضرب اى سيارة صينى جديدة بالجزمة فى المتانه بابوابها المدرعة بقضبان فولاذية واكصداماتها اللى على 4 مكابس زيت وصالونها الواسع المريح . مرة اخرى ربما هى اضغاث احلام رجوع شيخ ال 74 سنه الى صباه وحيويته وممارسة خبرته فى الميكانيكا والكهرباء...فمن يوافقنى ؟

[ahmed1981]

تجربتى فى شراء سيارة بولونيز موديل 1985
بعد اعتزالى العمل فى سن 66 رجعت من الرحاب فى القاهرة للاسكندرية بسيارتى الهيونداى النترا ...زحام الاسكندرية الشديد وعدم وجود اماكن انتظار كرهنى فى السواقة فبعت السيارة ..الا ان حنينى للقيادة التى مارستها على مدار 44 سنه عاودنى فاشتريت سيارة نيفا مكيفة موديل 1993 ب 41 الف جم ...هذه السيارة فى اول سفرية الى القاهرة انفجر محركها واذاقتنى الامرين وصرفت اكثر من 30 الف جم على ارجاعها الى حالها وبعتها ب 33 الفم ...ثم تذكرت البولونيز غير المرغوبة برغم خلوها من الكماليات الا اننى من زمان اعشق هذه البولونيز المظلومه لثباتها على الطريق وعلوها على المطبات برغم التكنولوجيا العتيقة وغلق مصنعها فى بولندا عام 2003 .فقد قررت شرائها ...ربما حنينا الى ايام الصبا الضائعه .
وفقنى الله لسيارة ثانى موديل 1985 يد صناعة بولندية اخجل ان اقول انها بحالة الفابريكة تلك العجوز المتصابية التى مشت 96000 كيلومتر فى 35 سنه بمعدل 2758 كيلومتر سنويا فقط ! ...ولكنها كذلك فمالكها الاول كان صيدلانيا فى الابراهيمية بالاسكندرية ومالكها الثانى يعمل فى شركة بترول بالصحراءالغربية وعنده محل لوزم بويات واسع جعل مخزنه جراج له وخصصها لنقل مشترياته من البضاعة لأن كنبتها تطوى وتصير نصف نقل تقريبا لانها مزودة بسوست ورقية خلفية .
الحالة العامة ممتازة والتابلوه شبه جديد والكبود مازال به لحاف عزل الفابريكة ويوجد 4 كارتيرات عجل حماية من امطار اسكندرية حافظت على السيارة من البارومه... انما كنبة الصالون فى حالة مزرية وطفاية سجاير ضائعة من فرش الباب خلف السائق وجهاز الاشارة بالدركسيون به اعطال وعطل بموتور مساحة الشنطه.والساعة متوقفة ومؤشر البنزين مرحل الثلث تقريبا.والمرايات معدومة وتتطلب التغيير وكذا اموتسيرات البالشنطة وكانت معدومه.
اما عن البارومه فهى قليلة جدا ...باب السائق به بارومة باسفله .و مجارى كاوتش الباب من اعلى ... وجزء بسيط من ارضية الكرسى بجانب السائق .. وجزء من العتبة الشمال من الامام واربع نقاط بالسقف عند مزاريب المياه بالسقف
كما توجد عدة شروخ بطرفى الاكصدام الامام وخرم بالخلفى...وبعد فصال شديد اشتريتها ب 14750 جنيه .والميكانيكى اكد بان الموتور سليم وبيعرق ميه ...برغم من ان مالكها السابق بيحط فيها زيت التعاون الاحمر الاحادى 50 الثقيل لانهم قالوا له ان الموتور خفيف.
الميكانيكى اخذ اتعاب الانتقال للفحص وضبط التاكيهات ...500 جنيه. ادخلتها بوية بيضاء ب 3500 جنيه فى الكامل بعد سمكرة 2200 جنيه وسروجى 800 جنيه ضبط فرش الفابريكة وزود الكراسى سفنج واصلح سوست الكنبة الخلفية وازال القش وحولها سفنج وغسل موكيت الفابريكة وكان بحالته .
الوقعة مع اول كهربائى قريب من السمكرة والدوكو....راجع على الضفيرة ضبط الانوار حيث اشتريت له زوج كلاكسات 120 جم وفانوسين اشارة امامية ووشين انارة خلفية ب 155 جنيه ... وركب سماعتين بيضاويتين فى مكانهم المصمم بالخلف حيث لم اوافقه على ثقب صينيتى غطاء الشنطه الا انه فشل فى اصلاح جهاز الاشارات بالدركسيون وموتور مساحة الشنطه وكل زراير رافعة فرامل اليد والابواب الاربعة انكسرت او فرطت فارجعت القديمه التى لا تعمل يسبب الصدأ ...وهنا اوقفته وصمم على لهف 950 جنيه .
رجعت الى الاسطى ابراهيم الكهربائى الذى انعامل معه فى السيوف فركب ماكيمة الدركسيون اصلية جديده مركونه من 30 سنه باحد محلات الساعه بفيكتوريا ب 400 جنيه واصلح موتور المساحة الخلفية وركب غطاء كاوتش لاحد الكشافات الامامية واخد 180 جنيه.
واشتريت اللوازم اآتيى ايضا: مزرابين سقف 40 جم – زوج مرايات شاهين بذراع ضبط داخلى 200 جم – 4 كاوتش تراب للابواب 140 جم – غطاء سيارة ووتر بروف ثقيل 420 جم –طاسة عجل مفقوده 75 جم بعض قطع جرايد استعمال وشماستين يابانى بالمرايات 135 جم – بادة تابلوه بولونيز 140 جم .تغيير زيت فلفلينا جيربوكس وكورونا وزيت موتور ورش ارضية السيارة بالانتركوت 650 جم.وحزامين امان بماكينتهما 500جم وزوج اموتسيرات شنطة استعمال 200 جم.ولحام شروخ وثقوب الاكصدامين بالفيبر جلاس 300 جم ...وضبط اعدادات واصلاح المؤشرات 300 جم. وضبط الابواب وطبلاتها 150 جم.
ومع اول خروج بالسيارة انكسر ظهر كرسى السائق فثبته بلحام كهرباء ب 20 جم لكنه اصبح متعبا فغيرت شاسيه الكرسى وارجعت فرش الفابريكة القطيفة الكحلى وركبت الشماستين ب 850 جم.وكمان طقم دلايات 170 جم
مع ثانى خروج وفى شارع ابوقير بجليم سخنت الماكينه فجأه وتصاعد منها بخار ..دخلت محطة اسو فقالوا ان طرف ثرموستات الرادياتير مصدى غيروا ترمله وزودا ميه ب 50 جم ...الى وصلت الى الازاريطة عاد البخار وقالى اكبر محل راداتير ان السبب كان ثقب فى الكوعه التوتيا فغيرتها بجديدة ب 130 جم وان سربنتينة الرادياتير النحاس متهالكة ويجب تغييرها فغيرت الرادياتير ب 800 جم .
ما ان وصلت الى منزلى فى ميامى الا وتصاعد البخار ثانية من الرادياتير الجديد ..اتضح ان هناك حوالى سنتيمتر فى الخزنه السفلية لم يطله لحام القصدير فى المصنع المصرى وتسبب فى تسريب المياه بالكامل ....حل ولحام وتركيب 120 جم ... وكهربائى ركب لمبة اشارة تحت التابلوه تضيء مع دورانموتور المروحة فانظر الى مؤشر الحرارة لاضمن ان الحرارة اقل من ال90 درجة.
سمعت صوت ونه قال لى الميكانيكى هات 2 رولمان بلى الكوعه و2 صلايب وبالمرة غير سير التقسيمة الكاوتش وتكلف هذا المشوار 625 جم.لكن مازالت هناك ونه بسيطة ارجعها الى الكورونه.
وهكذا تكلفت الماركيزة البولونيزة موديل 28700 جنيه...لكنها سريعة بالرغم من انها 4 غيار واصبحت استمتع بقيادتها لا صوت مزعج او حرارة من الموتور.
نيجى للشهر العقارى وطابور من الفجر تكلفت نقل الملكية 241 جنيه...
اما موقعة الترخيص فى مرور طوسون فبدأت فى السابعة صباحا وانتهت فى السابعة مساء...12 ساعة من العذاب .
اول شىء نيابة المرور ولم تكن على مخالفات واخدت الشهادة ب 20 جم
ملف الفحص والتجديد وطوابع وحافظة 130 جم
شركة اسمها امان محتكرة كل شىء بالرغم من لافته تقول ان الاجبارى فقط هى الطفاية والعاكس ...الا انهم لا ينظروا فى الفحص الا بايصال امان التى لهفت الآتى :
اصروا على تغيير الطفاية الى 4 كجم وباعوا لى نفس العاكس اللى معايا بحجة ان هذا اجبارى ب 456 جم ....شنطة اسعاف وقمع وكتيب مرور 245 جم ( توجد لافته تقول انها اختيارية والواقع انها اجبارية) استعلام امنى وفحص عادم بيئة 290 جم . كشف ورشة 87 جنيه وبصاروخ سلك خريشوا البطيخة اليمنى حتى اللحم والقوائم الاربعة وفكوا كاوتش داير الابواب وخربشوا القوائم و تحت السيارة بطولها من الناحيتين مضرين بذلك الدوكو وعزل الانتركوت .
وفى الخزينة وقفت 3 طوابير فى الطابق الارضى والاول والرابع دفعت ترخيص سنتين و تأمين لوحات ( مع انهم لم يغيروها) 1234 جم بالفيزا و241 تأمين كاش ونموذج 10 ب 101 جم انتهى ذلك الخامسة مساء وانتظارممل ساعتين تانى حتى استلام الرخصة وتركيب الملصق السابعة مساء.
واكراميات البصمه والورشة والملصق وباركينات 85 جم تقريبا .
وبهذا تكلفت سنتين الرخصة 2889 جم بالتمام والكمال ...واجمالى اللى تكلفته سيارة عمرها 35 سنه 31830 جنيه ..لكنها تضرب اى سيارة صينى جديدة بالجزمة فى المتانه بابوابها المدرعة بقضبان فولاذية واكصداماتها اللى على 4 مكابس زيت وصالونها الواسع المريح . مرة اخرى ربما هى اضغاث احلام رجوع شيخ ال 74 سنه الى صباه وحيويته وممارسة خبرته فى الميكانيكا والكهرباء...فمن يوافقنى ؟

المهم تعيش العربية بعد المصاريف دي
شكراً على القصة الشيقة