::: البولونيز المظلومة :::

[husseinm25]

السلام عليكم
بخصوص الفتيس الي عند حضرتك انا محتاج الحله فاضيه لو لسه موجوده ابعتلي سعرها ورقمك
وشكرا لحضرتكم

[kokololososo]

انا مقبل علي شراء بولونيز مرة أخري بعد بيعي للبولونيز اللي فاتت بسبب الكهربا اللي كانت بايظه تماما فيها
سؤالي
قدامي واحده ممتازة جدا مشدودة برا وميكانيكا
أكشف علي كهربتها إزاي؟
ولو حصل نصيب فيها أعتني بالكهربا بعد كده إزاي؟

[Mostafa_hassan]

https://www.facebook.com/groups/1535938306676355/

[img3]https://www.facebook.com/photo.php?fbid=10155662936330321&set=oa.1611140302 489488&type=3&theater[/img3]

[Mostafa_hassan]

جروب البولونيز على الفيس بوك




[img3]http://dc598.4shared.com/download/FXAmpqyUba/11401560_10155662936330321_494.jpg?lgfp=3000[/img3]

[3mr=http://dc598.4shared.com/download/FXAmpqyUba/11401560_10155662936330321_494.jpg?lgfp=3000]Polonez Egypt[/3mr]

[Mario1409]

طلب مساعدة

الاخوة الاعزاء . مساء الخير
محناج منكم مساعدة انا بفكر جديا اشترى سيارة بولونيز وده بسبب كلامكم المشجع عنها ، الحاجة الوحيدة اللى مخليانى متردد هى ثقل الدركسيون . ولقيت اكثر من مشاركة بتتكلم عن تركيب دركسيون باور فياريت لو حد جرب الحكاية دى يقولى التفاصيل ولو ممكن الصنايعى اللى عملهاله وهل النتيجة كويسة ولا لأ .
واكون شاكر جدا

[amruzo]

الاخوة الاعزاء . مساء الخير
محناج منكم مساعدة انا بفكر جديا اشترى سيارة بولونيز وده بسبب كلامكم المشجع عنها ، الحاجة الوحيدة اللى مخليانى متردد هى ثقل الدركسيون . ولقيت اكثر من مشاركة بتتكلم عن تركيب دركسيون باور فياريت لو حد جرب الحكاية دى يقولى التفاصيل ولو ممكن الصنايعى اللى عملهاله وهل النتيجة كويسة ولا لأ .
واكون شاكر جدا

السلام عليكم
الباور بيركب على المواتير اللى الكاتينه بتاعتها كاوتش مش جنزير وكل حاجته موجوده فى عزبة شلبى وتكلفتها مش كبيره وربنا يوفقك

[tamer115]

السلام عليكم اخوتي الكرام. انا عضو جديد ببلونيز 83 و نفسي بصراحه اسال عن حاجتين . اعمل فين باور ليها و ازاي اوطي صوت الموتور المزعج لانه صوتها شبه صوت الربع نقل القديم و الصوت ده خارجي مش داخلي

[ayaamna]

السلام عليكم اخوتي الكرام. انا عضو جديد ببلونيز 83 و نفسي بصراحه اسال عن حاجتين . اعمل فين باور ليها و ازاي اوطي صوت الموتور المزعج لانه صوتها شبه صوت الربع نقل القديم و الصوت ده خارجي مش داخلي

مرحب بيك يا استاذ تامر
دى الصفحه بتاعة البولونيز على الفيس بوك الناس هناك موجوده با استمرار وما بتتاخرش عن اى حد وناس محترمه جدا

https://www.facebook.com/groups/1535938306676355/

[khmonir]

انا عربيتي كانت بتأخر كتييييييييييييييير في الدوارة وخصوصا لو ركنتها يومين او ثلاثة وقالولي ان المشكلة في بلوف طلمبة البنزين لانها مش بتمنع من هروب البنزين من الكاربيراتير والحمد لله انتهت مشكلة الدوارة بعد ضبط الطلمبة.

المشكلة دي عندي برضه .... فمعلش هي الطلمبة بتضبط إزاي

[khmonir]

السلام عليكم ورحة الله وبركاته

أنا ياجماعة غيرة حجات كتير أوى فى عربيتى على مدار السنتين الى فاتو

غيرت طقم بلى لعجل أمامى
غيرت بلى واكسات للعجل الخلفى
غيرت فتيس
عملت عمرة موتور
غيرت صلايب كردان + كرسى نص بالبلية بتعته
غيرت طلمبة بنزين
غيرت طنابير وتيل فرامل
تم تشغيل فرامل اليد


كل إلى فات ده أنا عملته بنفسى حتى عمرة الموتور وده علشان أنا كنت شغال فترة جمدة جداً أيام الدراسة مع عمى ميكانيكى (أربع سنوات) وعندى خبرة كبيرة فى الفك والتركيب ينقصنى فقط بعض الخبرة للمواقف الطارئه (الشاذة) وطبعاً المواقف دى برجع فيها لعمى علطول يقولى أعمل ايه وأنا إلى بنفذ وأحياناً بستلف منه بعض العدد إلى مش موجودة عندى

وبعد الكلام الكتير ده أنا حبيت أقول إن أى حد عاوز حاجه أنا تحت أمرة سواء مساعدة أو رأى فنى

السلام عليكم ورحمة الله وبركاته
حضرتك في أحد الردود كنت بتقول إن قطع الغيار الجديدة عند الكيلاني فهل عنده ماستر فرامل خلفي يمين ﻷني محتاج واحد يمين ويعمل كام
لو عنده ممكن توصف لي عنوانه
معلش أنا بزعجك بس بجد دايخ على جديد منه مش لاقي ومش حابب فكرة الاستيراد إلا لو ملقتش خالص بقى

شكراً لك

[khmonir]

اسلام عليكم ورحمة الله
بعد أن كانت متحمس يئست وبعدين بحثت لقيت ان خرطوم الفايز بيخش في الكربرتير فوصلتة الهباب راح بنسبة ٨٠٪ بس لقيت ان البوجيهات فيها زيت بنسبة صغيرة جدا قلت في حل لازم وصلت خرطوم الماء من الجنب الراكب فية الكربرتير بطرمبة المية شحنة البنزين أصبحت تخش ساخنة الهباب راح بنسبة ١٠٪ أصبح فية شوية بحثت على أنواع البوجيهات لقيت أنواع سخنة وباردة ومتوسطة ركبت نوع سخن يعني بينما نفسة على درجة حرارة صغيرة اختفى الهباب خالص ودة رقمي أن حد عاوز يستفسر على حاجة 01117873577 احمد السيد

معلش أستاذ أحمد أنا مفهمتش الجزء بتاع خرطوم المياه ده ، ولا الجزء بتاع البوجيهات السخنة والباردة
أنا فهمت إنك وصلت خرطوم من الفايز بتاع الموتور للكاربراتير وإن ده قلل من المشكلة .... لكن الجزء بتاع المياه ده مفهمتوش
معلش أنا بسألك ﻷني لما رحت لبتاع الكاربراتير كان فيه خرطوم راكب فيه بس مكنش متوصل بحاجة والميكانيكي قال لي ملوش لازمة وشاله خالص

لو عرفت تحط صور يبقى كتر خيرك

[khmonir]

انا ركبتها من غير اي حاجة هى لمبه المانى نورها اصفر و الراجل بعهالى ب 30 جنيه بس عرفت بعد كده انها غالية بس بصراحة النور بقي حلو و بقيت اشوف كويس

و لسه جايب ستيكر سيلفر هعمل بيه الفوانيس الي ورا علشان تنور كويس جربته علي نور الصالون عمل فرق كبير

إيه هو الاستيكر السيلفر ده وبيركب إزاي؟؟؟
من برة والا من جوة

[khmonir]

سؤال عن منظفات دورة البنزين

السلام عليكم ورحمة الله وبركاته
اﻷخوة اﻷفاضل
قرأت كثيراً عن منتجات تنظيف دورة البنزين والتانك ..... وتم عرض تلك المنتجات علي في إحدى بنزينات موبيل (بنزينة ميدان الرماية) المهم إني لاحظت أن كل من كتب عن تلك المنظفات وشكر فيها هم أصحاب العربيات الجديدة
يا ترى حد استخدم تلك المنظفات في العربية البولونيز ..... وإيه تأثيرها؟؟؟؟؟؟
وهل تغني تلك المنتجات عن الذهاب لتنظيف الكاربراتير؟؟؟؟؟؟؟
ﻷني بصراحة عايز أضبط الكاربراتير مرة وبعد كده مروحش لحد ينظفه ....... وانما أستخدم منظفات سهلة الاستخدام لتنظيفه وهو راكب في العربية

شكراً

[Osama srhan]

انا كمان بعشق البولونيز بس عايز حد يقولى اظبطها اكسسوارات ازاى

[house_dead]

مشكلة الكرباتير والفايز

السلام عليكم ورحمه الله
تحية كبيرة للمنتدى ده ...جزاكم الله خير على المعلومات القيمه دى
ليا سوالين ب
اولا :- المشكلة اللى انا بعنيها من الكربيرتاير وبعد لف وتتدوير منفعش وهشترى جديد
كنت عايز اعرف هو الكربرتاير الصينى اخباره ايه هيعيش فى العربية ولا شوية وهيترمى علما انه سعره فى السوق 700 جنيه

ثانيا :- بالنسبة لخرطوم الفايز انا طولته شويه لحد تحت العربية هل ده بقى ليه مكان فى الكرباتير لو اى حته تانى فى الحوض ولا له وهل الدخانه البيضاء اللى طالعه منه بسبب مشكله الكرباتير ولا ده ايه

ارجو الافاده وشكرااا