إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة prince72 مشاهدة المشاركة
    ارجو الافاده من اهل الخبرة
    العربيه انا كنت غيرتلها جوان وش صلندر ومن بعدها الحرارة عاليه اول ما بسخن العربيه ترفع لغاية ال 90
    كشفت على اريداتير والشكمان وظبطت التكيهات وبرضه زى ما هيا
    بتاع الشكمان قالى ممكن يكون الجوان مش مظبوط وهو ده هيكون السبب
    يا ريت تفيدونى
    الاستاذ العزيز :
    فى حالة كفاءة الموتور + الشكمان بالكامل من اول المشترك للنهايتة + التاكيهات
    هيكون السبب للاسف فى جوان وش السلندر
    ويفضل الكشف علية وان تقوم بتغييرة الى 2 جوان عادي وليس دبل
    لان الدبل تخانتة اقل من الاتنين العادي
    ويجب فحص وش السلندر بدقة .. لو حضرتك فعلا متأكد من كفاءة كل اللى ذكرتة
    ومتأكد 100 % خصوصا الريداتير هيبقى للاسف جوان

    بس مش عايزين نتسرع ونمسكها واحدة واحدة لان ممكن يكون الجوان مظلوم اوكى ؟
    اولا : الجوان حضرتك ركبتة امتى ومشيت بية قد اية ؟
    ثانيا : هل العربية سخنت بعد ما الجوان ركب على طول ولا قعدت فترة من الايام او الاسابيع؟
    ثالثا : هل العربية سخنت منك وعديت الـ 100 درجة ؟؟
    رابعا : عايز حضرتك تقولي اول ما بدور العربية بتاخد وقت قد اية عبال متسخن ؟
    وبتسخن بتوصل لكام ؟ وهل بتعدي الـ 100 بسرعة ؟؟ اشرح لى بشكل مفصل اللى بيحصل
    علشان نقدر نفيد حضرتك .. انا متابع بأذن الله


    المشاركة الأصلية كتبت بواسطة amro1965 مشاهدة المشاركة
    اضم صوتى لصوتك لهذا التوضيح

    بالنسبة للانسب نوع بوجيهات للريجاتا .. انا ف الحقيقة جربت 3 انواع فقط .. واحسنهم طبعا ngk يابانى
    وبلا منازع .
    بالنسبة للبوجيهات البلاتنيوم فلم اجربها .. لكن احد اصدقائى جربها فى ماروتى ولم يوجد اي تغيير بخلاف شيئ واحد
    وهو عمر اطول وتحمل اكبر للسخونية العالية . فقط لا غير . جربت بوجيهات 2 شمعة و 3 شمعة فية تحسن ملحوظ
    فى بنزين 90 .. لمستخدمى بنزين 80 للاسف لن يشعروا بأي تحسن بسبب الفرق الشاسع بين ناتج الحرق نوعين البنزين
    رغم غلاء الـ 90 لكنى بحبة بصراحة وبكرة سعرة .. لكنة جميل جداَ صوت هادئ للموتور .. سحب رائع بفضل الله والحمد لله
    120 ك بسرعة مع الاحتفاظ بصوت هادئ للموتور . يبقى للاخوة اللى عايزين اداء افضل بوجيهات ngk يابانى الخلوص
    بتاعتها مظبوطة حسب كتالوج الريجاتا + بنزين 90 + زيت فتيس متوسط او خفيف 90
    مع الاخذ بالاعتبار حالة الموتور + الاسبراتير + الكربراتير + الفتيس + الاسطوانة والديسك

    .. ملحوظة بعيدة عن الموضوع " انا بدءت اترجم الكتالوج من اسبانى منذ 3 اسابيع تقريبا
    للانجلش وللاسف الوقت ضيق جداَ ومحتاج مساعدة من اي شخص يعرف اسبانى يترجم معايا ونخلص الكتاب .. انا حولت
    الكتاب من هيئة pdf الى هيئة doc وورد .. علشان اسهل علي نفسى الترجمة .. ولم اعلن عن البدء فى الترجمة
    لانها لسة مخلصتش ولسة مش عارف نهايتها اية معايا خصوصا ان الكتاب كبير وضغوط العمل وشد السيارة اللى مضيع 99 % من وقتى .. ياريت لو حد يساعدنى "
    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت

    Comment


    • بالنسبة للاستاذ " prince72 " نسيت اسأل حضرتك على حاجة
      هل فية زيت مخلوط بماء فى الريداتير او القربة ؟؟؟ " شكل طحينة " + هل المية بتخلص منك بسرعة ؟ يعنى بتزود مية ف الريداتير كتير كل يوم ؟
      اهم مواضيعى عن الريجاتا : بداخل عضويتى
      عدنا بكل قوة للرابطة .. م / Hussein
      مبرمج ومالك لشركة برمجيات وتصميم مواقع الانترنت

      Comment


      • اهلا بك اخى العزيز نايس
        اتمنى ان لا تنسى مفردات اثمان تجديد الرخصه لانى للاسف مقدرتش اقراءه جيدا نظرا سرعه الاجراءات
        بالتوفيق فى انهاء اجراءات رخصتك باذن الله
        [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
        [/COLOR][/SIZE]

        Comment


        • اولا احب اشكرك على تعبك معايا
          العربيه قبل موضوع الجوان كانت الحرارة عاديه جدا لا تزيد عن ال 70
          وبعد الجوان علطول بدات تسخن وتوصل لل90 بس المروحه بتشتغل وتبدا دورة التبريد عادى جدا
          وبالنسبه للميه عاديه مش مخلوطه بزيت وبزودها يوميا بس مش كتير مرة ممكن نص كوب ماء ومرة ازيد شويه

          Comment


          • الاخوه الاعزاء وحشتوني جميعا عندي سوال :-
            خرطوم التكيف الي جاي من صدر العربيه الي الريداتير الي هو راكب فيه الصمام التلاتي ابو فيشتين بيكون ناحيه البطاريه ولا الناحيه التانيه وانت فاتح الكبوت ومدي وشك للعربيه
            وشكرا

            Comment


            • المشاركة الأصلية كتبت بواسطة prince72 مشاهدة المشاركة
              اولا احب اشكرك على تعبك معايا
              العربيه قبل موضوع الجوان كانت الحرارة عاديه جدا لا تزيد عن ال 70
              وبعد الجوان علطول بدات تسخن وتوصل لل90 بس المروحه بتشتغل وتبدا دورة التبريد عادى جدا
              وبالنسبه للميه عاديه مش مخلوطه بزيت وبزودها يوميا بس مش كتير مرة ممكن نص كوب ماء ومرة ازيد شويه
              حضرتك متأكد ان الريداتير سليم ؟ وان مروحة التبريد شغالة بكل كفاءتها ؟؟
              العربية بتسخن ف قد اية من بعد الدوارة ؟
              فية اسألة فوق حضرتك مجاوبتنيش عليها
              بعد اجابة حضرتك على الاسئلة هقول لحضرتك هتعمل اية بالظبط .. واللى غالبا وربنا يستر تغيير جوان وش السلندر
              بـ 2 جوان عادة مع فحص وش السليندر .. ولو تقدر تبيع وش السلندر اللى عندك وتشتري غيرة من الوكالة مع الجوان العادي
              هتحصل على افضل اداء بأذن الله .. ياريت تطمنا وتقولنا وصلت للاية وفين ؟ ومتنساش الاسئلة اللى فوق
              اهم مواضيعى عن الريجاتا : بداخل عضويتى
              عدنا بكل قوة للرابطة .. م / Hussein
              مبرمج ومالك لشركة برمجيات وتصميم مواقع الانترنت

              Comment


              • المشاركة الأصلية كتبت بواسطة regata مشاهدة المشاركة
                الاخوه الاعزاء وحشتوني جميعا عندي سوال :-
                خرطوم التكيف الي جاي من صدر العربيه الي الريداتير الي هو راكب فيه الصمام التلاتي ابو فيشتين بيكون ناحيه البطاريه ولا الناحيه التانيه وانت فاتح الكبوت ومدي وشك للعربيه
                وشكرا
                العربية عندى شلت منها كل وصلات التكييف ومش فاكر بصراحة .. بس تقريبا بيكون فى اتجاة البطارية
                باردو انتظر باقي الاعضاء
                اهم مواضيعى عن الريجاتا : بداخل عضويتى
                عدنا بكل قوة للرابطة .. م / Hussein
                مبرمج ومالك لشركة برمجيات وتصميم مواقع الانترنت

                Comment


                • الجوان انا ركبته والميكانيكى قال امشى بيه غيار زيت كامل وبعد كده نربط على الجوان تانى بس انا مشيت عليه تقريبا 600 كم وغيرنت الزيت
                  وربطت على الجوان
                  العربيه من وقت ما ركبت الجوان وحتى بعد ما غيرت الزيت وظبطت التكيهات علطول برضه بتمسك حرارة بس بعد تقريبا ربع ساعه من تدوير العربيه مش علطول وبتبقى تدريجيا يعنى مش علطول تلاقيها 90 وهيا مش بتعدى ال 100 لان المروحه بتبدا التبريد على ال 90وتبدا الحرارة فى النزول

                  Comment


                  • المشاركة الأصلية كتبت بواسطة prince72 مشاهدة المشاركة
                    الجوان انا ركبته والميكانيكى قال امشى بيه غيار زيت كامل وبعد كده نربط على الجوان تانى بس انا مشيت عليه تقريبا 600 كم وغيرنت الزيت
                    وربطت على الجوان
                    العربيه من وقت ما ركبت الجوان وحتى بعد ما غيرت الزيت وظبطت التكيهات علطول برضه بتمسك حرارة بس بعد تقريبا ربع ساعه من تدوير العربيه مش علطول وبتبقى تدريجيا يعنى مش علطول تلاقيها 90 وهيا مش بتعدى ال 100 لان المروحه بتبدا التبريد على ال 90وتبدا الحرارة فى النزول
                    تحليل حضرتك دلوقت غير كل المعتقدات
                    عربية حضرتك سليمة 100 % الحمد لله مفهاش جوان
                    طالما مش بتعدي الـ 90 ابدا ... خصوصا فى عز الحر الشديد طالما مش بتعدي الـ 90 دة العادي بتاعها
                    حضرتك ممكن تغير التيرموستات اللى عندك بواحد 60 - 70 او 80 - 90 .. والافضل .. 80 - 90
                    وتعمل شربون للمروحة بتاعة الريداتير لو حسيت انها ضعيفة .. عربية حضرتك زى الفل الحمد لله
                    اهم مواضيعى عن الريجاتا : بداخل عضويتى
                    عدنا بكل قوة للرابطة .. م / Hussein
                    مبرمج ومالك لشركة برمجيات وتصميم مواقع الانترنت

                    Comment


                    • المشاركة الأصلية كتبت بواسطة regata مشاهدة المشاركة
                      الاخوه الاعزاء وحشتوني جميعا عندي سوال :-
                      خرطوم التكيف الي جاي من صدر العربيه الي الريداتير الي هو راكب فيه الصمام التلاتي ابو فيشتين بيكون ناحيه البطاريه ولا الناحيه التانيه وانت فاتح الكبوت ومدي وشك للعربيه
                      وشكرا
                      بيكون من ناحية البطارية
                      [SIZE=3][B]ان [U]الله[/U] لا يضيع اجر من احسن عملا[/B][/SIZE]

                      Comment


                      • انا معروض عليا ريجات موديل 1990 100s فيها بعض الأشياء عايزة اصلاح او تغيير مثل الكبالن و التابلوه مفكوك من جانب باب السائق وعلبة الفيوز ظاهرة وعض البويه مقشرة لكن حالتها كويسة عفشة وموتور ولايوجد بارومة كان طالب 20000 جنيه واتفقنا على 19000 جنيه كويسة ولا لأ وما الفرق بين 85s 100s

                        Comment


                        • المشاركة الأصلية كتبت بواسطة gadsuez مشاهدة المشاركة
                          انا معروض عليا ريجات موديل 1990 100s فيها بعض الأشياء عايزة اصلاح او تغيير مثل الكبالن و التابلوه مفكوك من جانب باب السائق وعلبة الفيوز ظاهرة وعض البويه مقشرة لكن حالتها كويسة عفشة وموتور ولايوجد بارومة كان طالب 20000 جنيه واتفقنا على 19000 جنيه كويسة ولا لأ وما الفرق بين 85s 100s
                          الريجاتا 100 s موتور ايطالى 1600 سى سى 16 صباب بقوة 100 حصان/ كابراتير 2 باب وكمان وحدة تحكم بس قطع غيار الموتور نادرة شوية بعكس ريجاتا 85 s المنتشرة بشدة وبالنسبة للسعر فهو كدا لقطة لانك هتصرف عليها حاجات بسيطة
                          جوز كبالن صينى : 160 جنية
                          جوز كبالن المانى : 240 جنيه
                          جوز كبالن ايطالى : 300 جنية / علبة فيوز= 50 جنيه / التابلوه لو وجدته = 2000 او ممكن تركب تابلوه ريتمو مكيفة
                          واخيرا لازم يكون معاك واحد متخصص وامين يكشف عليها خاصة الشاسيه
                          [SIZE=3][B]ان [U]الله[/U] لا يضيع اجر من احسن عملا[/B][/SIZE]

                          Comment


                          • المشاركة الأصلية كتبت بواسطة gadsuez مشاهدة المشاركة
                            انا معروض عليا ريجات موديل 1990 100s فيها بعض الأشياء عايزة اصلاح او تغيير مثل الكبالن و التابلوه مفكوك من جانب باب السائق وعلبة الفيوز ظاهرة وعض البويه مقشرة لكن حالتها كويسة عفشة وموتور ولايوجد بارومة كان طالب 20000 جنيه واتفقنا على 19000 جنيه كويسة ولا لأ وما الفرق بين 85s 100s
                            اولاً هى دواخلها و اساسيتها سليمة و لا لأ

                            هى الفرق بينها و بين ال 85 فى الماتور فقط....ال85 1500 بكامة و احدة

                            ال 100s ماتور 1600 اتنين كامة .....و ده حاجته مختلفة عن الماتور ال 1500



                            و الفتيس كمان ....اعتقد ممكن تجيب حاجتها بس هتبقى قليلة و مش عند اى حد ...فيا ريت تسأل عليها الأول

                            خلى بالك ان التالبوه مشكلة الريجاتا الازلية...تمنه غالى و مش هتلاقيه حالة كويسة بسهولة

                            و بعدين التكييف بتاعها اخباره ايه....

                            عموماً لو العربية اساسياتها سليمة....و الماتور حالته كويسة و العفشة و الدهان الخارجى معقول ...اعتقد السعر يبقى مناسب

                            بس خلى بالك غالباً الكبالن بتاعتها هتبقى اغلى من العادية

                            Comment


                            • اضم صوتى لصوت الاخوة الاعضاء
                              فى حاله ان اساسيات العربيى سليمه
                              شاسية سليم غير ملحوم او مفتوح بسبب مطب قوى او حادثه اثرت علية
                              فابريقة دواحل شنطة وحوض
                              فى حاله ان الاثنين دول تمام من قبل سمركى متمرس مع رفع السيارة فى بنزينه محترمة واعطاء تقرير بالحاله
                              توكل على الله والباقى هين سواء كانت سمكرة او دهان خارجى او كبالن وخلافه
                              انا معى ريجاتا موديل 90 كنت شاريها ب 25 الف والحمد لله جماله اسية وسفر
                              ورغم ذلك اشك فى السعر
                              بالتوفيق فى الشراء
                              [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                              [/COLOR][/SIZE]

                              Comment


                              • متشكر على الردود الأساسيات سليمة و مفيش بارومةلكن الكييف مش شغال و استعمال سيدة لكن انا قلقت من أن مفيش قطع غيار ليها فانا غدا ان شاء الله سوف ادفع الفلوس و تعملى التوكيل والرخصة تنتهى فى 11/6/2011 وفحص 2013 أتوكل على الله وأذا أحتجت حاجة البركة فى الرابطة

                                Comment

                                Working...
                                X