إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة monto1983 مشاهدة المشاركة
    الف سكر ليكم ياجماعه الله يسلمك م من كل شر بس اللي مضايقني اني كمان لقيت حله الفتيس مشروخه انا هتجنن بجد تعبت منها الحمد لله
    سيبها على الله وقول الحمد لله على كل حال انت بتفكرنى بنفسى ولكن الشكوى لغير الله مزله وعايز اقولك ان انت جبت عربيه ثانيه مستعمله او جديده هتكون معرضه لأى شىء.

    المشاركة الأصلية كتبت بواسطة amro1965 مشاهدة المشاركة
    على ماعتقد اخى العزيز مش هتفتح للسبب الاتى
    الريجاتا فيها شداد ماسك من الركتيرات يمين وشمال وده اصلا معمول علشان الشاسية مايفتحش زى السيارات الاخرى
    سيارتى الماضية كانت ريتمو وشفت ناس كتير عاملين هذا الشداد
    سيبها على الله ومش هتفتح نهائى وسيبك من كلام الناس
    الشداد مش نازل فى كل العربيات يا استاذ عمرو

    Comment


    • انا اللى اعرفه انه موجود والله اعلم
      واكيد لو مش موجود ممكن يكون بيتباع او يتصنع لانى شفت ناس فى سيارات ريتمو عاملينه لان الريتمو شاسيها ضعيف وعلشان مايفتحش بيعملوله الشداد
      [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
      [/COLOR][/SIZE]

      Comment


      • المشاركة الأصلية كتبت بواسطة regata مشاهدة المشاركة
        نداء الي الاستاذ (نايس ايجيبت) اخبارك ايه اخي العزيز طمني عليك
        بطلبك مش بترد لعل المانع خير ارجو التواصل في اقرب وقت الامانه معيا
        ياريت لو تبعت لي رقم حضرتك برايفت لان عندى ارقام كتيرة جداَ تاية وسطها .. فى انتظار رقمك
        اهم مواضيعى عن الريجاتا : بداخل عضويتى
        عدنا بكل قوة للرابطة .. م / Hussein
        مبرمج ومالك لشركة برمجيات وتصميم مواقع الانترنت

        Comment


        • المشاركة الأصلية كتبت بواسطة monto1983 مشاهدة المشاركة
          الف سكر ليكم ياجماعه الله يسلمك م من كل شر بس اللي مضايقني اني كمان لقيت حله الفتيس مشروخه انا هتجنن بجد تعبت منها الحمد لله
          أنا عندي فتيس قديم مالوش لاومة عندي كان شغال زي الفل كل اللي كان فيه زعقة خفيفة على الغيار الخامس وساعات تيجي وساعات لأة
          المهم لو عايز الفتيس ابعتلي عالخاص
          [CENTER][FONT=Comic Sans MS]


          [/FONT][/CENTER]

          Comment


          • المشاركة الأصلية كتبت بواسطة nicegypt مشاهدة المشاركة
            ياريت لو تبعت لي رقم حضرتك برايفت لان عندى ارقام كتيرة جداَ تاية وسطها .. فى انتظار رقمك
            ما تقلقش يا أ.حسين (nicegypt)
            أ.ياسر (regata) راجل محترم جدا وأكيد هيفضل وراك لحاد ما يوصلك الامانة ،
            [CENTER][FONT=Comic Sans MS]


            [/FONT][/CENTER]

            Comment


            • المشاركة الأصلية كتبت بواسطة mahmoodallam مشاهدة المشاركة
              ما تقلقش يا أ.حسين (nicegypt)
              أ.ياسر (regata) راجل محترم جدا وأكيد هيفضل وراك لحاد ما يوصلك الامانة ،
              الامانة وصلت يا استاذ محمود وجزاك الله كل خير
              بالنسبة للاستاذ ياسر فهو انسان محترم جدا جدا فوق الوصف .. ولم يسعفنى الوقت للاستضافتة وعمل الواجب معة
              وانا مكنتش قلقان على فكرة !!! مش عارف اية سبب انك بتقول انى قلقان ! لا بالعكس طالما الموضوع مع حضرتك ومع استاذ ياسر مستحيل اقلق والله
              الارقام عندى فعلا كلها ريجاتا ومكنتش مجمع دة رقم مين والموضوع مع مين . واشكر حضرتك جدا جدا واشكر استاذ ياسر جداَ .. جزاكم الله كل خير

              استاذ ياسر : بالنسبة للستارة الخلفية اللى عند حضرتك ينفع تتعدل وتبقى زي عندى .. الماسورة اللى عندك بتاعة الستارة
              فيها طبة من تحت بلاستيك الطبة دي بتتشال بتلاقى الماسورة مفرغة .. الماسورة دى بيركب فيها قربة قوة صغيرة
              وسوستة بتركب على الماسورة من برة هتلاقى فية 2 ثقب صغير جدا .. للاسف انا كنت شايلها من عندى ف العربية
              لان فعلا مليش نفس للعربية نهائى .. بالنسبة لحساس الركن هدور لحضرتك على فيديو على النت لنفس الجهاز اللى كان عندي
              وابعتة لحضرتك برايفت .. علما انة مش مهم قوي لاننا بنركن زي الفل ف غز الضلمة كمان .. كل ما ف الامر شوية دلع ليها
              ومتستهلش الدلع دة خلاص
              اهم مواضيعى عن الريجاتا : بداخل عضويتى
              عدنا بكل قوة للرابطة .. م / Hussein
              مبرمج ومالك لشركة برمجيات وتصميم مواقع الانترنت

              Comment


              • مليش نفس للعربية نهائى .. بالنسبة لحساس الركن هدور لحضرتك على فيديو على النت لنفس الجهاز اللى كان عندي
                وابعتة لحضرتك برايفت .. علما انة مش مهم قوي لاننا بنركن زي الفل ف غز الضلمة كمان .. كل ما ف الامر شوية دلع ليها
                ومتستهلش الدلع دة خلاص




                وحد الله يا أستاذ حسين ... وأوعى تقول كده تانى لأن انت الامل بتاعنا فى هذا المنتدى الكريم ... وكلنا بنستفاد من تجاربك .. وشده وتزول ان شاء الله

                Comment


                • المشاركة الأصلية كتبت بواسطة nicegypt مشاهدة المشاركة
                  الامانة وصلت يا استاذ محمود وجزاك الله كل خير
                  بالنسبة للاستاذ ياسر فهو انسان محترم جدا جدا فوق الوصف .. ولم يسعفنى الوقت للاستضافتة وعمل الواجب معة
                  وانا مكنتش قلقان على فكرة !!! مش عارف اية سبب انك بتقول انى قلقان ! لا بالعكس طالما الموضوع مع حضرتك ومع استاذ ياسر مستحيل اقلق والله
                  الارقام عندى فعلا كلها ريجاتا ومكنتش مجمع دة رقم مين والموضوع مع مين . واشكر حضرتك جدا جدا واشكر استاذ ياسر جداَ .. جزاكم الله كل خير

                  استاذ ياسر : بالنسبة للستارة الخلفية اللى عند حضرتك ينفع تتعدل وتبقى زي عندى .. الماسورة اللى عندك بتاعة الستارة
                  فيها طبة من تحت بلاستيك الطبة دي بتتشال بتلاقى الماسورة مفرغة .. الماسورة دى بيركب فيها قربة قوة صغيرة
                  وسوستة بتركب على الماسورة من برة هتلاقى فية 2 ثقب صغير جدا .. للاسف انا كنت شايلها من عندى ف العربية
                  لان فعلا مليش نفس للعربية نهائى .. بالنسبة لحساس الركن هدور لحضرتك على فيديو على النت لنفس الجهاز اللى كان عندي
                  وابعتة لحضرتك برايفت .. علما انة مش مهم قوي لاننا بنركن زي الفل ف غز الضلمة كمان .. كل ما ف الامر شوية دلع ليها
                  ومتستهلش الدلع دة خلاص
                  انا مش فاهم فكره عمل الستارة دي خالص

                  Comment


                  • انا عايز اغير الفتيس اللى عندى تقيل فى النقل وفيه خشانه وصوت تقريبا فى بلى او غوايش لو حد منكن يمدلى المساعده او المشوره او يعرف حد امين منكن اجيب من عنده اكون ممنون ليكم جدآ وتحياتى للجميع , وحمدلله على السلامه يا استاذ حسين. وعلى فكره العربيه ريجاتا 85 عاده

                    شكرآ جزيلآ

                    Comment


                    • السلام عليكم ورحمة الله وبركاته

                      اعزائى مالكى الريجاتا

                      تحية طيبة لكم جميعاً

                      انا الحمد لله بقيت من مالكى الريجاتا ولسه جايبها فى 3/6/2011

                      ريجاتا نوفا 89 الحالة العامة جيده براى اصحاب الخبرة

                      بس انا مش مبسوط من اداء السيارة وحاسس انها افضل من كده ولانى معنديش خبرة فى مجال السيارات مش عارف اعمل ايه ومحتار فى التعامل مع السيارة وبمشى بيها وانا خايف يحصل عطل او اى حاجة فيها ومعرفش اتصرف.

                      وكل اللى عملته ظبط الفرامل وغيرت البوجيهات وسلك البوجيهات والابلتين و الكوندنسر واداء السيارة اصبح افضل من قبل بس برده لسه الاداء مش جيد ....

                      والميكانيكى فتحلى فاتحه وقالى الماتور خفيف وعايز طقم شمبر وشوية حاجات كده قلى تكلفتها 1500 جنيه وطبعاً فى الوقت الراهن استحاله لانى لسه شاريها.

                      (ملحوظاتى على الاداء)
                      1- السيارة مخنوقه .... يعنى العربية عند الرابع سحبها كويس اول لما اجيب الخامس لازم ادوس على البدال للاخر عشان تبتدء تسحب وتاخد وقت عقبال لما تستجيب وتعدى السرعة 80.

                      2- الدريكسون احياناً بيبقى تقل وفجأة بيبقى خفيف.

                      3- فى المطبات بجيب التانى واجى اطلع العربية بتترجرج.

                      4- الفتيس فى الخامس و الخلف مبيجيش بسرعة لازم اتقل عليه عشان يلقط

                      5- فى المطبات الكثيرة بحس ان العربية بتتغربل ورجرجه من كل مكان

                      أسف للاطالة بس انا محتار لا اعرف ميكانيكى كويس يبص عليها ويقلى الحقيقة ولا كهربائى ولا عفشجى

                      ارجو الافادة ورأيكم ايه اللى اعمله عشان يتحسن الاداء واللى يعرف صنيعى كويس يقولى لو سمحتم انا ساكن فى الزاوية الحمراء

                      وشكراً لكم على سعة صدركم

                      Comment


                      • هرد على كلام حضرتك نقطة نقطة .. ولو انى مكنتش عايز اقرب من الرابطة تانى هههههههههه مقدرتش بقا

                        المشاركة الأصلية كتبت بواسطة elhamshare مشاهدة المشاركة
                        السلام عليكم ورحمة الله وبركاته

                        اعزائى مالكى الريجاتا

                        تحية طيبة لكم جميعاً

                        انا الحمد لله بقيت من مالكى الريجاتا ولسه جايبها فى 3/6/2011

                        ريجاتا نوفا 89 الحالة العامة جيده براى اصحاب الخبرة

                        بس انا مش مبسوط من اداء السيارة وحاسس انها افضل من كده ولانى معنديش خبرة فى مجال السيارات مش عارف اعمل ايه ومحتار فى التعامل مع السيارة وبمشى بيها وانا خايف يحصل عطل او اى حاجة فيها ومعرفش اتصرف.

                        وكل اللى عملته ظبط الفرامل وغيرت البوجيهات وسلك البوجيهات والابلتين و الكوندنسر واداء السيارة اصبح افضل من قبل بس برده لسه الاداء مش جيد ....

                        والميكانيكى فتحلى فاتحه وقالى الماتور خفيف وعايز طقم شمبر وشوية حاجات كده قلى تكلفتها 1500 جنيه وطبعاً فى الوقت الراهن استحاله لانى لسه شاريها.

                        (ملحوظاتى على الاداء)
                        1- السيارة مخنوقه .... يعنى العربية عند الرابع سحبها كويس اول لما اجيب الخامس لازم ادوس على البدال للاخر عشان تبتدء تسحب وتاخد وقت عقبال لما تستجيب وتعدى السرعة 80.

                        * كتير قوي انك تجيب الرابع على 80 .. هات التالت افضل لانك كدة بتقل العربية بنفسك وبأيدك انت اللى بتقلها كدة .

                        2- الدريكسون احياناً بيبقى تقل وفجأة بيبقى خفيف.

                        * الدريكسيون خفيف على اسكاترا .. لكن لما بتكون العربية واقفة ع الارض مش بتتحرك اكيد بتكون تقيلة .. لما تخلي
                        العجلة تلف شوية وانت بتركن او بتطلع من ركنة هتلاقية كويسة معاك .. يعنى خلي العجلة تمشى شوية عشان تخف


                        3- فى المطبات بجيب التانى واجى اطلع العربية بتترجرج.
                        * طبعا دة شيئ طبيعي .. ياراجل تانى !! اطلع ع الاول بعد المطب مش الغيار التانى .. لو رجرجت محتاج تظبط كهربا
                        وباردو هتبقى تقيلة معاك بس هتطلع بدون رجة .. سبب الرجة .. الكهربا واطية بتاعة الموتور والافضل اطلع ع الاول
                        مش هتلاقى رجرجة .


                        4- الفتيس فى الخامس و الخلف مبيجيش بسرعة لازم اتقل عليه عشان يلقط
                        ا*لخامس والمرشدير لو فيهم مشاكل يبقى محتاج تغير غوايش ليهم وممكن بلية .. وعلشان تغيير دول لازم الفتيس يتفك
                        وهيكلفوك جديد حوالى 400 ج تقريبا .. بدون مصنيعة طبعا .. وياريت تغير البرميل .. لو تقدر تعمل عمرة للتفيس
                        عند بتاع فتيسات افضل .. هيغير لك الغوايش البايظة + بلية + برميل .. لما تبدء بأذن الله تبقى تقولي واقول لحضرتك
                        ارخص وافضل مكان تجيب منة الحاجات دى .. العبد الفقير الى الله اصبح موسوعة قطع غيار للريجاتا .
                        لو عملت عمرة للموتور والفتيس انسى العربية بعد كدة .. علماَ انى عملت كدة عمرة للموتور وعملت عمرة للتفيس
                        والاتنين تمام الحمد لله .


                        5- فى المطبات الكثيرة بحس ان العربية بتتغربل ورجرجه من كل مكان
                        * دة شغل عفشة طبعا .. لازم تعدي على عفشجى يبص ع المقصات والجلب والعفشة عموما ويشوف محتاجة تربيط
                        ولا محتاجة تغيير اي حاجة .. علماَ انك لو عديت على اي صنايعي هيكلفك فلوووس .. يعنى هتعدي يكون معاك فلوس اوكى؟
                        معكش بلاش تروح لحد .


                        أسف للاطالة بس انا محتار لا اعرف ميكانيكى كويس يبص عليها ويقلى الحقيقة ولا كهربائى ولا عفشجى

                        ارجو الافادة ورأيكم ايه اللى اعمله عشان يتحسن الاداء واللى يعرف صنيعى كويس يقولى لو سمحتم انا ساكن فى الزاوية الحمراء

                        وشكراً لكم على سعة صدركم

                        * ياااة انت ف الزاوية .. على كدة يعتبر جيران .. انا شقتى ف حدايق القبة .. بس الميكانيكى بتاعى والعفشجى عند
                        جامعة القاهرة .. حوالى نص ساعة او ساعة الا ربع من الزواية لعندة .. ونصيحة منى مهمة جداَ متخليش حد مش فاهم
                        يلغب ف العربية .. انا لسة خسران 1200ج راحو ف الارض علشان خاطر حتة جاموسة لعنة الله علية معرفش يظبط العربية
                        وطبعا كرهنى ف الدنيا وف العربية .. وبقيت اصلح العربية من اول وجديد وابدء من جديد تانى بمبلغ جديد واعطل نفسى
                        اسبوع تانى !!! فدايماَ دور على صنايعي ممتاز يريحك مش ياخد اللى ف جيبك ويقولك اخري كدة حلوة كدة !!!
                        لو محتاج ميكانيكى او عفشجى بس عند جامعة القاهرة قولي . واهلا بيك ف الرابطة ..


                        واعتقد اننى قد لا اشارك ف الرابطة مرة اخري واعتذر على ذلك.. والله اعلي واعلم .. ع الاقل ف الوقت الحالي .
                        اهم مواضيعى عن الريجاتا : بداخل عضويتى
                        عدنا بكل قوة للرابطة .. م / Hussein
                        مبرمج ومالك لشركة برمجيات وتصميم مواقع الانترنت

                        Comment


                        • كنت عاوز حد يدلني علي بتاع تكيفات ريجاتا محترم انا ساكن في القاهره الجديده كمان كنت حابب أعرف هل الكوتش له تزويد هوا معين 30 مثلا ايه الأفضل بالنسبه لها؟ الف شكر

                          Comment


                          • بالنسبه للتكيف
                            مشيت مشوار لكن اخبرونى ان اصلاح التكيف للريجاتا مكلف بالاضافه انه ضعيف فلغيت الفكرة
                            بالنسبه لظبط الهواء
                            انا بنصح 28 لان فى الصيف الهواء بيزيد والله اعلم
                            اما المعلومه الاكيدة بالنسبه لغط الهواء 28 عن تجربه لانى مسمعتش الكلام ورحت عن فنى ضبط الهواء واخبرته انى مسافر قالى ياباشا طالما سفر اظبط 30
                            والنتيجة ان الهواء تمدد والاطار الخلفى رغم انه تيوبلس انفجر واتقطع
                            [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                            [/COLOR][/SIZE]

                            Comment


                            • الف شكر ليك بس انا مش هعمل صيانه للتكيف انا عاوز اشحنه وأوصله بعد الحادثه هو سليم بأذن الله بالنسبه لهوا العجل انا كنت بملاه 30 وبحس ان ممكن يتزود تاني بس 28 مفكرتش خفت تبقي نايمه

                              Comment


                              • المشاركة الأصلية كتبت بواسطة mentaloss مشاهدة المشاركة
                                انا عايز اغير الفتيس اللى عندى تقيل فى النقل وفيه خشانه وصوت تقريبا فى بلى او غوايش لو حد منكن يمدلى المساعده او المشوره او يعرف حد امين منكن اجيب من عنده اكون ممنون ليكم جدآ وتحياتى للجميع , وحمدلله على السلامه يا استاذ حسين. وعلى فكره العربيه ريجاتا 85 عاده

                                شكرآ جزيلآ
                                محدش بيرد عليا ليه يا رجاله انتوا عملتوا عليا رباطيه ولا انا دخلت رابطه تانيه ولا ايه .. يا رجاله :)

                                Comment

                                Working...
                                X