إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • انا مبسوط بأهتمامك يا اسلام .. ومدي حبك للعربية بتاعتك
    بعض الناس متعرفش انها ممكن تعمل من العربيات القديمة شيئ رائع ف الاعتمادية والشكل
    وخصوصا الاعتمادية ..

    * معلومة عن سعر حاجات + سؤال لحضراتكم *

    انهاردة اشتريت سوستة ورق خلفية للريجاتا بسعر 120 ج بعد فصال .. ايطالى استيراد اصلي .. وفيها فيبرة ف النص
    بين الورقتين لمنع الصوت .. من اصل سعر 200 ج لفيت عليها كتير اول سعر كان 200 بعد كدة لقيتها بـ 175 وبعدها واحد تانى قالى 150 نزلت معة 30 ج .. ولو كنت فاصلت اكتر كنت هنزل منها بس كنت مستعجل وعايز اخلص

    علما ان فية ف السوق سوستة خلفية ريجاتا مصري جديدة زيرو بسعر 50 ج .. وجديدة .. لكن مصري وناشفة :(
    وهتخف معاك بسرعة .. علشان كدة اتجهت للاصلية بتاعة العربية رغم انها اعلي سعراَ

    اشتريت ايضا َ قطمة الدركسيون بسعر 140 ج بعد الفصال .. مرداش ينزل مليم احمر زيادة .. وكان قالى قبل الثورة 250 ج عليها . . لكن جبتها بسعر 140

    سـؤالى :
    فية 2 مفتاح على يمين الدركسيون ف قطمة الدركسيون .. المفتاحين دول عليهم علامة السخان
    واحد سخان خلفي .. والتانى اية ؟؟؟ مهو مفيش سخانات تانية

    السؤال التانى :
    على الشمال : فية مفتاح الانتظار ... فوقة بقا مفتاح شفاف فية لمبة .. دة بتاع اية ؟

    انا شفت كذا ريجاتا مفهمش المفتاحين دول .. متغييرين بمفاتيح تانية .. دول اية بقا ؟
    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت

    Comment


    • المشاركة الأصلية كتبت بواسطة nicegypt مشاهدة المشاركة
      انا مبسوط بأهتمامك يا اسلام .. ومدي حبك للعربية بتاعتك
      بعض الناس متعرفش انها ممكن تعمل من العربيات القديمة شيئ رائع ف الاعتمادية والشكل
      وخصوصا الاعتمادية ..

      * معلومة عن سعر حاجات + سؤال لحضراتكم *

      انهاردة اشتريت سوستة ورق خلفية للريجاتا بسعر 120 ج بعد فصال .. ايطالى استيراد اصلي .. وفيها فيبرة ف النص
      بين الورقتين لمنع الصوت .. من اصل سعر 200 ج لفيت عليها كتير اول سعر كان 200 بعد كدة لقيتها بـ 175 وبعدها واحد تانى قالى 150 نزلت معة 30 ج .. ولو كنت فاصلت اكتر كنت هنزل منها بس كنت مستعجل وعايز اخلص

      علما ان فية ف السوق سوستة خلفية ريجاتا مصري جديدة زيرو بسعر 50 ج .. وجديدة .. لكن مصري وناشفة :(
      وهتخف معاك بسرعة .. علشان كدة اتجهت للاصلية بتاعة العربية رغم انها اعلي سعراَ

      اشتريت ايضا َ قطمة الدركسيون بسعر 140 ج بعد الفصال .. مرداش ينزل مليم احمر زيادة .. وكان قالى قبل الثورة 250 ج عليها . . لكن جبتها بسعر 140

      سـؤالى :
      فية 2 مفتاح على يمين الدركسيون ف قطمة الدركسيون .. المفتاحين دول عليهم علامة السخان
      واحد سخان خلفي .. والتانى اية ؟؟؟ مهو مفيش سخانات تانية

      السؤال التانى :
      على الشمال : فية مفتاح الانتظار ... فوقة بقا مفتاح شفاف فية لمبة .. دة بتاع اية ؟

      انا شفت كذا ريجاتا مفهمش المفتاحين دول .. متغييرين بمفاتيح تانية .. دول اية بقا ؟
      باشا اسعار الحاجات دى كويسة جدا وعلى فكرة السوستة هى سعرها كده فعلا انت منشن على السعر ولا ايه بالنسبة للسوسته المصرى احسنت انك مشترتهاش لأنها بتخلى العربيه طوبة والإيطالى مرنة جدا وجميله انا اشتريت العربيه بغاز طبيعى ولسه شايله ومكنتش بشغله علشان الماتور والتكييف ولما شلت الأنبوبة اتفاجئت بجد انها بوزن اربع انابيب واللى كان بيشيل معايا جاله مزق منها المهم اللى كان مركب الغاز حط ورقة سوسته زيادة علشان الوزن وانا شلتها بعد ما لغيت الغاز وطلعت الورقتين وفكيت الافزين الحديد وشحمتها علشان الصوت ونظرا انى معنديش الفبرة ( مانع الإحتكاك ) المهم خليت العفشجى يركبها علشان محتاج اتنين صنايعية وربط كويس وانا بقول معرفش لما الاقيها خرجت من ايدى المهم ان السوستة المصرى قارنت بينها وبين الورقتين الإيطالى واتخضيت بصراحه فى دماغ كده ؟ مش ممكن على المصريين اسف طولت عليك بالنسبة بأه لقطمة الدريكسيون انا اعرف انها بـ 250 جنيه والسعر ده لو سليمة تحفة طبعا شكلك شاطر فى الفصال مش زيى اما بالنسبة للأسئلتك المفاتيح اللى على اليمين واحد سخان للزجاج الخلفى فعلا والثانى المفروض انه ملغى ومش متوصل لأنى فكيت القطمة كتيييير جدا وسالت الكهربائى عليه اكدلى انه ملغى واكتشفت من جوه فعلا انه مش متوصل اما عن مفاتيح الشمال وده المهم يا باشا واحد انتظار والتانى ؟؟؟؟؟؟؟؟؟؟؟؟؟؟ فوجات خلفية بتاعة فبريكة العربية اه فوجات خلفية علشان اللى جاى يشوفك عملت انا ايه بأه أخدت المفتاح ده وروحت اشتريت فانوسين شبورة لشاهين و خرمت خرمين اسفل الإكصدام ( فى الدوران بتاع الإكصدام الامامى ) وركبت الفنوسين مع لمبتين فيلبس محترمين ابيض ووصلت المفتاح عليهم أصبح عندى فوج لايت بس امامى مش خلفى وبدوووووون تعديل فى الفابريكة وظهرت الحفر والمطبات ومحدش بأه يشتكى من النور بعيد عنك عندى عما مظبط الفوانيس دوجان بدون تعدين بس كتاوت محترم ولمبات أكثر احتراما ويارب مكونش رغاى اصلى قاعد فاضى واكون جاوبت عن جزء من اسئلتك
      [FONT=Times New Roman]Islam EL.Essawe
      Network Enginee[/FONT]r

      Comment


      • انا عارف انهم ملغيين .. المصريين اجدع ناس تلغي
        لكن مستغرب من وجود 2 مفتاح سخان .. اكيد المفتاح التانى لة استخدام لسة مش عرفينة
        اهم مواضيعى عن الريجاتا : بداخل عضويتى
        عدنا بكل قوة للرابطة .. م / Hussein
        مبرمج ومالك لشركة برمجيات وتصميم مواقع الانترنت

        Comment


        • يا باشا مفيش مفتاح تانى لسخان تانى الإحتمال الوحيد انه لندرة المفاتيح دى وعلشان التاجر ميرميش القطمة او يبعها بمفتاح كان ناقص كملها بمفتاح سخان الكلام ده لو كان فى نفس اتجاه التانى علشان الشمال مش بيركب مكان اليمين ملهاش حل تانى سخان - ومفتاح ملغى انتظار - شبورة خلفى
          [FONT=Times New Roman]Islam EL.Essawe
          Network Enginee[/FONT]r

          Comment


          • ومتكبرهاش فى دماغى انزل حالا ابصلك على كل مفاتيح القطمة واصورهالك
            [FONT=Times New Roman]Islam EL.Essawe
            Network Enginee[/FONT]r

            Comment


            • المشاركة الأصلية كتبت بواسطة nicegypt مشاهدة المشاركة
              انا عارف انهم ملغيين .. المصريين اجدع ناس تلغي
              لكن مستغرب من وجود 2 مفتاح سخان .. اكيد المفتاح التانى لة استخدام لسة مش عرفينة
              المفتاح التانى هو مفتاح الشبورة اللى هو بزود اضاءة الكشافات الخلفية فى وجود شبورة وهو مش شغال فى معظم العربيات
              [SIZE=3][B]ان [U]الله[/U] لا يضيع اجر من احسن عملا[/B][/SIZE]

              Comment


              • المشاركة الأصلية كتبت بواسطة alsharkawy مشاهدة المشاركة
                المفتاح التانى هو مفتاح الشبورة اللى هو بزود اضاءة الكشافات الخلفية فى وجود شبورة وهو مش شغال فى معظم العربيات
                ما هو المهندس حسين بيسأل عن مفتاح تانى بيقول سخان غير الاولانى انا متأكد ان مفيش عندى غير واحد سخان وواحد ملغى دول فى اليمين والشمال انتظار وشبورة خلفى بس وهتأكد بكرة ان شاء الله
                [FONT=Times New Roman]Islam EL.Essawe
                Network Enginee[/FONT]r

                Comment


                • المشاركة الأصلية كتبت بواسطة nicegypt مشاهدة المشاركة
                  ايوة كدة .. الرابطة تصحصح وتشتغل
                  منور الرابطة يا اسلام .. وسعيد بوجودك .. بالنسبة لمكتبي عند مترو الجامعة . هبعت لك البيانات برايفت

                  بالنسبة للمقابلة .. فانا قبلت ناس كتير من المنتدى وبقوا اكتر من الاخوة بالنسبة لي
                  وطلعنا كمان سفرية سوى ... مستعد لمقابلة رغم الضغوط الحالية
                  لكن مستعد افضى نفسى يوم لو حابين نعمل مقابلة حددو اليوم بس

                  بالنسبة لعزل الحرارة .. فانا كنت ناوي فعلا من فترة طويلة اتكلم فية .. لكن ضغوط الحياة :)
                  انا عزلت عندى كل ما تتخيلة ف العربية ... من ابواب لحوض لسقف ..للارضية .. والحمد لله فرق شاسع بين قبل كدة وحالياَ
                  المهم تشتري اتخن وافضل نوع لباد حراري .. هفتكر لكم اسم المكان اللى اشتريت منة هو ارخص مكان ف وسط
                  البلد .. بيشتري منة السروجية بالجملة .. " الاسم رايح عن بالى حاليا َ " اسعار اللباد الحراري ما بين 5 ج للمتر
                  و 20 ج للمتر للاعلى افضل حاجة .. مفيش سعر اعلى من كدة .. السروجى بيشتري من ابو خمسة ج ويبعهولك غالى
                  العربية كلها ممكن تعملها بنفسك لباد حراري بدون تدخل اي شخص

                  هتفك الكرسيين الاماميين بكل سهولة بمفتاح اللنكية 8 .. والكنبة عايزة مفتاح بلدي 10 و 12
                  بعد متفك الهيصة دى شيل الارضية بتاعتك
                  الحطوة اللى جاية هى قص اللباد الحراري ولها طريقة معينة عشان متخصرش اللباد اللى جبتة ويبقى عندك
                  قصاقيص كتير انت اولي بيها .. ------- > النقطة دي هسيبها للاستاذ اسلام :)
                  الافضل تحط نقطة كولا وتحط فوقة اللباد .. وتستمر هكذا لحد ما تخلص عربيتك كلها

                  الابواب لها طريقة عزل عشان مكن الزجاج الكهربا .. باردو هسيبها للاستاذ اسلام ..

                  ايوة كدة نشجع بعض ونساعد بعض ف الافكار ونشر التجارب

                  مشكور اخىالعزيز
                  و عايزين نعرف المكان اللى اشتريت منه اللباد و نوعه
                  و ياريت لو صور عن طريق عزل الصالون بالكامل و حوض الموتور

                  Comment


                  • مرحبا بالاستاذ اسلام

                    انا من حوالى اسبوع او اكتر مدخلتش المنتدى بس النهارده تفاجات بهذا الدم الجديد الجميل المشجع على الشغل فى العربية
                    فمرحبا بك استاذ اسلام
                    أ / وائل

                    Comment


                    • انتهيت من رحلة عمل ف الريجاتا واليكم التفاصيل :

                      اشتريت ريداتير جديد نحاس 3 ماسورة .. عدد المواسير الداخلية 178 عدتهم بالوحدة
                      التكلفة = 550 ج .. سألت علية برة لقيتة بـ 400 ج النحاس و الالمونيوم جديد زيرو بـ 1100 ج

                      * الريداتير تفصـيل .. بمعنى انة مفصل زى منا طلبت .. عملت رسم تخطيطي للريداتير بمواصفات معينة الرسم اخد
                      ورقتين فلوسكاب .. ورحت بيهم لواحد بتاع ريداتير ف فيصل سمعتة سبقة .. بس اعلى شوية ف التكلفة
                      اول مشاف الرسم التخطيطي بتاعي .. قالى : هو حضرتك مهندس معماري ؟ اية الورق دة ؟

                      قلت لة لاء انا بقف على عربية كبدة وسجق بالليل ولقيت الورقتين دول جبتهم لك .. تييييييييييت بجد يعنى هو مالو
                      دى قصة الريداتير .. وسعرة . علما ان القديم كان 2 ماسورة فقط ... والداخلية عددها 75 ماسورة

                      اشتريت مروحة جديدة رغم ان مروحتى شغالة زى الفل زيرو .. بس دى اجمد بتاعة اوبل بالقميص بتاعها 120 ج
                      من صديق عزيز عمل واجب ف سعرها جداَ سألت عليها برة بـ 190 ج

                      ركبت جميع انواع الترمستات اللى تتخيلوها .. تركي .. ايطالى ... صيني .. مصري ... ركبت 5 ترمستات
                      ورجعتهم على مدار 3 ايام لما زهقت واتخنقت ... اغلب البضاعة اللى ف السوق مضروبة .. الترمستات بتعلق
                      وتفاجأ ان الحرارة داخلة على 95 والترمستات مشغلتش المروحة

                      المهم .. تم شراء ترمستات شاهين تركي جديدة بـ 25 ج بالفيشة بتاعتها .. فيشة الفبريكة سعرها برة بـ 35 ج و 40 ج بالفيشة عند محمد يوسف وبتوع قطع الغيار .. جبتها من سيد علي ف طريق صفط
                      .هى نفسها نفس فيشة الريجاتا الفبريكة .. الترمستات على فيشة مش على اسلاك وكلبسات للعلم " كدة احس ان العربية رجعت فبريكة "

                      تم شراء سوستة ورق خلفية ريجاتا استيراد اصلي بالفبرة بتاعتها اللى ف النص .. ووطت العربية طبعاَ
                      اشتريتها بالعافية بـ 120 ج بعد فصال من اصل 150 .. ولقيتها هي نفسها ف الوكالة بأسعار مختلفة 300 ج و 250 ج !!!

                      السوستة المصري بـ 50 ج جديدة زيرو للعلم طبعا انشف من الايطالى بس حلوة انها مش هتوطي العربية

                      السوستة اللى كانت راكبة عندى اللى يحتاجها يقولي ... انا فكيتها عشان اسقط العربية لتحت شوية
                      عشان ارجع العربية للفبريكة بتاعتها للاصلها وعلشان تعملي توازن افضل على الطريق ف السفر

                      اخر الاخبار : بعد ما خرجت من الوكالة لاحظت عربية بتطلع من الركنة ورايا .. بعد ما عديت لقيت خبطة محترمة ف الاكصدام الفيبر وكل سنة وانا طيب :( يعنى اخلص حاجة اخش ف حاجة تانية .. اية النحس دة
                      اهم مواضيعى عن الريجاتا : بداخل عضويتى
                      عدنا بكل قوة للرابطة .. م / Hussein
                      مبرمج ومالك لشركة برمجيات وتصميم مواقع الانترنت

                      Comment


                      • اخواني الاعزاء تحيه طيبه ليكو جمعيا وحشني والله
                        عندي بدال الفرامل لما بدوس واضفل دايس يفضل ينرل لتحت و با اطر اشيل رجلي واضغط تاني
                        يا تري ايه السبب
                        مع العلم ان ما فيش تسرييب

                        Comment


                        • المشاركة الأصلية كتبت بواسطة regata مشاهدة المشاركة
                          اخواني الاعزاء تحيه طيبه ليكو جمعيا وحشني والله
                          عندي بدال الفرامل لما بدوس واضفل دايس يفضل ينرل لتحت و با اطر اشيل رجلي واضغط تاني
                          يا تري ايه السبب
                          مع العلم ان ما فيش تسرييب

                          السيرفو عندك مهرب .. ولا ينصح ابداَ بعمل طقم اصلاح لانة بيبوظ تانى

                          اول خطوة تعملها انك تروح لميكانيكي وتقولة عايز اطلع الهوا من دورة الفرامل
                          هتلاقى هوا بالهبل جوة دورة الفرامل
                          بعد كدة شوف اخبار تيل الفرامل

                          الخطوة الاخيرة انك تغير السيرفر بواحد استيراد بـ 120 ج وهتلاقى الفرامل حديد كلبش

                          سيرفو سليم + عدم وجود هواء بالدورة + تيل جديد ورا وقدام + طنابير نضيفة وسليمة = فرامل حديد
                          مش هتصدق انها فيات
                          اهم مواضيعى عن الريجاتا : بداخل عضويتى
                          عدنا بكل قوة للرابطة .. م / Hussein
                          مبرمج ومالك لشركة برمجيات وتصميم مواقع الانترنت

                          Comment


                          • لو احتجت تضغط فرامل شديدة على الوضع الحالى .. تكارك
                            يعنى تضغط كأنك بتكارك تسيب وتضغط تسيب وتضغط .. هتلاقى الفرامل بتجمع معاك احسن واسرع
                            لانك لو فضلت ضاعط على دواسة الفرامل هتنزل لحد اخر الدواسة تحت وتفصل .. بس خلي بالك ليكون حد وراك
                            تضرب الضربة وهو ميخدش بالة ...

                            قريباَ بمشيئة الله هقولو اخر الاخبار ..
                            فكيت عدادات العربية ودخلت غرفة العمليات ... وهيتم تغيير الكرستالة الخارجية بتاعة العدادات بواحدة جديدة زيرو
                            بتكلفة حوالى 30 ج تقريباَ .. بالاضافة لشغل بعملة ف العدادات هقول علية لما اخلص ..

                            كذلك مفتاح الفبريكة بتاع اضاءة الشنطة علق .. فكيتة وعرفت السبب وتم اصلاحة
                            ولكم صورة للمفتاح من جوة وايضاَ العدادات اثناء العمل داخل غرفة العمليات
                            اهم مواضيعى عن الريجاتا : بداخل عضويتى
                            عدنا بكل قوة للرابطة .. م / Hussein
                            مبرمج ومالك لشركة برمجيات وتصميم مواقع الانترنت

                            Comment





                            • دة المفتاح من جوة
                              اهم مواضيعى عن الريجاتا : بداخل عضويتى
                              عدنا بكل قوة للرابطة .. م / Hussein
                              مبرمج ومالك لشركة برمجيات وتصميم مواقع الانترنت

                              Comment


                              • المشاركة الأصلية كتبت بواسطة nicegypt مشاهدة المشاركة

                                السيرفو عندك مهرب .. ولا ينصح ابداَ بعمل طقم اصلاح لانة بيبوظ تانى

                                اول خطوة تعملها انك تروح لميكانيكي وتقولة عايز اطلع الهوا من دورة الفرامل
                                هتلاقى هوا بالهبل جوة دورة الفرامل
                                بعد كدة شوف اخبار تيل الفرامل

                                الخطوة الاخيرة انك تغير السيرفر بواحد استيراد بـ 120 ج وهتلاقى الفرامل حديد كلبش

                                سيرفو سليم + عدم وجود هواء بالدورة + تيل جديد ورا وقدام + طنابير نضيفة وسليمة = فرامل حديد
                                مش هتصدق انها فيات
                                انت تقصد المستر مش السيرفو مش كدا

                                Comment

                                Working...
                                X