إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • السلام عليكم
    استاذى العزيز عمرو اولا انا عرفت كل الناس المحترمين المشتركين بالرابطه وعارف الأسماء دى لأنى قريت كل المشاركات و عرفت ان انتوا بتنزلوا مع بعض لو حد فيكو احتاج مساعدة وانت متقلش عن الناس المحترمين دول فى حاجه ياراجل كفاية النية
    نيجى بأه للموضوع المهم و سؤالك عن التكييف
    هكرر كلام سمعته كتير من الناس على النت وغيرة سيبك من كلام الصنايعية و فتاويهم الجميله معظمهم بيفتوا او مش عاوزين يوجعوا دماغهم .. اعمل اللى انت شايفه صح ولو مطلعش صح صدقنى مهما كان المبلغ اللى دفعته هتكون اتعلمت برده انا عربيتى 85 ومكيفة لما اشتريتها من سنة كان اللى بيركبها سواقين ومعندهمش ضمير طبعا اى حاجه لزق وخلاص لك ان تتخيل طبعا البهدلة اللى كانت عليها وطبعا التكييف كان ميت وده اول سبب غيرت علشانه العربية كنت محتاج عربية مكيفة وفى نفس الوقت مربوط بمبلغ معين بعت 27 واشتريت ريجاتا وبدأت فى تظبيط الكهربا والتكييف اول حاجه علشان على اساسهم كنت هقرر ابيع ولا اخليها الماتور حالته كانت كويسة غير كده كانت متبهدلة بص ياسيدى ومعلش طولت عليك الصامولة اللى انت بتتكلم عليها خرطها مش موال ولا حاجه والكباس كله بيتفك فى دقيقة والخراطيم بتتجاب جاهزة او بتتعمل عند واحد فى كوبرى التجنيد فى جسر السويس وهجبلك عنوانه والمسألة تستاهل انك تتعب علشانها يوم يا سيدى مش هقولك ساعتين اما بالنسبة لفتوى الصنايعى ان التكييف بتاع الريجاتا ضعيف ده كلام ملوش اى اساس من الصحه مش هقولك تكييف تلاجه بس هقولك كفاية انك فى عز الصيف جايلك هوا ساقع و اسرتك راكبين معاك مرتاحين والهوا الضعيف اللى بتقول عليه طبيعى لأن التكييف مش مشحون ومفيش كباس وفى تسريب الموضوع بيختلف بعد الشحن تماما وعلى فكرة انا كنت بشد شوية حاجات فى العربية وطلعت الماتور لمجرد العند فى الصنايعية وعملت اللى انا عاوزة الكلام ده من اسبوعين ولحد دلوقتى مشحنتش التكييف لأن الجو كويس قولت اخلينى على الشتا بيكون الصنايعية دول مش لاقيين شغل ويتعمل بمزاج علما بأن الكهربائى بتاعى هو نفس بتاع التكييف واد مخلص وسريع ودقيق ومش بيغشنى ولا بيشتغلنى وبرده بعمل اللى فى دماغى بالنسبة للتابلوه فكه مش معضله وتخيل منظر التابلوه عندى كان عامل ازاى على الحالة اللى وصفتها مفيش جزء معملتش فيه شغل هو مش مكسر بس كانت قواعد التثبيت مشرخه القواعد اللى فوق (2) واللى تحت (4) اخدت الورشة لحسابى وفكيت التابلوه وسبت العربية عند السروجى يغير السقف والأرضية وعشت معاه بنفسى كاوية لحام بتتسخن على بوتجاز وسلك مفرغ بتاع الناموس اللى على شباك الحمام او خلف الشبابيك الألوميتال عارفه طبعا عارفة المهم قطعته مربعات صغيرة و حطيت على كل شرخ مربع من الناحيتين ونزلته بالكاوية وطبعا فى فوطة غرقانة مية من تحت التابلوه علشان السلك ميعديش او مبوظش الناحية التانية المهم تعالى اتفرج عليها دلوقتى ما شاء الله لا بيتحرك ولا بيزمر ولا بيزيق وانا ماشى طبعا الطريقة دى شوفتها عند بتاع الفايبر وانا بلحم شرخ فى الإكصدام الخلفى ابو 600 جنيه اما عند الأنابيب الفايبر اللى ورا التابلوه اللى بتدى لفتحات التكييف عبارة عن انبوبتين فيهم واحدة بتدى للفتحة اليمين والنص والتانية بتدى للشمال وبيركبو معشقين فى بعض دول قبل ما اركبهم فى بعض لفيت على كل طرف من كل انبوبة اسفنح لإحكام الهوا ومنع التسريب ولو التابلوه بتاعك متفكش قبل كده ان شاء الله مش هتحتاج تفكهم بس صنايعى يكون محترم علشان يأكد انهم مفيهمش تسريب.. فى خلف الكنسولة انبوبة سيبك بأه من اللى فات وركز فى دى لو فكينا الكنسولة دى ( متثبته بمسمارين فى الجنب )هتلاقى انبوبة مشترك واخدة من فتحة فى صدر العربية وبتدى للأجناب وبتدى للكنبة اللى ورا الأنبوبة دى يا باشا لازم تتقفل ملهاش اى تلاتين لازمة قفلتها بحتة عازل حرارى بخمسة جنيه وسبت الأنبوبة الفايبر مكانها علشان المنظر لأن هتلاقى خلف الفتيس ما بين الكرسيين فتحتين فى الكنسولة محبتش انهم يكونو فاضيين انما منعت الهوا عنهم وبصراحه قولت السواق اولى بشوية الهوا دول وفى كل حال الهوا بيوصل للخلف من الفتحه اللى فى النص .. تعالى بأه نرتب الكلام ده علشان شكلك هتزعل منى اصلى توهتك وكمان انت حسيت ان القصة كبيرة بص يا استاذ عمرو رقم واحد هنفك الكباس اللى فكه مش بياخد دقيقه ونعمل الصامولة فى ربع ساعه عند الخراط بعشرة جنيه 2- هنركب الكباس والمواسير و الراجل هيكبس التكييف هوا ويوصل جهاز قياس ضغط الهوا لمدة نص ساعة ويشوف هيزل الضغط ولا لا علشان طبعا ميروحش الفريون وفلوسه على الأرض وعلى فكرة اى تسريب داخل السيارة مش هيهرب الفريون بالشكل اللى انتى متخيله لذلك خلى التابلوه وفتحاته اخر حاجه 3- فى حالة ان الضغط تمام ومفيش تسريب لا من انابيب ولا أولسيهات هيشحن ويجرب الشحن من 115 جنيه الى 150 حسب نوع الفريون والصنايعى كمان 4- الهوا ضعيف فى شوية حاجات لازم وضرورى تتعمل اولها غسل السربنتينة كويس اوى غسله محترمة ( مكانها أمام الرديتر ) هتحس بفرق شاسع - تنظيف المروحة بتاعة التكييف الموجوده امام قربة المية بتاعة المساحات او خلف التابلوه من الحوض - فى افتكاسة من اختراعى تشغيل مروحة التبريد بمجرد تشغيل التكييف هتبرد العربية طول الوقت و بحس برده بفرق وطبعا لو مش عاوز تبتكر سبها زى ما هي لأن فى معظم الأحوال التكييف بيسخن العربية بالتالى المروحة هتفضل شغالة او على فترات متقاربة جدا 5- مهم جدا ان يكون عزل العربية كويس من الدواسه وخلف التابلوه ومن الحوض كمان فى صاجه فاصله ما بين الماتور و التكييف دى الفابريكة بتاعتها عليها عازل حرارى المفروض بس والله انا ما كنت اعرف كده وعملتها من دماغى وبعد كده شوفتها فى ريجاتا فابريكا طبعا كل الكلام اللى انا بقوله ينطبق على ريجاتا 85 s لأنى معرفش شكل النوفا من جوه ولو ان الفرق مش هيكون كبير على حد علمى 6- حاول دايما ان تكون كهربة العربية مظبوطه و الماتور كمان علشان التكييف ميبرجلش العربية ... اخيرا بأه هتستمتع بتكييف حلو مش تلاجه والتكلفة لن تتعدى 250 جنيه الا اذا كان فى حاجه غير اللى حضرتك قولتها وممكن بعد ردى توصفلى حالة السيارة والتكييف عندك وعلى فكرة ماتور الريجاتا ايا كان موديل العربية يستاهل اننا نشغل التكييف بتاعها وخصوصا انها نازله كده بتكييف اما عن فتوى التكييف اليابانى انا مش معاه لأسباب اولها انى مش بحب اعدل اى حاجه فى الفابريكة الحاجه التانية ان العربية طالما فيها تكييف ليه مشغلوش على ابوه حتى لو هغير معظم اجزائه .. اما عن خوفك من فك التابلوه يا استاذ عمرو احب اقولك انك لو هتركب تكييف يابانى هتفك التابلوه برده والتكلفة هتكون اعلى بكتييييير وانا هستنى ردك و لو احتجتنى فى اى حاجه فى الموضوع ده انا تحت امرك واسف للإطالة بس حبيت الرد يكون وافى مع انه برده منقوص بس بالمناقشة نكملة وخلى بالك ان التكييف بيرفع من ثمن العربية من 2000 الى 3000 جنيه ولو مش هتبيع قولى طموحك ايه فى اكتر من عربية 1500 سى سى مكيفة صالون واسع ما شاء الله ثابته وبعدين بنت اصل وتعرف الصح وعمرها ما تعمل الغلط طول ما انت مراعيها
    [FONT=Times New Roman]Islam EL.Essawe
    Network Enginee[/FONT]r

    Comment


    • اولا انت زى العسل
      ثانيا انت اعطتنى امل فى التكييف بعدما قلت لنفسى بلاها تكييف
      ثالثا انا الحمد لله اعرف قدر الريجاتا وخصوصا بتستحمل سواء كانت عفشه او ماتور او ثبات على الطريق وكلامى ده مش سمعته لا جربته روحت مرتين سوهاج بيها 550 كيلو واخيرا بالامس روحت بيها اسكندرية يوم رايح جاى غير المشى فى وسط اسكندرية بدون عمل ريست بامانه هى سيارة ممتازة بشرط تكون الحاله كويسه
      رابعا انا التابلوة عندى جيد جدا مش ممتاز لكنى لم احب اعمل حاجه هيتكسر فاترك الشى اللى كنت هعمله رغم ان المسمار اللى بيتفك فيه بيكون صعب يركب بنفس المتانه الاولى
      انا جت لى فكرة مش عارف كويسه ولا لا ان لو التابلوة اتشرخ مثلا باضافه الاشياء الجميله اللى انت عملتها فى التابلوة مش ممكن نلزق عليه بلاستيك اللزق الالوان اللى بيتباع عند اكسسوارات السيارة من وجهه نظرى انه هيكون اجمل بالاضافه انه هيدارى اى تجريحات وخلافه وممكن تهريه غسل مش هيقول لا لان الرولات البلاستك بشوف بتوع الميكروباصات التيوتا بيركبوه علشان يحموا عظم السيارة الخارجى من التجريحات والمياه ايضا
      واخيرا وليس اخيرا اسمك ورقم موبايلك لو احتاجناك فى شىء ضرورى واخذ استشارة فورية
      عن جد الف شكر عن معلوماتك القيمة اللى افادتنى وسوف تفيد اخرين غيرى
      [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
      [/COLOR][/SIZE]

      Comment


      • شكرا يا استاذ عمرو على كلامك الجميل ده
        بس نصيحه منى ابعد عن الإستيكر ده بكل اشكاله انا من وجهة نظرى لو خيرونى ما بين ستيكر و تابلوه جديد ثمنه 1800 جنيه هشترى التابلوه لعدة اسباب اولا مش بيحمى التابلوه زى ما حضرتك متخيل و بيفك من مكانه ويتقطع ثالثا لو فى شرخ فى التابلوه ولا الجلد حتى هيدارى الشرخ او يمسك التابلوه لأنه الجلد مهما كان طرى والشمس هطبعه مع الشرخ بالتالى الشرخ بيبان من تحته ده غير حركة التابلوه اثناء مشيك بالعربية فما بالك بالإستيكر الجلد ده هيعمل ايه وانت قولت بنفسك بتاع ميكروباصات وبعدين انا بختلف معاك فى ان المسمار اللى بيتفك مش بيتركب بنفس المتانه بالعكس بس الرك على اللى بيركب يا باشا ده غير ان فكه وتركيبه سهل جدا مسمارين عشرة بصاموله من فوق هتشوفهم من صدر العربيه واربع مسامير اسفل التابلوه من داخل الصالون افضل الطرق انك تعمل كل الشروخ او الخدوش الموجوده فى التابلوه وبعدين تكسيه جلد محترم ومتستخسرش فى الجلد بتاع التابلوه بالتحديد لأنك مش هتفكة كل يوم وكمان الشمس بتاكل فيه وصدقنى شكل العربيه كله هيختلف 180 درجه والغريبة ان الإختلاف ده هيكون من الداخل والخارج مش صالون بس وبالنسبة لرقم تليفونى 0198484639 ومكانى فى روكسي مصر الجديدة وتحت امر حضرتك واى عضو فى الرابطة فى اى وقت وعندى افكار تانية كتيييييير جدا بالنسبة للعربيه دى بالتحديد وممكن نتناقش فيها أول ما باقى اعضاء الرابطة يصحوا من النوم على طول
        [FONT=Times New Roman]Islam EL.Essawe
        Network Enginee[/FONT]r

        Comment


        • انا عن نفسى صاحي مش نايم ومتابع ف صمت
          اهم مواضيعى عن الريجاتا : بداخل عضويتى
          عدنا بكل قوة للرابطة .. م / Hussein
          مبرمج ومالك لشركة برمجيات وتصميم مواقع الانترنت

          Comment


          • اهلا باشمهندس حسين منور موضوعك بس كنت محتاج اشوف كلام الناس المحترمين علشان استمتع بالمناقشة مع كل رعاة الريجاتا وعلى فكرة عاوز اعرف شركتك فين ممكن يكون فى تعاون بإذن الله انا مهندس شبكات عندى شركة انترنت و شبكات ووكيل لشركات الإنترنت فى مصر ( شركة صغنونة على ادى ) و بحتاج دايما حد بيشتغل فى الويب سايت وخصوصا ان كل زمايلى واللى اعرفهم فى المجال ده مواعيدهم ضايعة
            [FONT=Times New Roman]Islam EL.Essawe
            Network Enginee[/FONT]r

            Comment


            • شكل الاخوة الاعضاء مصممين مواقع وشبكات وبرمجه
              رغم انى مصمم برامج بالفيجوال بيسيك 6 وبصمم برامجى الخاصه به
              وحابب اعمل موقع لمحل اكسسوارات كمبيوتر عامله صغير على قد حالى وعايز اعمل داتا بيز تسويقية لاعرض فيها منتجاتى
              الطيور على اشكالها تقع
              على فكرة انا مفيش يوم يعدى الا وامر على الرابطة فيها ايه سواء للمشاركه مع الاعضاء
              [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
              [/COLOR][/SIZE]

              Comment


              • اهلا بيك استاذ اسلام الصاوى(hokajaja )فى رابطة الريـــــــــــجــــــــاتـــــــــا واكيد هتضيف لينا الكتير فى الرابطة ودا باين من بين سطورك وتحمسك
                [SIZE=3][B]ان [U]الله[/U] لا يضيع اجر من احسن عملا[/B][/SIZE]

                Comment


                • المشاركة الأصلية كتبت بواسطة alsharkawy مشاهدة المشاركة
                  اهلا بيك استاذ اسلام الصاوى(hokajaja )فى رابطة الريـــــــــــجــــــــاتـــــــــا واكيد هتضيف لينا الكتير فى الرابطة ودا باين من بين سطورك وتحمسك
                  ربنا يخليك ياباشا وعلى فكرة الرابطه مش محتاجه اضافات بوجودكوا فيها وربنا يقدرنى وافيد اد ما هستفيد
                  على فكرة لمجرد التصحيح الإسم اسلام العيسوى
                  انا عارف ان اسم والدى متعب شوية فى قرايته وحصلت كتيييييير
                  [FONT=Times New Roman]Islam EL.Essawe
                  Network Enginee[/FONT]r

                  Comment


                  • على فكرة يا جماعة ان شاء الله يوم الجمعة هشاركوا موضوع مش بيتناقش كتير على المنتديات والمواقع بس هو اكيد موجود الفرق اننا هنشوفه خطوة خطوة مع الشرح وهو عزل السيارة من الداخل والخارج علشان دى مشكلة فى الريجاتا عموما لو مش معزولة كويس والعزل حالته كويسة بتحدف حرارة للصالون وبغض النظر عن كون العربيه مكيفه او لا معتقدش ان حد حابب تكون عربيته فيها عادم او حرارة ماتور ده غير انها بتأثر على التابلوه وضفيرة الكهربا بشكل مباشر لأن الحرارة عامل مؤثر على جميع خواص مكونات السيارة ومعلش انا بقول الجمعه علشان الوقت طبعا والشغل وياريت لو حد عنده المشكلة دى يقول و مكان دخول الحرارة غير من تحت التابلوه اى مكان تانى ياريت يقول علشان تكون فى حساباتى وانا شغال و منسبش حاجه وطبعا الموضوع بإذن الله بالصور والاسعار اللى مش هتكلفنا حاجه
                    [FONT=Times New Roman]Islam EL.Essawe
                    Network Enginee[/FONT]r

                    Comment


                    • بسم الله ماشاء الله
                      الرابطة تفاعلها يتزايد بوجود المهندس اسلام العيسوى ومن قبله المهندس حسين
                      بالتوفيق ان شاء الله
                      [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                      [/COLOR][/SIZE]

                      Comment


                      • الله يكرمك يا استاذ عمرو والله انا لو مكنتش خلصت الشغل اللى كنت بعمله فى العربيه كنت رفعته خطوة خطوة بس ملحوقة ان شاء الله موضوع العزل يفيد الرابطة بس لسه محدش قال ايه نوع التسريب الموجود فى الريجاتا علشان لو فى حاجه انا معرفهاش اعملها بالمرة
                        [FONT=Times New Roman]Islam EL.Essawe
                        Network Enginee[/FONT]r

                        Comment


                        • المشاركة الأصلية كتبت بواسطة hokajaja مشاهدة المشاركة
                          الله يكرمك يا استاذ عمرو والله انا لو مكنتش خلصت الشغل اللى كنت بعمله فى العربيه كنت رفعته خطوة خطوة بس ملحوقة ان شاء الله موضوع العزل يفيد الرابطة بس لسه محدش قال ايه نوع التسريب الموجود فى الريجاتا علشان لو فى حاجه انا معرفهاش اعملها بالمرة
                          بالنسبه لى الحمد لله العزل كويس لكن اكيد اكثر اعضاء الرابطه محتاجين يعرفوا واكيد هيستفادوا من موضوعك رغم بيات بعضهم البيات الشتوى الان
                          منذ شهر كانت العرسه بتدخل تنام فى تجويف ومؤخرة الحوض من فوق وكانت تاتى بعظم وريحتها كانت داخلة الى الصالون
                          وركنت حاولت بكل الوسائل علشان لا اجعلها تبات فى تلك التجويفة
                          حتى من الله على بجار معه لادا اخبرته بحكايه العرسه قال لى بسيطة اشترى بجنيه شطه ورشه فى تلك التجويفات وانت مش هتشوفها تانى
                          وفعلا والله ماشفتها وراحت ريحتها المقرفه وعظمها كمان
                          على فكرة انا فى الماضى حاولت اجمع بعض صحبه رابطه الريجاتا فى سهرة للتعرف فى اى مكان لكن للاسف تعارضت اوقاتهم لكثرة اشغالهم ولبعد مسافه بعضهم البعض
                          بالتوفيق فى مجهودك الرائع
                          [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                          [/COLOR][/SIZE]

                          Comment


                          • هههههههههههههههههه عجبتنى اوى حكاية العرسة دى يا استاذ عمرو حلوة جدا والأجمل حكاية الشطة ده اكيد جارك ده صايع دنيا بيفكرنى بالناس بتوع زمان حلولهم بسيطة وغير مكلفة وكمان طعمها حراااااااااااااااااق
                            اما بالنسبة لموضوع الرابطة اعتقد انك مش ممكن تقدر تجمعهم فى يوم وتوقيت واحد لأن كل يغنى على ليلاه وطبعا اكيد فى ناس ملهومش فى القصص دى المهم مش انك تجمع كل الناس حتى لو جمعت 5 او 10 صدقنى هيعملوا دعاية كويسة اوى للمقابلة دى ولما تفكر تكررها هتلاقى الرابطة اللى فى العمارة جنبنا جايين بس هى اول خطوة صعبة دايما وطبعا دى لفتة جميله منك يا أ/ عمرو
                            [FONT=Times New Roman]Islam EL.Essawe
                            Network Enginee[/FONT]r

                            Comment


                            • ايوة كدة .. الرابطة تصحصح وتشتغل
                              منور الرابطة يا اسلام .. وسعيد بوجودك .. بالنسبة لمكتبي عند مترو الجامعة . هبعت لك البيانات برايفت

                              بالنسبة للمقابلة .. فانا قبلت ناس كتير من المنتدى وبقوا اكتر من الاخوة بالنسبة لي
                              وطلعنا كمان سفرية سوى ... مستعد لمقابلة رغم الضغوط الحالية
                              لكن مستعد افضى نفسى يوم لو حابين نعمل مقابلة حددو اليوم بس

                              بالنسبة لعزل الحرارة .. فانا كنت ناوي فعلا من فترة طويلة اتكلم فية .. لكن ضغوط الحياة :)
                              انا عزلت عندى كل ما تتخيلة ف العربية ... من ابواب لحوض لسقف ..للارضية .. والحمد لله فرق شاسع بين قبل كدة وحالياَ
                              المهم تشتري اتخن وافضل نوع لباد حراري .. هفتكر لكم اسم المكان اللى اشتريت منة هو ارخص مكان ف وسط
                              البلد .. بيشتري منة السروجية بالجملة .. " الاسم رايح عن بالى حاليا َ " اسعار اللباد الحراري ما بين 5 ج للمتر
                              و 20 ج للمتر للاعلى افضل حاجة .. مفيش سعر اعلى من كدة .. السروجى بيشتري من ابو خمسة ج ويبعهولك غالى
                              العربية كلها ممكن تعملها بنفسك لباد حراري بدون تدخل اي شخص

                              هتفك الكرسيين الاماميين بكل سهولة بمفتاح اللنكية 8 .. والكنبة عايزة مفتاح بلدي 10 و 12
                              بعد متفك الهيصة دى شيل الارضية بتاعتك
                              الحطوة اللى جاية هى قص اللباد الحراري ولها طريقة معينة عشان متخصرش اللباد اللى جبتة ويبقى عندك
                              قصاقيص كتير انت اولي بيها .. ------- > النقطة دي هسيبها للاستاذ اسلام :)
                              الافضل تحط نقطة كولا وتحط فوقة اللباد .. وتستمر هكذا لحد ما تخلص عربيتك كلها

                              الابواب لها طريقة عزل عشان مكن الزجاج الكهربا .. باردو هسيبها للاستاذ اسلام ..

                              ايوة كدة نشجع بعض ونساعد بعض ف الافكار ونشر التجارب
                              اهم مواضيعى عن الريجاتا : بداخل عضويتى
                              عدنا بكل قوة للرابطة .. م / Hussein
                              مبرمج ومالك لشركة برمجيات وتصميم مواقع الانترنت

                              Comment


                              • المشاركة الأصلية كتبت بواسطة nicegypt مشاهدة المشاركة
                                ايوة كدة .. الرابطة تصحصح وتشتغل
                                منور الرابطة يا اسلام .. وسعيد بوجودك .. بالنسبة لمكتبي عند مترو الجامعة . هبعت لك البيانات برايفت

                                بالنسبة للمقابلة .. فانا قبلت ناس كتير من المنتدى وبقوا اكتر من الاخوة بالنسبة لي
                                وطلعنا كمان سفرية سوى ... مستعد لمقابلة رغم الضغوط الحالية
                                لكن مستعد افضى نفسى يوم لو حابين نعمل مقابلة حددو اليوم بس

                                بالنسبة لعزل الحرارة .. فانا كنت ناوي فعلا من فترة طويلة اتكلم فية .. لكن ضغوط الحياة :)
                                انا عزلت عندى كل ما تتخيلة ف العربية ... من ابواب لحوض لسقف ..للارضية .. والحمد لله فرق شاسع بين قبل كدة وحالياَ
                                المهم تشتري اتخن وافضل نوع لباد حراري .. هفتكر لكم اسم المكان اللى اشتريت منة هو ارخص مكان ف وسط
                                البلد .. بيشتري منة السروجية بالجملة .. " الاسم رايح عن بالى حاليا َ " اسعار اللباد الحراري ما بين 5 ج للمتر
                                و 20 ج للمتر للاعلى افضل حاجة .. مفيش سعر اعلى من كدة .. السروجى بيشتري من ابو خمسة ج ويبعهولك غالى
                                العربية كلها ممكن تعملها بنفسك لباد حراري بدون تدخل اي شخص

                                هتفك الكرسيين الاماميين بكل سهولة بمفتاح اللنكية 8 .. والكنبة عايزة مفتاح بلدي 10 و 12
                                بعد متفك الهيصة دى شيل الارضية بتاعتك
                                الحطوة اللى جاية هى قص اللباد الحراري ولها طريقة معينة عشان متخصرش اللباد اللى جبتة ويبقى عندك
                                قصاقيص كتير انت اولي بيها .. ------- > النقطة دي هسيبها للاستاذ اسلام :)
                                الافضل تحط نقطة كولا وتحط فوقة اللباد .. وتستمر هكذا لحد ما تخلص عربيتك كلها

                                الابواب لها طريقة عزل عشان مكن الزجاج الكهربا .. باردو هسيبها للاستاذ اسلام ..

                                ايوة كدة نشجع بعض ونساعد بعض ف الافكار ونشر التجارب
                                والله يا حسين باشا انا حبتكوا من قبل ما شوفكوا انت وأ/ عمرو
                                بس خلى بالكوا انا مجنون شوية فى اهتمامى بالعربيه كان معايا قبل الريجاتا 27 كنت قلبها مرسيدس مش بعدل بس مكنتش بستخسر فيها حاجه ومكنتش هفرط فيها والله لولا ان الريجاتا ظهرت و عجبتنى والغريب انى حبتها من اول طلعه بس ظلمتها معايا لأنها معايا من فترة بس كنت مضغوط فى الشغل لحد ما فوقتلها من شهرين وبعمل كل اللى انا عاوزه وبجنن الصنايعية واخوك من نوع اللى بيتصحب على كل الناس بس بشرط انهم يكونوا رجاله الصنايعية طبعا للى انت قولته بأه عن فك الكراسى والأرضية فأنا غيرت الأرضية والسقف وظبط الكراسى من اسبوع واشتغلت فى العربيه يومين كل يوم 9 ساعات وشتمت السروجى فى الأخر علشان كلب فلوس برغم انه صاحبى بس والله يا حسين ما عمل حاجه غير تفصيل الأرضية على مكنة الخياطة والباقى اتتفحت فيه مراتى كانت بتشوفنى داخل البيت وخد باه تعليقات سخيفة من اللى قلبك يحبها ( ايه يا اسطى حمد الله على السلامة - اجبلك مية سخنة تنقع فيها رجلك - ده غير الإبتسامات الجميلة - عملت بكام النهاردة ) وانا ارد اقولها ايه يا كوميديا بص يا حسين اسبوعين فحت وردم ولو كنت سبتها للصناعية كانو بهدلوها المهم انى كنت عاوز اتكلم مع العربيه وافهمها واحفظها وقد كان وبعد الشغل ده كله قررت انى اقفل العربية وارضى بالمستوى اللى هو بالنسبة للصنايعية ( ميكانيكى - كهربائى - سروجى - عفشجى ) مستوى عالى جدا وبالنسبالى انت عارف طبعا المهم قولت امشى العربيه وبعد كده نمخمخ بس عاوزك تقولى افكار جديدة كده انا عارف انك جامد من مشركاتك اللى قريتها كلها نفيد بعض بأه انا ان شاء الله هركب فلتر سبور واعزل اللى ربنا يقدرنى عليه وهجيب الخامات او العازل من ميدان الحلمية علشان قريب منى و هجيبه عريض ورفيع علشان البيبان مينفعش يركب عليها عريض علشان الفرش والمكن زى ما انت قولت و الحوض من الخارج والصدر من الداخل واحتمال منزلش تحت الكراسى لأنى فرشت بلك قطع مش رش وسخنت عليه بس عاوزك بأه تبتكر او تقولى على الجديد وتعالى نطبقه سوى ولو استاذ عمرو معانا يبقا تمام و نختار حاجات متكلفش اوى علشان كل الريجاوتية يستفيدو
                                [FONT=Times New Roman]Islam EL.Essawe
                                Network Enginee[/FONT]r

                                Comment

                                Working...
                                X