رابطه محبي ومالكي الريجاتا

[zenger]

احلى حاجة انى لقيت رابطة للريجاتا متابع جديد ان شاء الله

[Ahmed_Ramadan]

طيب يا جماعة كل واحد يقول عربيته موديل كام و المشاكل اللى بتواجهه فيهاالمميزات و العيوب اللى شايفها فى عربيته

[atato]

انا كنت عاوز اشترى عربية لادا نيفا و لكن ربنا هدانى بعد الاستخارة الى ريجاتا لسة جايبها من شهر هى مو85 معقولة هى فتحه بقها بس خفيف خفيف انا كنت عاوز اسأل اهل الخبرة انا بعد ما غيرت الكاوتشات لاحظت انها اكبر من الكاوتش القدبم كان نصر و الجديد تيوبلس حلو بس فى مشكلة كبيرة جدا واجهتنى ان الكاوتش بيخبط فى صاج الرفرف الخلفى و عمال يهرى فى الكاوتش كل ما اركب ثقل معايا و اشم ريحة الكاوتش روحت لمكان ضبط زوايا ممتاز ظبطلى العافشة من تحت كلها و علالى العجل من ورا و مرضيش يعليهولى كتير قاللى هتعوم منك بس المشكلة موجودة هو فى المنيل اسمه المهندس هشام اسماعيل فوق الممتاز بجد فناس تقولى طلع الرفرف لبره و ناس تقولى اروح المنيل تانى و اخلى المهندس يدخللى الكاوتش لجوة انا مش عارف هوه ده صح ولا غلط و اعمل ايه قبل ما اروح المنيل
و شكرا جدا لاصحاب الريجاتا
( استرجل و اركب ريجاتا هههههههههههههاااااااااا )

[zenger]

انا الحمد لله معايا موديل 88 مش بقابل الصراحة الا مشكلتين الفرامل و السخونية ساعات و ساعات
بس الصراحة الحمد لله سحب كويس مكنة حلوة استهلاك بنزين كويس العفشة بتاعت الريجاتا حلوة و عالية
بس مستنى رد الباقى بالموديلات و المشاكل

[ahmed_moeaz]

ريجاتا 85 1600 سى سى الحمد لله العربية مريحانى من جميع الاتجاهات فيما عدا التكييف لما كنت بشغله كانت بتسخن وتاكل بنزين غير ان كفاءتة قلت عن الاول كتير

[Ahmed_Ramadan]

ريجاتا 85 1600 سى سى زجاج كهرباء أمامى فقط العربية جميلة و عاليةو صالونها واسع و السحب بتاعها جيد جدا و السخونية عادى الحمد لله
المشكلات :
1-العربية مجهزة تكييف فا فى فتحات تكييف فى العربية واصلة للموتور بتدخل سخونية الموتور على الصالون
2-عداد rpm بيشتغل بمزاجه يعنى أما أحرق بيتحرك بشكل عشوائى
3-غيرت الردياتير بتاع العربية علشان كان جاب أخره ,المشكلة دلوقتى ان لمبة الردياتير فى كمبيوتر الأعطال منورة على طول
أنا دلوقتى عاوز أعرف السلك اللى متوصل من الردياتير للكمبيوتر شكله عامل ازاى و بيتجط فين فى الردياتير
4-عوامة البنزين غيرتها و لسه بايضة برضه !!!!

[amro1965]

معى ريجاتا موديل 90 السيارة كويسه جدا سافرت بيها سوهاج سحبها كويس جدا استهلاك الوقود معقول جدا
بالنسبه للثبات على الطريق جبت بيها حوالى 125 كيلو لكن بعد ذلك كنت بخاف فعلا لانى كنت بحس انى بعوم
الصالون بتاعها واسع وكذلك شنطه السيارة كبيرة
السيارة معايا من حوالى 10 شهور
بالنسبه للاعطالى التى قابلتى حتى سخونه الريداتير المفاجئة التى بتضعنى فى موقف محرج
التكيف بيطلع هواء غير بارد على الاطلاق محتاج شحن فريون ومعرفش نوع الشحن الخاص لسيارتى

ملحوظه طالما كل منا بيكلم عن سيارتة والاعطال التى حدثت له اتمنى ان يضع طريقة حله لتلك الاعطال حتى يستفيد منها باقى الاعضاء
لو فعلا كل منا عمل كده هنخرج بكمية اعطال وطرق علاجها هتفيدنا اكيد فى المستقبل
وسوف ابدأ بنفسى

العطل الذى حدث معى الا وهو سخونه الريداتير بطريقة مفاجأه
فكان امامى اسباب كتيرة لسخونه الرداتير ممكن تكون المروحه بايظة وممكن يكون الترمستات بايظ طيب الحل ايه لنعرف ايهما سببب المشكله
احد اعضاء المنتدى قالى اعمل قفلة فى السلك اللى مودى الى الترمستات لو المروحه اشتغلت مباشر يبقى ده عيب ترمستات لو المروحه مشتغلتش يبقى عيب مروحه
فعلت ذلك طلع الترمستات هو اللى كان بايظ لان المروحه اشتغلت
لان السخونه كانت مازالت موجوده رغم المروحه شغاله طلع ان كمان فى انسداد فى وصلات القربه الى الريداتير وعرفتها عن طريق وضع المياه فى القربه كانت تمتلىء وانا افتكرها خلاص على كده زودت المياه لكن لما وضعت فمى فى فوهه القربه ونفخت بقوة المياه اندفعت بقوة داخل الرداتير وومليت كذا مرة القربه

اتمنى ان اكون افدت زملائى الريجاتوية

[abofarah]

عـــــــــــــــايــــــــــــــز اشترى ريجـــــــــــــــــــــــاتــــــــــــــــا

[zenger]

يا باشا سير الكتينة بيتغير كل فترة علشان بيتاكل من المشى و السفر فتبقى ماشى مطمن يعنى
اما الابلاتين و الكوندنسر و البوجيهات دول طقم كهربا لما بتلاقى السحب اتخنق و العربية بتنتش بتغيرهم بتجيب ابلاتين و كوندنسر فرنساوى و هتلاقى ورقتهم زرقا كده و بوجيهات حلوة بوش او اى ماركة بترتحلها
بس و الفلاتر دى بتتغير هوا او بنزين كل فترة مش طويلة علشان الشوائب و كده
و اى استفسار احنا تحت امرك

[zenger]

حاجة تانى للسخونية
لو عملت كل حاجة زى ما بيقولوا و العربية لسة بتسخن حتى لو غيرت الرديراتير فى وصلة كده صغيرة هتلاقيها عاملة كده y
دى هتلاقيها مسدودة او فيها شوائب لان انا غيرت الراديراتير و جيب واحد الومنيا برضو بتسخن فى الاخر وصلت للوصلة بتاعت الماسورة دى هتلاقيها ورا الموتور غيرتها و الحمد لله بقى كله تمام

[amro1965]

حاجة تانى للسخونية
لو عملت كل حاجة زى ما بيقولوا و العربية لسة بتسخن حتى لو غيرت الرديراتير فى وصلة كده صغيرة هتلاقيها عاملة كده y
دى هتلاقيها مسدودة او فيها شوائب لان انا غيرت الراديراتير و جيب واحد الومنيا برضو بتسخن فى الاخر وصلت للوصلة بتاعت الماسورة دى هتلاقيها ورا الموتور غيرتها و الحمد لله بقى كله تمام

لو تقدر اخى العزيز تصور لنا هذة الماسورة بالموبايل وتضعها لنا نكون لك شاكرين

[Ahmed_Ramadan]

لو تقدر اخى العزيز تصور لنا هذة الماسورة بالموبايل وتضعها لنا نكون لك شاكرين

+11111111111111

[amro1965]

تبقى ضربه معلم اللى يجيب لنا كتالوج الريجاتا باللغه الانجليزية لان اللى موجود فى المنتدى باللغه الالمانية

[zenger]

افهم من كلام حضرتك انى لو جبت الخامس ميأثرش على الماتور وزيادة استهلاك الوقد
يعنى لو جبت الخامس بعد 80 ميتعبش السيارة فى المستقبل
اعذرنى لانى معلوماتى على قدى وبحاول اكتسب خبرات من هذا المنتدى العظيم باعضاؤه الكرام

بص يا باشا انت لو بتجرى اقرص على الغيارات براحتكانا ساعات بخلى الرابع لحد 125
و ساعات ازيد لو حارق كل اللى قبل كده تمام
لكن انت لو راجل كلاسيك بيت شغل و شغل و بيت سفر بسيط اقولك
حضرتك على ال80 الكربراتير 2 باب الباب التانى بيفتح بعد ال80 لكن قبل كده انت ماشى بالعربية مهما جريت على باب واحد
هات 80 و ركب الخامس
هتلاقى العربية فاقت و لو عاوز تقرص حبة هتقرص و تهدى برضو هتهدى من غير ما تنخع منك
و هتوفر معاك بنزين جامد

[zenger]

+11111111111111

من عنيا حاضر اصورهالك و اوريد مكانها فين
النهاردة ان شاء الله بس ازاى ارفع على الموقع لو المساحة بتاعت الصور كبيرة