لادا 2170 .... هل هناك امل في التطوير؟؟

[x_gomgom]

اول امبارح كنت عند توكيل الامل للسيارات اللي في روكسي بتفرج على ال BYD f3 التجميع المحلي لفت نظري وجود سياره الادا شكلها غير تقليدي....
سألت الراجل بقوله دي موديل كام قالي دي رقمها 2170 و لسه نازله جديد و لم يحدد لها سعر الى الان...
وطلبت اني اتفرج عليها نت الداخل الراجل اعتذر لعدم وجود المفتاح و سألته على السعر قالي هيبقي في حدود ال 63,000 جنيه او اقل..
شكل العربيه مدي على فيرنا فيفا شويه و الصراحه شكلها مميز ...
يا رب تكون دي بارقه امل لتطوير الادا و نبدأ نشوف عربيات لاادا جديده تواكب العصر....
يا رب اكون افدت

[alihussien2]

شكرا ليك يا اخ جمجوم وياريت خدمة الله يباركلك شوف كده اللادا الجديدة دي منها اوتوماتيك ولا لا؟

[zego]

باشا انت بتتكلم جد معقولة 2170 نزلت مصر
مش معقولة ياريت تقول تفاصيل اكتر بعد اذنك انا كنت مستنى العربية دي بفارغ الصبر

[MOSHAKS]

حضرتك تقصد الشكل ده؟؟؟

[MOSHAKS]

[x_gomgom]

هو الشكل دا اللي معروض عند الامل و لما سألت على الاوتو قال انه مش عارفين هينزل ولا لا....
من الواضح ان العربيه لم يتم طرحها رسمياً بعد لان الراجل لما سألته عن السعر قالي هيبقي في حدود ال 63000.....
ان شاء الله قريباً هنزل اسأل عليها و اوافيكم بالاخبار...
يا رب اكون افدت

[محمد جلال]

العربية اكيد هتبتدى من 63.000 وطبعاً باور وتكييف العربية شكلها حلو بس ياريت تكون احسن من الكالينا وتتوافر قطع غيارها ويكون المحرك 1600 98 حصان مش 80 كده يبقى مقبول وده الكارت الفنى للسيارة من واقع الموقع الرسمى للادا:

لادا بريورا 2170 ( سيدان )

الطول : 4350 مم
العرض :1680مم
الارتفاع :1420مم
قاعدة العجلات : 2492 مم
المسافة بين قاعدة العجلات الأمامية : 1410 مم
المسافة بين قاعدة العجلات الخلفية : 1380 مم
وزن السيارة فارغة: 1088 كجم
وزن السيارة الكلى: 1578 كجم
الدفع : بالعجلات الأمامية
عدد الأبواب : 4 أبواب
نوع المحرك : بنزين رباعي الأشواط 4 سلندر حقن اليكتروني
سعة المحرك : 1596 سى سى / 98 حصان - 1596 سى سى / 80 حصان
نوع البنزين المستخدم :/ بنزين 95 خالي من الرصاص
استهلاك الوقود : 7.2 لتر / 100 كم - 7.6 لتر / 100 كم
أقصى سرعة : 183 كيلومتر/ساعة - 172 كيلومتر/ساعة
ناقل الحركة يدوى : يدوى 5 سرعات أمامي و 1 خلفي
مقاس الإطارات : r 14/65/175 (82h)
سعة خزان الوقود : 43 لتر

[x_gomgom]

شكراً على المعلومات المفيده....
بس بصراحه موضوع السعر ممكن تكون اقل من 63,000 و دا تصور شخصي حيث ان توكيل الامل بيجمع السياره byd f3 وهي فئتين احدهما ب 60 و الاخري ب 63,000 و اظن انه هينوع في الشرائح السعريه الموجوده عنده و بالتالي هيبقي فيه فرق في السعر و لو بسيط...
و دي وجهه نظري الشخصيه...
يا رب اكون افدت

[محمد جلال]

شكراً على المعلومات المفيده....
بس بصراحه موضوع السعر ممكن تكون اقل من 63,000 و دا تصور شخصي حيث ان توكيل الامل بيجمع السياره byd f3 وهي فئتين احدهما ب 60 و الاخري ب 63,000 و اظن انه هينوع في الشرائح السعريه الموجوده عنده و بالتالي هيبقي فيه فرق في السعر و لو بسيط...
و دي وجهه نظري الشخصيه...
يا رب اكون افدت

حضرتك متنساش ان الـ byd f3 تقفيل محلى والبريورا روسى و الكالينا اول ما نزلت كانت فول اوبشن بـ 63.000 روسى فممكن متتعداش السعر ده بس هى اكبر فى الحجم وممكن يكون فى اوبشنز زيادة واتمنى لما تنزل يتسوق لها كويس ويتعملها حملة دعاية مناسبة لان التوكيل بينزل العربية بطريقة اللى ما يشترى بالصدفة يتفرج بالصدفة ومينزلوش شحنة وتختفى للابد وربنا يهديهم انا نفسى توكيل لادا ينزل عربية تسمع غير 7012 والنيفا ؟؟؟؟

[zego]

ايوة يا باشا هو ده الشكل اللى بسأل عنه
وشكرا جزيلا ليك وهكلمك علي الخاص

[zego]

عايزين يا جماعة نشوف الاراء في العربية دي

[x_gomgom]

انا انهارده نزلت اعاين العربيه عشان الصراحه داخله دماغي جداً.....
التقرير كلاتي:....
المظهر الخارجي انا شايفه انسيابي و جميل (ازواق اولاً و اخيراً) بصراحه العربيه دهانها باين انه متكلف جامد و كمان جوده التقفيل يعني البيبان تقيله و بتقفل مظبوط و الاكر تمام....
نيحي بقي للموتور هو 16 صباب 1600 كامتين و الصراحه الراجل دوره صوته هادي جداً (بيقول انها موتور ال لادا ال 2110) بس انا شايفه مختلف شويه من حيث الشكل الحوض و شكل الموتور و ترتيبه و تقفيل الفوانيس داخل الحوض و قربه الياه الصراحه منظر جميل...
العربيه الباور فيها كهرباء و دي ميزه و ثانياً لفت نظري وجود لمبه الاير باج في التابلوه....
التكييف شغلته شويه بسم الله ما شاء الله تحفه و السرعه الاولي فيها بصحتها يعني تجيبه على اتنين بيبقي شديد....
ندخل على التصميم الداخلي...
التابلوه شيك جدا و اناره العداد خضراء محترم زي الاوبترا و واضحه جداً في ساعه و شاشه عرض بيانات...
التابلوه خامته انضف من عربيات كتير لا تقول فرنا ولا لانوس ولا هيونداي هو مش بلاستيك صب تحس ملمسه مقارب للجلد و متبطن فوم مضغوط خامته محترمه جداً و وضعيه القياده و مسكه الفتيس ممتازه بجد.....
الكراسي مريحه في الامام و الخلف لو مرجع الكرسي لاخر المجري اللي قاعد ورا يبقي قاعد مستريح لكن في حاله انك رجعت ظهر الكرس ممكن تضايق اللي وراك شويه و دا جاي نتيجه وسع الشنطه المهول هو عميقه و طويله لجوه (ممكن تخبي فيها قتيل ههه) العربيه علوها على الارض محترم جداً يعني انسي المطبات...
نيجي بقي للكماليات هي سنتر و انذار و زجاج امامي كهرباء و تحكم كهربي في المرايات و انوار ضباب خلفي و تحكم في شده الاضائه و ارتفاعها من الدخل و فتح التانك من الداخل العربيه و من غير كاسيت و سماعات....
نيجي بقي للكلام اللي يزعل بقي اولا سعرها اتحدد ب 68,0000 و دي المسمار الاول في نعش الفقيد الذي لم يولد لوجود منافس شرس هو ال byd الكامله ب 63,000 جنيه (يفسر لاحقاً)...
الضمان سنه فقط او 10.000 كيلو!!! في حين الاخت الشقيقه ضمان 3 سنوات او 60.000 كيلو مع ملاحظه فرق السعر (هي كمان ال byd فيها امكانيه استبدال قطع غيارها من حيث العفشه بالكرولا و الموتور بالمتسوبيشي البوما و دا يديك نقطه تفوق انك ممكن تعمل الصيانه بره بدون التقيد بالتوكيل)...
الصدمه انهم (المقصود هنا توكيل الامل اللي في روكسي) جايب عربيتين بس و بيشوف الدنيا هتمشي ازاي و لو نجحت هيبتدوا يجيبوها بنطاق اوسع (الخوف كله بقي من تكرار تجربه الكالينا).....
مع كامل احترامي التوكيل كدا بيموت عربيه بالفعل منافس شرس لكل السيارات في فئه ال 70,000 جنيه و اقصد فعلياً الجميع...
بس الصراحه العربيه تستاهل ال 68,000 بس قله الضمان دي تخوف و كمان المفروض سعرها يكون اقل عشان المنافسه السعريه و كمان موضوع التجربه دا يرجح ان الواحد يستني لحد اول السنه الجديده عشان يعرف الدنيا فيها ايه....
لكن السياره كمجمل بالفعل غيرت انهارده مفهوم الادا عندي....
ارجو ان اكون افدت

[zego]

فعلا يا باشا كلامك صح بالسعر ده اروح اجيب فيرنا واهو قطع غيارها رخيصة وببلاش وسعر اعادة البيع زى الفل ومنتشرة انما توكيل الأمل كده ما فيش حد فاهم له حاجة خالص وبعدين انا مكلمهم امبارح بعد ما كلمتك تانى يوم قالو العربية ب 66.000 والضمان سنتين او 40.000 طب ازاى بين يوم واحج ومن غير ليلة يتغير السعر والضمان هو الناس ايه اللي في دماغاها بالظبط
حد يدينى تفسير منطقي

[x_gomgom]

الصراحه انا شاكك في المسطول اللي فرجنا على العربيه استحاله تكون سنه او 10.000 كيلو....
لكن السعر بالفعل كان 68.000 جنيه للاسف....
هي الصراحه برقبه الفرنا . الصراحه انا ابتديت اصرف نظر عنها لحين ما الامور تظهر و بفكر في ال byd التجميع المحلى الكامله و 63.000 و بصراحه انا شايف انها برضه احسن من الفرنا...
ربنا يوفقنا جميعاً لما فيه الخير

[sameh127]

فيها عيب خطير ماحدش لاحظه. إن إكصدامها عامل زي إكصدام اللانسر و الإكسيل من ناحية عدم وجود بار صلب خلف الإكصدام لحماية الإكصدام من الكسر عند ملامسة اي عربية له ولزيادة تأمين خلفية العربية عند وقوع حادث من الخلف و لتقليل اثر الصدمة علي الرفارف الخلفية و الصدر الخلفي و باب الشنطة للعربية.
طبعا مش مصدقين كلامي.
طيب حد يروح تاني للمعرض و يروح عند ظهر العربية و يثبت رجلة في الأرض و يزق بركبته الإكصدام الخلفي لجووه و اتفرج قد ايه الإكصدام دخل جوا العربية(ده بإستخدام رجلك) أممال لو عربية وزنها 1 طن ونصف لودخلت فيها من ورا حيبقي ايه الحال للعربية وللركاب.