دليل شامل عن الادا بواسطة اسئلة الاعضاء واجاباتهم --نرجو الاهتمام من الاعضاء والتقييم

[monzer_500]

الموتور يبطل لما توقف العربيه لكن بيدور اى وقت تا ني :
1- تظبط مسمار باب الكاربتر (ظبط لسرعه البطئة بتزيود عدد اللفات )
2- الفونيه بتاعهلهوا مكتومه
منذر

[monzer_500]

الموتور مش بيدور لما بدور امفتاح وما بتسمعشي لي صوت
1- البطاريه نايمه او ضعيفه او بايظه .
2- كابلا البطارية مش كويسة . نضفها بميه سخنه
3- ترس لمارش مش بيعضق مع الحدافة
4- اماكينة وجود ميه داخل السلندرات
............................. منـــــــــــــــــذر

[monzer_500]

زياده سخونه البوجيهات
يجب مطابقه نوع البوجيه للعربية
ظبط الخلوصات في الموتور

[monzer_500]

العربية بتقطع .. ليها اسباب ومنها
الكاربتير مافيهوش بنزين كفايه
البنزين مش نضيف او مخلوط ميه
البنزين خلاص بيخلص او مش واصل للموتور اوالطرمبه مش مظبوطه
منذر

[mnomno]

السلام عليكم يا جماعه اللادا
شكرا على مجهودكم و المعلومات المفيده
انا عندى استفسار العربيه كان الدبرياج بتاعها فى الاول يصدر صوت خفيف مثل التزييق ثم استمر الامر فى الاول ذهبنا الى الميكانيكى و ظبط حاجه فى الركلاج من تحت الخاص بالدبرياج تحسن الوضع ثم رجع مره اخرى و عمل نفس الشئ مع العلم انه فى الحالتين كان يقول ان اسطوانه الدبرياج و الديسك ليس بهم اى مشكله و كان قد تم تغيرهم من ما يقرب سنه ثم فجاه وجدنا صوت رجرجه جامد جدا لدرجه ان الكبوت بيتهز جامد فقط يحدث عند الضغط على الدبرياج مع العلم ان النقل بالفتيس كان سلس جدا و استمر الوضع الى ان غيرنا الميكانيكى و ذهبنا الى ورشه و اخبرنا المهندس انه هناك احتماليه يا اما فى الجير بوكس الرمان بلى الخاص به مكسور و هو الذى يسبب هذا الصوت و يكتم على الموتور وبعد ان حل كل الجير البوكس قال لنا ان زور الدبرياج مقطوم و الرمان بلى خشن للغايه و الاسطوانه بازت و الديسك ضرب و محتاجين لتغيرهم جميعا اضافه الى الفرش و بيض الدبرياج فما صحه هذه المعلومات علما بان السياره موديل 2007 و عامله 57650 الى الان

[nimo.mimo]

أنا عربيتى لادا نيفا
أنا عندى فرامل العربية بتصفر طول ماهى ماشية صفارة خفيفة و لما الطنبورة تسخن يعنى بعد ما أمشى 40 كيلو متر متواصل تبدأ تسرخ كأن صوت حديد بيسرخ لما يحك فى بعضه لدرجة إن الناس اللى واقفة فى الشارع بتبص على مصدر الصوت دوة.

بس فى كلا الحالات لما بريح على الفرامل الصوت بيروح نسبيا بس لما أدوس جامد بيبقى فيه صوت صفارة زى العربيات النقل لما تفرمل صوت خفيف بس مسموع نظام صيو سو سو سو سو سو.

أنا غيرت تيل الفرامل بس قعد يومين حلوين و بعد كدة الدهولة اشتغلت تانى.

هل ممكن يكون فيه عيب فى ماكينة الفرامل نفسها يعنى لما أدوس فرامل ضغط الزيت بيضغط على ثلاث أصابع فى ماكينة الفرامل اللى على الطنبورة يقوم الصوابع دية زاقة التيل على الطنبورة عشان تفرمل العربية , هل ممكن تكون الماكينة دية محتاجة تتغير , أنا وجهة نظرى إن الصوابع دية ممكن يكون فيهم صباع أو أكثر بايظين فابالتالى لما أسيب الفرامل الصباع بيفضل ضاغط على التيل و يحك فى الطنبورة يخليها تصفر , و لا إيه النظام؟

و جزاكم الله خيرا كثيرا مقدما.

[bassam92]

لماذا يا ادارة المنتدى اوقفتم الصديق العزيز (منذر)

وحتى لو كان عمل حاجة المفروض انكم تتغاضو عنها وتنظرو لمجهوده الشديد لتنشيط قسم الادا اتقو الله والغو وقفه....

كلنا معاك يا منذر.

بسام.........

[a7madramadan]

بالنسبة للفرامل عندي مشكلة مشابهه ليها ان الفرامل لما باضغطها بقت بتصفر... واعتقد ان المشكلة في التيل عندي

بس انا اشك ان الموضوع بالنسبالك مجرد تيل لان حضرتك بتقول طول مانت ماشي في تصفير خفيف ....


واتمنى من أستاذنا بسام يقول رأيه في موضوع التصفير ده ....

[mahgoup]

السلام عليكم/انا بضم صوتى لصوت بسام وياريت ان ادارة المنتدى تسمح للاخ منذر بانه يرجع ويشارك لان ارائه مفيدة واللى زيه قليل فى منتدى اللادا وخساره اننا نخسر مجهوده

[nimo.mimo]

بالنسبة للفرامل عندي مشكلة مشابهه ليها ان الفرامل لما باضغطها بقت بتصفر... واعتقد ان المشكلة في التيل عندي

بس انا اشك ان الموضوع بالنسبالك مجرد تيل لان حضرتك بتقول طول مانت ماشي في تصفير خفيف ....


واتمنى من أستاذنا بسام يقول رأيه في موضوع التصفير ده ....

الميكانيكى قاللى دوة ماستر الفرامل و كان ضاغط على العجلة اليمين , فا ريح الماستر و ظبط الناحيتين و الحمد لله الصوت راح و ربنا يسترها علينا جميعا.

فلو حد عنده بدالة الفرامل أول ما يدوس بدال الفرامل و العربية باردة يكون مشواره كبير و لما تسخن الطنابير مشوار بدال الفرامل يقل , يبقى لازم يكشف على الماستر و يظبطه عندى الميكانيكى و بالتوفيق بإذن الله

[nimo.mimo]

إيه الفرق بين التيل النحاس و التيل البودرة
و هل النحاس فعلا بياكل الطنابير؟!!

[bassam92]

لو ما رجعتوش منذر هنعمل اضراب انا وكل الزائرين وبلتالى المنتدى هيخسر ..

يا اعضاء المنتدى قولو ورايا بصوت عالى

طرد منذر من المنتدى باطل باطل باطل باطل

احنا بننزركم منذر لازم يرجع

لا لطرد منذر لا لا لا لا لا

النهاردة بيتوقف منذر وبكره هيتوقف بسام وبعده وبعده لاتفه الاسباب

يا منتدى ساكت لييه بعد منذر عايز اييه

مش هنطاطى مش هنطاطى احنا كرهنا الصوت الواطى

بلروح بلدم نفديك يا منذر

منذر منذر اعزرنا عودتك مش بادينا .....

كفاية يا ادارة ايقاف وطرد احنا لما بنصدق المنتدى ينشط لو سمحت رجعوه

بسام,,,,,,,,,

[nimo.mimo]

هوا إيه اللى حصل؟!!

[mohamed2002]

لو ما رجعتوش منذر هنعمل اضراب انا وكل الزائرين وبلتالى المنتدى هيخسر ..

يا اعضاء المنتدى قولو ورايا بصوت عالى

طرد منذر من المنتدى باطل باطل باطل باطل

احنا بننزركم منذر لازم يرجع

لا لطرد منذر لا لا لا لا لا

النهاردة بيتوقف منذر وبكره هيتوقف بسام وبعده وبعده لاتفه الاسباب

يا منتدى ساكت لييه بعد منذر عايز اييه

مش هنطاطى مش هنطاطى احنا كرهنا الصوت الواطى

بلروح بلدم نفديك يا منذر

منذر منذر اعزرنا عودتك مش بادينا .....

كفاية يا ادارة ايقاف وطرد احنا لما بنصدق المنتدى ينشط لو سمحت رجعوه

بسام,,,,,,,,,

اية سبب الآيقاف منذر من الشخصيات المحترمة والذوق جدا عمل اية؟

[bassam92]

انا والله ما اعرفش قعدت ادور على الصفحات اللى كتب فيها ملقتش حاجة ما انا بقوللك بيوقفونا لاتفه الاسباب

حتى يا سيدى لو كان عمل حاجة مش المفروض يشوفو حسنانته الكتير والشغل اللى عامله لاكن نقول ايه اهم حاجة ضم صوتك لصوتى...

بسام,,,,,,,,,