والله انا اتخنقت الناس دي مش عايزة المنتدي بتاع اللادا يشتغل ... كل ما نجاوب علي اسئله حد والناس تبقي مبسوطه وتدعي لنا يعملوا لينا حظر ................... منذر
X
-
يا جماعه الموضع مش مستاهل .. المشكله كلها تتلخص اننا جاوبنا علي ناس بكل صدق و احنا وكل الاعضاء المحترمين في منتدي اللادا بسام وانجاز ومحمد 2002 وسبيد وكل الناس دي مش عايز انسي حد منهم طبعا ..... بس السؤال هنا ليه بيحصل كده .. ولو احنا بيتعمل لنا حظر لان الناس دي مبسوطه مننا خلاص .. ياريت يعينوا حد يكون اهل للثقه وممكن الناس تسئلوا ويجاوبهم انا كنت بشوف اسئله لناس تعبانه بجد وهتبيع عربياتهم بخساره ومدايقين من العربيه وسايبيها مركونه تحت البيت وبيركببوا مواصلات عشان مشكله بسيطه في العربية والناس مكبره ليهم المشكله وهيا تافهه ولما ساعدناهم والناس فضلت تدعي لينا وتمدح فينا في المنتدي .. الادارة زعلت وقالت اننا مش من مشرفي المنتدي عشان نجاوب علي حد !! ... طيب ياريت والله في حد يجاوب الناس دي علي مشاكلهم . ويحلها لهم ... لكن للاسف مافيش اجابات واقعيه بالعكس حاجت كتير او غلط ومش هتفيد في حاجه. واذا كان بسام او منذر بيجاوبوا علي الناس فده من واقع خبره عمليه مش من فراغ .. انا معايا نيفا من وانا عندي 12 سنه وكنت بسوقها وبعمل لها صيانتها بنفسي وبجاوب علي اللي اعرفه وما بدخلشي نفسي في اللي معرفشي فيه كذلك بسام معاه لادا برضوا من فتره طويله ومن متابعتي لاجاباته لاقتها كلها مليون في الميه ومافيش بعدها كلام .. انا ببقي عايز اعقب علي كلامه او حتى امسك عليه غلطه لكن بصراحه ما بلاقيش غلطه واحده عنده ........... طيب ليه ما نستفيدش من الناس دي .. انا ما بتكلمشي علي نفسي!!! .. انا اقصد بسام .. ليه ما نستفيدش بخبراته الواسعه في لادا ويبقي مشرف في منتدي لادا بدل ما المنتدي مش لاقي حد يصحيه كده . ولو حبينا نعمل شغل ونساعد الناس يقولوا علينا مش اهل للثقه وبنعمل اغراق للمنتدي ....................... انا بعمل اغراق للمنتدي اللي انا بحبه ...... علي كل حال انا مش زعلان والله .... لان الحل بسيط ايميل جديد وبيسجل وخلاص .. ومع ذلك يا جماعه انا بحترم رأي إدارة المنتدي قولوا لو مش عايزينى انا منتظر ايميل من الادارة علي الخاص تبلغني ده فيه وانا اوعدهم قدام الناس كلها اني مش هدخل تاني ..... لكني هفضل اساعد اخواني في منتدي لادا حتى ولو عن طريق الايميل ......................... منذرالمشاركة الأصلية كتبت بواسطة bassam92 مشاهدة المشاركةلو ما رجعتوش منذر هنعمل اضراب انا وكل الزائرين وبلتالى المنتدى هيخسر ..
يا اعضاء المنتدى قولو ورايا بصوت عالى
طرد منذر من المنتدى باطل باطل باطل باطل
احنا بننزركم منذر لازم يرجع
لا لطرد منذر لا لا لا لا لا
النهاردة بيتوقف منذر وبكره هيتوقف بسام وبعده وبعده لاتفه الاسباب
يا منتدى ساكت لييه بعد منذر عايز اييه
مش هنطاطى مش هنطاطى احنا كرهنا الصوت الواطى
بلروح بلدم نفديك يا منذر
منذر منذر اعزرنا عودتك مش بادينا .....
كفاية يا ادارة ايقاف وطرد احنا لما بنصدق المنتدى ينشط لو سمحت رجعوه
بسام,,,,,,,,,
Comment
-
يا كل الرجالة اللى فى المنتدى قولو دلوقتى بصوت واحد ...
لو منذر ما رجعش احنا مش هندخل المنتدى تانى وتبقى تولعى وتشبعى بلمنتدى منغير اعضاء وده تهديد من اعضاء منتدى الادا الى الادارة رجعى منذر يا اما كلنا هنخرج وتبقى تشوفى مين اللى هيعبر منتدى نايل موتورز تانى..
والله اتنرفزت واتعصبت فعلا شى مستفز
انتو معايا ولا لا يلا انا عايز اشوف ردود منذر منذر منذر منذر منذر منذر ذمنذرمنذر منذر منذر منذر منذر منذر...
Comment
-
ماشى يا صديقى ....
هنكمل مشوارنا ومليون طظ فيهم .
المشكلة: صوت تصقيف صادر عند الضغط على دواسة البنزين.
الحل: للمشكلة سببان اولا نوعية البنزين وهذا سبب ضئيل .
ثانيا كهربة الاسبراتير بيتم ظبتها بمعنى ان تعلى او توطى الكهربة حسب وضع ورعشة السيارة على السلانسيه ويجب او يفضل عند ميكانيكى بيعمل فى الادا وبعدها يمكنك ان تضغط على دواسة البنزين بدون سماع لادنى صوت (تصقيف) وتسحب براحتك.
بسام,,,,,,,,
Comment
-
المشكلة: شحن البطارية ضعيف؟
الحل: اولا اذا كانت المبة الحمراء لا تطفى سريعا بعد اضاءة السيارة فهاذا يعنى ضعف شحن البطارية ويجب اولا تغيير كتاوت دينامو ب 12 جنيه وتركيبها مكان القديمة ثم تجرب سوف تظل المشكلة ولكن بعد يوم او يومين بلاكثر سترى الفرق لان الكتوت ياخذ وقتا قليلا.
ثانيا اذا كانت البطارية تصفى طاقتها تماما فهذا يعنى عيب فى الدينامو ويتم عمل عمرة له لا تتكلف ال40 او 60 جنيها.
Comment
-
عند سماع صوت تزييق من الجانبان الاماميان تذهب لبنزينة بها غسيل عفشة وتقوله اغسلهالى جاز وزيت وبعدها ستنتهى المشكلة .
ولكن ان عادت ثانيا بعد اسبوع او اسبوعيا فلعيب يطون من شيئيا (البيض او السوست) ويجب ان يفحصها العفشجى حتى يحدد السبب بلظبط.
بسام,,,,,
Comment
-
عندما يسرب ماستر الفرامل او الدبرياج الزيت لا تغير له جلدة بل اشترى جديد حتى لا ينفجر عند الضغط المفاجىء على الفرامل.
واشترى الايطالى ب50 او 55 جنيه وتركيبه ب25 جنيه وبعد ان تركبه قول للميكانيكى اسحب هوا للفرامل لانه عند فك الماستر يخرج كل الهواء الموجود فى الانابيب .
بسام,,,,,,,
Comment
-
تمام علشان كده كنت دايما بقول (يفضل يكون بيشتغل فى الادا) لان زى ما انت عارف كل عربية ليها اسرارها والادا بتختلف كتيييير جدا جدا عن العربيات التانية الللى هو ممكن يكون شغال فيها مع انها بسيطة .المشاركة الأصلية كتبت بواسطة jojajo مشاهدة المشاركةوالله انا فيه معلومات كتيرة جدا عرفتها منكم اول مرة اعرفها وحكاية الاسباتير دية عملالى مشكلة علشان روحت لميكانيكى مش بيفهم فا بقيت العربية الصبح لازم اسخنها مش اقل من ربع ساعة علشان تمشى حلو ومتقطع فا اية رايكم ؟؟
المهم انت لو لقيت ميكانيكى بيشتغل فى الادا خش عليه وكلمه وانت واثق من نفسك وقوله اظبطلى كهربة الاسبراتير وال ار بى ام وخلى عداد الار بى ام تحت العشرة بشرطة او اتنين وهتبقى العربية مظبوطة معاك تمام وعال العال .
والرعشة هتنتهى الى الابد ولو فى اى حاجة تانية حاسس بيها فى العربية اوصفهالى وانشاء الله اقدر احلهاللك.
Comment
-
والله يا استاذ بسام مش عارف اشكرك ازاى بجد يعنى انا فى حاجات كتيرة جدا نفسى اسال فيها بس علشان متقولش عليا رغاى :D
انا المفروض هسافر بالعربية ان شاء الله فى اخر شهر واحد ومسافة كبيرة تقريبا 450 كيلو فا كنت عايز اعرف اعمل اية قبل ما اسافر خصوصا المسافة دية ولا قدر الله لو حصل حاجة مش هعرف اعمل حاجة هى العربية الحمد لله حالتها حلوة وكذا ميكانيكى قالى تسافر مفيش مشكلة لكن انت اكيد بخبرتك عارف اكتر المشاكل اللى ممكن تلاقيها فا لو كدة تقدر تقولى على الحاجات اللى المفروض اعملها واالله بجد انت خليت قسم ال لادا بقى ليقه طعم تانى الاول كان الواحد بيدخل عليه الحاجات هى هى منغير اى تجديد انت والاستاذ منذر الصراحة ولو ممكن تعمل ادد على الايميل Minawork@hotmail.com والف شكر يا باشا
مع العلم العربية لادا موديل 2103 اللى اربعة فانوس من قدام اللى هى روسى خالص دية
Comment

Comment