تعليمات هامة لمالكى السيارات اللادا

[حسام كرم]

الاخ ابو حميد قال

/حسام
انت بتقول موبيل xhp
5000يتم تغييره على 4000
اللى تمنه فى حدود 70 جنيه
مش انت قصدك على الجركن الفضى (الرصاصى)؟
بس الجركن دا لما بشتريه االراجل بيبعه على انه بيقعد 3000كم بس ودا من اكتر من واحد بتاع زيوت

التوكيل بيقول 5 الاف وبعض المحطات بتقول 5 الاف الا اننى من خلال متابعتى لموضوعات الزيوت بالمنتدى وجدهم يتكلمون عن 3 الاف وفى احدى المرات سالت احدى محطات موبيل فوجدهم يتكلمون ايضا على 3 الاف لذلك ساقوم بتغيرة مبكرا عند 3 الاف وسافكر فى نوع اخر خصوصا ان الجركن وصل 78.5 وهو كتير جدا على 3 الاف
ولا اية رايك يا ابو حميد

[ahmed1981]

بتقول موبيل xhp
5000يتم تغييره على 4000
اللى تمنه فى حدود 70 جنيه
مش انت قصدك على الجركن الفضى (الرصاصى)؟
بس الجركن دا لما بشتريه االراجل بيبعه على انه بيقعد 3000كم بس ودا من اكتر من واحد بتاع زيوت

يقعد 5000 كيلومتر عند أفضل ظروف الجو والمحرك والقيادة والطرق
وهذا لن يحدث في مصر (جو مترب وقيادة في الزحام والطرق المتمرجحة !!)

إذاً لابد للأمان نغيره على أقل من 5000 كيلو (يغير على 3000 أو 4000 كلومتر مثلا حسب حالة الموتور ومتابعة الزيت ولزوجته)

[حسام كرم]

العزيز ابو حميد كتب

حسام
انت بتقول موبيل xhp
5000يتم تغييره على 4000
اللى تمنه فى حدود 70 جنيه
مش انت قصدك على الجركن الفضى (الرصاصى)؟
بس الجركن دا لما بشتريه االراجل بيبعه على انه بيقعد 3000كم بس ودا من اكتر من واحد بتاع زيوت

قمت امس بالسوال فى عدد 2 بنزينة موبيل عن الزيت موبيل xhp وعرفت من مهندس بترول مدير احدى المحطات ان الحد الاقصى لة هو 3000 الاف كيلواو 6 شهور ايهما اقرب تحت اى ظروف تشغيل ولاى حالة موتور عكس ما قيل لى فى التوكيل
وهو زيت سوبر متعدد الدرجات 20-50 ويصلح جدا للمحركات ذات التكنولوجيا القديمة كالادالانة ذو كثافة عالية
وعلى فكرة سعره بقى 85 جنية غير الخدمة
وموبيل وان اصبح ب 225 جنية غير الخدمة

[ahmed1981]

في الحالة دي يا جماعة حولوا إلى زيوت شيل أفضل من موبيل
أنا بشتري نوع شيل سعره 70 جنيه تقريباً بيقعد 5000 كيلومتر (مش فاكر إسمه بالضبط)
وأنا ماشي بيه لغاية الآن 4000 كيلومتر ولسة كويس ولكن هغيره على 4000 كيلومتر لأكون في الأمان

[ahmed1981]

وهذا موضوع مهم جداً عن الزيوت بكل أنواعها:
http://www.nilemotors.net/Forum/viewtopic.php?t=4431

[ابوحميد]

معلش يا جماعة مدخلتش على الموضوع من زمان
ولا زم اقدم الشكر الجزيل للى تعبوا وخصصوا وقت للسؤال والكتابة
الاخ العزيز حسام كرم ___________ الاخ العزيز م/احمد
جزاكم الله خيرا وعلى فكرة انتوا يا جماعة كدا ممكن متكونوش واخدين بالكم ان انتوا بتقدموا نصايح الكتير بيعتمد عليها مش بيقراها كدا والسلام
يعنى انا مثلا مكانش ليا خبرة كبيرة اوى فى السيارات ساعة ما جبت اللادا وكنتوا انتو المعين والمرشد بعد الله سبحانه وتعالى
وفهمتونى حاجات اخلى بالى منها فى اللادا عشان تعمر لانها عاوزة عناية خاصة
ربنا يبرك فيكم ويجعلكم اهلا للمسئولية

[حسام كرم]

شكرا لك على ذوقك يا ابو حميد يا غالى وشكرا للاخ العزيز احمد
وكلنا بالفعل تعلمنا الكثير والكثير جدا من هذا المنتدى
وبالله التوفيق
اخوكم حسام

[ibrahimsaad]

ماشاء الله اخوانى

حقيقه انا استفيد منكم الكثير وعرفت حاجات ماكنتش اعرفها واكيد هتساعدنى عند شراء سيارتى فى خلال كام شهر ان قدر لى الله ذلك

اخى العزيز حسام

بما انك لديك اللادا بالفعل

هل موديلات 2107 موديل 2007 به مشكله بيض اللادا التى تحدثت عنها ام لا ؟

وسمعت عن تركيب الباور بالتوكيل فلما لم يتم وضعه اصلا بالموديلات الجديده مثلا قبل شرائها وهل سيكون فى موديلات 2008 مثلا ام لا وهل تنصحنى بشراء موديل 2007 ام انتظر لصدور موديل 2008

[حسام كرم]

الاخ ابراهيم / اهلا وسهلا بك فى روم اللادا
جميع موديلات اللادا 2107 الحديثه من بداية الالفينات لم تظهر بها عيوب البيض على الاطلاق وهو يظهر فقط فى الموديلات القديمة وتستطيع السوال عن ذلك التعديل الذى اجرى فى التوكيل والملص يظهر غالبا فى التاكسى لاجهاد البيض والتحميل الزائد دون عناية او تشحيم
اما بالنسبة للباور فهو اختيارى مثل التكييف لانهم لو نزلوا مع السيارة قد تتجة السيارة الى فئة سعرية اخرى وغالبا من يشترى اللادا لايفكر فى الرفاهيات الموجودة فى غالبية السيارات حاليا بنفس درجة احتياجة الى سيارة اقتصادية ومعمرة وقوية ( اى ان اللادا لها زبونها على هذا الحال )
وانا فى خدمتك وجاهز لاى استفسار
وشكرا

[ibrahimsaad]

اشكرك اخى الفاضل ا /حسام
على هذه المعلومات القيمه وبالفعل كلامك معقول جدا

احنا بس نجيب العربيه وبعدين نركب فيها تكييف وباور براحتنا لان اكيد السعر هيفرق ويتنتقل الى فئه اخرى

مع خالص شكرى

[tamim]

ينفع لادا 2110 يتركبها بور ويتكلف كام لو ركب
سؤال من باب العلم بالشئ على فكرة هى دركسيونها خفيف بس مش باور

[ahmed1981]

احنا بس نجيب العربيه وبعدين نركب فيها تكييف وباور براحتنا

اللادا ال 2107 التوكيل بيركبلها تكييف بزيادة 3000 جنيه عن اللي من غير تكييف
ولو ناوي تركب تكييف يبقى يفضل من الأول تاخدها مكيفة من التوكيل وتدفع ال 3000 جنيه الزيادة

ولو ناوي تشتري لادا 2107 أنصحك تجيب الروسي وبلاش المصري وإليك هذه التجربة:
http://www.nilemotors.net/Forum/viewtopic.php?t=9443

[ibrahimsaad]

طيب ياباشمهندس احمد

انا عرفت ان اللادا الدريكسيون فيها ثقيل

وانا لسه بتعلم سواقه يعنى لسه حديث عهد وعمرى ماركبت اللادا لانى لسه متعلم فى المرور وكان على سياره نصف نقل ميتسوبيشى

صحيح انها كانت سهله فى السواقه لكن مش عارف ان كانت اللادا هتكون مناسبه لى ولا ايه رأى حضرتك

[ahmed1981]

مش عارف ان كانت اللادا هتكون مناسبه لى ولا ايه رأى حضرتك

اللادا2107 دريكسيونها تقيل لكن مقدور عليه بالنسبة للرجالة وإن كان لا ينصح به للسيدات

http://www.nilemotors.net/Forum/viewtopic.php?t=2608

وأنا سمعت إن اللادا 2107 الروسي دريكسيونها أخف من المصري لكن أنا جربت المصري موديل 2006 وكان تقيل زي كل اللادا 2107 السابقة

وفي جميع الحالات الباور نزل في التوكيل لو حد عايز يركبه بحوالي 2500 جنيه
يعني مشكلة الدركسيون تم حلها بنسبة معقولة

لكن اللادا بالنسبة لسعرها تعتبر سيارة مناسبة لثمنها جداً وملائمة للطرق المصرية المكسرة
وبالنسبة لعيوب البيض يتم التغلب عليها بالصيانة الدورية كل ثلاث شهور مثلاً
وبالنسبة للكرونة يتم ملاحظتها دائما وفي حالة ظهور زيت من جوان الكرونة أو من أويلسيل العجل الخلفي يتم صيانتهم فوراً لأن تطنيشهم يعني 1000 جنيه كرونة

بإختصار هذه مقارنة بينها وبين ال 128 في الموضوع التالي :

http://www.nilemotors.net/Forum/viewtopic.php?t=6400

[ibrahimsaad]

الف شكر ياباشمهندس احمد

وبارك الله فيك