تعليمات هامة لمالكى السيارات اللادا

[geco]

الاخ اللى فى الهرم انا بتعامل مع واحد عفشجى ممتاز بس مش عارف ينفع اكتب عنوان هنا ولا لأ
لو عربيتك انجكشن فانت مضطر للزفت التوكيل فى مشاكل الكهربا بس علشان الجهاز اللى بيكشف الاعطال
خلى ودنك مع العربيه بمعنى اى صوت غريب حتى لو كان بسيط اهتم بيه وعالجه مش تطنش علشان دا بدايه مشكله
عينيك على التابلوة من وقت للتانى وخاصه الحرارة
اهتم بنظافه العربيه عند الشاسيه
انا بعمل حاجه بالنسبه للبيض والعفشجى وافقنى عليها وهى احنا دايما بنشحم البيض دا العادى بس الشحم مع الوقت بيلم تراب وكده من الشارع
انا بقى بروح للعفشجى واخليه يفك البيض من مكانه ويغسله بجاز علشان كل اللى جواة ينزل وبعدين يركبه تانى وفى الاخر بشحم جرب وهاتشوف الفرق

[rami_hamad]

قسم اللادا نام تانى ولا ايه عايزين نصحصحه شويه يا جماعه .. انا معايا لادا 2107 كما ذكرت سابقا وفى مشكله ظهرت معايا انى لما باجى الف الدركسيون للاخر بسمع صوت تزيق سواء كان على سرعه قليله جدا او مرتفعه نسبيا ممكن الاعضاء الكرام الافاده فى الموضوع ده ولكم الشكر ..

[eng_omarnegm]

أستاذ حسام أنا معي لادا 2107 مو 2009 أسألك عن الباور فيها هي باور كامل و لا نصف باور لأني شخصيا مجربتش باور و كانت نقلتي للادا من فيات 128 و شكرا لكم

[zicooo2008]

جزاك الله خيرا معلومات قيمة جدا و بارك الله تعالى فيك

[agamy22]

مساء الفل ياحسام باشا
أولا
أنا عايز
أكون صديقك ثانيا لسه مشترى سياره لادا 2105مو 94 كلمة نظيفه شويه عليها (
فبريكه
)حاله نادره مرفوعه 5سنوات لكن
أولا سعرها 25000 هل السعر ده غالى ثانيا كان فيها حاجات بسيطه جدا وظبتها (طقم كهرباء كامل و زيوت وفلاتر ورومبيلات خلفيه وجلبة مقص ومساعد الحاجات صرفت عليا حوالى 375ج
)الجديد بأه إنها عايزه جكمان كامل لكن بعض الناس قالو لى عدى بيه الشتاء وغيره أول الصيف فهل هذا ينفع وشكرا ليك

[bobo_8000]

رد

موضوع مهم وشكرا على المجهود الرائع...

[Ahmed_BYD_F0]

بسم الله الرحمن الرحيم
شكرا يا باشا على النصائح الحلوة دى
وانا شخصيا استفدت منها جدااااااااااا
والى مزيد من الموضوعات المميزة
السلام عليكم ورحمة الله وبركاته

[TheBraveHeart]

أ. حسام
ارجو ان تتحمل ضحالة خبرتي في السيارات، و ربما اسئلتي الساذجة -لنقص الخبرة- و أشكرك مقدماً على الرد
انا اشتريت لاادا 2107 موديل 1991 من أكثر من عام، و لكن ليس لدي أي خبرة بكيفية عمل صيانة دورية لها، و كيفية ملاحظة أو اكتشاف اعطال العفشة -مثلاً- بها، و متى يجب تغيير سير الكاتينة (و بالمناسبة هو كوتش و ليس حديد)...ملحوظة أخرى : ألاحظ ذيادة إستهلاك البنزين بصورة مبالغ فيها جداً، فالثلاثون لتر بنزين (80 أوكتين) بيعملوا حوالي 100 كم أو أكثر قليلاً، علماً بأني لا أسير بها سوى بالطرق الداخلية و بسرعة لا تزيد عن 20 إلى 30 كم/س على أقسى تقدير بالنظر لأنها شوارع داخلية....
أنتظر منك الرد، و شكراً مرة أخرى

[abdosolomhod]

أ. حسام
ارجو ان تتحمل ضحالة خبرتي في السيارات، و ربما اسئلتي الساذجة -لنقص الخبرة- و أشكرك مقدماً على الرد
انا اشتريت لاادا 2107 موديل 1991 من أكثر من عام، و لكن ليس لدي أي خبرة بكيفية عمل صيانة دورية لها، و كيفية ملاحظة أو اكتشاف اعطال العفشة -مثلاً- بها، و متى يجب تغيير سير الكاتينة (و بالمناسبة هو كوتش و ليس حديد)...ملحوظة أخرى : ألاحظ ذيادة إستهلاك البنزين بصورة مبالغ فيها جداً، فالثلاثون لتر بنزين (80 أوكتين) بيعملوا حوالي 100 كم أو أكثر قليلاً، علماً بأني لا أسير بها سوى بالطرق الداخلية و بسرعة لا تزيد عن 20 إلى 30 كم/س على أقسى تقدير بالنظر لأنها شوارع داخلية....
أنتظر منك الرد، و شكراً مرة أخرى

استهلاك البنزين عندك عالى جدا لازم تراجع كهربائى نظيف وتشوف المشكله فين

[shasha850]

استهلاك البنزين عندك عالى جدا لازم تراجع كهربائى نظيف وتشوف المشكله فين

تقصد ميكانيكي او اخصائي كربراتير مش كهربائي

[body6789]

انا معايا 2107 موديل 95 بس البيض من غير مشاحم هل لازم انا اعملوا مشاحم ولا الافضل اخليه كده زى ماهوا وعايز اعرف يتغيرامتى ثانيا العربيه بتعلى وتوطى لوحديها وظبط الكربراتير والكهربا ودايما بحس انها مش مظبوطه أيه الحل

[GALALALDIN]

استهلاك البنزين عندك عالى جدا لازم تراجع كهربائى نظيف وتشوف المشكله فين

على السرعه دى انت اكيد على الغيار التانى واول الغيار التالت...يعنى لو انت دايس بنزين بنفس الطريقه بس على الغيار الرابع او الخامس كنت حا تعدى ال80كم\س
يعنى التلاتين لتر حايعملوا 3 او اربع اضعاف ال100 كم اللى بتقول عليهم
استهلاكك شبه طبيعى ..الغيارات بتاخد بنزين لما توصل لعزم الغيار
اكشف عليا على سبيل الاطمئنان..بس هى مش بطاله

[makkawy]

السلام عليكم عندي لادا 2107 وهي أول سيارة أشتريها وهي مستعملة وبحالة جيدة لكن الميكانيكي شافها وقال أن المكينة بتاعتها خفيفة مع العلم السيارة جيدة جداً لكن بتاكل زيت شوية وبيقول أنها محتاجة طقم شنبر تنصحوني بأيه

[medo162]

أنا اللى أعرفه عن الادا انها قويه وحمالة أسيه بس مش عارف ليه فيه موديلات ليها جميله وعصريه ومنشوفهاش هنا فى مصر زى لادا بريورا و سي كروس وغيرها

[zeeeeema]

السلام عليكم جميعا,
انا معروض عليا لادا 2112 حالتها كويسة 2005 بس في ناس بتخوفني منها انها بتسخن جامد و فيها جزء بيبوظ دايما هو شداد الموتور.
ممكن حد يكون جرب العربية يفيدنا؟؟؟
و مشكورين مقدما